5. ಖಲ್ಲಾ ಎಕ - ದೋ ಗ್ಯಾರಾ [ವೆಂಕಟೇಶ್ ನಾಯಕ್, ಮಂಗ್ಳುರ್]
ಜಲಿಯನವಾಲಾ ಭಾಗ್
ಗೊಲ್ಡನ ಟೆಂಪಲ ದಾಕೂನ ವೇಳ ಪಳಯಚೀ ಆಮೀ ಭಾಯರ ಆಯಲೆ, ಸಾಂಜವೇಳ ಭೀತರಿ ವಾಘಾ ಬೋರ್ಡರಾಕ ಪಾವಕಾ ರಿಟ್ರಿಟ ಶೋ ಪಳೋವಕಾ ಜಾಲೇಲೇಚ ತೇಚ ವೇಳಾಕ ಡಾ.ರಾಮಿಂದರ ಕೌರ ಹಾಂಗೇಲ ಪೋನ ಆಯಲೆ, ತೀ ದುಸರೆ ಕಾಮಾರ ವ್ಯಸ್ತ ಆಶಿಲೆ ನೀಮಿತ ಭೇಟ ಜಾವಚಾಕ ಸಾಧ್ಯ ನಾ ಜಾತಲೆ ಮ್ಹಣ ತಿಣೇ ಸಾಂಗಲೆ, ಆಮಕಾಯ ಥೊಡೆ ಸಾಮಾದಾನ ಜಾಲೆ. ಜಲಿಯನ ವಾಲಾ ಭಾಗಾಕ ರಿಕ್ಷಾರ ವಚೆ ಮ್ಹಣ ರಿಕ್ಷಾ ಶೋಧೂನ ವತಾನ ತೇ ರಿಕ್ಷಾಚೊ ಮ್ಹಣಾಲೋ, ಕಾಂಯ ದೂರ ನಾ ಹಾಂಗಾ ಲಾಗೀ ಆಸಚೆ ವಾಟಾರಚೀ ಜಲಿಯನ ವಾಲಾ ಭಾಗ ಮ್ಹಣ, ತಶೇ ಚಮಕೂನ ಜಲಿಯನ ವಾಲಾ ಭಾಗಾಕ ಪಾವಲೆ. ಸ್ಕೂಲಾಂತು ಇತಿಹಾಸ ವಾಚಿತನಾ, ದೇಶಾಚೆ ಸ್ವಾತಂತ್ರ್ಯ ಸಂಗ್ರಾಮಾಚೆ ಸಾಭಾರ ಘಟನಾವಳೀಂತು ಜಲಿಯನ ವಾಲಾ ಭಾಗ ಪ್ರಮುಖ ಜಾವನು ರಾಬತಾ. ಅಬಾಲ ವೃದ್ದ ದಾರಲೆ ಬಾಯಲೆ ಭೇದ ನಾತಿಲೆ ಬ್ರಿಟಿಷಾಂಗೆಲೆ ಗೋಲಿಬಾರಾಕ ಜೀವ ಗೆಲೆಲ ಲೋಕಾಂಗೆಲೆ ಸ್ಮಾರಕ ಜಾವನು ಹ್ಯಾ ಜಾಗೊ ಆಮಗೆಲೆ ದೋಳ್ಯಾ ಮುಖಾರ ರಾಬತಾ. ಭಾಯರ ಜಲಿಯನವಾಲಾ ಭಾಗ ಮ್ಹಣ ಬರಯಲೇಲ ಎಕ ಪಾಗೋರ ಮೆಳತಾ. ಸಗಳೇಚ ಇಟ್ಟಿಗೇಂತ ಬಾಂದಿಲೆ ಜಾಗೋ, ಥಂಯ ಎಕ ಸಪೂರ ಓಣೀ ತೇ ಪಳಯನಾ ಕಳತಾ ಸಗಳೇ ಬ್ರಟಿಷ ಆರ್ಮೀ ಲೋಕ ತಾಂತು ದಾಕೂನ ಭೀತg ರಿಗಲೆ ಆನೀ ಭಿತರ ಆಶಿಲೆ ಲೋಕಾಂಕ ಭಾಯರ ವಚಾಕ ವಾಟ ನಾ ಜಾವನು ಗೋಲಿಬಾರಾಕ ಕಶೇ ಲೋಕಾನ ಜೀವ ಸೊಡಲೆ ಮ್ಹಣ. ಆಜಿಕಯ ಮೂಖ ಸಾಕ್ಷಿ ಜಾವನು ವಣದೀರ ಆಸಚೆ ಬುಲೇಟಾಚೆ ಮಾರ್ಕ ತೇ ದೀಸ ದೊಳ್ಯಾ ಮುಖಾರ ಬಾಂದೂನ ದಿತ್ತಾ, ಚೆರ್ಡುಂವ, ಮ್ಹಾಂತಾರೆ ದಾರಲೆ ಭಾಯಲೆ ಮ್ಹಣ ಭೇಧ ನಾಶಿ ಫಾಯರೀಂಗ ಜಾಲೇಲ ಎಕ ಹತ್ಯಾಕಾಂಡಾಚೋ ಜಾಗೋ ತೇ, ಬೈಸಾಕಿ ಪರಬೇ ದಿವಸ ಸಾಬಾರ ಎಕ ಹಜಾರ ಕೀ ಚಡ ಲೋಕಾನೀ ಜೀವ ಕಾಡನು ಗೆತ್ತಲೋ, ತೋಡೆ ಲೋಕ ಬಾಂಯತು ಉಡಲೆ ಆಜೀ ಥಂಯ ಜನ ಯೆವನು ಪಯಶೆ ಗಾಲನು ಶ್ರದ್ದಾಂಜಲಿ ಭೇಟುನ ವತ್ತಾಂಚಿ. ಓಣಿ ಜಾವನು ಭಿತರ ವತಾನ ಆಮಕಾ ಆಮರ ಜ್ಯೋತಿ ಪಳೋವಚಾಕ ಮೆಳತಾ, ಆನೀ ವಿಶಾಲ ಪ್ರಾಂಗಣ ಆಜ ಥಂಯ ಎಕ ಪ್ರವಾಸಿ ತಾಣ ಜಾವನು ನಿರ್ಮಾಣ ಕೆಲಾ, ಪುಣ ತ್ಯಾ ವಿಶಾಲ ಪ್ರಾಂಗಣ ಪಳಯತನಾ ಸಗಳೆ ದೃಶ್ಯ ದಿಸಚಾಕ ಪ್ರಾರಂಭ ಜಾತಾ. ಪಂಜಾಬಾಂತು ಬೈಸಾಕಿ ಪರಬೆ ದೀಸ ಹರಮಂದಿರ ಸಾಹೇಬ ಜವೋ ಗೋಲ್ಡನ್ ಟೆಂಪಲಾಕ ತ್ಯಾ ದೀಸ ಸಿಖ್ಖ ಲೋಕ ಪರಬೇಕ ಭೋರನು ಆಯಿಲೆ ಸ್ವತಂತ್ರ್ಯಾಚೆ ಪೂರ್ವ ಕಾಲ ಬ್ರಿಟಿಷ ಆಳ್ವಿಕಾ. ೧೩ ಎಪ್ರಿಲ, ೧೯೧೯ಂತು ಹ್ಯಾ ಹತ್ಯಾಕಾಂಡ ಘಡತಾ. ಶಾಂತಿಯುತ ಜಾವನು ಪರಬ ಆಚರಣ ಕರಚಾಕ ಅಬಾಲ ವೃದ್ದ ಸಾಂಗಾತ ಮೆಳನು ಆಚತನಾ, ಸ್ವಾತಂತ್ರ್ಯ ಸಂಗ್ರಾಮಾ ಕಾಳಾರ ಲೋಕಾನ ಬೃಹತ ಸಂಖ್ಯೇರ ಸಾಂಗಾತ ಮೆಳಚಾಕ ಮ್ಹಳೇಲ ಕಾನೂನಾಕ ಲಾಗೂ ಜಾವನು ಬ್ರಟಿಷ ಆಫಿಸರ ರೆಗಿನಾಲ್ಡ ಡೈರಾಲೆ ಆದೇಶಾಂತು ಬ್ರಟಿಷ ಆರ್ಮಿ ಭಿತರ ರೀಗೂನ ಫಯರಿಂಗ ಪ್ರಾರಂಭ ಕರತಾ, ಲೋಕಾಂಕ ಕಸಲೆ ಜಾತಾ ಆಸಾ, ಕಸಲೆ ಕರಕಾ ಮ್ಹಳೇಲ ತಾಂಯ ಕಳನಾ, ಹೋಡ ಹೋಡ ಪಾಗೋರ ಸಕ್ಕಡ ದಿಕಾನ ಚಲ್ಲಾಪಿಲ್ಲಿ ಜಾವನು ಲೋಕ ಧಾಂವತಾ ಎಕ ಬೃಹತ ಹತ್ಯಾಕಾಂಡಚೀ ಚಲತಾ, ಆಜೀಕಯ ಹಾಕಾ ಸಾಕ್ಷಿ ಜಾವನು ವಣತೇರ ಬ್ರಿಟಿಷಾಂಗೆಲೆ ಗೋಲಿ ಬುಲೆಟಾಚೆ ಚಿಹ್ನಾ ಪಳೋವಚಾಕ ಮೆಳತಾ, ಆಜೆ ಮಧೇಂತು ಎಕ ಭಾಂಯ ಆಸಾ, ಸಾಬಾರ ಲೋಕ ವಾಟ ನ ಜಾವನು ಹ್ಯಾ ಭಾಂಯತ ಉಡಕೀ ಮ್ಹಾರತಾಂಚಿ ಹಾಕ ಆಜ ಶಹೀದೋಂಕಿ ಕುವಾ ಮ್ಹಣ ಆಪಯತಾಂಚೀ ಸಕ್ಕಡ ದಿಕಾನ ಬೇಲಿ ಗಾಲನು ಸಂರಕ್ಷಣ ಕೆಲಾ ಲೋಕ ತಾಂತು ಪಯಶೆ ಗಾಲತಾಂಚೀ,
ಆಜ ಎಕ ಉದ್ಯಾನವನಾಚೆ ಮಾದರೀಂತು ಹ್ಯಾ ವಿಶಾಲ ಪ್ರಾಂಗಣ ನಿರ್ಮಾಣ ಕೋರನು ಧವರಲಾ, ವ್ಹಣತೇರ ಆಸಚೆ ಬುಲೆಟಾಚೆ ಮಾರ ಆಜೂನ ಜೀವಂತ ಆಸೂನ ಸಕ್ಕಡ ಸಂರಕ್ಷಣ ಕೋರನು ದವರೂನ ಸಗಳೆ ಇತಿಹಾಸ ದೋಳೆ ಮುಖಾರ ಬಾಂದೂನ ದಿತಾ. ಥಂಯ ಥೊಡೆ ವೇಳ ಬಯಸೂನ ಜೀವತ್ಯಾಗ ಕೆಲೆಲ ದೇಶವಾಸೀಂಕ ಶ್ರದ್ದಾಂಜಲಿ ದೀವನು ಭಾಯರ ಆಯಲೆ.
