Rosteadegechem ful [Diana Sharal Lobo]

[Kovita] Rosteadegechem ful  [Diana Sharal Lobo]

Nibak fokot rostea degentlem ek ful, punn utram utramni somajechea kirkoll monxanchim mukhddim ugtem korn vechi hi kovita porot vachunk korchi opurbhayechi kovita. Somajik viddombonanchem marmik chitronn hea kovitent disun yeta ani hem chitronn vellakallak sori zaun oplem rup bodlun jieta ani monis ozun dolle asun kudd'ddo zaun jieta.

Bai ddoyana xarol lobo ek voicharik chintpachi, prostut dubhoi xerant vosti korun asa, konkonni toxench inglix ani her bhasentlem sahity soit vachta. Sanketikota (Symbolism) vhaprun boroyil'li hi kovita vachpeachea motint lamb kall poreant urchant dubhavo na. Bakhichem mezunk/mapunk tukach soddtam.

[Kovita] Rosteadegechem ful  [Diana Sharal Lobo]

Rosteadegechem ful

rosteadegechem sobhit ful tum

dekun sobarank tujer oblexi mog

rosmollea kesank ani mhomv tomvchea vonttank

gime-disamni mol matr vis. dhiram'

tambddea diveancho somsar nhoi tuzo

tanchi pojddi bhas tum nennam-i

giraikank opoinam-i

tori tum thoimsor jietai!

xennar boschea musam porim

kuddik tujea laletat dadle

onga voili sutam voddunk

dorog bottamni kudd tuji chenchunk

zovabdarechem khozan bhorcheak

sanddumn bhorvoso jivitacho

thoddeam poixeam khatir porki gamvant

viktai kudd, vis diramak!

- Diana Sharal Lobo [Febrer, 2025]

Diana Sharal Lobo: "DSP" namvan‌ konknnent‌ boromvchi ddoyana xorol‌ lobo, valensiachi. Vrit'ten‌ nors. Vachop‌, poinn‌ ani sinema tiche hoveas. Vaurak‌ lagun‌ prostut‌ dubamyt‌ vosti korta. Kon'noddo ani inglix‌ bhasamni-i‌ boroita̤.