[खबर] चवथी बाल साहित्य परिशद 2 ते 7 नोव्हेंबर
चवथी बाल साहित्य परिशद 2 ते 7 नोव्हेंबर
कोंकणी भाशा मंडळ, गोंयान चवथी बाल साहित्य परिशद 2 ते 7 नोव्हेंबर 2020 ऑनलायन माध्यमांतल्यान आयोजीत केल्या. परिशदेचीं वेगवेगळीं सत्रां दर दिसा सांजे 6 ते 8 वरां मेरेन मंडळाच्या युट्यूब चॅनलाचेर आनी फेसबूक पानाचेर थेट वितरायतले. हे परिशदेंत बाल साहित्या संबंदान म्हत्वाच्या विशयांचेर चर्चा जातली.
परिशदेचें उक्तावण 2 नोव्हेंबराक सांजे 6 वरांचेर जातलें आनी नामनेचे लेखक आनी कवी अरुण कमल बीजभाशण करतले.
3 ते 7 नोव्हेंबराक बुक्स थॅट स्पीकची संस्थापक आसावरी दोशी हांचें “ऑडियो-व्हिडियो बाल साहित्य” सत्र, थिंकआर्ट्साची संस्थापक रुचिरा दास आनी थिएटरमेकर निशा अब्दुल्ला हांचें “बाल नाट्याचें म्हत्व" सत्र आनी सादरीकरण, अनुवादक मदन मोहन हांचें “अणकारीत साहित्य” सत्र, चित्रकार प्रोईती रॉय हांचें “बाल साहित्यांतलीं चित्रां” सत्र आनी “बाल साहित्याचें सादरीकरण” ह्या सत्रांत लेखक प्रशांती तळपणकार, लेखक हर्षा शेट्ये, लेखक अभिजीत पागी, चित्रपट कलाकार हेरंब कीर्तनी, नाट्य कलाकार केतन जाधव, तरणाटो लेखक गोविंद मोपकर बालसाहित्य सादर करतले.
ही परिशद प्राथमीक ते विद्यापीठ स्तराचे शिक्षक, बाल साहित्यीक, ग्रंथपाल, महाविद्यालयीन आनी विद्यापीठ पांवड्याचे विद्यार्थी, चित्रकार, पालक आनी हेर रसिकां खातीर उकती आसा.
फेसबूक लिंक – www.facebook.com/KonkaniBhashaMandal, युट्यूब लिंक - www.youtube.com/channel/UCsSvZYCEwxGS8sW7_P6a8Ww
