[खबर] सां लुवीस कोलेजिच्या विद्यार्थिंची अध्ययन भेट
कलांगणाक सां लुवीस कोलेजिच्या १०५ विद्यार्थिंची अध्ययन भेट
सां लुवीस कोलेज कोंकणी संघाच्या १०५ विद्यार्थ्यांनी १६.०८.२०१९ वेर कोंकणी दायजा केंद्र कलांगणाक अध्ययन भेट दिली. वसतू संग्रहालय, वोणती शिल्पां, सिमेंट शिल्पां, उग्त्या रंग मांचिये विशीं माहेत जोडली.
मांड सोभाण अध्यक्ष लुवी जे. पिंटोन कलांगणांत चल्च्या काऱ्यांचो विवर दिलो आनी कोलेज युवजणांच्या कोंकणी काऱ्यांक, शिबिरां सम्मेळांक कलांगणाच्यो सवलतायो धर्मार्थ भासयल्यो.
लोक संपर्क अधिकारी विकटर मतायसान कोंकणी मान्यता दिसा विशीं माहेत दिली. भेटेच्या उगडासाक कोलेज लैबरेरीक थोडीं पुसतकां दिलीं तर युवजणांक`यी पुसतक काणीक दिली. समिती सांदे ऐरीन रेबेल्लो, नवीन लोबो आनी रोनी क्रासता हाजर आसलले. सी. ट्रेनिटा फेरावोन आभार मांदलो.
रुप्योत्सवाच्या हुंबरार आसच्या कोंकणी संघान आपल्या विवीध पठ्येतर वावराक लागून ही भेट आसा केल्ली. कोंकणी शिकोवपी फ्लोरा क्यासतेलिनो आनी इंगलीश विभागाच्या डा. सिलविया लोबोन मुकेल्पण घेतललें.
- भात्मी: फ्लोरा क्यासतेलिनो
