[खबर]: मरोलांत कोंकणी कवितासादर सर्त
(नवेंबर ४, मरोल): मेलवीन रोड्रिगसाच्या मुखेलपणाखाल कविता ट्रसटान ’अखील भारतीय मट्टाचेर’ चलंवच्या कोंकणी कवितासादराची चवती सर्ती नवेंबर ४ तारिकेर, आयतारा सकाळीं ११:०० थावन १२:३० परयांत, आशावादी प्रकाशन आनी सां जुंवांव कोंकणी समुदाय (मरोल) हाणीं मांडून हाडली. वीज कोंकणी पत्राचो संपदक डा|आसटीन डी’सोज प्रभू मुखेल सयरो जावन हाजर आसलो.
सां जुंवाव कोंकणी समुदायाचो अध्यक्ष मानेसत आगोसतीन सुवारीस आनी मानेसतीण सुनिता सुवारीस हाणीं मागण्यांत सुर्वात कर्तच, मुखेल सयरो जावन हाजर आसच्या डा| आसटीन डी’सोज प्रभू आनी स्पर्ध्याचे वोरयणार मानेसत हिलरी डी’सिलवा आनी वल्ली क्वाड्रस हांकां येवकार मागलो. आमयरा कार्डोजा आनी आरन डी’सोज हाणीं स्वागत गीत गायलें. कवितासादर स्पर्द्याच्यो रेग्रो वल्ली क्वाड्रसान मटव्यान सांग्तच. प्रायेन पंद्रा वर्सां सकयलीं तशेंच पंद्रा वर्सां वयल्यांनी कवी बाब मेलवीन रोड्रिगस, बाब उदय म्हांबरो, बाय सुनेत्रा जोग, मा.बा. जो. सी. सिद्दकट्टे आनी हेर कविंच्यो कविता सादर केल्यो.
मानेसतीण सुनिता सुवारिसाच्या मुखेलपणाखाल चलल्ल्या ह्या सर्तेंत लगबग इक्रा स्पर्धिकांनी भाग घेतलो, आनी ह्या च्यार स्पर्धिकांक, नवेंबर २५ तारिकेर ’आत्म दर्शन’ ंत चलुंक आसच्या फैनलांत वांटो घेवंक विंचलो.
१५ वर्सां सकयलीं (ज्यूनियर्स)
पयलें स्थान: प्रिन्सिया डी’सिलवा (कविता: कितेंच दिसलेंना, कवी: बाब वल्ली क्वाड्रस)
दुस्रें स्थान: सियोना सारंगपाणी (कविता: सूत, कवी: बाब वल्ली क्वाड्रस)
तिस्रें स्थान: आरोन डी’सिलवा (कविता: कसलोच संबंध ना, कवी: बाब वल्ली क्वाड्रस)
१५ वर्सां वयलीं (सीनियर)
पयलें स्थान: इवानिका पिंटो (कविता: कसलोच संबंध ना, कवी: बाब वल्ली क्वाड्रस)
मुखेल सयरो जावन हाजर आसल्ल्या डा|आसटीन डी’सोजा प्रभून आपल्या उलवपांत, आजकाल मांयगांवांत सयत कोंकणी भास उलवंक नर्गतेल्यांक मुंबय तसल्या शेरांत भुर्गीं इतले सुडाळ रितीन कोंकणी कवितासादर कर्चें पळेवन हांव विज्मीत पावलों. त्ये पासत वावर कर्च्या समेसत कोंकणी संघटनांक तशेंच लोकाक उल्लास फावो म्हणालो. आजकाल कोंकणी भास आळवोन वेचेविशीं आयकोंक मेळताना मुंबय तसल्या शेरांत ही कोंकणी वोड कोंकणीक त्राण दीवंक सकचेतसली म्हणालो.
नवेंबर २५ तारिकेर सकाळीं १० वोरांचेर ’आत्मदर्शन’ ंत फैनल्स चल्तलें. तांतूं जिकोन आयिल्ल्यांक २०१९ जनेर १३ वेर मंगळुरांत चलुंक आसच्या अखील भारतीय मट्टार वांटो घेवंक आवकास लाभतलो.
मानेसतीण हिलडा पिंटोन उपकार आटवणेंत समेसतांचो उपकार बावुडलो. एक आंगलो इंडियन जाल्ल्यान अपणाक कोंकणी भास सार्की उलवंक अपणाक येना तरयी अपणाक कोंकणी भाशेचेर अभिमान आसा म्हणचो मानेसत डेनीस डी’सिलवान संगीत वाजंत्र वाजवन भुर्ग्यांक उत्तेजन दिलें. मानेसत ओलीस लोबो आनी मानेसतीण वायलेट लोबोन अपुर्भायेन हें काऱ्यें सांभाळ्ळें.
मागण्या गीतांत ही सर्त अखेर जाली.
