ಜಾಯ್ರಾತ್ (- ಮಾ|ಬಾ|ಜೋಸ್ ಸಿಲ್ವೇರಾ)

[ಕವಿತಾ] ಜಾಯ್ರಾತ್  (- ಮಾ|ಬಾ|ಜೋಸ್ ಸಿಲ್ವೇರಾ)

ಮನಿಸ್ ಕೊಣ್‌ಯಿ ಜಾಂವ್, ಜಿಣ್ಯೆಂತ್ ಕಸ್ಲೊಯ್ ಪಾತ್ರ್ ತೊ ಖೆಳುಂದಿ, ಪುಣ್ ಸ್ವಪ್ಣಾಂ ಮ್ಹಳ್ಳಿಂ ದರೇಕಾ ಮನಶಾಕ್ ಆಸಾತ್ ಮ್ಹಣಚ್ಯಾಕ್ ಹಿ ಕವಿತಾ ಗವಾಯ್ ದಿತಾ.

[ಕವಿತಾ] ಜಾಯ್ರಾತ್  (- ಮಾ|ಬಾ|ಜೋಸ್ ಸಿಲ್ವೇರಾ)

ಜಾಯ್ರಾತ್

ಘಾರ್ಶೆ ದೊಳೆ, ಸೊಬಿತ್ ರುಪ್ಣೆಂ

ಸಿನೆಮಾ ಹಾಲಾಂತ್ ಇನ್ಟೆರ್ವಾಲಾಕ್ ಭೆಟ್ಲೆಂ

ಆದಿಂ ಕೆದ್ನಾಚ್ ಮೆಳುಂಕ್ ನಾಸ್ಲೆಂ

ಪುಣ್ ಆಯ್ಜುಚ್ ಅಶೆಂ ಕಿತ್ಯಾಕ್ ಗಾಯ್ ಹಾಸ್ಲೆಂ

ಮೊಗ್ ಮ್ಹಜೊ ತೆಂ ಜಿಕ್ಚೆಂ ಆಸ್ಲೆಂ

ದೆಖುನುಚ್ ದಿಸ್ತಾ ತೆಂ ಮುರ್ಗಟ್ಟಾಲೆಂ

ಲಕ್ಶಾಂತ್ ಮ್ಹಜ್ಯಾ ಕಾಯಂಚ್ ನಾ ಆಯ್ಲೆಂ

ಉಪ್ರಾಂತ್ ಥೊಡೆಂ ಥೊಡೆಂ ಸಮ್ಜುಂಕ್ ಲಾಗ್ಲೆಂ

ಎಕೆಚ್ ನದ್ರೆಂತ್ ಕಾಳಿಜ್ ಚರ್ಲೆಂ

ರುಪಾನ್ ತಿಚ್ಯಾ ದಿಪ್ಕಾವ್ನ್ ಸೊಡ್ಲೆಂ

ಖಿಣಾ ಭಿತರ್ ಕರಿತ್ ಮ್ಹಣ್ ಆಪ್ಲೆಂ

ಸಪ್ನಾಂತ್ ಪಾಸುನ್ ಯೆವ್ಜುಂಕ್ ನಾಸ್ಲೆಂ

ಕಂವ್ಳೆಂ ಮನ್, ರೊಕ್ಡೆಂಚ್ ಬುಲ್ಲೆಂ

ನೆಣಾರ್ ಜಾವ್ನ್ ಪಾವ್ಲ್ ಮಾರ್ಲೆಂ

ಭಾಯ್ಲ್ಯಾನ್ ಮ್ಹಾಕಾ ಉಕ್ಲುನ್ ಧರ್ಲೆಂ

ಭಿತರ್ಲ್ಯಾನ್ ಮಾತ್ರ್ ಪೊಖ್ರುನ್ ಖಾಲೆಂ

ಕಾನಾರ್ ಧರ್ ಸಾಂಗ್ಣೆಂ ಮ್ಹಜೆಂ

ಮೆಳ್ಟಾ ಥಂಯ್ ಸುಪ್ ನಾಂ ಧರ್ಚೆಂ

ಲಿಸಾಂವ್ ಆಮಿ ಶಿಕುನ್ ಘೆವಂಚೆಂ

ತುಕಾಯ್ ಘಡತ್, ಚತುರ್ ರಾವಂಚೆಂ

- ಮಾ|ಬಾ|ಜೋಸ್ ಸಿಲ್ವೇರಾ. [ಸಪ್ತೆಂಬ್ರ್, 2020]