[ಖಬರ್:] ಕೊಂಕ್ಣಿ ಕವಿತಾವಾಚನ್ 2019 ಸರ್ತೆಕ್ ಮುಂಬಯ್ ಆಯ್ತೆಂ
ಕವಿತಾ ಟ್ರಸ್ಟ್ ಆನಿ ಆಶಾವಾದಿ ಪ್ರಕಾಶನ್
ಕೊಂಕಣಿ ಕವಿತಾ ಸಾದರ್ ಸರ್ತ್
ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್ - V ಚಾ. ಫ್ರಾ. ದೆಕೊಸ್ತಾ ಸ್ಮಾರಕ್ ಕೊಂಕಣಿ ಕವಿತಾ ಸಾದರ್ ಸರ್ತ್
ಲ್ಹಾನಾಂಕ್ - 15 ವರ್ಸಾಂ ಭಿತರ್ಲ್ಯಾಂಕ್ (01.01.2004 ತಾರಿಕೆ ಉಪ್ರಾಂತ್ ಜಲ್ಮಲ್ಲ್ಯಾಂಕ್)
ಆನಿ
ರೋಹನ್ ಆನಿ ಲವೀಟಾ ಮೊಂತೇರೊ - VIII ಅಖಿಲ್ ಭಾರತ್ ಕೊಂಕಣಿ ಕವಿತಾ ಸಾದರ್ ಸರ್ತ್
ವ್ಹಡಾಂಕ್ - 15 ಥಾವ್ನ್ 30 ವರ್ಸಾಂ ಭಿತರ್ಲ್ಯಾಂಕ್ (01.01.1988 ಥಾವ್ನ್ 31.12.2003 ಭಿತರ್ ಜಲ್ಮಲ್ಲ್ಯಾಂಕ್)
ನೇಮಾಂ
· ಹಿ ಕವಿತಾ ಸಾದರ್ ಸರ್ತ್. ಕವಿತಾ ಬರೊಂವ್ಚಿ ಸರ್ತ್ ನ್ಹಯ್.
· ಪ್ರಾಯೆ ಬಾಬ್ತಿಂ ರುಜ್ವಾತ್ ಗರ್ಜೆಚಿ.
· ಭಾಗ್ ಘೆತಲ್ಲಿಂ ಕೊಂಕಣಿ ಭಾಷಿಕಚ್ ಆಸಜಾಯ್ ಮ್ಹಣುನ್ ನಾ.
· ಭಾಗ್ ಘೆತಲ್ಯಾಂನಿ ಸ್ವತಾಚಿ ಯಾ ಹೆರ್ ಖಂಯ್ಚ್ಯಾಯ್ ಕವಿಚಿ ಏಕಚ್ ಕೊಂಕಣಿ ಕವಿತಾ ಸಾದರ್ ಕರಿಜಾಯ್.
· ಸಾದರ್ ಕರ್ಚಿ ಕವಿತಾ ಉಣ್ಯಾರ್ ದೇಡ್ ಮಿನುಟಾಂ ಆನಿ ಚಡ್ ಮ್ಹಳ್ಯಾರ್ ತೀನ್ ಮಿನುಟಾಂಚಿ ಆಸುಂಯೆತಾ.
· ಪಯ್ಲ್ಯಾ ಹಂತಾಚಿ ಸರ್ತ್ ಮುಂಬಂಯ್ತ್ – ಜೆರಿಮೆರಿ, ವಸಯ್, ಕಾಂದಿವಲಿ ಹಾಂಗಾಸರ್ - ಎಕೆಕಾ ವಿಭಾಗಾಂತ್ ಪಯ್ಲೆಂಚಿಂ ತೀನ್ ಸ್ಥಾನಾಂ ಆಪ್ಣಾಯಿಲ್ಲ್ಯಾಂಕ್ - ಅಖಿಲ್ ಭಾರತ್ ಕೊಂಕಣಿ ಕವಿತಾ ಸಾದರ್ ಸರ್ತೆಂತ್ ಭಾಗ್ ಘೆಂವ್ಚೊ ಸುಯೋಗ್ ಲಾಭ್ತಲೊ.
