खरें कागत (- जेस फेर्नांडीस)

[कविता] खरें कागत (- जेस फेर्नांडीस)

सूऱ्यो उज्वाडाचें

[कविता] खरें कागत (- जेस फेर्नांडीस)

खरें कागत

मनश्या, तुका हांवें जिवीत दिलां

धवें कागत खरें

ताचेर तुवें चितावचें आसा रे

तुजें जिवीत पुरें.

अर्थाभरीत जिविताच्या मनश्या

तुजें तें जिवीत जांवचें.

करिना जाल्यार सगळेंच म्हजें कऱ्ये

कर्तलोय अधुरें.

चत्राय धर, खऱ्या कागदाचेर मनश्या

वेगीन चित्राय तुजें

ह्या जिविताचें कर मनश्या

एक सुंदर चित्र बरें.

चित्रायना आसतानां वेळ होगडायल्यार

दुस्मान वयर सर्तलो

आनी आपल्या चित्रान तुजें कागत

अपूण नेटयतलो.

त्या वेळार तुका रचलेल्या

देवाक पश्चाताप जातलो

मागीर सांग मनश्या तुज्या देवाक तूं

कितें जाप दितलो?.

- जेस फेर्नांडीस. [मार्च, २०२०]