ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
[2006 ಇಸ್ವೆಚಾ ಸಪ್ತೆಂಬರ್ 23 ತಾರಿಕೆರ್ ಅಪ್ಲೊ 41ವೊ ಜಲ್ಮಾದಿವಸ್ ಆಚರಣ್ ಕರ್ಚಾ ಆಂಡ್ರು ತುಕಾ ಹೆಂ ಅಂಕಣ್ ಅರ್ಪಣ್]
ಸತಾಂ ಆನಿ ಖತಾಂ - 25. ಫುಟ್ಕರ್ ಕೊಳ್ಸೊ
ಹೆಂ ಅಂಕಣ್ ’ರಾಕ್ಣೊ’ ಚೆರ್ ತಶೆಂಚ್ ಆಶಾವಾದಿ ಪ್ರಕಾಶನಾಚಾ ಬುಕಾರುಪಾರ್ ಪರ್ಗಟ್ ಜಾಲಾಂ.
ಎಕಾ ಗಾಂವಾಂತ್ ಎಕ್ಲೊ ತರ್ನಾಟೊ ಆಪ್ಲ್ಯಾ ಧನ್ಯಾಚಾ ವೊಡ್ತಾಂತ್ ವೆವೆಗ್ಳಿಂ ಫುಲಾಂ ಝಡಾಂ ಲಾವ್ನ್ ತಾಂಚೊ ಪೋಸ್ ಕರ್ತಾಲೊ. ಪುಣ್ ತಾಚಾ ಜಾಗ್ಯಾಂತ್ ಉದಾಕ್ ನಾಸ್ತಾಂ ತಾಕಾ ಪಯ್ಸಿಲ್ಯಾ ತಳ್ಯಾ ಥಾವ್ನ್ ಸದಾಂ ಉದಾಕ್ ಹಾಡುಂಕ್ ಪಡ್ತಾಲೆಂ ದೆಕುನ್ ಆಪ್ಲ್ಯಾ ದೊನೀ ಖಾಂದ್ಯಾರ್ ಏಕ್ ಮೊಟೊ ತೊಣ್ಕೊ ದವ್ರುನ್, ತ್ಯಾ ತೊಣ್ಕ್ಯಾಚಾ ದೊನೀಂ ಕೊನ್ಶಾಂನಿ ಎಕೇಕ್ ಕೊಳ್ಸೊಭರ್ ಉದಾಕ್ ಭರುನ್ ತ್ಯಾ ಪಯ್ಸಿಲ್ಯಾ ತಳ್ಯಾಕ್ ವಚೊನ್ ಉದಾಕ್ ಹಾಡುನ್ ಆಪ್ಲ್ಯಾ ವೊಡ್ತಾಂತ್ ಆಸ್ಚಾ ಫುಲಾಂಕ್ ವೊತ್ತಾಲೊ.
ಪುಣ್ ತ್ಯಾ ದೋನ್ ಕೊಳ್ಸ್ಯಾಂ ಪಯ್ಕಿ ಏಕ್ ಕೊಳ್ಸೊ ಫುಟ್ಕೊರ್ ಅನ್ಯೇಕ್ ಕೊಳ್ಸೊ ಸಾರ್ಕೊ ಆಸ್ಲ್ಲೊ. ದೆಕುನ್ ಸಾರ್ಕೊ ಆಸ್ಚೊ ಕೊಳ್ಸೊ ಆಪ್ಲ್ಯಾ ಸಂಪೂರ್ಣ್ ಶ್ಯಾಥಿಯೆಂತ್ ಉದಾಕ್ ಹಾಡುಂಕ್ ಸಕ್ತಾಲೊ. ಅಶೆಂ ಸದಾಂ ತೊ ತರ್ನಾಟೊ ದೊನೀಂ ಕೊಳ್ಸ್ಯಾಂನಿ ತೊ ಉದಾಕ್ ಭರುನ್ ಹಾಡ್ತಾಲೊ ತರ್ಯ್ ವೊಡ್ತಾಕ್ ಪಾವ್ತಾನಾ ದೇಡ್ ಕೊಳ್ಸೊಭರ್ ಉದಾಕ್ ಮಾತ್ರ್ ತಾಚ್ಯಾನ್ ವೊತುಂಕ್ ಜಾತಾಲೆಂ.
