आमका सुरवे दिवसू चंढीगडाक वचाक आशिले कारण आनी आमी योजना गालेल वरी चंढीगड - पटियाला - अमृतसर भेट निर्धरीत केलेल कारण आमी सीदा चंढीगडाक वचे म्हण निर्धार केलेल प्रमाणे, रैल शोधीतना आमका कोच्चुवली- चंढीगड रैल मेळे हाजे नांव संपर्क क्रांती कित्याक म्हळ्यार सभार राज्य दाटून ह्या रैल एक सांकळी जावनू आसून लोकांक संचाराक प्रतिकूल जावनू आसा. कोडियालाचे जंक्षन स्टेषन म्हण नावांकीत जालेल कंकनाडी स्टेषन दाकून ह्या रैल आमका मेळे. पुडे आमी उलयतना अत्तावर रैल स्टेषन आनी कंकनाडी रैल स्टेषन जाल्यारी आरता, हाका सेंट्रल आनी जंक्षन म्हण नावांकीत कोरनू साबार जनाक गोंदोळ जालेल मिगेल गमनाक आयला. नित्या काम जावनू मडंत्यारा दाकून धर्मस्थळा एक्सपरेस बसार येतना यात्री लोक चदावत जावनू केरळाक वचाक मंगळूरू रैल स्टेषन म्हणतांची तांका कंकनाडी आनी अत्तावरा मधेंतू गोंदोळ जावनू थोडे पंता पंपवेलांतू देंवताची. एक प्रचलीत आशीले नांव बदल जाल्यारी लोक ताका पुडले नावानची आपोवचे आमी पळोवेत आजीक पंपवेल - महावीर वृत्त जाल्यारीय कोडियालाचे लोकांक आनी भायले गांवा दाकून येतलेंक ते पंपवेलची जावनू राबता.
आमी शुक्रार राती रैल कंकनाडी दाकून कोच्चुवली दाकून येवचे रैल ते, चंढिगडाक आमी पावचे सोमार सांजवेळाक म्हळेल आमका कळीत आशीले. म्हळ्यारी तीन राती रैलारी! एक नवो अनुभव. आमी ८/०१/२०१६ राती कोडियाला दाकून भायर सरले, विश्वासाले आनू आनी म्हालगडो भावू वरण अण्णा आमका सोडचाक आयले. राती आमी जेवण कोरनूची भायर सरले, आनी उलोवनू बसले तोडे वेळान नीद लागले, मधेंतू जाग जात्तना आमी गोंया पावनू आशिले. साधारण मध्य राती आमी गोंयांतू आशिले, मोबैलांतू हरयेक पंता गांव बदलतना नेटवर्क बदलचे संदेश येता आशिले, फांतेर म्हणतना, रत्नगिरी, पनवेल मुंबयी पावतना ते शहराचे चित्रण दोळ्या मुखार आयले, सकाळीचे दांत घासून कंडी दाकून पळयतना कोणाय सांगूका म्हण ना आमी मंबयी पावले म्हण, त्या लोकाले धांवडी सकाळी रैलवे स्टेषनांतू लोक बोरनू कामाक स्कूलाक सकाळी सकाळी राकून राबिले, रैल आयले सतां चप्पून भरचे ह्या सक्कड पळयतना, कन्नडाचो कवी जी.एस.शिवरुद्रप्प हांगेले मुंबयी जातक म्हळेल कवन दोळ्या मुखार येता, यांत्रीक जालेल जीवन निरंतर चलचे व्यावसायीक क्षेत्र ह्या सक्कड पळयतना आमका दोगांकय मनांतू आयिले आमगेले कोडियाची जावेत, मुंबयिंतू पाय गालनी जाल्यारीय वाडून राबिले उंचायिचे बिलडिंग सांगात स्लम आनी जन जीवन. त्याच वेळाक आमगेले रैलांतू भोरनू गेतिले लोक, हाजे मधेंतू आयिले वडा पाव खावनू कंडी दाकून भायर पळयताची एक मिर्सांग चाबून कशी जाता म्हण प्रयत्न कोरनू तीक जावनू उदाक पीवनू समाधान कोरनू गेतले. तारीक ९/०१/२०१६ रैलार सगळो दीस काडका, अशी जांकी परडी उलोनू हाजे मधेंतू मुंबयिंतू एकळो अंबालाक वत्तलो आमगेले लागी मेळो आनी ताणे खरटे कांतूचाक प्रारंभ केले. गांवान गांव दोळ्यामुखार धांवचे माडो जाड रूक घर शहर उदाक न्हंय ताजे मधेंतू नीद वेलेल तोडे खाण खावनू आशीले, दनपारा जेवण म्हणतना एकलो निमगून आयलो, आमी दोन जेवण सांगले, आमका थोडे वेळान जेवण आयले आनी मुंबयिंतू आयिल्यान हगूर पोटली मेकळूंक शुरू केले तांतू चपाती आनी सुके भाजी आशिले त्या खावनू ताणे वरलेल बांदून