[खबर] मिरारोडांत कोंकणी तालेंत स्पर्धे
(१८ अगोसत २०१९) सां. जुजे कोंकणी वेलफेर एसोशियेशन मिरारोड, हाणी कोंकणी मान्यता दिसाक आनी मोंती पेसताची तयारी जावन, फिर्गजेच्या कोंकणी लोकाखातीर आगोसत १८ तारिकेर दोनपारां ३ वरार, इगर्जेच्या सालांत कोंकणी गायान, भाषण, नाच, कविता सादर आनी वोव्यो वेरस स्पर्धे मांडून हाडले. फिर्गजेचे विगार बाप मेलवीन डी कुन्हा हांच्या आशिर्वादान, संघटनाचो अध्यक्ष मानेसत जोन क्रासता सवें कारयदर्शी मानेसत जेरालड डी’सोजान मागण्याद्वारीं कारयाची सुर्वात केली.
वरयणार जावन नामणेचो कोंकणी साहिती आनी पयणारी.कोम संपादक मानेसत वल्ली क्वाड्रस, फामाद नट मानेसत ग्रेगरी निड्डोडी आनी कोंकणेची अभिमानी मानेसतीण वेरोनिका बाय हाजर आसलीं.
ह्या पावटीं चडीत भुर्ग्यानीं तसेंच व्हडानीं ह्या स्पर्ध्यानीं भाग घेतल्लो. "कोंकणी भुर्ग्यांक कोंकणी भासेची वोड उर्जीत करुंक तांच्या आवय-बापयन तांका दिंवचे उत्तेजन पळेवन कोंकणेक बरें भविश्य खंडीत आसा, ह्या वर्सा भुर्ग्यानीं बरीच वृद्दी केल्या" म्हणालो बाब वल्ली क्वाड्रस.
"हांगाची तालेंता पळेवन माका अभिमान भग्ता, तुमचो कोंकणी भासे थंय आसचो मोग पळेवन खुशी जाता, जीक आनी सलवण एका नाण्याच्यो दोन कूशी, भाग घेंवचो चुकायनाकात"- बाब ग्रेगरी म्हणालो स्पर्धिकांक उल्हासून.
"तुमची तालेंता उर्जीत करुंक हो आवकास सोडिनाये, फुडल्या वर्सानीं चड जणानीं वांटो घेवंक जाय" उलो दिलो बाय वेरोनिका हाणी.
त्ये उपरांत वरयणरांक संघटनाच्या अध्यक्ष्यान मान केलो आनी सर्वांक धन्यवाद आर्पिले.
आकेरीक जिकलेल्यांची नांवां पर्गट केलीं. इनामां सपटेंबर आट तारिकेर जांवच्या मोंती फेसत आनी मान्यता दिसाच्या सुवाळ्यार वांटतेले म्हण संघच्या संसक्रतीक कारयदर्शी हिलरी डी’सिलवान सांगले.
मानेसत हेनरी सिकवेरान हें सगळें कारयें अपुरबायेन चलवन वेलें.