ಅಶೆಂ ಥೊಡೊ ತೇಂಪ್ ಉತರ್ತಚ್, ಸಗ್ಳೊ ಆಸ್ಚೊ ಕೊಳ್ಸೊ ಆಪ್ಲ್ಯಾ ಪರಿಪೂರ್ಣತೆಂತ್ ವ್ಹಡಾ ಸಂತೊಸಾನ್ ಆಸ್ಲ್ಲೊ, ಸದಾಂ ಎಕಾಚ್ ಕುಶಿನ್ ತಾಕಾ ಬಾಂದ್ಲ್ಲೆಂ ದೆಕುನ್ ತ್ಯಾ ಕುಶಿಚೊ ತಾಕಾ ಅಭಿಮಾನ್ ಭೊಗ್ಲೊ. ಪುಣ್ ಫುಟ್ಕೊರ್ ಕೊಳ್ಸೊ ಆಪ್ಲ್ಯಾ ಉಣ್ಯಾಪಣಾಚೆರ್ ಅಪ್ಣಾಚೆರ್ ಪಶ್ತಾತಾಪ್ ಪಾವ್ಲೊ ಆನಿಂ ಲಜೀಸ್ಟ್, ನಿರಾಸಿ ಜಾಲೊ.
ಅಶೆಂ ನಿರಾಶಿ ಜಾವ್ನ್, ಆಪ್ಲ್ಯಾ ಅಸ್ಕತ್ಕಾಯೆಚೆರ್ ಆನಿ ಸಲ್ವಣೆಚೆರ್ ಶಿಣೊನ್ ಎಕಾ ದಿಸಾ ತ್ಯಾ ಕೊಳ್ಸ್ಯಾನ್ ಉದಾಕ್ ಹಾಡ್ಚಾ ತ್ಯಾ ತರ್ನಾಟ್ಯಾಲಾಗಿಂ ಸಾಂಗಾಲಾಗ್ಲೊ; "ಮ್ಹಾಕಾ ಮ್ಹಜ್ಯಾ ಶ್ಯಾಥಿಯೆರ್ ಆನಿ ಸಲ್ವಣೆಚೆರ್ ಲಜ್ ಭೊಗ್ತಾ, ದೆಕುನ್ ಹಾಂವ್ ತುಜೆಲಾಗಿಂ ಮಾಫ್ ಮಾಗ್ತಾಂ"
"ಕಿತ್ಯಾಕ್?" ವಿಚಾರಿ ತರ್ನಾಟೊ, "ತುಂ ಕಿತ್ಯಾಕ್ ತುಜೆರ್ ಲಜೆತಾಯ್"
"ಹಾಂವ್ ಪಾಟ್ಲ್ಯಾ ಇತ್ಲ್ಯಾ ತೆಂಪಾ ಥಾವ್ನ್ ತುಂ ಮ್ಹಾಕಾ ಉದಾಕ್ ಭರುನ್ ಹಾಡ್ತಾಯ್ ತರ್ಯ್ ಮ್ಹಜೆಲಾಗಿಂ ಆಸ್ಚಾ ಅಸ್ಕತ್ಕಾಯೆನ್ ಆನಿ ಉಣ್ಯಾಪಣಾವರ್ವಿಂ ಫಕತ್ ಅರ್ಧೊ ಕೊಳ್ಸೊ ಉದಾಕ್ ಮಾತ್ರ್ ಹಾಡುಂಕ್ ಸಕ್ತಾಂ, ಆನಿಂ ತುಜಾ ಮಿನತೆಕ್ ಜೊಕ್ತೊ ಪ್ರತಿಫಳ್ ದಿಂವ್ಚಾಂಕ್ ಹಾಂವ್ ಸಲ್ವಲಾಂ" ಕೊಳ್ಸ್ಯಾನ್ ಜಾಪ್ ದಿಲಿ.