दवरले, सांजवेळ वडोदराक पावले - गुजरात एक वेळार गांधिले गांव जावनू आशिले आज मोदिले नांवार व्हळक ताजे, थंय वडा -वडा म्हण विकून आशिलो, सान सान तेलांतू तळेल पोडी. तेला खाण कंचे तेल गोतना, पोट सम ना जल्यारी, आनीकय दोन दीवस काडचाक आसा, म्हण जाल्यारी आमका, गेलेल कडेन कसने स्पेषल आसकी ते खावचे उमेदी, एक वडा मिर्ची गेतले, तांतू कसले आशिले गोतना कसकी पाल्लो कोचोल कोरनू सान सान आंबडो शी आशिले एक प्लेटांतू चार, दोन दोन खाले मिर्सांग उडयले. गुजरात जावनू रैल मद्य प्रदेशाक वतान राती जेवण, आमी मोट्टेचे बिरयानी सांगले, ताणे तागेले पोटली मेकळे दोन चपाती खालो आनी थंय आड सरलो, आमी सगळे हात पाय सोडून निद्दले. राजसतान राती निद्दांतू गेलेल गोत्तू जालेल ना सकाळी दोळो सोडतना, १०/०१/२०१६ उत्तर प्रदेश - शींय आनिकय धा वांटेन चड, सक्कड कडेन धोव पडून एक अलौकीक सौंदऱ्य, स्तब्द चित्रण दुसरे एक प्रपंचाक गेलेले अनुभव, भायर भंगी मारचे साधू लोक, शिंय धोव आनी भंगी दुवारो एकमेळले अदबूत दृश्य. बावजीन सांगिले, मथुरांतू इलायची चा मेळता, ते उडगासान टेसटकरी म्हणून, बावजी हरिद्वार केदार आनी बदरिनाथ म्हणू साभार पंता प्रयाण केला तशे तानी सांगिले उडगास आशिले. मथुरांतू रैल राबले सता दाड बड लोक हातांतू किटली गेवनू चडले, त्या कडकड येवचे शींयाक मथुराचे इलायची चा न जीवाक समाधान दिले, वाटेर चार पांच बड्डी बांदून सकल इंगाळो गालनू किटली लांबोन हून करचे आनी त्या उजेक आंग तापोवनू ताजे सुत्तू लोक पांगरून बशीले पळोवचाक मेळता. मुखार उत्तर प्रदेश जावनू त्या शींय देवनू सांजवेळ म्हणतना परत शींय वारे प्रारंभ जाले. दोन दीस जाले, पायी सांजवेळ आमी चंडिगड बयसून बयसून पुरो जावनू आशिले, आनी एक दिवस म्हळेल एक आलोचन मातेंतू, ११/०१/२०१६ उत्तर प्रदेश दाकून हरयाण, थंय मूऱ्या पातोर ना, सक्कड इमारत इट्टिगेचे पळोवनू, रैलार आयिले खावनू घुरकडे पोन कोरनू उलोवनू तशीच चंढिगडांतू अश्विनी कुमार सिंग हांका आमी सांजवेळ पावचे विचार सांगून १२/०१/२०१६ क सकाळी मेळचाक येतांची म्हण सांगले. त्याच वेळार काशीमठाचे होड स्वामे श्रीमद सुधींद्र तीर्थांगेले आरोग्य बरे ना म्हळेल खबर गांवांतू आशिले, आमी हऱ्याणा दाकून देहली त्या शींया वारे आनी त्या सगळो दीस आमी वत पळयलेले ना म्हणेत, सासमाचे तोट आनी रैलवे स्टेषनांतू दाकून दिशचे बृहत आकाराचे देशाचे बावटो सक्कड पळोवनू देहली जावनू अंबाला वचून सांजवेळ शींय चडता आसतान आमी दोगय रैला दाकून देंवले.
हरयेक रैलवे स्टेषनांतुले करकर आशचे ह्या रिक्षा आनी ट्याक्सी ड्रैवर्स बोब गालनू आपोवचे एका दोन मोल सांगून सोल्लाचे आमका सुरवे दाकून कळीत आशीले आमगेले कोडियालांतू हे पळोवनू गोत्तस, एक पंता कोच्ची वत्तना थंय व्यवस्था दुसरे नमुनो, प्री पेड ट्याकी, आमका खंय वचूका त्या जागो सांगलेर तो सुरवेकची ताचे मोल सांगता आमी ते दिवनू तानी दिलेल रिक्षार आरामेर वचेत आरता असले व्यवस्था साबार कडेन प्रारंभ जाला म्हण आयकला. नातलरी परगांवतुले म्हण कळे सतां कीसेक कात्तरी गालचेच चलता. अंतू असले दृश्य थंय आशीले थोडे वेळाक आमी दोगाय कान आयका नाशी नही चायिये नही चायिये म्हणतची मुखार मुखार येवनू रसतेर वता आसचे रिक्षा राबोन तांतू बसले.
