Joyce-achem 'Nateancho Sonvsar' ani Cirilo-chim 'Conductor Pil’luk Mar' ani 'Mhojea Bannavlechim Adlim Kazaram' hea 3 pustokanchi uzvaddavnni
Ponnje : Dalgado Konknni Akademi (DKA) dor vorsa pormannem heai vorsa Dalgado Dis monoita. Mons. Sebastiao Rudolfo Dalgado zachea nanvan Akademi cholta taka man diunk ho tacho zolmdis somorombhta. Aplea kallar xobkox nirmann korpachem tannem mottem kam’ kelem ani Konknni ek svotontr bhas mhonn vollokh divpakui tannem vaur kelo. Konknnichea hea mahan mon’xachi vollokh bhousak mellche khatir Akademin ‘Mons. Sebastiao Rudolfo Dalgado ani Koknni’ hea vixoyacher ek khaxelem ulovp manddun haddlam ani Mhapxencheie St. Xavier’s Kolejint xikovpi Pri. Luis Xavier Gomes hem ulovp kortolo. Hea suvalleak DKA-cho adlo Odheokx Premanand A. Lotlikar Mukhel Soiro mhonn hajir astolo. Tanche sangatak DKA-cho Odheokx Tomazinho Carodozo, Chittnis Vincy Quadros ani Bhanddari Celso Fernandes hajir astole.
Hich sondi gheun DKA-n aplie ‘Pikavoll Yeuzonn’-e khala chhaplolem Conductor Pil’uk Mar hem Cirilo D. Fernandesachem ani ‘Kombri Yeuzonn’-e khala chhaplolem Joyce De Souzachem Nateancho Sonvsar, him pustokam uzvadda yetolim. Tanche sangatak Cirilanuch boroilolem Mhojea Bannavlechim Adlim Kazaram hem-i pustok uzvadda yetolem.
Ho suvallo Budhvar, 08 Mai 2019 disa Art & Culture Multipurpose Hall, Patto, Ponnje hanga sanjechea 4.00 vorancher suru zatolo. Sogllea Konknni mogiamni vhodd sonkhen yeun hea dott’tti suvalleachi sobai vaddounchi mhonn DKA-n ulo marla.
