आशावादी प्रकाशनाचो रुप्या सुवाळो (२०००-२०२५) आनी पयणारी दशमान सुवाळो यादस्तीक भेटवण कोंकणी पुरस्कार जाहीर जाल्यात.

२००० इस्वेंत कुवेटांत सुरवात जाल्ल्या आशावादी प्रकाशनाच्या रुप्या सुवाळ्या वर्सा, तशेंच २०१५ इस्वेंत मुंबंय सुरवात जाल्ल्या तीन लिपयांच्या पयणारी ह्या कोंकणींतल्या पयल्या वेब सायटीच्या दशमान सुवाळ्या वर्सा जाहीर जाल्ले पुरस्कार:

स्मृतिशेश डेनीस डी’कुन्हा किन्निकंबळा स्मारक ’उत्तीम कोंकणी (कन्नड लिपयेंत) लिप्यंतरण जाल्लें पुस्तक' पुरस्कार:

निर्वासीत यात्रीची भोवंडी (कवी शैलेंद्र मेहताच्यो नागरी कविता) पुस्तकाक रू.२५,०००, मान‌पत्र आनी यादस्तीक

१४ डिसेम्बर २०२५ (आयतारा) मंगळुरांत आयोजित केल्ल्या आशावादी प्रकाशनाच्या रुप्या सुवाळो कार्यावळीवेळार हो पुरस्कार तांकां दितले.

बाब आवील रास्किन्हा, बेळ्ळूर (जीवनगौरव पुरस्कार - (मोलादीक वावर कोंकणी प्रसारमाध्यम )

बाब बर्नाड जे. कॉस्ता, कुंदापूर (कोंकणी नाटक, साहित्य आनी डिजिटल प्रसारमाध्यम )

बाय क्लारा डिकुन्हा अरूण, अजेकार (समाज सेवा)

बाब रोहीत सांक्तूस (समाज सेवा)

बाब क्रिस्तोफर डी’सोज, नीनासम (कोंकणी नाटक आनी प्रयोग)

बाब विल्सन डिसोज, कय्यार (कला साधना)

बाब सायमन लोपेज, होन्नावर (कोंकणी तियात्र आनी संगीत)

बाय इव्हॅत रमोना पिरेरा, मंगळूर (भरतनाट्यमांत गिनीस विक्रम )

बाब ग्लेनीश मार्टीस, अलंगार (कोंकणी साहित्य)