ಕೊಂಕ್ಣಿ ಸಭ್ದಾಗರ್

[ಕೊಂಕ್ಣಿ ಸ್ಪರ್ಧೊ]: ಕೊಂಕ್ಣಿ ಸಭ್ದಾಗರ್

[ತುಮ್ಕಾಂ ಕಳಿತ್ ಆಸ್ಚೆ ಕೊಂಕ್ಣಿ ಮುಳಾಚೆ ಸಬ್ಧ್ ಆನಿ ತಾಂಚೊ ಅರ್ಥ್ ದಿಂವ್ಚೆ ಹೆರ್ ಸಬ್ಧ್ ಸಾಂಟೊ ಕರ್ನ್ ಆಮ್ಕಾಂ ಧಾಡಾ.]

ಕೊಂಕ್ಣಿ ಸಭ್ದಾಗರ್ - 1

ಮೊಕೊ [ನಾ.ಪ.] - ಕೆಂಳ್ಬ್ಯಾಚಿ ಲ್ಹಾನ್ ಸಸಿ

ವಾರ್ಜಿಕ್ [ಕ್ರಿ.ಪ] - ವಾದ್-ವಿವಾದ್, ತರ್ಕ್, ಸಂವಾದ್

ಶಿವ್ಡಿ [ನಾ.ಪ] - ಕೆಂಳ್ಬೊ/ಮಾಡ್/ಮಾಡಿಯೆಚಿ ತಕ್ಲಿ

ಕೊವ್ಡಿ [ನಾ.ಪ] - ಭಾತೆಣ್ (ಭಾತಾಸಮೇತ್) ಬಡಂವ್ಚಾಕ್ ವಾಪಾರ್ ಜಾಂವ್ಚೆಂ ರಿಪಾಂಚೆಂ ಮೇಜ್.

ಬಯ್ತಾಡ್ [ನಾ.ಪ] - ಭಾತೆಣಾಂತ್ಲೆಂ ಭಾತ್ ಝಡಂವ್ಚ್ಯಾಕ್ ಭಾತೆಣಾಚೆರ್ ಮಾರುಂಕ್ ಉಪೇಗ್ ಕರ್ಚಿ ಬೊಡಿ ವಾ ದಾಂಡೊ.

ಕಂಡಿ [ನಾ.ಪ] - ಪೊವ್ಲೆಂತ್ ತಯಾರ್ ಕೆಲ್ಲಿ ಎಕಾ ರಿತಿಚಿ ತೊಪಿ, ಚಡ್ತಾವ್ನ್ ಜಾವ್ನ್ ತಕ್ಲೆಚೆರ್ ವೊಜಿಂ ವ್ಹಾವಯ್ತೆಲಿಂ ತಕ್ಲೆಚೆರ್ ದವರ್ಚೆ ತಸ್ಲಿ.

ಗುರೊಂಬ್ [ನಾ.ಪ] - ಗಾದ್ಯಾಂನಿ ಕೊಸ್ತಾನಾ ವಾ ನೇಜ್ ಲಾಯ್ತಾನಾ ಪಾಟ್/ಆಂಗ್ ಭಿಜಾನಾಯೆ ಮ್ಹಣುನ್ ಖೊಲ್ಯಾಂನಿ ವಿಣ್ಲಲೆಂ ಎಕಾ ರಿತಿಚೆಂ ಕವಚ್ ವಾ ಪಾಂಗ್ರಣ್.

ಪೀಕ್ [ನಾ.ಪ] - ಬೆಳೆಂ, ಪಾನ್ಪೊಡ್ ಖಾವ್ನ್ ಜಾತಚ್ಚ್ ತೊಂಡಾಂತ್ಲಿ ತಾಂಬ್ದಿ ಶಿಂಪಿ.

ಪಿಕ್ತಾಂಡಿ [ನ.ಪ] - ಪಾನ್ಪಡ್ ಖೆಲ್ಲಿ ತೊಂಡಾಂತ್ಲಿ ಪೀಕ್ ಘಾಲ್ಚಾಕ್ ಆಸ್ಚೆಂ ಲ್ಹಾನ್ ಆಯ್ದಾನ್.

ಮಣಯ್ [ನಾ.ಪ] - ಬಸುಂಕ್ ಉಪೇಗ್ ಜಾಂವ್ಚೆಂ ಲ್ಹಾನ್ ಪೊಳೆಂ.

