[ಖಬರ್] ಕಥಾಪಾಠ್ III - ವೆಬಿನಾರ್ ಶಿಂಖಳೆಚೆಂ ಉಗ್ತಾವಣ್

ಕೊಂಕಣಿ ಕಥೆಂಚೆರ್ ತುಲನಾತ್ಮಕ್ ಅಭ್ಯಾಸ್: ಕಥಾಪಾಠ್ ವೆಬಿನಾರ್ ಶಿಂಕಳ್ III

ಕೊಂಕಣಿ ಮಟ್ವ್ಯಾ ಕಥೆಂಚೊ ಇತಿಹಾಸ್ ಶೆಂಭೊರ್ ವರ್ಸಾಂಚೊ ಆಸಾ; ರೋಮಿ ಲಿಪಿಯೆಂತ್ ಸುರವಾತ್ ಜಾವ್ನ್ ಕಾನಡಿ ಲಿಪಿಯೆಂತ್ ತಶೆಂಚ್ ಉಪ್ರಾಂತ್ ನಾಗರಿ ಲಿಪಿಯೆಂತ್, ಮಲಯಾಳಮ್ ಲಿಪಿಯೆಂತ್ ಬರಯಿಲ್ಲ್ಯೊ ಕೊಂಕಣಿ ಕಥೆಂಕ್ ಕೊಂಕಣಿ ಸಾಹಿತಿಕ್ ಅಭ್ಯಾಸ್ ಕರ್ಚ್ಯಾ ವಿಧ್ಯಾರ್ಥಿಂನಿ ಅಭ್ಯಾಸ್ ಕರುಂಕ್ ಜಾಯ್ ಮ್ಹಳ್ಳ್ಯಾ ಇರಾದ್ಯಾನ್ ಆಶಾವಾದಿ ಪ್ರಕಾಶನ್ ಆನಿ ಉಜ್ವಾಡ್ ಪಂದ್ರಾಳೆಂ ಹಾಂಚ್ಯಾ ಮುಕೇಲ್‌ಪಣಾಖಾಲ್ ಪಾಟ್ಲ್ಯಾ ತೀನ್ ವರ್ಸಾಧಿಂ ಸುರವಾತ್ ಕೆಲ್ಲ್ಯಾ ರಾಶ್ಟ್ರೀಯ್ ಮಟ್ಟಾಚ್ಯಾ ವೆಬಿನಾರಾಂಚಿ ತಿಸ್ರಿ ಶಿಂಕಳ್ ಜುಲಾಯ್ 9 ತಾರಿಕೆರ್ (ಶನಿವಾರ್) ಸಾಂಜೆಚ್ಯಾ 4:30 ಥಾವ್ನ್ 6:00 ಪರ್ಯಾಂತ್ ಚಲಯ್ಲೆಂ ಉಗ್ತಾವಣ್ ಜಾಲಿ.

’ಕಥಾಪಾಠ್ - ಶಿಂಕಳ್ III’ ಉಗ್ತಾವಣ್ ಮಾ|ಬಾ|ಮಾಯ್ಕಲ್ ಸಾಂತುಮಾಯೊರ್ (ಮಿಲಾಗ್ರಿಸ್ ಕೊಲೆಜಿಚೆ ಪ್ರಿನ್ಸಿಪಾಲ್) ಹಾಣಿಂ ಕರುನ್ ’ಕೊಂಕಣಿಂತಲ್ಯಾ ಭೋವ್ ಉತ್ತೀಮ್ ಕಥೆಂಕ್ ಚಡಿತ್ ಮಾಪಾನ್ ಅಭ್ಯಾಸ್ ಕರ್ಚಿ ಗರ್ಜ್ ಆಸಾ ಆನಿ ತ್ಯಾ ದಿಶೆನ್ ವಾವ್ರ್ ಗರ್ಜ್ ಆಸಾ’ ಮ್ಹಳ್ಳೊ ಸಂಧೇಶ್ ದಿಲೊ.

