[ಖಬರ್] ಕೊಂಕ್ಣಿ ಭಾಶಾ ಮಂಡಳ್, ಗೊಂಯ್ಚೆ ಪುರಸ್ಕಾರ್ ಜಾಹೀರ್

ಕೊಂಕ್ಣಿ ಭಾಶಾ ಮಂಡಳ್, ಗೊಂಯ್ಚೊ 58ವೊ ವರ್ಧಾಪನ್ ದೀಸ್ 30 ಸಪ್ಟೆಂಬರ್ 2020 ದಿಸಾ ಎನಲಾಯನ್ ಮಾಧ್ಯಮಾಂತ್ಲ್ಯಾನ್ ಜಾತ್ಲೊ. ಜೆಶ್ಠ್ ಸಾಹಿತ್ಯೀಕ್ ಆನಿ ಲೊಕ್ವೆದ್ ಸಂಶೊಧಕ್ ಭೊವ್ಮಾನೆಸ್ತ್ ಜಯಂತಿ ನಾಯ್ಕ್ ಹ್ಯಾ ವೆಳಾರ್ ಮುಖೆಲ್ ಸೊಯ್ರಿ ಮ್ಹಣೂನ್ ಹಾಜರ್ ಆಸ್ತಲಿ.

ಸಾಂಜೆಚ್ಯಾ 5.00 ವರಾಂಚೆರ್ ಜಾವ್ಪಿ ಹ್ಯಾ ಸುವಾಳ್ಯಾಕ್ ಮಂಡ್ಳಾಚೆ ವರ್ಸುಕಿ ಸಾಹಿತ್ಯ್, ಸೆವಾ, ಶಿಕ್ಷಣ್, ಪತ್ರಕಾರಿತಾ, ಸ್ತಂಬ್‌ಲೇಖನ್, ಬಾಲ್ ಸಾಹಿತ್ಯ್ ಆನಿ ಕಾರ್ಯಕ್ರ್ತೊ ಪುರ್ಸ್ಕಾರ್ ಪ್ರಾಪ್ತ್ ಜೈತಿವಂತಾಂಚಿಂ ಉಲೊವ್ಪಾಂ ಎನಲಾಯನ್ ಮಾಧ್ಯಮಾಂತ್ಲ್ಯಾನ್ ಜಾತ್ಲಿಂ. ತಶೆಂಚ್ ತಾಂಚ್ಯೊ ಪ್ರತಿಕ್ರಿಯಾ ಪ್ರೆಕ್ಷಕಾಂಕ್ ಆಯ್ಕೂಂಕ್ ಮೆಳ್ತಲ್ಯೊ.

 ಎನಲಾಯನ್ ಪದ್ದತೀನ್ ಜಾವ್ಪಿ 30 ಸಪ್ಟೆಂಬರಾಚೆ ಕಾರ್ಯಾವಳೀಂತ್ ಕೊಂಕ್ಣಿ ಗೀತ್ ಆನಿ ನಾಚಾಂಚಿ ಕಾರ್ಯಾವಳ್ ಮಂಡ್ಳಾನ್ ಆಸ್ಪಾವೀತ್ ಕೆಲ್ಯಾ. ಹಿ ಕಾರ್ಯಾವಳ್ ಚಡಾಂತ್ ಚಡ್ ಮನ್ಭುಲವಣಿ ಕರ್ಪಾಚೊ ಮಂಡ್ಳಾಚೊ ಹಾವೆಸ್ ಆಸಾ. ಹಿ ಕಾರ್ಯಾವಳ್ ಮಂಡ್ಳಾಚ್ಯಾ

https://www.facebook.com/KonkaniBhashaMandal ಹ್ಯಾ ಫೆಸ್ಬೂಕ್ ಪೆಜೀಚೆರ್ ಲಾಯ್ವ್ಹ್ ಆಸ್ತಲಿ.

