[खबर] ‘सेवक’ कोंकणी महिन्याळ्याचो वज्रोत्सव संभ्रम
१९५९ वेर अरंभ जाल्लें कोंकणी महिन्याळें ‘सेवक’ पत्राचो वज्रोत्सव संभ्रम जनेर १ र बेंदूर सांत आग्नेस स्पेषल स्कूल मयदानार चल्लो. मंगळूरचो धर्माध्यक्ष दोतोर पीटर पावल सलडान्हा मुकेल सयरो जावन आयिल्लो. आन्येकलो मुकेल सयरो कापुचिनांचो व्हडील दोतोर आलवीन डयास हाणे चेतन कापुचीन हाचो माध्यम लेखनां पुंजो ‘मीडिया’ लोकार्पण केलो. पत्राच्या आधल्या संपादकांक आनी पोषकांक सन्मान केलो. वेदीर काऱ्याचो पोषक मायकल डी’सोजा दुबाय, जोसेफ मतायस, दुबाय, कोंकण मैना मीना रेबिंबस आनी हेर हाजर आसलीं.
सांत आन्न फ्रायरिचो व्हडील बा| मेलवीन डी’सोजान स्वागत कर्न, संपादक बा| प्रकाश डी’सोजान वर्दी वाचली. बा| चेतन लोबोन सर्वांचो आभार मांदलो. बा| जेसन पायस आनी बा| जवाहर कुटिनो हाणी काऱ्यें चलयलें. ‘नतालांचें नवाल’ प्रदर्शन आनी विलफी रेबिंबस पंगडान कुटमा पदांची सांज सादर केली.