ಜುಲಾಯ್ 9 ತಾರಿಕೆರ್ ಪಯ್ಲೆಂ ವೆಬಿನಾರ್ ಚಲ್ಲೆಂ, ಹ್ಯಾ ವೆಬಿನಾರಾಂತ್ ಡೊ|ಎಡ್ವರ್ಡ್ ಎಲ್ ನಜ್ರೆತ್ ಆನಿ ಗೋಕುಲ್‌ದಾಸ್ ಪ್ರಭುಚ್ಯಾ ಕಥೆಂಚೆರ್ ತುಲನಾತ್ಮಕ್ ಅಭ್ಯಾಸ್ ಕರ್ಪಿ ಬೆಸೆಂಟ್ ಕೊಲೆಜಿಚ್ಯಾ ಪತ್ರಿಕುಧ್ಯಮ್ ವಿಭಾಗಾಚಿ ಮುಕೇಸ್ತ್ ಬಾಯ್ ಸ್ಮಿತಾ ಶೆಣಯ್ ಹಿಣೆಂ ’ವ್ಹಡ್ಲೆಂ ಫೆಸ್ತ್’ ಆನಿ ’ಆರಾಟ್ಟು’ ಕಥೆಂಚೆರ್ ಕೆಲ್ಲೆಂ ಖೊಲಾಯೆಚೆಂ ಅಭ್ಯಾಸ್ ಲೇಖನ್ ಸಾದರ್ ಕೆಲೆಂ.

ಜುಲಾಯ್ 16 ತಾರಿಕೆರ್ ದುಸ್ರೆಂ ವೆಬಿನಾರ್ ಚಲ್ಲೆಂ, ಹ್ಯಾ ವೆಬಿನಾರಾಂತ್ ಬಾಯ್ ಹೇಮಾ ನಾಯ್ಕ್ ಆನಿ ಬಾಯ್ ಮಾಯಾ ಖರಂಗಟೆಚ್ಯಾ ಕಥೆಂಚೆರ್ ಬಾಯ್ ಕನ್ಸೆಪ್ಟಾ ಫೆರ್ನಾಂಡಿಸ್ ಆಳ್ವಾನ್ ಕೆಲ್ಲೆಂ ಖೊಲಾಯೆಚೆಂ ಅಭ್ಯಾಸ್ ಲೇಖನ್ ಸಾದರ್ ಕೆಲೆಂ.

ಜುಲಾಯ್ 23 ತಾರಿಕೆರ್ ತಿಸ್ರೆಂ ವೆಬಿನಾರ್ ಚಲ್ಲೆಂ, ಹ್ಯಾ ವೆಬಿನಾರಾಂತ್ ಬಾಬ್ ಪುಂಡಲಿಕ್ ನಾಯ್ಕ್ ಆನಿ ಬಾಬ್ ಎನ್. ಶಿವದಾಸ್ ಹಾಂಚ್ಯಾ ಕಥೆಂಚೆರ್ ಬಾಯ್ ಕೃಪಾಲಿ ನಾಯ್ಕ್ ಹಿಣೆಂ ಕೆಲ್ಲೆಂ ಖೊಲಾಯೆಚೆಂ ಅಭ್ಯಾಸ್ ಲೇಖನ್ ಸಾದರ್ ಕೆಲೆಂ.

ಜುಲಾಯ್ 30 ತಾರಿಕೆರ್ ಚೊವ್ತೆಂ ವೆಬಿನಾರ್ ಚಲ್ಲೆಂ, ಹ್ಯಾ ವೆಬಿನಾರಾಂತ್ ಬಾಬ್ ಎಡ್ವಿನ್ ಜೆ. ಎಫ್ ಡಿ’ಸೋಜ್ ಆನಿ ಬಾಬ್ ವಲ್ಲಿ ವಗ್ಗ ಹಾಂಚ್ಯಾ ಕಥೆಂಚೆರ್ ಬಾಬ್ ವಲ್ಲಿ ಕ್ವಾಡ್ರಸಾನ್ ಕೆಲ್ಲೆಂ ಖೊಲಾಯೆಚೆಂ ಅಭ್ಯಾಸ್ ಲೇಖನ್ ಸಾದರ್ ಕೆಲೆಂ.

ಅಗೋಸ್ತ್ 6 ತಾರಿಕೆರ್ ಪಾಂಚ್ವೆಂ ವೆಬಿನಾರ್ ಚಲ್ಲೆಂ, ಹ್ಯಾ ವೆಬಿನಾರಾಂತ್ ಬಾಬ್ ದಾಮೋದರ್ ಮಾವ್ಜೊ ಆನಿ ಬಾಯ್ ಮೀನಾ ಕಾಕೊಡ್ಕರಾಚ್ಯಾ ಕಥೆಂಚೆರ್ ಬಾಯ್ ರಾಜಶ್ರೀ ಸೈಲಾನ್ ಕೆಲ್ಲೆಂ ಖೊಲಾಯೆಚೆಂ ಅಭ್ಯಾಸ್ ಲೇಖನ್ ಸಾದರ್ ಕೆಲೆಂ.

ಅಗೋಸ್ತ್ 13 ತಾರಿಕೆರ್ ಸವೆಂ ವೆಬಿನಾರ್ ಚಲ್ಲೆಂ, ಹ್ಯಾ ವೆಬಿನಾರಾಂತ್ ಬಾಬ್ ವಲ್ಲಿ ಕ್ವಾಡ್ರಸ್ ಆನಿ ಬಾಬ್ ಎಚ್ಚೆಮ್ ಪೆರ್ನಾಲಾಚ್ಯಾ ಕಥೆಂಚೆರ್ ಬಾಯ್ ಯೋಗಿತಾ ವೆರ್ಣೇಕರಾನ್ ಕೆಲ್ಲೆಂ ಖೊಲಾಯೆಚೆಂ ಅಭ್ಯಾಸ್ ಲೇಖನ್ ಸಾದರ್ ಕೆಲೆಂ.

ಅಗೋಸ್ತ್ 13 ತಾರಿಕೆರ್ ಸಾತ್ವೆಂ ವೆಬಿನಾರ್ ಚಲ್ಲೆಂ, ಹ್ಯಾ ವೆಬಿನಾರಾಂತ್ ಬಾಯ್ ಜಯಂತಿ ನಾಯ್ಕ್ ಆನಿ ಬಾಬ್ ವಸಂತ್ ಸಾವಂತಾಚ್ಯಾ ಕಥೆಂಚೆರ್ ಮಾ|ಬಾ|ಜೇಸನ್ ಪಿಂಟೊನ್ ಕೆಲ್ಲೆಂ ಖೊಲಾಯೆಚೆಂ ಅಭ್ಯಾಸ್ ಲೇಖನ್ ಸಾದರ್ ಕೆಲೆಂ.

ಗೊಂಯ್‌ಚ್ಯಾ ಕಾರ್ಮೆಲ್ ಕೊಲೆಜ್, ಪಿಲಾರ್ ಫಾ|ಆಗ್ನೆಲ್ ಕೊಲೆಜ್, ಧೆಂಪೆ ಕೊಲೆಜ್, ಗೊಂಯ್ ವಿಶ್ವ್‌ವಿಧ್ಯಾಲಯ್, ಶ್ರೀ ಮಲ್ಲಿಕಾರ್ಜುನ ಕೊಲೆಜ್ ತಶೆಂಚ್ ಮಂಗ್ಳುರ್ ಥಾವ್ನ್ ಮಿಲಾಗ್ರಿಸ್ ಕೊಲೆಜ್ ಅಶೆಂ ವೆಗ್-ವೆಗಳ್ಯಾ ರಾಜ್ಯಾಚ್ಯಾ ಸಾಹಿತಿಕ್ ಅಭಿರುಚ್ ಆಸ್ಚ್ಯಾ ಕೊಂಕಣಿ ವಿಧ್ಯಾರ್ಥಿಂನಿ ತಶೆಂಚ್ ವರಿಶ್ಟ್ ಕಥಾಕಾರಾಂನಿ ಹ್ಯಾ ವೆಬಿನಾರಾಂನಿ ಭಾಗ್ ಘೆವ್ನ್ ಕೊಂಕಣಿ ಕಥೆಂಕ್ ಲೊಕಾಲಾಗಿಂ ಪಾವಂವ್ಚ್ಯಾ ದಿಶೆನ್ ವಾವ್ರ್ ಕರುಂಕ್ ಉಲೊ ದಿಲೊ.

ಹ್ಯಾ ಸಾತ್ ವೆಬಿನಾರಾಂನಿ ಸಾದರ್ ಜಾಲ್ಲಿಂ ಪ್ರಬಂಧಾಂ ಕನ್ನಡ್ ಆನಿ ನಾಗರಿ ಲಿಪಿಯೆಂತ್ ಎಕಾ ಇ-ಪುಸ್ತಕಾರುಪಾರ್ ಪರ್ಗಟುನ್ ಯೆಂವ್ಚ್ಯಾ ಅಕ್ತೋಬರ್ 2 ತಾರಿಕೆರ್ ಚಲುಂಕ್ ಆಸ್ಚ್ಯಾ ರಾಶ್ಟ್ರೀಯ್ ಮಟ್ಟಾಚ್ಯಾ ವೆಬಿನಾರಾಂತ್ ಉಗ್ತಾವಣ್ ಜಾತಲೊ.

ಕಥಾಪಾಠ್ ತಿಸ್ರ್ಯಾ ಶಿಂಕಳೆಕ್ ಪಾಟಿಂಬೊ ದಿಲಾ: ಮಾನೆಸ್ತ್ ಮೈಕಲ್ ಡಿ’ಸೋಜ್ ಆನಿ ಕುಟಮ್, ದುಭಾಯ್. ಹಾಂಕಾಂ ಆಮ್ಚೆ ಖಾಲ್ತೆ ಧಿನ್ವಾಸ್