Ghatti

Moineacho Kovi - 4. Ghatti

somsarant yedoll pason konnench kolpon korunk zat‌l'lea kallant ami jieun asamv. Bhouxa mha-zhuzavellar soit zamv osole dis konnench kadd‌l'levixim ami itihasachea bukamni vachunk na. Kovidd vo korona vairosan okhkhea monoxa kullak‌ch dhuspottailem. Surover fokannam kel'leamni soit jedona aveachem udok voir ayil'leporim sonkoxtt opleach gamvak jedonam hem vairos riglem tednam chintunk mojbur zaun apaplea ghoramni bondh zale.

Kovi mhollear sobhar orth asuyeta. Choritrechea bukamni rayamni opnnachi vhoddvik gamvcheak pos‌l'le kovi jieun astale. Tanchem kam' fokot pattosacher bos‌l'lea rayancher, tanchea kaide kanunancher hogllik ucharnni korchem xivai her kitench tankam poddon gel'lem na. To kall romeanttisomacheaki adhlo asuyeta. Uprant romeanttisom' ailem, kall bodoln gel'leporinch kovichea orthacho soit bodlaunn zaun ailem. Moddorn, postt moddorn uprant dolit-bonddai kovitemni kovinchem rup‌ch bodlilem. Eka tempadim kovi mhollear rayank horsunk asle atam somajik kallji asche, somajechea donnsol'leanchea jivitacher somajechea songhorxancher spondon korche zale. Punn viporeas mhollear ozun zaite kovi tech paromporik vorgantle zaun uroleat. Tancheo kovita fokot sokkodd sarkem astana ghoddtat. Tancheo kovita bondh kuddamni daram dhampun detat. Tancheo kovita pott bhorn jeun dhenk kaddtana vell paxar korchem onyek vikolp bhaxen yetat. Khoremponnim hea moineachea kovita sortent sobhar kovita hea ’korona’cher aileo punn chintpachi gunddai zamv, voicharik voividhyota zamv tantum asli bhovo patoll. Itlo vell aslo punn hea vellant vachpacho borgoll uttun distalo.

Punn thoddeo kovita khorench zaun bhovo somodhan haddunk sokleat mhonncheant dubhavo na. Tantum hi kovita khonddit ek. Dekun ’moineachi kovita’ zaun vinchunk koslech tras zalenant.

’mhojea gamvant so ami, tantun chear kovi. Bakiche mone’ - ailevar vach‌l'li ek voll yadint yeta. Kovita mhollear kitem? kovi mhollear konn? kovita mhollear utranchi ras korun zoxem mapolleanchem sunnem topi dourlelea pattolean gel'leporim vecho kovi kai? kovita mhollear ek zovabhdari mhonnun hamv tor‌yi patyeun ailam dekun hea songhorxachea disamni soit oplea jinnyeche songhorx, koxtt - okant kallzant dourun, somajik onitevirod kallzant uttcho azaz umalleanchea tintan kovitechea ekeka utramni bhorchi kola zonnasche kovi aichea somajent kitle? dekun mhaka oxem bhogta mhojea gamvant je mone asat, tech kovi xivai uddkanna marche chear nhoi.

Mai 1 tarik zagotik kameleancho dis. Kameli mhollear duddu asleamni molayil'li khellomvchi bauli nhoi. Duddu asa dekun monxaponn konnench molak gheunko zaina. Somajent vevegollea nibamni ubhem/add chirun opli dall xizoitele bhorun gel'lea sondhorbhar hem chintop solisayechem nhoi. Zoxem avazak‌ch songit mhonn mandhtele chodd mhonnun avaz songit zaina. Hea add-ubhem chirtele ekamekavixim vik vanttun somajent ekamekacho man kaddun opli vhodd‌ponn gazoitat. Ani herank ’ghatti’ mhonnotat. Golfant amchea dexachea lokachim kormam polleun bakicho lok amkam ’ghatti’ mhonnta. Amchea dexant soit ami herank ani heram amkam ’ghatti’ mhonnun holk korchi rivaz bhovo porni punn ozun prostut aschi. Hea kovitent soit to okman, ti ninda, ti loz, ani chodd korun monxaponnacher cholchea onitechea virod utt‌l'lo avaz kovitechea ekeka vollicher opurbhayen oplea kallozachem rudan gayit vetana khorench kovita mhollear kitem ani kovi mhollear konn mholl'llea sovalachi zovab mellota.

Ghatti (- Sangeeta Naik)

Tujea ghorakoddenudkache vhorpak paip ... Fonndd marun marun angzhorli mhajeapayachi vattihoi hamv ghatti ....

Sopnatlea ghoracheo tujeaubeo korunk vonnttimathe kodd'ddoit put mhozovhauyta hi yedi pattim ...Hoi hamv ghatti ...

Aidon panni tujea ghorchezaunche distadist ....Mhunn bhukekongal bail mhojizhor zhor zhortavhotti -pottim hoi hamv ghatti ...

Tujea bhurgeanchea hatantpensil ani pattituzo koir bhongar matmhojea poranchea fattimhoire babahoi hamv ghatti

Ekdis mhojea zoteamnghalga matxe pai...Bhog ghatti .. Ghatti hinnoitokichkallzak zal'lebhollbhollopi ghai

Torikoi disle tukamhonnche tench utor zalear hamv holmotolomonis nhi tu fatormagir mhonntom raum zaititologhatti ... Ghatti ... Ghattivollun hamv porotpollouchona re fattivollun hamv porot, pollouchona re fatti

Play the video

Watch on YouTube

[April 2020]