ಕವಿತಾकविताPoem

ನಾಂ ತರ್ ತುಂ [- ಆನ್ನಿ ದೆ ಕೊಲ್ವಾಲೆ]

[ಕವಿತಾ] ನಾಂ ತರ್ ತುಂ [- ಆನ್ನಿ ದೆ ಕೊಲ್ವಾಲೆ]

ಜೆದ್ನಾ ಕಾಳ್ಜಾಚೆ ಖತ್ಕತೆ ಉಮಾಳೆ ಉತ್ರಾಂನಿ ಥೆಂಬೆ ಥೆಂಬೆ ಜಾವ್ನ್ ಗಳ್ತಾ ತೆದ್ನಾಂ ಉದೆಂವ್ಚಿ ಕವಿತಾ ಫಾತ್ರಾ ಕಾಳ್ಜಾಕ್ ಸಯ್ತ್ ಆಪಡ್ತಾ ಮ್ಹಣ್ಚ್ಯಾಕ್ ಹಿ ಕವಿತಾ ಗವಾಯ್ ದೀತ್

ಬಾಯ್ ಆನ್ನಿ ದೆ ಕೊಲ್ವಾಲೆ ಗೊಂಯ್ಚಿ ಕವಿ, ಲೇಖಕ್ ತಶೆಂಚ್ ತಿಯಾತ್ರಿಸ್ಟ್. ಆಯ್ಲೆವಾರ್ ಹಿಚ್ಯಾ ಕವಿತೆಂಚೊ ದುಸ್ರೊ ಜಮೊ ’ಶಿಕಾರಿ’ ಪರ್ಗಟ್ಲೊ. ಹಿಚ್ಯಾ ಕವಿತೆಚೊ ಸ್ವಾದ್ ಚಾಕುಂಕ್ ತುಕಾ ಉಲೊ ದಿತಾಂ

[ಕವಿತಾ] ನಾಂ ತರ್ ತುಂ [- ಆನ್ನಿ ದೆ ಕೊಲ್ವಾಲೆ]

ನಾಂ ತರ್ ತುಂ

ಮನ್ ಮ್ಹಜೆಂ

ಆಯ್ಜ್ ಕಿತ್ಯಾಕ್ ಅಶೆಂ ?

ಹಾತ್ ಮುಖಾರ್ ಯೆನಾತ್

ತರ್ ಬರವಂ ಕಶೆಂ ?

ಕಾಳ್ಜಾಂತ್ ಜಾಯ್ತೆಂ ಭಾವ್ಲಾಂ

ಮನಾಂತುಯ್ ತೆಂ ರಚ್ಲಾಂ

ಪುಣ್ ಹ್ಯೇ ಕಾಗ್ದಾ ಫಲಿರ್

ಹಾಡುಂ ಕಶೆಂ ?

ಹಾತ್ ಮುಖಾರ್ ಯೆನಾತ್

ತರ್ ಬರವಂ ಕಶೆಂ ?

ನಾಂ ತರ್ ತುಂ

ದೊಳ್ಯಾ ಮುಖಾರ್ ಆಯ್ಜ್

ಹ್ಯೇ ಫಲಿರ್ ಪಡ್ಟಾತ್

ಫಕ್ತ್ ಉತ್ರಾಂಚಿ ರಾಸ್

ನಾಂ ತಾತುಂತ್ ಭಾವ್ನಾಂ ನಾಂ ಕವ್ನಾಂ

ತರ್ ಕವಿತಾ ಹಾಂವ್ ರಚುಂ ಕಶೆಂ

ಕವಿತಾ ಹಾಂವ್ ರಚುಂ ಕಶೆಂ ?

- ಆನ್ನಿ ದೆ ಕೊಲ್ವಾಲೆ [ಸಪ್ಟೆಂಬರ್, 2019]