ಧಾಂಕ್ [ನಾ.ಪ] - ಕಸ್ರಿಚಿ ವಾಲ್ ವಚುಂಕ್ ಮ್ಹಣುನ್ ಖಾತರ್‌ಲ್ಲೆಂ ರುಕಾಡ್/ಖಾಂಬೆ.

ಧೆಂಕ್ [ಕ್ರಿ.ಪ] - ತೊಂಡಾಂತೂನ್ ಭಾಯ್ರ್ ಯೆಂವ್ಚೊ ಎಕಾ ಥರಾಚೊ ಉಸ್ವಾಸ್.

ಕೊಂಕ್ಣಿ ಸಭ್ದಾಗರ್ - 2

ನಿಂವಳ್ [ನಾ.ಪ] - ಚಡಾವತ್ ಜಾವ್ನ್ ಬಾಂಳ್ತಿಕ್ ಕರುನ್ ದಿಂವ್ಚಿ ಕಡಿ

ನಿಬೊರ್ [ನಾ.ವಿ] - ಶಿಜಾನಾತ್‌ಲ್ಲೆಂ ಶಿತ್ ವಾ ಕಣ್

ಇರ್ನೆಂ [ನಾ.ಪ] - ರುಕಾಡ್ ತಾಸುಂಕ್ ವಾಪಾರ್ಚೆಂ ಹಾತೆರ್

ಇರ್ಜತಾ [ಕ್ರಿ.ಪ] - ಸಾರ್ಕೆ ರಿತಿನ್ ಉಕಡ್ನಾಸ್ಚಿ ಸ್ಥಿತಿ

ತಟ್ಟಿ [ನಾ.ಪ] - ಜನೆಲಾಂಕ್ ಧಾಂಪುಂಕ್ (ಪಾವ್ಸಾಚ್ಯಾ ವೆಳಾರ್) ಉಪೇಕ್ ಕರ್ಚಿ ಮೊಡೊಲಾಂನಿ ವಿಣ್ಲಲೆಂ ಕವಚ್.

ಖುರ್ [ನಾ.ಪ] - ಗೊಬೊರ್ ಮಾಂಡ್ಲಲೆಂ ರಾಂದ್ಣಿಚೆಂ ಆಂಗ್ ವಾ ಸುವಾತ್. (ಧಾಖ್ಲೊ: ರಾಂದ್ಣಿಚಿ ಖುರ್)

ಬೆಸೊರ್ [ಕ್ರಿ.ಪ] - ವಾಂವ್ಟ್ ವಾ ಮಿನತ್

ಹಂಬಾಕಿ [ನಾ.ವಿ] - ದಗಲ್ಬಾಜಿ ಮನಿಸ್

ಆಥ್ವೊ [ನಾ.ವಿ] - ಪರ್ಕೊ/ಬೊಲ್ತೊ

ಬೊಂಡಿ [ನಾ.ಪ] - ಗಡಾಯಾಚಿ ತುದಿ ವಾ ಪೋಂತ್

ಕಾಂಡಿ [ನಾ.ಪ] - ಕೆಂಳ್ಬ್ಯಾಚೆಂ ತೀರ್ಳ್

[ಪಯ್ಣಾರಿ.ಕೊಮ್ ವಾಟ್ಸಾಪ್ ಪಂಗ್ಡಾಂತ್ ಆಸಾ ಕೆಲ್ಲ್ಯಾ ದಿಸಾಳೊ ಕೊಂಕ್ಣಿ ಕ್ವಿಜ್. ದಸೆಂಬರ್, 2016]

ಇನಮಾಂ ಜಿಕ್ಲೆಲ್ಯಾ ಸರ್ವಾಂಕ್ ತಿಂ ಇನಾಮಾಂ (ಕೊಂಕ್ಣಿ ಬೂಕ್) ಸ್ಪರ್ದ್ಯಾಚ್ಯಾ ಅಖೆರಿಕ್ ಧಾಡುನ್ ದಿತೆಲ್ಯಾಂವ್

ಸಾರ್ಕ್ಯೊ ಜಾಪಿ ದಿವುನ್ ಇನಾಮಾಂ ಜಿಕ್ಲೆಲ್ಯಾಂಚಿಂ ನಾಂವಾಂ

ಕೊಂಕ್ಣಿ ಸಭ್ದಾಗರ್ - 1: ಜಿಯೋ ಆಗ್ರಾರ್

ಕೊಂಕ್ಣಿ ಸಭ್ದಾಗರ್ - 2: ಡಾ|ಎಡ್ವರ್ಡ್ ಎಲ್. ನಜ್ರೆತ್