कोंकणी भाशा मंडळ, गोंयान मनयलो ५८वो वर्धापन दीस

[खबर]  कोंकणी भाशा मंडळ, गोंयान मनयलो ५८वो वर्धापन दीस

साहित्यकार जेन्ना साहित्यांत बायलांची चुकीची प्रतिमा दाखोवप बंद करतले तेन्नाच बायल-दादलो फरक ना जातलो – लोकवेद संशोधन जयंती नायक

कोंकणी भाशा मंडळ, गोंयान मनयलो ५८वो वर्धापन दीस

अजुनूय साहित्यकार आपल्या लेखनांत बायलेची चुकीची आनी आपल्याक जाय तशी प्रतिमा दाखयतात. हें जेन्ना ना जातलें तेन्नाच बायल आनी दादलो फरक ना जातलो अशें जेश्ठ साहित्यीक आनी लोकवेद संशोधक जयंती नायक हांणी सांगलें.

कोंकणी भाशा मंडळ, गोंयाच्या ५८व्या वर्धापन दीस सुवाळ्या वेळार त्यो उलयताल्यो.

आपलो फुडार घडोवपाच्या काळांत कोंकणी भास आनी समाजा खातीर तर्णाटे कोंकणी भाशा मंडळा वर्वीं वावर कर्तात ही खोश्येची गजाल अशें मत जेश्ठ साहित्यीक आनी लोकवेद संशोधक जयंती नायक हांणी सांगलें.

भाशेची शक्त ताची बोली वा शैली. कोंकणीची गिरेसत अशी उत्रावळ आसा. ती शेणपाक लागल्या. आपले बोली विशीं न्युनगंड समाजा भितर निर्माण जाल्या. हाका लागून कितल्योश्योच बोल्यो शेणपाक लागल्यात. ह्यो बोल्यो राखून दवरपा खातीर एकठांय येवन विचार कर्पाक जाय आनी त्यो सांबाळून दवरपाक जाय अशें तांणी सांगलें.

मंडळान आपलो ५८वो वर्धापन दीस ३० सपटेंबर २०२० दिसा एनलायन माध्यमांतल्यान मनयलो. ह्या वेळार मुखेल सोयरी जयंती नायक हांणी वर्धापन दीस विशेश स्मर्णिकेचें लोकार्पण केलें. ही स्मर्णिका मंडळाच्या www.konkanibhashamandal.com संकेतथळाचेर उपलब्ध आसा. हे काऱ्यावळीचें मंडळाच्या फेसबूक पानाचेर तशेंच युट्यूब चेनलाचेर थेट प्रसारण जालें.

शिमो-मेरो लाग्तात त्यो सुवार्थाक. निसुवार्थीपणान काम कर्प्यांक लाग्ता ती फकत एकच जात, एकच धर्म आनी एकच भास ती म्हणल्यार कोंकणी भास अशें कोंकणी भाशा मंडळाची अध्यक्ष अन्वेषा सिंगबाळ हांणी आपल्या येवकाराच्या उलोवपांत म्हणलें. कोवीड काळांत तर्णाटे आनी जेश्ठाचो आदार घेवन मंडळान शिक्षणीक तशेंच साहित्यीक मळार आपलो वावर चालूच दवरला. मंडळान शिक्षणीक एनलायन साहित्य तयार केलें, एनलायन शब्दकोश केलो, पुसतकां अमेझोनार घालीं तशेंच अणकार, आवाजाचें शासत्र, संशोधन, पत्रकारिता ह्या विश्यांत वेबिनार घडोवन हाडले अशी माहिती अन्वेषा सिंगबाळ हांणी दिली.

कोंकणी भाशा मंडळ पुर्सकृत सेवा पुर्सकार हरिश्चंद्र नाग्वेंकार, सेराफीन कोता पुर्सकृत फेलिस्यू कार्दोज यादसतीक शिक्षक पुर्सकार डो. प्रकाश वज्रीकार, जुजे पियेदाद क्वाद्रूस यादसतीक काऱ्यक्र्तो पुर्सकार सर्गेसत नित्यानंद नायक, लिगोरियो फुर्ताद ट्रसट पत्रकारिता पुर्सकार जुजे सालवादोर फेर्नांडीस, दिनेश मणेरकार पुर्सकृत चंद्रकांत केणी यादसतीक स्तंभलेखन पुर्सकार उल्हास नायक, दिनेश मणेरकार पृरसकृत राम्नाथ मणेरकार यादसतीक अणकार पुर्सकार माणिकराव राम प्रभू गावणेकार, स. नर्सिंह दामोदर नायक यादसतीक साहित्य पुर्सकार एंटनी बार्कूर, स. रोक बार्रेटो यादसतीक साहित्य पुर्सकार शैलेंद्र मेहता, कोंकणी भाशा मंडळ साहित्य पुर्सकार मारिओ मिनेझीस, मनोहरराय सर्देसाय यादसतीक बाल साहित्य पुर्सकार नयना आडारकार आनी स. पद्मजा माणिकराव गावणेकार यादसतीक प्रप्त्र लेखन सर्तीचें इनाम दिपराज सातोर्डेकार हांणी आपलें मनोगत व्यक्त केलें. कोवीड-१९ महामारीची परिस्थिती सुदारल्या उपरांत मानेसतांक पुर्सकार भेटोवपाचो सुवाळो मंडळ घडोवन हाडटले.

रवीनद्र केळेकार ज्ञान्मंदीर, मडगांवच्या विद्यार्थ्यांचो सैम पिशीं आमी गिताचेर नाच, फोंडेंच्या श्री. कटमगाळ दादा पंगडाचो ट्रियो, साव्य्वेरेंचो सख्याहरीचो कोयरासूर गिताचेर नाच, सर्कारी महाविद्यालय, खांडोळेच्या विद्यार्थ्यांनी सादर केल्ली वाद्यांची जुगलबंदी, सर्कारी महाविद्यालय, केपेंच्या विद्यार्थ्यांचो भूम भूम गिताचेर नाच, मडगांवच्या कला एक्सतमाचो पदर गिताचेर नाच, युवा काणकोणकाराचो ट्रियो आनी विद्या भुवन कोंकणी शाळा, मडगांवच्या कुडीचे अव्य्व गिताचेर नाच हे काऱ्यावळीचो भाग आशिल्ले.

काऱ्यावळीचें सुत्रसंचालन गोपिनाथ गांवस हांणी आपल्या सत्तरींतल्या खाशेले शैलीन केलें. मंडळाचे सचीव उल्हास गांवकार हांणी उपकाराचें उलोवप केलें.