· ಪಯ್ಲ್ಯಾ ಹಂತಾಚ್ಯೆ ಸರ್ತೆಕ್ ಸ್ಪರ್ಧಿಕಾಂಕ್ ಖರ್ಚಾ ಬಾಬ್ತಿಂ ಕಸಲೇಂಯ್ ಭಾತೆಂ ಕವಿತಾ ಟ್ರಸ್ಟ್ ದೀನಾ. ಪುಣ್ ಭಾಗ್ ಘೆತಲ್ಯಾ ಸರ್ವಾಂಕ್ ಪ್ರಮಾಣ್ ಪತ್ರ್ ಲಾಬ್ತಲೆಂ. ಹ್ಯಾ ಭಾಯ್ರ್ ಆಶಾವಾದಿ ಪ್ರಕಾಶನಾಚೊ ಬೂಕ್ ಇನಾಮ್ ಜಾವ್ನ್ ಲಾಬ್ತಲೊ.
· ಫೈನಲ್ಸಾಂತ್ ಕವಿತಾ ಸಾದರ್ ಕರ್ತಲ್ಯಾಂನಿ ತಾಂಣಿ ಸಾದರ್ ಕರುಂಕ್ ಚಿಂತ್ಚ್ಯೊ ಕವಿತಾ (ಲ್ಹಾನಾಂನಿ - ದೋನ್ ಕವಿತಾ; ವ್ಹಡಾಂನಿ - ತೀನ್ ಕವಿತಾ) ಕವಿತಾ ಟ್ರಸ್ಟಾಕ್ ದಶೆಂಬ್ರಾಚೆ 10 ತಾರಿಕೆ ಭಿತರ್ ಪಾವೀತ್ ಕರಿಜಾಯ್. ಸರ್ತೆ ದಿಸಾ, ಕವಿತಾ ಟ್ರಸ್ಟಾನ್ ವಿಂಚಲ್ಲಿ ಏಕ್ ಕವಿತಾ ಮಾತ್ರ್ ತಾಂಕಾಂ ಸಾದರ್ ಕರುಂಕ್ ಆವ್ಕಾಸ್.
· ಕವಿತಾ ಸಾದರ್ ಕರ್ತಾನಾ, ಕವಿತೆಚೆಂ ಆನಿ ಕವಿಚೆಂ ನಾಂವ್ ಸಾಂಗುಂಯೆತಾ ಸೊಡ್ಲ್ಯಾರ್ ಹೆರ್ ಖಂಯ್ಚೋಯ್ ವಿವರ್ ದೀಂವ್ಕ್ ಆವ್ಕಾಸ್ ನಾ.
· ಕವಿತಾ ಸಾದರ್ ಕರ್ತಾನಾ, ಕವಿತೆಂತ್ಲೊ ವಿಷಯ್ ಲೊಕಾಕ್ ಸಲೀಸಾಯೆನ್ ಕಳೊಂವ್ಚ್ಯಾಂತ್ ವಾಚಕಾಕ್ ಆಸ್ಚಿ ಪ್ರತಿಭಾ ಲೆಕಾಕ್ ಧರ್ತಲ್ಯಾಂವ್ ಸೊಡ್ಲ್ಯಾರ್ ಕವಿತಾ ನ್ಹಯ್. ತರಿಪುಣ್ ವಿಂಚ್ಲಲಿ ಕವಿತಾ ಇನಾಮ್ ಜೊಡ್ಚ್ಯಾಕ್ ಪೂರಕ್ ಜಾತಾ ಮ್ಹಣುನ್ ಸಮ್ಜುಂಚೆಂ. ತಾಳೊ, ಸುಡಾಳಾಯ್ ಹೇಂಯ್ ಗರ್ಜೆಚೆಂ. ಪಯ್ಲ್ಯಾ ದೋನ್ ಹಂತಾಂನಿ ಕವಿತಾ ವಾಚ್ಯೆತಾ ಜಾಲ್ಯಾರಿ, ತೊಂಡ್ಪಾಠ್ ಕವಿತಾ ಸಾದರ್ ಕೆಲ್ಯಾರ್ ಚಡಿತ್ ಅಂಕ್ ಮೆಳ್ತಲೆ ಮ್ಹಣುನ್ ಸಮ್ಜುಂಚೆಂ. ತಿಸ್ರ್ಯಾ ಹಂತಾಂತ್ ಕವಿತಾ ವಾಚುಂಕ್ ಆಡ್ವಾರ್ಲಾಂ.
