[Khobor] Osturi Sahiteacher Raxttri-i Mott'ttachem Webinar

Konknnintlea Osturi Sahiteacher Raxttri-i Mott'ttachem Webinar

19 Jun 2021: Ashawadi Prakashan Mumboi, Carmel Colez Nuvem-Gõy toxench Sam|Agnes Colez Mongllur hanchea zodd palomvakhal ’Konknnintlea Osturi Sahiteacher’ Raxttri-i Mott'ttachem Webinar Jun 19 tariker chol'lem. "Osturicho patr fokot kujnant nhoi, bogar somajent dadleak sori zaun ascho ani hea dixen poilem doreka osturen somzun, osturichim hokkam, osturichim somvedonam sahitearupar obhivyokt korchi goroz asa" oxem vebinarachem sunkann ghet‌l'lea Besentt Colejichea potrikudhyom' vibhagachi mukhesot konknni kovi/lekhki Bai Smita Shennoy hinnem yeukar uloupant sanglem.

Carmel Colejichea prinsipal Do|Aldina Braganzan ugtaunn uloupant "ek somaz vicharamni matr mukar veta ani vichar vaddomvchea dixen sahity ek bollvont hater. Az vachpi unne zaun yemvchea kallar, ddijittol madhyomacho thenko gheun konknnintlea osturi sahiteak zokto pattimbo dimvchi gorz asa" mhonnali. Ugtaunn sondhexant bhoinn Do|Venissan "konknni amchi auy‌bhas ani ticho pos korchi gorz ami soglleamni poili somzunchi ani pattlea eka xekddea thaun somajent osturen soit mukar yeun dadleak sori zaun zovabhodarent khand marla toxem osturek sahiteant toxench doreka xetant muklim paulam kaddchi urbha ani preronn labhundi" mhonnali.

Konknnintolem osturinchem ’o sturi sahity’ vixeacher ek kholayechem odhyoin probondhak kornattok konknni sahity okaddemichi don pauttim pursokar zoddpi bai Tara Lovi Gonjimotth hinnem sador korun Gõy, Maharaxttr, Keroll toxench Kornattokant sahitik vaur kel'lea osturi lekhikanchea vauracher uloun, "osturik dadleak soman sthan-man labhana" mhonnali.

’Novi Disha’ kothecher ek kholayechem vixlexonn probondhak Gõychea Bai Urjita Bhoben sador kortoch, promuk uloupi HM Pernallan " ’osturi sahity’ ek vistar vixoi. Hangasor osturen boryil'lem sahity toxench ’osturi vixeacher boryil'lem sahity’ soit mohtvachem. Konknnint osturi sahity fulon yeunk zai" mhonnalo. Xoilendr mehtan ’Novi Disha’ pustokachi vollok korun "Bai Monikachea doreka kothentole vixoi sokallik zaunasat, ani he vixoi probud'd ritin utramvchea dixen thoddi minot kelear konknnichea fuddarant ek bori lekhika zamvcheant dubhavo na" mhonnalo.

Tye uprant Ashawadi Prakashanan Nagari lipiek lipiyontor kel'lea ddijittol pustokachem mokllik kel'lea Bryan Mathiasan "aicho dis ontor‌raxttri-i mott'ttar ghovancho dis zaunasun, mhojea potinnechem i-pustok mokllik korunk mhaka vorto sontos toxench obhiman bhogta" mhonnalo. Bai Monika DSa’n oplea uloupant "Sahiteachi vodd mhaka bhurgeaponnar as‌l'li toxench mhojeo sobhar kotha potramni por‍gott zal'leo punn eka pustokarupar porgottochem soponn jeari kel'lea Ashawadi Prakashanak toxench porgamvak pavo‌l'lea uprant porot likhni mukharun vhorunk ut'tezon dil'lea kittall zallizageak ople dhinvas" mhonnali.

Tye uprant chol‌l'lea somvad kareant uloun tinnem ’fottografi/pemytting ani likhnni - hea don hoveasam poikint opnnak likhnni khais zata’ mhonnali. Somvadant Do|Austin Prabhu, Do|Willie Da’Silva, Concepta Fernandes Alva, Pascal Lobo Mumboi, Melwyn Rodrigues, Smitha Shennoy hannim vantto ghetlo.

Queenie Viegasan dhinvas patthoile. Smita Shennoyn hem webinar choloun vhelem.