ಮಾನೆಸ್ತಾಂಕ್ ಪುರಸ್ಕಾರ್ ಭೆಟೊವ್ಪಾಚೊ ಸುವಾಳೊ ಕೊವೀಡ್-19 ಮಹಾಮಾರೀಚಿ ಪರಿಸ್ಥಿತಿ ಸುದಾರ್ಲ್ಯಾ ಉಪ್ರಾಂತ್ ಮಂಡಳ್ ಘಡೊವ್ನ್ ಹಾಡ್ಟಲೆ.

ಕೊಂಕ್ಣಿ ಭಾಶಾ ಮಂಡ್ಳಾಚೆ ಬರೆಂ ಮಾಗ್ಪಿ ತಶೆಂಚ್ ಸಾಹಿತ್ಯ್ ರಸಿಕಾಂನಿ ಹ್ಯಾ ಸುವಾಳ್ಯಾಕ್ ಮುಜ್ರತ್ ಹಾಜರ್ ರಾವ್ಚೆಂ ಅಸೊ ಉಲೊ ಮಂಡ್ಳಾಚಿ ಅಧ್ಯಕ್ಷ್ ಅನ್ವೆಷಾ ಸಿಂಗ್ಬಾಳ್ ಹಾಂಣಿ ಮಾರ್ಲಾ.

2020 ವರ್ಸಾಂಚೆ ಪುರಸ್ಕಾರ್ ಸಕಯ್ಲ್ ದಿಲ್ಲೆ ಪ್ರಮಾಣ್ ಆಸಾತ್:

ಕೊಂಕ್ಣಿ ಭಾಶಾ ಮಂಡಳ್ ಪುರ್ಸ್ಕೃತ್ ಸೆವಾ ಪುರಸ್ಕಾರ್:

ಭೊ. ಹರಿಶ್ಚಂದ್ರ್ ನಾಗ್ವೆಂಕಾರ್

ಸೆರಾಫೀನ್ ಕೊತಾ ಪುರ್ಸ್ಕೃತ್ ಫೆಲಿಸ್ಯು ಕಾರ್ದೊಜ್ ಯಾದ್ಸ್ತೀಕ್ ಶಿಕ್ಷಕ್ ಪುರಸ್ಕಾರ್:

ಭೊ. ಡೊ. ಪ್ರಕಾಶ್ ವಜ್ರೀಕಾರ್

ಜುಜೆ ಪಿಯೆದಾದ್ ಕ್ವಾದ್ರುಸ್ ಯಾದಿಸ್ತಿಕ್ ಕಾರ್ಯಕರ್ತ್ ಪುರಸ್ಕಾರ್:

ಭೊ. ಸರ್ಗೆಸ್ತ್. ನಿತ್ಯಾನಂದ್ ನಾಯ್ಕ್

ಲಿಗೊರಿಯೊ ಫುರ್ತಾದ್ ಟ್ರಸ್ಟ್ ಪತ್ರಕಾರಿತಾ ಪುರಸ್ಕಾರ್:

ಭೊ. ಜುಜೆ ಸಾಲ್ವಾದೊರ್ ಫೆರ್ನಾಂಡೀಸ್

ದಿನೆಶ್ ಮಣೆರಕಾರ್ ಪುರ್ಸ್ಕೃತ್ ಚಂದ್ರಕಾಂತ್ ಕೆಣಿ ಯಾದಿಸ್ತಿಕ್ ಸ್ತಂಭ್ಲೆಖನ್ ಪುರಸ್ಕಾರ್:

ಭೊ. ಉಲ್ಹಾಸ್ ನಾಯ್ಕ್

ದಿನೆಶ್ ಮಣೆರಕಾರ್ ಪೃರಸ್ಕೃತ್ ರಾಮ್ನಾಥ್ ಮಣೆರಕಾರ್ ಯಾದಿಸ್ತಿಕ್ ಅಣ್ಕಾರ್ ಪುರಸ್ಕಾರ್:

ಭೊ. ಮಾಣಿಕರಾವ್ ರಾಮ್ ನಾಯ್ಕ್ ಗಾವ್ಣೆಕಾರ್ (ಪುಸ್ತಕ್ - ಶ್ರಿ ರಾಮಕೃಷ್ಣ್ ಅಮೃತವಾಣಿ)

