[खबर]: मलाडांत कोंकणी कवितासादर सर्त
मुंबय (नवेंबर १८) ’कविता ट्रसट’ हाणी अखील भारतीय हंतार वर्सान वरस मांडून हाडच्या कोंकणी कवितासादर सर्ती मुंबयांत आशावादी प्रकाशन तशेंच फिर्गजेच्या संघटनांनी चलवन वेली. २०१८ वर्साची अखेरिची प्राथमीक सर्ती ओरलेम मलाड फिर्गजेच्या सां| आन्स इसकोलांत नवेंबर १८ तारिकेर सांजेर ३ थावन ५ पासोन कथोलीक कोंकणी संघटनासवें चलवन वेली. नामणेचो कोंकणी वावराडी मानेसत सिपरी संपिगे तशेंच लोकामोगाळ शिक्षक मानेसत जेरी डी’सोज सयरे जावन हाजर आसले.
सुर्वातेर संघटनाची अध्यक्षीण मानेसतीण ज्यूली डी’कोसतान मागण्यान हो स्पर्धो सुर्वात कर्तच चलल्ल्या कोंकणी कवितासादर सर्तेंत हीं जिकोन आयलीं;
भुर्ग्यांचो विभाग (१५ वर्सां सकयलीं):
पयलें स्थान: नियोमी मार्टीस (कविता: सुटका, कवी: बाब जोन सुंटिकोप्प)
दुस्रें स्थान: रियोना ओलिवेरा (कविता: मोर्न आनी कवी, कवी: बाब वल्ली क्वाड्रस)
तिस्रें स्थान: रियो फेर्नांडीस (कविता: वीक आनी पीक, कवी: बाब नज्रेत नेरी ताकोडे)
हिलरी डी’सिलवा आनी वल्ली क्वाड्रस वोरयणार जावनासले. ओकटोबर १४ थावन नवेंबर १८ परयांत मुंबयच्या वेवेगळ्या फिर्गजेंनी चलल्ल्या ह्या प्राथमीक हंतांनी जिकोन अयिल्लीं नवेंबर २५ तारिकेर सकाळीं १० थावन १२ परयांत ’आत्मदर्शन’ंत चलोंक आसच्या दूसऱ्या हंताच्या स्पर्ध्यांत भाग घेतेलीं.
मानेसतीण रीटा आलबुकर्क हिणें उपकार आटवणी केली.
