[खबर] कथापाठ III - वेबिनार शिंखळेचें उग्तावण
कोंकणी कथेंचेर तुलनात्मक अभ्यास: कथापाठ वेबिनार शिंकळ ३
कोंकणी मटव्या कथेंचो इतिहास शेंभोर वर्सांचो आसा; रोमी लिपियेंत सुरवात जावन कानडी लिपियेंत तशेंच उपरांत नागरी लिपियेंत, मलयाळम लिपियेंत बरयिल्ल्यो कोंकणी कथेंक कोंकणी साहितीक अभ्यास कर्च्या विध्यार्थिंनी अभ्यास करुंक जाय म्हळ्ळ्या इराद्यान आशावादी प्रकाशन आनी उज्वाड पंद्राळें हांच्या मुकेलपणाखाल पाटल्या तीन वर्साधीं सुरवात केल्ल्या राश्ट्रीय मट्टाच्या वेबिनारांची तिस्री शिंकळ जुलाय ९ तारिकेर (शनिवार) सांजेच्या ४:३० थावन ६:०० पऱ्यांत चलयलें उग्तावण जाली.
’कथापाठ - शिंकळ ३’ उग्तावण मा|बा|मायकल सांतुमायोर (मिलाग्रीस कोलेजिचे प्रिन्सिपाल) हाणीं करून ’कोंकणिंतल्या भोव उत्तीम कथेंक चडीत मापान अभ्यास कर्ची गर्ज आसा आनी त्या दिशेन वावर गर्ज आसा’ म्हळ्ळो संधेश दिलो.
जुलाय ९ तारिकेर पयलें वेबिनार चल्लें, ह्या वेबिनारांत डो|एडवर्ड एल नज्रेत आनी गोकूलदास प्रभुच्या कथेंचेर तुलनात्मक अभ्यास कर्पी बेसेंट कोलेजिच्या पत्रिकुध्यम विभागाची मुकेसत बाय स्मिता शेणय हिणें ’व्हडलें फेसत’ आनी ’आराट्टू’ कथेंचेर केल्लें खोलायेचें अभ्यास लेखन सादर केलें.
जुलाय १६ तारिकेर दुस्रें वेबिनार चल्लें, ह्या वेबिनारांत बाय हेमा नायक आनी बाय माया खरंगटेच्या कथेंचेर बाय कन्सेपटा फेर्नांडीस आळवान केल्लें खोलायेचें अभ्यास लेखन सादर केलें.
जुलाय २३ तारिकेर तिस्रें वेबिनार चल्लें, ह्या वेबिनारांत बाब पुंडलीक नायक आनी बाब एन. शिवदास हांच्या कथेंचेर बाय कृपाली नायक हिणें केल्लें खोलायेचें अभ्यास लेखन सादर केलें.
जुलाय ३० तारिकेर चोवतें वेबिनार चल्लें, ह्या वेबिनारांत बाब एडवीन जे. एफ डी’सोज आनी बाब वल्ली वग्ग हांच्या कथेंचेर बाब वल्ली क्वाड्रसान केल्लें खोलायेचें अभ्यास लेखन सादर केलें.
अगोसत ६ तारिकेर पांचवें वेबिनार चल्लें, ह्या वेबिनारांत बाब दामोदर मावजो आनी बाय मीना काकोडकराच्या कथेंचेर बाय राजश्री सैलान केल्लें खोलायेचें अभ्यास लेखन सादर केलें.
अगोसत १३ तारिकेर सवें वेबिनार चल्लें, ह्या वेबिनारांत बाब वल्ली क्वाड्रस आनी बाब एच्चेम पेर्नालाच्या कथेंचेर बाय योगिता वेर्णेकरान केल्लें खोलायेचें अभ्यास लेखन सादर केलें.
अगोसत १३ तारिकेर सात्वें वेबिनार चल्लें, ह्या वेबिनारांत बाय जयंती नायक आनी बाब वसंत सावंताच्या कथेंचेर मा|बा|जेसन पिंटोन केल्लें खोलायेचें अभ्यास लेखन सादर केलें.
गोंयच्या कार्मेल कोलेज, पिलार फा|आग्नेल कोलेज, धेंपे कोलेज, गोंय विश्वविध्यालय, श्री मल्लिकार्जून कोलेज तशेंच मंगळूर थावन मिलाग्रीस कोलेज अशें वेग-वेगळ्या राज्याच्या साहितीक अभिरूच आसच्या कोंकणी विध्यार्थिंनी तशेंच वरिश्ट कथाकारांनी ह्या वेबिनारांनी भाग घेवन कोंकणी कथेंक लोकालागीं पावंवच्या दिशेन वावर करुंक उलो दिलो.
ह्या सात वेबिनारांनी सादर जाल्लीं प्रबंधां कन्नड आनी नागरी लिपियेंत एका ई-पुसतकारुपार पर्गटून येंवच्या अक्तोबर २ तारिकेर चलुंक आसच्या राश्ट्रीय मट्टाच्या वेबिनारांत उग्तावण जातलो.
कथापाठ तीसऱ्या शिंकळेक पाटिंबो दिला: मानेसत मैकल डी’सोज आनी कुटम, दुभाय. हांकां आमचे खाल्ते धिन्वास