ಸ. ನರ್ಸಿಂಹ್ ದಾಮೊದರ್ ನಾಯ್ಕ್ ಯಾದಿಸ್ತಿಕ್ ಸಾಹಿತ್ಯ್ ಪುರಸ್ಕಾರ್:

ಆಂಟನಿ ಬಾರ್ಕೂರ್ (ಪುಸ್ತಕ್ - ಮಾಂಸಾಂ, ಕಥಾಸಂಗ್ರಹ್)

ಸ. ರೊಕ್ ಬಾರೆಟ್ಟೊ ಯಾದಿಸ್ತಿಕ್ ಸಾಹಿತ್ಯ್ ಪುರಸ್ಕಾರ್:

ಶೈಲೆಂದ್ರ್ ಮೆಹ್ತಾ (ಪುಸ್ತಕ್ - ಸಿಸಿಫಸ್ ತೆಂಗ್ಶೆರ್, ಕವಿತಾಸಂಗ್ರಹ್)

ಕೊಂಕ್ಣಿ ಭಾಶಾ ಮಂಡಳ್ ಸಾಹಿತ್ಯ್ ಪುರಸ್ಕಾರ್:

ಮಾರಿಒ ಮಿನೆಝಿಸ್ (ಶಿರ್ಲೊ, ತಿಯಾತ್ರ್)

ಮನೊಹರರಾಯ್ ಸರ್ದೆಸಾಯ್ ಯಾದಿಸ್ತಿಕ್ ಬಾಲ್ ಸಾಹಿತ್ಯ್ ಪುರಸ್ಕಾರ್:

ನಯ್ನಾ ಆಡಾರಕಾರ್ (ಪುಸ್ತಕ್ - ಬೆಲಾಬಾಂಯಚೊ ಶಂಕರ್ ಆನಿ ಹೆರ್ ಕಾಣ್ಯೊ)

ಪರಿಕ್ಷಕ್ ಮಂಡಳ್

• ಸಾಹಿತ್ಯ್ ಪುರಸ್ಕಾರ್ - ಡೊ. ಪ್ರಕಾಶ್ ವಜ್ರೀಕಾರ್, ವಸಂತ್ ಭಗ್ವಂತ್ ಸಾವಂತ್ ಆನಿ ಗ್ವಾದಾಲೂಪ್ ಡಾಯ್ಸ್

• ಬಾಲ್ ಸಾಹಿತ್ಯ್ ಪುರಸ್ಕಾರ್ - ಪ್ರಶಾಂತಿ ತಳ್ಪಣಕಾರ್, ರಾಮ್ನಾಥ್ ಗಾವ್ಡೆ ಆನಿ ರತ್ನಮಾಲಾ ದಿವ್ಕಾರ್

• ಸೆವಾ ಪುರಸ್ಕಾರ್ - ಫಾವುಸ್ತೊ ದ’ಕೊಸ್ತಾ, ಸಂದೆಶ್ ಪ್ರಭುದೆಸಾಯ್ ಆನಿ ಝಿಲು ಗಾಂವ್ಕಾರ್

• ಕಾರ್ಯಕ್ರ್ತೊ ಪುರಸ್ಕಾರ್ - ಡೊ. ಪ್ರಕಾಶ್ ಪರ್ಯೆಂಕಾರ್, ಸೆರಾಫೀನ್ ಕೊತಾ ಆನಿ ಪ್ರಶಾಂತ್ ನಾಯ್ಕ್

• ಶಿಕ್ಷಕ್ ಪುರಸ್ಕಾರ್ - ಅರುಣಾ ಪಾಟ್ಣೆಕಾರ್, ಸುದೆಶ್ ನಾಯ್ಕ್ ಆನಿ ಅನಂತ್ ಅಗ್ನಿ.

• ಪತ್ರಕಾರಿತಾ ಆನಿ ಸ್ತಂಬ್‌ಲೇಖನ್ ಪುರಸ್ಕಾರ್ - ಮಾರ್ಕುಸ್ ಗೊನ್ಸಾಲ್ವೀಸ್, ತುಕಾರಾಮ್ ಶೆಟ್ ಆನಿ ಅನೀಲ್ ಪೈ