· ಪಯ್ಲ್ಯಾ ಹಂತಾಚ್ಯೆ ಸರ್ತೆಂತ್ ಭಾಗ್ ಘೆತಲ್ಯಾಂನಿ ತಾಂಚಿಂ ನಾಂವಾಂ, ಪತ್ತೊ, ಫೊನ್ ನಂಬರ್ ashawadi@gmail.com ಹ್ಯಾ ಈಮೇಯ್ಲಾಕ್ ಬರೊವ್ನ್ ಧಾಡುಂಯೆತಾ ಯಾ ಸರ್ತೆ ದಿಸಾ ಅರ್ಧ್ಯಾ ವೊರಾ ಆದಿಂ ದೀಂವ್ಕ್ ಜಾತಾ. ಫೊನ್ ನಂಬರ್: 7021967880
ಫೈನಲಾಂತ್ ದೋನಯ್ ವಿಭಾಗಾಂನಿ ತೀನ್ ಇನಾಮಾಂ ಆಸ್ತಲಿಂ.
ಪಯ್ಲೆಂ: ರುಪಯ್ 2500 ತಶೆಂ ಟ್ರೋಫಿ ಆನಿ ಸರ್ಟಿಫಿಕೆಟ್
ದುಸ್ರೆಂ: ರುಪಯ್ 2000 ತಶೆಂ ಟ್ರೋಫಿ ಆನಿ ಸರ್ಟಿಫಿಕೆಟ್
ತಿಸ್ರೆಂ: ರುಪಯ್ 1000 ತಶೆಂ ಟ್ರೋಫಿ ಆನಿ ಸರ್ಟಿಫಿಕೆಟ್
ಮುಂಬಂಯ್ತ್ ಚಲ್ಚ್ಯಾ ಪಯ್ಲ್ಯಾ ಹಂತಾಚ್ಯೆ ಸರ್ತೆಚೊ ವಿವರ್:
ಸುರ್ವಾತ್:
ಸಪ್ಟೆಂಬರ್ 22 (ಆಯ್ತಾರ್: 3 ಥಾವ್ನ್ 5) - ಅಸುಪ್ಸಾಂವ್ ಕೊಂಕಣಿ ಸಂಘಟನ್ (ಮುಖೇಲ್ಪಣ್: ವಲೇರಿಯನ್ ಪಾಯ್ಸ್) ಫಿರ್ಗಜ್ಯೊ: ಕಾಂದಿವಲಿ, ಓರ್ಲೆಮ್/ಮಲಾಡ್
ಸಪ್ಟೆಂಬರ್ 29 (ಆಯ್ತಾರ್: 3 ಥಾವ್ನ್ 5) - ವಸಯ್ ಕೊಂಕಣಿ ವೆಲ್ಫೇರ್ ಅಸೋಸಿಯೇಶನ್ (ಮುಖೇಲ್ಪಣ್: ರೆಜಿನಾಲ್ಡ್ ಸಾಂತುಮಾಯೆರ್, ಹಿಲರಿ ಡಿ’ಸಿಲ್ವಾ) ಫಿರ್ಗಜ್ಯೊ: ಮಿರಾ ರೋಡ್, ಭಯಾಂದರ್, ದಹಿಸರ್, ವಸಯ್, ನಾಯ್ಗಾಂವ್, ನಲಾಸೊಪಾರ, ವಿರಾರ್, ಪಾಲ್ಗರ್
ಒಕ್ಟೋಬರ್ 6 (ಆಯ್ತಾರ್: ಸಾಂಜೆರ್ 3 ಥಾವ್ನ್ 6) - ಕೊಂಕಣ್ ತಾರಾಂ (ಮುಖೇಲ್ಪಣ್: ಫ್ಲೋರಾ ಕಲ್ಮಾಡಿ)
ಫಿರ್ಗಜ್ಯೊ: ಜೆರಿಮೆರಿ, ಮಹಾಕಾಳಿ, ಮರೋಳ್, ಪಲ್ಲೊಟಿ
