[ಖಬರ್] ಕೊಂಕಣಿಂತ್ ಪದ್ಯುತ್ತರ್ ಪದವಿಕಾ ಶಿಕಪ್

ಕೊಂಕಣಿಂತ್ ಪದ್ಯುತ್ತರ್ ಪದವಿಕಾ ಶಿಕಪ್ (ಟಪ್ಪಾಲಾ ಮುಖಾಂತ್ರ್)

ಹ್ಯಾಚ್ 2019 ಸಪ್ಟೆಂಬರಾಂತ್ ಪ್ರಾರಂಬ್ ಜಾವ್ಚ್ಯಾ ಹ್ಯಾ ದೋನ್ ವರ್ಸಾಂ ಆವ್ದೆಚ್ಯಾ ಶಿಕ್ಪಾಕ್ ಅರ್ಜ್ಯೊ ಸ್ವೀಕಾರ್ ಕರ್ತಾಂವ್.

ಕನಿಷ್ಟ್ ಅರ್ಹತಾ: ಪಿ.ಯು.ಸಿ. ಕ್ಲಾಸ್ ಪಾಸ್ ಸರ್ಟಿಫಿಕೇಟ್

ಪುನರುಜ್ಜೀತ್ ಕೆಲ್ಲೆ ಶಿಕ್ಪಾ – ಪಾಠ್ (ಕಾನಡಿ ಯಾ ನಾಗರಿ ಲಿಪಿಂನಿ):

ಪಯ್ಲ್ಯಾ ವರ್ಸಾ : ಕೊಂಕಣಿ ಭಾಶೆಚಿ ಚರಿತ್ರಾ. ಕೊಂಕಣಿ ಗದ್ಯ್ ಸಾಹಿತ್, ನಾಟಕ್ ಕಲಾ, ಕೊಂಕಣಿ ಕಾವ್ಯ್ ಆನಿ ಪತ್ರ್ ಗಾರಿಕಾ

ದುಸ್ರ್ಯಾ ವರ್ಸಾ: ಕೊಂಕ್ಣಿ ಲೋಕ್ ವೇದ್, ಸಾಹಿತಿಕ್ ಠಿಕಾ ಭಾಶೆ ವಿಗ್ಯಾನ್, ತುಲನಾತ್ಮಕ್ ಸಾಹಿತ್ ಅನಿ ಕೊಂಕಣಿ ವ್ಯಾಕರಣ್..

ವಿದ್ಯಾರ್ಥಿಂಕ್  ಹರ್ ಎಕಾ ಪಠ್ಯ್ ವಿಶಯಾಕ್ ಸಂಬಂದ್ ಜಾಲ್ಲ್ಯಾ ಅಧ್ಯಯನಾಚ್ಯಾ ಆಕ್ರೇಕ್ ಪರೀಕ್ಷಾ ಆಸ್ತೆಲಿ.

ಸೂಚನ್:  ಸಂಸ್ಥ್ಯಾನ್  ಆಸಾ ಕೆಲ್ಲೆ  ಸರ್ವ್  ಪಾಠ್ ಉತ್ತೀಮ್ ವರ್ಗಾಚೆ ಆನಿ ಮಾಹೆತ್ವಂತ್ ಶಿಕ್ಷಕಾಂನಿ ತಯಾರ್ ಕೆಲ್ಲೆ  ಆಸಾತ್. ತರೀ ಹೆಂ ದೋನ್ ವರ್ಸಾಚೆಂ ಅಧ್ಯಯನ್ ಸ್ವತಾಕ್ ಆನಿಕೀ ಮಾಹೆತ್ವಂತ್ ಜಾಯ್ಶೆಂ ಕರ್ಚಿ ತಾಂಕ್ ಆನಿ ಜವಾಬ್ದಾರಿ ವಿದ್ಯಾರ್ಥಿಂಚಿ, ಜಾಣಿಂ ತವಳ್  ತವಳ್ ಕೊಂಕ್ಣಿ ಸಂಸ್ಥ್ಯಾಚ್ಯಾ ಪುಸ್ತಕಾಲಯಾಕ್  ಭೆಟ್ ದೀವ್ನ್  reference studies ಕರಿಜೆ ಆನಿ ಜಾಪಿ  ಪತ್ರಾಂಚ್ಯಾ ಮೌಲ್ಯ್ ಮಾಪನಾಂತ್ ಬರ್ಯಾ ಅಂಕಾಂನಿ ಯಶಸ್ವಿ ಜಾಯ್ಜೆ.

ದೋನ್ ವರ್ಸಾಂಚೆಂ ಶಿಕಪ್ ಯಶಸ್ವಿ ರಿತಿರ್ ಸಂಪಯಿಲ್ಲ್ಯಾ ವಿದ್ಯಾರ್ಥಿಂಕ್ ಪದ್ಯುತ್ತರ್ ಪದವಿಕಾ ಲಾಬ್ತೆಲಿ.

ಶಿಕ್ಷಣ್ ಶುಲ್ಕ್:  ಪಯ್ಲ್ಯಾ ವರ್ಸಾಕ್ ರುಪಯ್: 1500/- ದುಸ್ರ್ಯಾ ವರ್ಸಾಕ್: ರುಪಯ್: 1500/-

ಜುಮ್ಲಾ ದೋನ್ ಯಿ ವರ್ಸಾಂಕ್ ರುಪಯ್: 3000/-

ಶುಲ್ಕ್ ಪ್ರವೇಸಾ ವೆಳಾರ್ ಚ್ ಪಾವಿತ್ ಕರಿಜೆ.

ವಿದೇಶಾಂತ್ಲ್ಯಾ ವಿದ್ಯಾರ್ಥಿಂಕ್ - ರುಪಯ್: 10,000/-( ದೋನ್ ಯಿ ವರ್ಸಾಂಕ್)

Director

Institute of Konkani

St Aloysius College, Mangaluri-575 003

email: melwynsj@jesuits.net

cell: 08861758170/09611943325