[खबर]: वसय आनी कांदिवलिंत कोंकणी कवितासादर सर्त
मुंबय (नवेंबर ११): कविता ट्रसटान अखील भारतीय हंतार चलंवच्या कोंकणी कवितासादर स्पर्ध्याचीं प्राथमीक हंतां आशावादी प्रकाशन तशेंच स्थळीय कोंकणी संघटनां मुंबयच्या वेवेगळ्या फीरगजेंनी चलवन आयला. २०१८ इस्वेची पांचवी तशीच सवी प्राथमीक सरती नवेंबर ११ तारिकेर आयतारा सकाळीं ११ थावन १२:३० परयांत वसय कोंकणी वेलफेर असोसियेशनाच्या मुखेलपणाखाल वसय फीरगजेंत, तशेंच असुप्सांव कोंकणी संघटन कांदिवली हांच्या मुखेलपणाखाल सांजेर ३:३० थावन ५:३० परयांत कांदिवली इगरजेच्या सभासालांत चल्ली. वीज कोंकणी पत्राचो संपादक दो|आसटीन डी’सोज प्रभू तशेंच क्लेमेंट लोबो मुखेल सयरे जावन हाजर आसले.
वसय: संघटनाचो कारभारी मानेसत जोन डी’सोजान सयऱ्यांक फुलांतुरे दीवन स्वागत करतच, आशावादी प्रकाशनाच्या वल्ली क्वाड्रसानान स्परद्याच्या रेग्रांविशीं मटवो विवर दितच चलल्ल्या कवितासादर सरतेंत पंद्रा वरसां प्राय भरनासचीं तशेंच पंद्रा थावन तीस वरसा प्रायेचे दोन पंगडार चलल्ल्या कवितासादर स्पर्ध्यांत हीं नवेंबर २५ तारिकेर अंधेरिच्या ’आत्म दरशन’ंत चलुंक आसच्या दूसऱ्या (मुंबय) हंताच्या स्पर्रद्याक विंचून आयलीं:
भूरगीं (पंद्रा वरसा सकयलीं):
पयलें स्थान: रियोना मसकरेन्हस (कविता: चेडो आनी चेडूं, कवी: बाब प्रसन्न निड्डोडी)
दुस्रें स्थान: एडन ऐवन प्रभू (कविता: कोंकणी म्हजी भास, कवी: बाब वल्ली क्वाड्रस)
तिस्रें स्थान: जोसलीन जोन गोन्सालवीस (कविता: पीक-वीक, कवी: बाब नेरी नज्रेत ताकोडे)
युवजण (पंद्रा वरसा वयलीं):
पयलें स्थान: एलविटा मेंडोन्सा (कविता: आज हांव स्वतंत्र, कवी: बाब वल्ली क्वाड्रस)
दुस्रें स्थान: जोस्ना आबरेव (कविता: कितेंच दिसलें ना, कवी: बाब वल्ली क्वाड्रस)
तिस्रें स्थान: रेचल रोक डी’सोज (कविता: कवी आनी मोरन, कवी: बाब वल्ली क्वाड्रस)
संघटनाचो आधलो अध्यक्ष बाब रेजिनालड सांतुमायेर रेंजाळ हाणें उपकार आटयलो.
कांदिवली: संघटनाचो कारयदरशी मानेसत वलेरियन पायस हाणें सयऱ्यांचो स्वागत करून तांची मटवी वळोक करून दिली. डा|आसटीन डी’सोज प्रभू मुखेल सयरो जावन हाजर आसलो, तशेंच मुंबयचो नामणेचो कारयें नीरवाहक मानेसत क्लेमेंट लोबो सयरो जावन हाजर आसलो. बाय लिनेट डी’सोज मियार हिणें कवितासादर स्परदो चलवन वेलो. नवेंबर २५ तारिकेर अंधेरिच्या ’आत्म दरशन’ंत चलुंक आसच्या दूसऱ्या (मुंबय) हंताच्या स्पर्रद्याक विंचून आयलीं:
भूरगीं (पंद्रा वरसा सकयलीं):
पयलें स्थान: विलोनिया पायस (कविता: कोंकणी म्हजी भास, कवी: बाब वल्ली क्वाड्रस)
दुस्रें स्थान: वनिशा फेरनांडीस (कविता: वेळ ना म्हाका, कवी: बाब प्रसन्न निड्डोडी)
तिस्रें स्थान: क्रिसटीन नैल (कविता: कोंकणी म्हजी भास, कवी: बाब वल्ली क्वाड्रस)
युवजण (पंद्रा वरसा वयलीं):
पयलें स्थान: सोनल डी’सोज (कविता: स्वातंत्राचो रंग, कवी: बाब वल्ली क्वाड्रस)
दुस्रें स्थान: क्यारल डी’सोज (कविता: देव कसो दिसता, कवी: बाब प्रसन्न निड्डोडी)
नोवेल बी. डी’कुन्हा (कविता: सुटका, कवी: बाब जोन सुंटिकोप्प
तिस्रें स्थान: फियोना फेरनांडीस (कविता: क्राफरड मारकेट, कवी: बाब वल्ली क्वाड्रस)
कवी बाब मेलवीन रोड्रिगस, बाब उदय म्हांबरो, बाब नेरी नज्रेत ताकोडे, बाब जैसन सिकवेरा हांच्यो कविता ह्या सरतेंत सादर जाल्यो.
मुखेल सयरो दो|आसटीन डी’सोज प्रभू अपल्या उलवपांत जशें आमी आमच्या मांयगांवाथावन पयस वेतांव तेदनांच आमकां कळता आमच्या मायभाशेचो मोग. देकून आज परगांवांत जशेंच गलफांत, तशें मुंबयांत सयत कोंकणी भूरग्यांक मुकार हाडचें काम चलून आसा. आनी हो वावर करच्या समेसत कारभारिंक उल्लास पाटयताना, कोंकणी वावर करतेल्यांक पाटिंबो दिंवचो आमचो कायदो देकून आमी बरें मन दाकव्यां म्हणालो.
सयरो मानेसत क्लेमेंट लोबोन कवितासादर केल्ल्या समेसत भूरग्यांक तशेंच, तांकां ती तरभेती दिल्ल्यांक उल्लास पाटयले. संघटनाची अध्यक्ष मानेसतीण हिलडा पिरेरान कांदिवलिंत भूरग्यांक मुकार हाडुंक कोंकणी कवितासादर सरती ही दुस्रे वरसा चलंवची, आधल्या वरसाच्याकी भोव अपुर्भायेन ह्या वरसा हो स्परदो चलयला तर त्ये पासत मिनत केल्ल्या कारयदरशी मानेसत वलेरियन पायस तशेंच ताचेसवें वावर केल्ल्या समेसत हेरांचो उपकार बावुडलो.
आशावादी प्रकाशनाचो बाब वल्ली क्वाड्रस तशेंच बाब हिलरी डी’सिलवा वोरयणार जावन हाजर आसले.
