ಕವಿತಾकविताPoem
ಸತ್ ಆನಿ ಫಟ್ (- ಸ್ಟೇನಿ ಮೆಂಡೊನ್ಸಾ, ಯು.ಕೆ.)
[ಕವಿತಾ] ಸತ್ ಆನಿ ಫಟ್ (- ಸ್ಟೇನಿ ಮೆಂಡೊನ್ಸಾ, ಯು.ಕೆ.)
ಜೆದ್ನಾಂ ಮನಿಸ್ ಹ್ಯಾ ಸಂಸಾರಾಕ್ ಆಯ್ಲೆ ತೆದ್ನಾಂ ಸತ್ ಆನಿ ಫಟ್ ಸಯ್ತ್ ತಾಚೆಸವೆಂ ಆಯ್ಲೆಂ. ಅಶೆಂ ಆಯಿಲ್ಲೆಂ ಸತ್ ಆನಿ ಫಟ್ ಆಜ್ ಪಾಸೊನ್ ಆಸಾ. ಹ್ಯಾ ಸಂಸಾರಾಂತ್ ಖುನಿ ಜಾತಾತ್, ದೇಶ್-ರಾಜ್ವಟ್ಕಿ ಸಯ್ತ್ ಹಾಲ್ತಾ, ಅನೀತ್-ಅನ್ನ್ಯಾಯ್ ವ ಸಮಾಜಿಕ್ ಅಸಮಾನತಾ ಜಾತಾ ಹಾಚೆಂ ಮೂಳ್ ಕಾರಣ್ ಸತ್ ಆನಿ ಫಟ್. ಕೊಣಾಕ್ ಸತ್ ಬಂಡ್ವಾಳ್ ತರ್ ಕೊಣಾಕ್ ಫಟ್. ಆಯ್ಚೊ ಕಾಳ್ ಇತ್ಲೊ ಮುಕಾರ್ ಪಾವ್ಲಾ ಮ್ಹಳ್ಯಾರ್ ಸಭಾರ್ ಪಾವ್ಟಿಂ ಅಶೆಂ ಭಗ್ತಾ; ಸತ್ ಫಟಿಪರಿಂ ದಿಸುಂಕ್ ಲಾಗ್ಲಾಂ ಆನಿ ಫಟ್ ಸತಾಚೊ ವೇಸ್ ಪಾಂಗ್ರುನ್ ಸಂಸಾರಾಕ್ ಬನಾಯ್ತಾ. ಹೆಚ್ ಚಿಂತ್ಪಾಚ್ಯಾ ಪಾಠ್ಭುಂಯ್ಚೆರ್ ಉಭಿ ಕೆಲ್ಲಿ ಹಿ ಕವಿತಾ.
[ಕವಿತಾ] ಸತ್ ಆನಿ ಫಟ್ (- ಸ್ಟೇನಿ ಮೆಂಡೊನ್ಸಾ, ಯು.ಕೆ.)
ಸತ್ ಆನಿ ಫಟ್
"ಸತಾಚಿಚ್ ಜೀಕ್ ಜಾತಾ" ಆಯ್ಕಲಾಂ
ಹಾಂವೆಂ ಹೆಂ ಸಾಂಗ್ಣೆಂ ಪುಣ್ ಸತಾಚೆರ್
ಭರ್ವಸ್ಲೆಲ್ಯಾಂಚೆಂ ಮಾತ್ಯೆಂತ್ ಸಾರೆಂ ಜಾಲಾಂ
ಮಡೆಂ.... ಕಷ್ಟಿ ಮೆಟಾಂನಿ ಚಮ್ಕೊಂಚೆಂ ಸತ್ ಪರ್ಮಳ್ ಪರಿಸರಾಂತ್ ಭರ್ಚೆ ಆದಿಂ ವಾರ್ಯಾ ವೆಗಾನ್
ವಿಸ್ತರ್ಚೆ ಘಾಣಿನ್ ಫಟಿಂಚ್ಯಾ ಲ್ಹಾರಾಂನಿಂ ದರ್ಯೊ
ಭರ್ಲಾ.... ಬೊಲೆಂ ರಾನಾಂತ್ ಫಟಿಂಚೊ ಕಾಳೊಕ್ ಸತ್ ಸೊದಿತ್ ನೀತಿಚಿ ವಾಟ್ ನ್ಯಾಯ್ ಆನ್ಯಾಯ್ ನೆಣಾಂ
ಹಾಂವ್ ಫಟ್ಕಿರೊ ತೊ ಜೊಡ್ತಾ ಮಾನ್ ಅಜೂನ್ಯೀ
ಆಸಾ ಆದ್ಲೆಂ ಸಾಂಗ್ಣೆಂ "ಸತ್ಚ್ ಜಿಕ್ತೆಲೆಂ"
ಸಗಳ್ಯಾಂಚೆಂ ಮ್ಹಣ್ಣೆಂ ಮುಕಾರ್ಯೀ ಆಸ್ತೆಲೆಂ
ರಾಜ್ಚ್ ಫಟಿಂಚೆಂ ಮೊರ್ನಾ ಘಾಂಟಿಚೊ ಆವಾಜ್ ಜಾಗಯ್ತ್
ತೆದ್ನಾಂ....
- ಸ್ಟೇನಿ
ಮೆಂಡೊನ್ಸಾ, ಯು.ಕೆ.
[ನವೆಂಬ್ರ್, 2020]
ಸ್ಟೇನಿ ಮೆಂಡೊನ್ಸಾ:
ಯು.ಕೆಂತ್ ಅಪ್ಲ್ಯಾ ಕುಟ್ಮಾಸವೆಂ ವಸ್ತಿ ಕರುನ್ ಆಸ್ಚೊ
ಸ್ಟೇನ್ ಮೆಂಡೊನ್ಸಾ ಏಕ್ ಪದಾಂ ಘಡ್ಣಾರ್, ಗಾವ್ಪಿ ತಶೆಂಚ್
ಅಪ್ರೂಪ್ ಕವಿ ಸಯ್ತ್. ಹಾಚ್ಯಾದಿಂ ಸಯ್ತ್ ಹಾಚ್ಯೊ ಥೊಡ್ಯೊ
ಕವಿತಾ ದಾಯ್ಜ್.ಕೊಮ್ ಜಾಳಿಜಾಗ್ಯಾಂತ್ ತಶೆಂಚ್ ಥೊಡ್ಯಾ
ಕೊಂಕಣಿ ನೇಮಾಳ್ಯಾಂನಿ ಪರ್ಗಟ್ಲ್ಯಾತ್.
More in Poinnari
ಕವಿತಾकविताPoem Feb 2025
ಧಾಳ್ಯೊ [ಡೊ. ಝೀಟಾ ಲೋಬೊ]
ಕವಿತಾकविताPoem Oct 2020
ಕೆನ್ನಾಂ ಪುಣಿ ಉಟ್ತೆಲ್ಯಾತ್... (- ವಿಲ್ಮಾ ಬಂಟ್ವಾಳ್)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.