[खबर:] "मम्मा रिटायर्ड जाता" - दायजी सांद्यां थावन कोंकणी नाटक
"दायजिदुबाय" - यू.ए.ई.ंतल्या कोंकणी लेखकांचो एक्तार हाणीं आपल्या २०व्या वार्सुगेच्या दभाजीक संभ्रमाचें घोषण करून यू.ए.ई ंतल्या हऱ्येक मंगळुरियन मुळाच्या कोंकणी पर्जेक ह्या महान काऱ्याचो वांटो जावंक उलो दिला.
"Maestro Events" दुबाय हांच्या प्रायोजकपणखाल साधर जांवचें हें भोव आतुरीत काऱ्यें ह्याच एपरिलाच्या २६ तारिकेर जुसत ५:३० व्हरार Emirates International School Auditorium Dubai, हांगासर साधर जातेलें. पाटले दोन वर्सुग्यो मंगळूर आनी उडुपिंत आचरण केल्ल्या उपरांत दायजिदुबाय पाटीं आपली कर्मभूमी जावनासच्या दुबायांत आपली वार्सुगी आचर्सुंक तयार जाल्या.
दायजी वार्सुगेचें आचरण, आपल्या वैशिषटता लागोन दुबायांत जांवच्या कोंकणी काऱ्यां पयकी उंचल्या वृत्तिपरेंत तशेंच भोव गद्दळायेन जांवचें काऱ्यें म्हणोन येदोळच नांवाडलां. ह्या वैशिषटतेक लागोन यू.ए.इंतली मंगळूरियन मुळाची कोंकणी पर्जा दायजिदुबायच्या कोंकणी काऱ्यां लागोन भोव आतुरायेन राकोन आसता.ह्या काऱ्यावेळीं पाटल्या १९ वर्सांनी केल्ल्याबरी प्रतिषटीत "दायजी पुरसकार", कोंकणेंत खळमीत नासताना कोंकणी साहितीक वावर केल्ल्या साहितीक प्रधान जातलो. ह्या पावटिंच्या पुरसकाराक प्रख्यात कोंकणी साहिती तशेंच वावराडी मानेसत वल्ली वग्ग मैसूरू हो विंचून आयला.
आदल्या सर्व वार्सुगेंच्यानी ही विसावी वार्सुगी चड दभाजीक जावनासताली.ह्या महान आचरणाचो एक वांटो जावन भोवच यशस्वी जोडून लगभग ८००० च्याकी चडतीक प्रदर्शनां देखल्लो आशोक पाटोळे हाणें मूळ मराठेंत लीखल्लो "मम्मा रिटायर्ड जाता" नाटक प्रदर्शीत जातोलो. ह्या महान नाटकाचीं कोंकणी तर्जुमेचीं आनी कोंकणेंत खेळोंवचीं हक्कां मानेसत म्याक्षीम रोड्रिगस हाणें आमानत केल्यांत. दुबायांतलो लोका मोगाळ कोंकणी वावराडी तशेंच दायजिदुबाय संस्थ्याच्या स्थापकां पयकी एकलो, नाम्नेचो कलाकर डयान डी’सोजा मुकामर ह्या महान नाटकाचें निर्देशन कर्तलो. ताच्या मुखेल्पणाखाल दायजिदुबायचो सह संस्थो "दायजी रंगमंदीर" हाचे आनभोगी कलाकर हो नाटक खेळवन दाकयतले.
दायजिदुबाय संस्थ्याच्या काऱ्याकारी समिती तशेंच सांद्यानी सर्व कोंकणी पर्जे लागीं विनंती केल्याकी सगळ्यांनी ह्या काऱ्याक हाजर जावन तांका खंच्या रितिचो सहकार दीवंक तांक आसा त्या रितीन सहकार दिवंक. आमकां सगळ्यांक कळीत आसल्ल्या पर्माणें दायजिदुबाय फकत मनोरंजन, साहितीक आनी कलादृषटीन मात्र न्हय आसतां जायते समाजीक वावर करून हेर लोकाक मात्र न्हय आसतां संसारभर शिंपडल्ल्या मंगळुरियन मुळाच्या कोंकणी संस्थ्यांक मार्गदर्शीत जावंक पावलां.
ह्या काऱ्याचो चडतीक विवर तुमकां मुखल्या दिसांनी वाचुंक मेळतलो.
ह्या काऱ्याचीं प्रवेश पत्रां हांगा काणसिल्ल्यां लागीं मेळतात:
करमा: आलवीन पिंटो - ०५० ४५८३९३०
बरदुबाय: रोबर्ट फेर्नांडीस - ०५५ १०६५०२३, संदीप डी’सोजा - ०५५ ६९७ ८७०७
आल्कूज: रोबीन निरुडे - ०५६ ८२२ ०६१७
शार्जा: आर्थर पिरेरा - ०५५ ६४७ ८५७८, नानू मरोल - ०५० ८४० २२०७
- भात्मी: नानू मरोल