ವಾಘಾ ಬೋರ್ಡರ್
ಥಂಯ ತಾವನು ಸೀದಾ ಆಮೀ ಸೀದಾ ವಾಘಾ ಆಮಗೆಲೆ ಸೈನ್ಯಾಚೆ ರಿಟ್ರೀಟ ಶೋ ಪಳೊವಚೆ ಮ್ನಣ ನಿರ್ಧಾರ ಗೇವನು ಭಾಯರ ಸರಲೆ ಜಲಿಯನವಾಲಾ ಭಾಗ ದಾಕೂನ ಸೀದಾ ರೂಮಾಕ ಯೆವನು ಥೋಡೆ ವೆಳ ಉಪರಾಂತ ಆಮೀ ವಾಘಾ ಬೋರ್ಡರ ವಚಾಕ ಎಕ ರಿಕ್ಷಾ ಕೆಲೆ. ಅಮೃತಸರ ದಾಕೂನ ಸುಮಾರ ೪೦ ಕಿ.ಮೀ ದೂರ ಆಶಿಲೆ ನಿಮಿತ ಆಮೀ ಚಿಕೆ ವೇಗಿ ಭಾಯರ ಸರಲೆ, ವೆಗೀ ಗೆಲ್ಯಾರ ಗ್ಯಾಲರೀಂತು ಮುಖಾರ ಬಸಚಾಕ ಮೆಳತಾ ಮ್ಹಣ ಆಟೋ ರಿಕ್ಷಾಚೆ ತಾಣೆ ಆಮಕಾ ಸಾಂಗಲೆ.ಸಾಂಜವೇಳ ೪:೩೦ಕ ಶೋ ಆಸಚೆ ಸೀದಾ ಎಕ ವಾಟ ದೋನ ದಿಕಾನ ಸಾಸಮಾಚೆ ಗಾದೆ, ಹಳದೂವೆ ಪೂಲ ಸೋಡೂನ ಪಳೋವಚಾಕ ಸುಂದಿರ ಎಕ ದಿಕಾನ ಶೀಂಯ ರಿಕ್ಷಾ ಡ್ರೈವರಾನ ಸಾಂಗಲೆ ಹಾಂಗಾ ವಾಟೇರ ಖಂಯ ಪುಣಿ ಜೆವಣ ಕರಾ ಮುಖಾರ ತೇ ಜಾಗೇರ ತುಮಕಾ ಖಾವಚಾಕ ಮೆಳಚಾಕ ನಾ ತ್ಯಾ ದಾಕೂನ ತುಮೀ ಹಾಂಗಾ ಖಂಯ ಜವೋ ತೋಡೆ ಖಾವನು ಗೆಯಾ ಮ್ಹಣ ತಾಣೇ ಆಮಕಾ ಸಾಂಗೆಲೆ, ತಶೇ ವಾಟೆ ಮಧೇಂತ ತಾಣೆ ಆಮಕಾ ಎಕ ಹೊಟೆಲಾಕ ವೆಲೆ, ಥಂಯ ಆಮೀ ರೊಟಿ ಆನೀ ದಾಲ ಸಂಗಾತ ಲಸ್ಸಿ ಪೀವನು ಪೊಟ ಗಟ್ಟಿ ಕೋರನು ಮುಖಾರ ಸರಲೆ, ಸಾಧಾರಣ ೨ ವೊರಾಕ ಥಂಯ ಪಾವಲೆ ಥಂಯ ತಾವನು ಮುಖಾರ ಕಂಚಯ ವಾಹನ ವಚಾಕ ಸೈನ್ಯಾ ತಾನಿ ಸೊಡನಾಂಚಿ ತಶೆ ಆಟೋ ಥಂಯ ಪಾರ್ಕ ಕೆಲೆ ಆನೀ ತ್ಯಾ ವೆಳಾರ ಥಂಯ ಥೊಡೆ ವಾಹನ ಮಾತ್ರ ಆಶಿಲೆ, ಅಮಕಾ ಆಟೋ ಚಾಲಕಾನ ತಾಗೇಲ ಆಟೊಚೆ ಆನೀ ಆಟೋಚೆ ನಂಬರಾಚೆ ಪೋಟೋ ಕಾಡನು ಗೆವನು ದವರಚಾಕ ಸಾಂಗಲೆ, ಮ್ಹಳ್ಯಾರ ಸಾಂಜವೇಳ ಥಂಯ ಸಾಬಾರ ವಾಹನ ಅಸಚೆ ನಿಮಿತ ಶೋಧಚಾಕ ಕಷ್ಟ ಜಾತಲೆ ಮ್ಹಣ ತಾಣೆ ಹ್ಯಾ ಉಪಾಯ ದಿಲೆ, ಥಂಯ ತಾವನು ಸಾಧಾರಣ ಎಕ ದೋನ ಕಿ.