कोंकणिंतल्यो आध्यातमीक कविता-चेर राष्ट्रीय परिसंवाद

"Religion is like the peel of a banana, but spirituality is like the banana" (धरम म्हळ्यार केळ्याचा सालिपरिं, पुण आध्यातमिकता म्हळ्यार केळ्यापरिं. आध्यातमिकता म्हळ्यार इगर्ज/खुरिस वा मंदित/मसजीद न्हय. पुण कोंकणिंत कितलेशे कवी हें उंचल्या चिंतपाक चिंतुंक सकचे? समग्र कोंकणिंत (कोंकणिंतल्या सरव लिपिंतल्या कवितेंक धरून) ह्या विश्याचेर खोलाय़ेन अध्ययन जांवचें हेंच पयले पावटीं. रोमी, कन्नड आनी दॆवनागरी लिपिंनी अपरूप थरयी ह्या चिंतपाच्यो कविता बरयिल्ले कवी आसात आनी तांच्यो कविता आमी अध्ययन करुंक जाय. आमिं आमच्या मतिंतल्यो अशीर चिंतपाच्यो वाटो बदलून विस्तारित, गिन्यानित वाटेन एकामेका सांगाता चलची गरज आसा. हेच इराद्यान आशावादी प्रकाशन, दल्गादो कोंकणी अकाडेमिच्या सहभागितवांत कार्मेल कोलेजिच्या सभांगणांत जनेर २२ तारिकेक एका दिसाचें राष्ट्रीय मट्टाचें परिसंवाद कारयें मांडुन हाडता.

ह्या परिसंवादांत समग्र कोंकणिंतल्यो आध्यातमीक कविता: दो.चंद्रलॆख डिसोजाच्या अध्यक्ष्‌पणार च्यार प्रपतरां सादर जातलिं.

१. मा. बा. प्रताप नाय्क (जे.स.) हांच्या कवितेंचेर प्रपतर मांडता: मा. बा. जॆसन पिंटो उद्यावर

२. प्रकाश पडगांवकार हांच्या कवितेंचेर प्रपतर मांडता: प्रा. अंजु साखर्‌दांडे (देंपे महाविध्यालयाच्या कोंकणी विभागाची मुखेस्त)

३. जेस फेर्नांडिस हांच्या कवितेंचेर प्रपतर मांडता: बाय पूजा सांगोडकार

४. आंड्र्यू एल डिकुन्हा हांच्या कवितेंचेर प्रपतर मांडता: क्लेरेन्स फेर्नांडिस (नानु मरोल तोट्टाम)

हेच संधर्भार बाब प्रकाश द. नाय्क हांच्या अध्यक्ष्‌पणार कोंकणी कविगोश्टी चल्तलि. वांटेली जांवचे कवी:

चार्ल्स लोबो, मंगळूर

विजयकुमार एन मल्य, कोचीन

शैलेंद्र मेहता, गोंय

राजश्री सैल, गोंय

उदय एन. म्हांब्रो, गोंय

उर्जिता भोबे, गोंय

आंड्र्यू एल. डिकुन्हा, मंगळूर

दो. जयंती नाय्क, गोंय

परिसंवादाचें उगतावण: प्रा. दो. आल्दिन्हा ब्रगांज (प्रिन्सिपाल, कार्मेल कोलेज नुवें, गोंय)

येवकार उलव्प: बाब सेल्सो फेर्नांडीस (अध्यक्ष, दल्गादो कोंकणी अकाडेमी)

मुखेल सयरो: आंड्र्यू एल. डिकुन्हा (नामनेचो कवि, कविता ट्रस्टाचो कारयदर्शी)

धिनवास उलव्प: वल्ली क्वाड्रस (आशावादी प्रकाशन)

पुस्तक लोकारपण सुवाळो:

आशावादि-२५ (पयणारी दशमानोत्सव अंको) - आशावादी प्रकाशनाचें १००-वें पुस्तक लोकारपण

एक नवो संसार (कथासंग्रह, मा. चॆतन लॊबो) - उगतावण: चार्ल्स लॊबो, मंग्ळुर

आमगेल्यो कोंकणी काणियो (कथासंग्रह, मा. जॆसन पिंटो) - उगतावण: विनसी क्वाडस

WFH आनी हेर कथा (कथासंग्रह, वल्ली क्वाड्रस) - उगतावण: डो. जयंती नाय्क

अंतर मन (कवितासंग्रह, उर्जिता भोबे) - उगतावण: फ्रान्सिस डिकुन्हा, मंगळूर

साळकाच्या सिरिवंताच्यो कथा (अध्ययन, कथापाठ शिंकळ IV) - उगतावण: अंजु साखर्‌दांडे

चल दॊन चंदरांक (अध्ययन, कथापाठ शिंकळ III) - उगतावण: शैलॆंद्र मेह्ता

कथाविहान (अध्ययन, कथापाठ शिंकळ III) - उगतावण: राजश्री सैल

कथापाठ (अध्ययन, कथापाठ शिंकळ V & VI) - उगतावण: डो.चंद्रलॆख डिसॊज

आशावादि-२५ (इ-पुस्तक, कन्नड लिपिंत) - डिजिटल उगतावण: संधॆश प्रभुदॆसाय (संपादक, गॊवान्यूस)

आशावादि-२५ (इ-पुस्तक, नागरी लिपिंत) - डिजिटल उगतावण: दिनॆश मणॆरकार (संजना पब्लिकॆशन्स, गोंय)