ಕವಿತಾकविताPoem
Tin eppolam (- Ivan Miyar)
[kovita] Tin eppolam (- Ivan Miyar)
Tin eppolanchi kanni hea chear pongtechea kovitent vhalloyil'lo kovi totvginean xikomvcho pradhyopok bhovo sompea utramni kitench sanginastana sokkodd sangun veta. Ek eppol boibolachea poilea bukant devan rochl'lea poilea dadolean khel'lem - dharmik eppol. Dusrem vigeanantlem eppol, sor oisak nyuttonan sodhun kaddlelem jedonam rukauylem eppol zhoddun tachea tokler poddlem. Ani tisrem eppol tteknolojin dil'lem, sttivo zabsan dil'lem mobail. Ani aicho sogllo somsar hea eppolant (mobailant) rigla ani sogollean monoxa jivita dakoupachem zalam.
Hangasor osoloi bongostoll zala dekun kovi tea eppolank nirvog nastam khata toryi oprup poinappol katorn khata. Atam hem poinappol imajik somzuz ghemvchem tujer soddtam.
[kovita] Tin eppolam (- Ivan Miyar)
Tin eppolam poile eppol
odamv even bagent khelem
zottpott gilltana devak koll'llem
devo xiraplo
odamvchea sokur nollyek xirkalem
dusrem eppol
sor oisak nyuttonachea tokler poddlem
tannem voir sokla dekhlem
gurutvakorxonn niyom'
sodhun kaddlem
tisrem eppol
sttivo zabsan kamasallant rochlem
tem edexem oi-fon
amchea tollatar
somsarantlim eppolam dakounko soklem
hamv pap bauddo
disak ek eppol borem mhonntam
ani oprup ekek pauttim
poinappol katorn khatam!
- Songita Naik. [May, 2020]
ಕವಿತಾकविताPoem Nov 2023 Kovi ani Hokk-man
Cha.Fra. Bab DeCosta smarok Moineachi Kovita
More in Poinnari
ಕವಿತಾकविताPoem Feb 2025
Rosteadegechem ful [Diana Sharal Lobo]
ಕವಿತಾकविताPoem Oct 2020
Ken'nam punni utt'teleat ... (- Wilma Bantwal)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.