ಮೀ ಚಮಕೂನ ವಚೂನ ಸಾಲ ಮಾರನು ರಾಬೂಕಾ, ಥಂಯ ಚೆಕ್ಕಿಂಗ ಆಸಾ, ಐಡಿ ಕಾರ್ಡ ಜಾವಕಾ ತ್ಯಾ ಧೋರನು ಹಾಂವ ಆನೀ ಪೈ ಆಸತಾನಾ ಆಮಕಾ ಮಧೆಂತು ಖಂಯ ಗೀ ತುಳು ಉಲಯಲೆಲ ಆಯಕಲೆ, ಆಮಗೆಲೆ ಗಾಂವಚೆ ಭಾಸ ಭಾಯರ ದೂರ ಖಂಯಗೀ ವಚೂನ ಆಶೀಲೆ ತಾವಳಿ ಜಾವಚೆ ಖೂಷಿ ದುಸರೇಚೆ ತಾನಿ ಉಡುಪಿ ತಾವನು ಆಯಿಲೆ ಲೋಕ, ಚೆಕ್ಕಿಂಗ ಜಾವನು ಗ್ಯಾಲರಿ ವಚೂನ ಬಸಚಾಕ ಥಂಯ ತಾವನು ಪರತ ಅರ್ಧ ಕಿ.ಮೀ ವಾಟ ಆಮೀ ಧಾಂವನು ಗೆಲೆ ಗ್ಯಾಲರೀಂತು ನಾತ್ಲ್ಯಾರಿ ಜಾಗೋ ಮೆಳನಾ, ಆಮೀ ವತಾನ ಥೊಡೆ ಲೋಕ ಬಯಸೂನ ಜಾಲಾ ಸಾಂಜವೇಳ ೪ ಗಂಟೇಕ ಸೈನ್ಯಾಚೆ ರಿಟ್ರಿಟ ಶೋ ಪ್ರಾರಂಭ ಜತಾ. ’ಭೋಲೋ ಭಾರತ ಮಾತಾ ಕೀ ಜೈ’ ಉದ್ಘೋಷ, ಗೇಟಾ ತ್ಯಾ ದಿಕ್ಕಾನ ಪಾಕಿಸ್ತಾನ ಥಂಯ ’ಪಾಕಿಸ್ತಾನ ಜೀಂದಾ ಬಾದ್’ ಅಶೆ ತೇ ಗೇಟ ಒಪನ ಕೋರನು ಜವಾನಾನಿ ಬಂದ ಕರಚೋ ಆಕ್ರೋಶ, ಹ್ಯಾ ರಿಟ್ರೀಟ ಶೋ ಬಿ.ಎಸ.ಎಫ ತಾನಿ ಚಲೋವನು ದಿವಚೆ, ಗಾಂಧೀಜಿಲೆ ಆನೀ ಜಿನ್ನಾಲೆ ತಸವೀರ ತಾಜೆ ಸಂಗಾತ ಉಬತಾ ಆಸಚೆ ಭಾರತಾಚೆ ಆನೀ ಪಾಕಿಸ್ತಾಚೆ ಬಾವುಟ ತ್ಯಾ ಆಕ್ರೋಶಭರಿತ ಜಾವನು ಚಲಚೆ ಶೋ ಪಳೋವಚಾಕ ಭಾರತಾಚೆ ದಿಕ್ಕಾನ ಗ್ಯಾಲರೀಂತ ಜನ ಭೋರನು ’ಭಾರತ ಜೀಂದಾ ಬಾದ್’ ಪಾಕಿಸ್ತಾನಾಚೆ ಥೊಡೆ ಲೋಕ ತಾಜೆ ಮಧೇಂತು ಚಲೋವನು ಭಾರತಾ ದಾಕೂನ ಪಾಕಿಸ್ತಾನಾಚೆ ವಚೆ ಲೋಕ ಕಾಂಯ ಫರಕ ನಾ ಫಕತ ಎಕ ರೇಖಾ ಆಜ ಆಮೀ ದೋನ ವೆಗವೆಗಳೆ ದೇಶ ಆನೀ ದ್ವೇಷ, ಸಾಂಜವೇಳ ಮ್ಹಣತನಾ ಗೇಟಾರ ಚಡಯಲೇಲ ಭಾರತಾಚೆ ಬಾವೂಟ ದೇಂವೊಚೆ ಆನೀ ಗೇಟ ಬಂದ ಕರಚೆ, ಹ್ಯಾ ಥಂಯ ಚಲತಾ, ವಂದೇ ಮಾತರಂ ಗೀತ ಅಶೆ ಸಾಧಾರಣ ಎಕ ದೋನ ಗಂಟೋ ಥಾಂಯ ಚಲಚೆ ಹ್ಯಾ ಶೋ ಅವಿಸ್ಮರಣೀಯ ಜಾವನು ಆಸಾ. ಕಶೇ ತಿರುಪತೀಕ ಜವೋ ಪಂಡರಾಪುರಾಕ ವತಾನ ನಾಮ ಗಾಲಚಾಕ ಲೋಕ ಆಸತಾಂಚ ಕೀ ತಶೇ ಆಮಗೆಲೆ ಗಾಲಾರ ದೇಶಾಚೆ ವu ಗಾಲಚಾಕ ಲೋಕ ಆಸಂಚೀ , ವೀಸ ರುಪಯಿಕ ದೋನ ಗಾಲಾರ ದೇಶಾಚೆ ತ್ರಿವರ್ಣ ಧ್ವಜ ಸೊಡಾಯಲೆ ಶೋ ಆಖೇರ ಜಾವನು ಆಮೀ ಫಾಟಿ ಅಮೃತಸರಾಕ ಆಯಲೆ ಆತಾ ಸಾಂಜವೆಳ ಜಾತಾ ಯೆವನು ಕಾಳೋಕ ಜತಾ ಆಯಲೆ ಎಕ ಸಕಾಳಿ ಪ್ರಾರಭ ಜಾಲೇಲ ಅಮೃತ ಸರ ಯಾತ್ರಾ ಎಕ ದೀಸಾಂತು ಸಕ್ಕಡ ಪಳಯಲೇಲ ವಿಶಿಷ್ಟ ಅನುಭವಾಚೆ ಸಾಂಗಾತ ಪರತ ತಾಗೇಲ ಆಟೋ ಶೋಧೂನ ಕಾಡಲೆ, ತೇ ಪೋಟೋಂತು ಆಶಿಲೆ ನಂಬರ ಶೋಧೂನ ಆಟೋ ಚಡಲೆ, ಭಾರೀ ಶೀಂಯ, ದಾಟ ದಾಟ ಜಾತಾ ಆಯಲೆ ಧವೋ ದೋನ ದಿಕಾನ ಉಜೊ ಗಾಲನು ಶೀಂಯ ತಾಪೊವಚೆ ಲೋಕ ಅಂತು ಇಂತು ಪರತ ಅಮೃತಸರಾಕ ಪಾವಲೆ ಥಂಯ ನಾವಾಧೀಕ ಜಾವನು ಆಸಚೆ ಜವಳೀ ಆಂಗಡಿ ವಚೂನ ಅಮೃರಸರಾಚೆ ಉಡಗಾಸಾಕ ಶಾಲ ಆನೀ ಅಮ್ಮಾಕ ಕಾಪ್ಪಡ ಗೆತಲೆ, ರಾತಿ ಜೆವಣ ಕೋರನ ಹರ್ಯಾಣಾಚೆ ಅಂಬಾಲಾ ದಾಕೂನ ಆಮಕಾ ಸಕಾಳೀ ರೈಲ ಆಶಿಲ ನಿಮಿತಿ ಅಮೀ ರಾತಿ ಅಂಬಾಲಾಕ ಭಾಯರ ಸರಲೆ. ಡಾ. ರಾಮಿಂದರ ಕೌರ ಹಾಂಕಾ ಮೊಳೂಕ ಜಾಲೇಲ ನಾ ಪುಣ ಖಾಲ್ಸಾ ಕಾಲೇಜಾಂತು ರಾಬಿಲೆ ಆನೀ ಸಗಳೋ ದೀಸ ಅಮೃತಸರಾಂತು ಕಾಡಲೆಲ ವೆಳ ಜೀವನಾಂತು ಅಮೃತಮಯ ಜಾಲೇಲ ಸತ್ಯ.
