दायजिदुभाय संघटनाचे नवे हुद्देदार
एमिरेतांतल्या कोंकणी बरवप्यांचें एक्तार दायजिदुभाय हांच्या २०२० थावन २०२० पऱ्यांतल्या आवदेक नाम्नेचो कोंकणी बरवपी, नट नानू मरोल तोट्टाम संचालक जावन, काणियेगार, विनोदीक बरवपी सुनील फेर्नांडीस कोटा सह-संचालक जावन, मेलवीन कलाकूल, ड्यारल डी’सोज वामंजूर आनी संतोश पेरला सह-संयोजक जावन विंचोन आयले.
कोंकणी भासेच्या समग्र वाडावळेक थेंको दिंवच्या इराद्यान पाटल्या दोन दाकड्यांनी दायजिदुभाय संघटन साहित्य, नाटक, संगीत, कला अशें वेवेगळ्या सेतांत वावर करून आयला. हांतूं ’दायजिदुभाय वर्साचो पुरसकार’ प्रमूक.
दायजिदुभाय स्थापक संचालक मानेसत डयान डी’सोज तशेंच हेर मालघडे बरवपी ह्या जमातेंत हाजर आसले. २०१८-२०२० आवदेच्या संचालक दिनेश कोरेया आनी सह-संचालक नवीन सिकवेरा ब्रह्मावर हाणीं नव्या हुद्देदारांक थेंको भासायलो.
