[खबर]  कोंकणी भाशा मंडळ, गोंयचे पुरस्कार जाहीर

कोंकणी भाशा मंडळ, गोंयचे पुरस्कार जाहीर

कोंकणी भाशा मंडळ, गोंयचो 58वो वर्धापन दीस 30 सप्टेंबर 2020 दिसा ऑनलायन माध्यमांतल्यान जातलो. जेश्ठ साहित्यीक आनी लोकवेद संशोधक भोवमानेस्त जयंती नायक ह्या वेळार मुखेल सोयरी म्हणून हजर आसतली.

सांजेच्या 5.00 वरांचेर जावपी ह्या सुवाळ्याक मंडळाचे वर्सुकी साहित्य, सेवा, शिक्षण, पत्रकारिता, स्तंभलेखन, बाल साहित्य आनी कार्यकर्तो पुरस्कार प्राप्त जैतिवंतांचीं उलोवपां ऑनलायन माध्यमांतल्यान जातलीं. तशेंच तांच्यो प्रतिक्रिया प्रेक्षकांक आयकूंक मेळटल्यो. ऑनलायन पद्दतीन जावपी 30 सप्टेंबराचे कार्यावळींत कोंकणी गीत आनी नाचांची कार्यावळ मंडळान आसपावीत केल्या. ही कार्यावळ चडांत चड मनभुलवणी करपाचो मंडळाचो हावेस आसा. ही कार्यावळ मंडळाच्या

https://www.facebook.com/KonkaniBhashaMandal ह्या फेसबूक पेजीचेर लायव्ह आसतली.

मानेस्तांक पुरस्कार भेटोवपाचो सुवाळो कोवीड-19 महामारीची परिस्थिती सुदारल्या उपरांत मंडळ घडोवन हाडटले.

कोंकणी भाशा मंडळाचे बरें मागपी तशेंच साहित्य रसिकांनी ह्या सुवाळ्याक मुजरत हजर रावचें असो उलो मंडळाची अध्यक्ष अन्वेषा सिंगबाळ हांणी मारला.

2020 वर्सांचे पुरस्कार सकयल दिल्ले प्रमाण आसात:

कोंकणी भाशा मंडळ पुरस्कृत सेवा पुरस्कारः

भो. हरिश्चंद्र नागवेंकार

सॅराफीन कॉता पुरस्कृत फॅलिस्यु कार्दोज यादस्तीक शिक्षक पुरस्कारः

भो. डॉ. प्रकाश वजरीकार

जुजे पियेदाद क्वाद्रुस यादस्तीक कार्यकर्तो पुरस्कारः

भो. सर्गेस्त. नित्यानंद नायक

लिगोरियो फुर्ताद ट्रस्ट पत्रकारिता पुरस्कारः

भो. जुजे साल्वादोर फेर्नांडीस

दिनेश मणेरकार पुरस्कृत चंद्रकांत केणी यादस्तीक स्तंभलेखन पुरस्कार:

भो. उल्हास नायक

दिनेश मणेरकार पृरस्कृत रामनाथ मणेरकार यादस्तीक अणकार पुरस्कार:

भो. माणिकराव राम नायक गावणेकार (पुस्तक - श्री रामकृष्ण अमृतवाणी)

स. नरसिंह दामोदर नायक यादस्तीक साहित्य पुरस्कार:

एंटनी बारकूर (पुस्तक - मांसां, कथासंग्रह)

स. रॉक बार्रेटो यादस्तीक साहित्य पुरस्कार:

शैलेंद्र मेहता (पुस्तक - सिसिफस तेंगशेर, कवितासंग्रह)

कोंकणी भाशा मंडळ साहित्य पुरस्कार:

मारिओ मिनेझिस (शिरलो, तियात्र)

मनोहरराय सरदेसाय यादस्तीक बाल साहित्य पुरस्कारः

नयना आडारकार (पुस्तक - बेलाबांयचो शंकर आनी हेर काणयो)

परिक्षक मंडळ

• साहित्य पुरस्कार - डॉ. प्रकाश वजरीकार, वसंत भगवंत सावंत आनी ग्वादालूप डायस

• बाल साहित्य पुरस्कार - प्रशांती तळपणकार, रामनाथ गावडे आनी रत्नमाला दिवकार

• सेवा पुरस्कार - फावस्तो दा कोस्ता, संदेश प्रभुदेसाय आनी झिलू गांवकार

• कार्यकर्तो पुरस्कार - डॉ. प्रकाश पर्येंकार, सॅराफीन कोता आनी प्रशांत नायक

• शिक्षक पुरस्कार - अरुणा पाटणेकार, सुदेश नायक आनी अनंत अग्नी

• पत्रकारिता आनी स्तंभलेखन पुरस्कार - मार्कुस गोन्साल्वीस, तुकाराम शेट आनी अनील पै