ಕೊಡಿಯಾಲಾಕ
ಬಾವಜೀನ ಕೋಡಿಯಾಲಾಕ ರೈಲಾ ಟಿಕೆಟ ಕರತನಾ, ಸೀದಾ ಅಮೃತಸರಾ ದಾಕೂನ ಸೀಟ ಮೆಳೇಲ ನಾ ತ್ಯಾ ದಾಕೂನ ಅಂಬಾಲಾ ದಾಕೂನ ಟಿಕಟ ಆಸಾ ಮ್ಹಣ ಥಯ ದಾಕೂನ ಬುಕ್ಕ್ ಕೆಲೆ, ಸಕಾಳಿ ಅಮಬಾಲಾ ದಾಖೂನ ರೈಲ ತಶೇ ರಾತೀಚಿ ಅಮೃತಸರ ಸೊಡಚೆ ನಿರ್ಧಾರ ಕೊರನು ಸೀದಾ ಅಂಬಾಲಾಕ ಬಸ್ ಶೋಧೂನ ಆಖೇರಿಚೆ ಸಬಾರ ಚಡಲೆ, ಆಮಕಾ ಸಕಾಳಿ ಪಾವಲಾರ ಪುರೋ ಆಶಿಲೆ, ಆಮೀ ಸಾಧಾರಣ ಫಾಂತೇರ ಪಾವಲೆ ಆನೀ ಥೊಡೆ ವೇಳ ವೆಟಿಂಗ ರೂಮಾಂತು ಬ್ಯಾಗಾರ ನೀದ ಕಾಡಲೆ, ಸಕಾಳೀಚಿ ಅಂಬಾಲಾ ದಾಕೂನ ರೈಲ ಮೆಳೆ, ಪರತ ದೋನ ದಿವಸ ರೈಲಾರಿ ಜಾಲೇಲ ಉಡಗಾಸು ಕಾಣು ತಶೇ ಕೊಡಿಯಾಲಾಕ ವಾಪಸ ಮ್ಹಣ ಆರಾಮ ಲೆಕ್ಕೂನ, ಪರತ ಗಾಂವಾನ ಗಾಂವ ಪಳಯತಾ ನೀದ ಕಾಡತಾ ದೀಸ ಕಾಡತಾ ಆಯಲೆ, ಎಕ ದೀಸಾನ ವಿರದವಿಂದರಾಲೆ ಜಲ್ಮ ದೀಸ ಪಂಜಾಬಾಚೆ ಆತ್ಮೀಯತಾ ನಿಜಾವನೂಯ ವೆಗಳೋ ಎಕ ಅನುಭವ, ತ್ಯಾ ದೀಸ ಆಮಕಾ ಕಾಶೀಮಠಾಚೆ ಪೀಠಾಧಿಪತಿ ಹರಿದ್ವಾರಾಂತು ವೃಂದಾವನಸ್ಥ ಜಾಲೇಲ ಖಬರ ಮೆಳೆ, ಆಮೀ ಉತ್ತರ ಪ್ರದೇಶಾಂತು ಆಶಿಲೆ, ತ್ಯಾ ವೇಳಾರ ಆಮಕಾ ಲಾಗೀ ಆಶಿಲೆ ಪುಣ ಗಾಂವಾಂತು ರಜ ಗಾಲೂನ ಎಕ ಹಪ್ತೋ ಚಡ ಜಾವನು ಆಶಿಲೆ, ರೈಲಾರ ಆಯಿಲೆ ಖಾವನು ರಾತಿ ಕೊಡಿಯಾಲಾಕ ಯೆವನು ಪಾವಲೆ. ಹಾಂಗಾ ಮಸ್ತ ದೇಶಪ್ರೇಮ ಉಲಯತಲೆ ಮೆಳತಾಂಚಿ, ಆನೀ ದೇಶ ಪ್ರೇಮಾ ನಾವಾರ ಮಸ್ತ ಸಕ್ಕಡ ಕರತಾಂಚಿ, ತಶೆ ಭಗತ ಸಿಂಗ ವಿಚಾರ ಆಯಕೂಕಾ ಜಾಲೇರಿ ಪಂಜಾಬಿ ಮನಶ್ಯಾಲಾಗಿ ಆಯಕೂಕ, ಸಾಹಿತ್ಯ ಸಕ್ಕಡ ಸೊಡೂನ, ಹಾಂವ ವೀರದವಿಂದರಾಲಾಗಿ ಭಗತ ಸಿಂಗ ಆನೀ ದೇಶ ಪ್ರೇಮ ವಿಶಯ ಉಲಯತನಾ ತಾಜೆ ದೋಳೆ ಆನೀ ಉತ್ರಾಂ ಆಯಿಲೆ ಬದಲಾವ ಹಾಂವ ಪಳಯಲಾ, ತಾನಿ ದೇಶಾವಯರಿ ಜಾವಚೆ ಆಕ್ರಮಣ ಪಳಯಲಾ, ಅಮೃತಸರಾ ದಾಕೂನ ಪಾಕಿಸ್ತಾಕ ನಿತ್ಯ ಸಾಭಾರ ಲೋಕ ಯೆತಾ ವತಾಂಚಿ, ಪಂಜಾಬಾಂತು ಭೊಂವತನಾ ಹೋ ಪಾಕಿಸ್ತಾನಿ ತೋ ಪಾಕಿಸ್ತಾನಿ ಮ್ಹಣು ನಾ, ಅಮೃತಸರಾ ದಾಕುನ ಹೈವೆ ಸಿದಾ ಲಾಹೋರಾಕ ಸಂಪರ್ಕ ಜಾತಾ. ಆತಂಕವಾದ ಮಧೇಚೆ ಜೀವನ ಥಂಯ ಆಸಾ, ಆಜೀ ದೇಶ, ದೇಶಾಚೆ ವಿರುದ್ದ ಆವಾಜ ಗಾಲತಲೇಂಕ ಬುದ್ದಿಜೀವಿ ಮ್ಹಣು ಆಪೋವನು ಗೆವಚೆ ಲೋಕು ಸಾಥ ದಿತಾಂಚಿ, ಪಂಜಾಬಿ ಆನೀ ಸರದಾರ ಮ್ಹಳ್ಯಾರ ಆಮೀ ಜೋಕ್ಸ ಕೋರನು ಹಾಸತಾಂಚಿ. ( ಆಮಗೆಲೊ ರಾಜಕೀಯ ಪುಡಾರಿ, ಆನೀ ಸಾಮಾಜಿಕ ಜೀವನಾಂತುಲೆ ರಾಂಪಣ್ಣಾಕ ಆಮೀ ಸೋಡುಂಕ ನಾ) ದೇಶಾ ಖಾತಿರ ಜೀವ ದಿವಚೆ ತಶೆ ಜೀವ ಕಾಡಚೆ ಶೂರತ್ವ ಆಸಾ ಉತ್ತರ ಕುಮಾರ ಶೂರತ್ವಾಚೆ ನಪುಂಸಕತ್ವ ಮಾತ್ರ ಖಂಡಿತ ನಾ. ವೀರ ದಾವಿಂದರಾನಿ ಸಾಂಗಿಲೆ ಉತರ ಆಸಾ, ಕೋಣಯ ಮಾರೂಂಕ ಆಯಲೋ ಮ್ಹಣ ಜಾಲ್ಯಾರ ಲಾಗಿ ಸರದಾರ ಆಸಕೀ ಪಯಲೆ ಸೋಧ. ಆನೀ ತಾಗೆಲಾಗೀ ವಚೂನ ರಾವ ತೀಟಲೇಚ ಪೂರೋ ಮ್ಹಣ, ತ್ಯಾಗ ಬಲಿದಾನ ದೇಶಪ್ರೇಮ ಪ್ರತಿಕ ಜಾವನು ಪಂಜಾಬ ಆಸಾ ತಶೆ ಸಿಖ್ಖ ಲೋಕ ಆಸಾ ಆನೀ ತ್ಯಾ ಸಿಖ್ಖ ಧರ್ಮಾಚೆ ಬುನಿಯಾದ ಸಾಹಿತ್ಯ ಜಾವನು ಆಸಾ.
