[खबर] अंतराषट्रीय स्त्रीयांचो दिवस-२०२४
१ मार्च २०२४ वेर सां लुवीस कोलेज हांगासर कर्नाटक कोंकणी साहित्य अकाडेमी, कोंकणी लेखकिंचो एक्तार, मंगळूर आनी कोंकणी संघ सां. लुवीस कोलेज हांच्या जोड आसऱ्या खाल 'अंतराषट्रीय स्त्रीयांचो दिवस-२०२४’ आचरण केलो.
थंड पीवना संगीं सां लुवीस कोलेज विद्यार्थिनीं रोनी क्रासता , केलराय विरचीत कोंकणी ध्येय गीत गायलें. फ्लाविया अलबुकर्क, पुत्तूर हिणें येवकार मागोन कोंकणी लेखकिंचो एक्तार चार वर्सां पयलें प्रारंभ जाल्ल्याचो उद्देश प्रासतवीक उलोवपांत विवरिलें.. मानेसतीण बसती शोभा शेणै हिचे सवें हेर मुकेल सयऱ्यानीं गुमट वाजावन काऱ्यें उग्तायलें. तशेंच कोंकणी लेखकिंचो एक्ताराचो नवो लोगो उग्तावण केलो. मुकेल सयऱ्यांच्या हुजीर सलोमी मोगर्नाड हिच्या अध्यक्ष्पणखाल कविगोषटी चलयली. चंद्रिका मल्य, कृतिका कामत, फ्लाविया अलबुकर्क पुत्तूर, जोयस किन्निगोळी, मरलीन मसकरेन्हस हाणीं कविता वाचन केलें. स्त्रीयांच्या दिसा संदर्भी आसा केल्लेल्या लेखन स्पर्ध्यांत जिकलेल्यांची नांवां डा.अनी डिंपलान जाहीर केलें. स्पर्ध्याक आयलेल्या सुमार पांत्तीस वयर लेकनां पयकी पयलें इनाम: ऐरीन रेबेल्लो कुलशेकर, दुस्रें इनाम कन्सेपटा फेर्नांडीस आनी तिस्रें इनाम: पेल्सी लोबो देरेबैल हांकां फावो जालें.
काऱ्याध्यक्ष रे.फा. मेलवीन जे.पिंटो हाणीं “हांगासर कवयत्रिनी वाचल्ल्या कविते थावन म्हाका प्रेरण मेळ्ळें तशेंच तुमच्या कविते आनी बर्पां थावन हर वाचप्यांक प्रेरण लाभोंदी.” असो संदेश दिलो. वेदीर हाजर आसल्ल्या सर्वांक मानेसतीण.मेरी डिसिलवान उगडासाची काणीक दिली. आमच्या समाजिच्या तालेंताक वेदी दिंवच्या मानेसतीण.मेरी डिसिलवाक कोंकणी लेखाकिंच्या एक्तारा तर्फेन मान केलो. सन्मान पत्र मानेसतीण प्रीता मिरांदान वाचन केलें. सी. डा. मेबल क्लारा डिमेल्लो बी.एस. हिणें ʼभलायकेभरीत समाज रचपांत आधुनीक काळाचा स्त्रीयेचो पात्रʼ ह्या विशीं उलोवप दिलो. लवी गंजिमठन हिचो परिचय दिलो.
मानेसतीण ऐरीन रेबेल्लो ,सपणा सलडान्हा आनी फ्लाविया सलडान्हा हाणीं स्व रचीत आनी विंचणार पदां गायलीं. हांकां आर मनोहर कामत हाणीं उगडासाची काणीक दिली. ऐरीन मेंडोन्सा हिणें खेळ मांडून हाडलो. विजेत जाल्ल्यांक इनामां वांटलीं. श्रीमती फ्लोरा क्यासतेलिनो हिणें सर्वांचो उपकार आटयलो.
फेल्सी देरेबयल हिणें वेळ विबाडिनासतां भोव उत्तीम रीतीन काऱ्यें चलयलें. तिनश्यां वयर युवजण आनी स्त्रीयो हाजार आसल्ल्यो. काफी- फळहारा अनी विद्यार्थिंच्या बायला नाचा सवें काऱ्यें समाप्त जालें.
[Khobor] Ontoraxttri-i striyancho divos-2024