ಆತಾಂ ತರ್ನಾಟ್ಯಾಕ್ ತ್ಯಾ ಕೊಳ್ಸ್ಯಾಕ್ ಭುಜಂವ್ಕ್ ಜಾಯ್ ಆಸ್ಲ್ಲೆಂ, ದೆಕುನ್ ಅಶೆಂ ಮ್ಹಣಾಲೊ;
"ಬರೆಂ, ತರ್ ತುಕಾ ಆತಾಂ ಹಾಂವ್ ತಳ್ಯಾ ಥಾವ್ನ್ ಪಾಟಿಂ ವೆತಾನಾ ವಾಟೆರ್ ಆಸ್ಚಾ ಸೊಭಿತ್ ಫುಲಾಂಕ್ ದಾಖಂವ್ಕ್ ಆಶೆತಾಂ"
ಅಶೆಂ ವಾಟೆರ್ ಯೆತಾಸ್ತಾನಾ ಸುರ್ಯಾಚಾ ಭಾಂಗ್ರಾಳ್ಯಾ ಕಿರ್ಣಾಂನಿ ಪರ್ಜಳೊನ್ ಆಸ್ಚಾ ವಾಟೆ ವಯ್ಲ್ಯಾ ಸೊಭಿತ್ ಫುಲಾಂಕ್ ಪಳೆವ್ನ್ ಫುಟ್ಕೊರ್ ಕೊಳ್ಸೊ ಸಂತೊಸ್ಲೊ ತರ್ಯ್ ಆಪ್ಲ್ಯಾ ಉಣೆಂಪಣಾ ವರ್ವಿಂ ಫಕತ್ ಅರ್ಧೊ ಕೊಳ್ಸೊ ಮಾತ್ರ್ ಉದಾಕ್ ಹಾಡುಂಕ್ ಸಾಧ್ಯ್ ಜಾಲ್ಲೆ ಖಾತಿರ್. ದೆಕುನ್ ಪರತ್ ತ್ಯಾ ಕೊಳ್ಸ್ಯಾನ್ ಮಾಫ್ ಮಾಗ್ಲಿ.
ಆತಾಂ ತ್ಯಾ ತರ್ನಾಟ್ಯಾನ್ ತ್ಯಾ ಫುಟ್ಕೊರ್ ಕೊಳ್ಸ್ಯಾಕ್ ಜಾಪ್ ದಿಲಿ;
"ತುವೆಂ ಸಾರ್ಕೆಂ ಪಳೆಲೆಂಯ್ವೆ? ತ್ಯಾ ವಾಟೆರ್ ಆಮಿಂ ಯೆತಾನಾ ಫಕತ್ತ್ ಎಕಾಚ್ ಕುಶಿನ್ ಮ್ಹಣ್ಜೆ - ತುಜ್ಯಾಚ್ ಕುಶಿನ್ ಫುಲಾಂ ಫುಲ್ಲ್ಲಿಂ ಶಿವಾಯ್ ದೊನೀಂ ಕುಶಿಂನಿ ನ್ಹಯ್. ತುಜಿ ಅಸ್ಕತ್ಕಾಯ್ ಹಾಂವ್ ಪಯ್ಲೆಂಚ್ ಬರ್ಯಾನ್ ಜಾಣಾಂ ಆಸ್ಲ್ಲೊಂ ದೆಕುನ್ ಹಾವೆಂಯ್ ಎಕಾಚ್ ಕುಶಿನ್ ಹಿಂ ಫುಲಾಂ ಝಡಾಂ ಲಾಯಿಲ್ಲಿಂ ಆನಿಂ ತುಜೆನಿಮ್ತಿಂ ಸದಾಂ ತ್ಯಾ ಝಡಾಂಕ್ ಉದಾಕ್ ವೊತುಂಕ್ ಮ್ಹಜಾನ್ ಸಾಧ್ಯ್ ಜಾಲೆಂ. ಆನಿಂ ತ್ಯಾ ವರ್ವಿಂ ಮಾತ್ರ್ ಮ್ಹಜಾನ್ ಧನ್ಯಾಚಾ ಘರ್ಚಾ ವಾಜಾಂನಿ ಫುಲಾಂ ದವ್ರುಂಕ್ ಸಾಧ್ಯ್ ಜಾಲೆಂ. ತುಜೆವಿಣ್ ಹೆಂ ಖಂಡಿತ್ ಮ್ಹಜ್ಯಾನ್ ಅಸಾಧ್ಯ್ ಜಾತೆಂ"
ಸಂದೇಶ್: ಜಿಣ್ಯೆಂತ್ ತುಂ ತುಜೆಖಾತಿರ್ ಕಿತ್ಲೋಯ್ ಪರಿಪೂರ್ಣ್ ಜಾವ್ಯೆತ್, ಪುಣ್ ಕೆನ್ನಾಂ ತುಂ ಹೆರಾಂ ಖಾತಿರ್ ಜಿಯೆಂವ್ಕ್ ಸಕಾನಾಂಯ್ ತೆದೊಳ್ ಪರ್ಯಾಂತ್ ತೆಂ ಬರೆಂಪಣ್ ಹೆರಾಂಕ್ ಪಾಂವ್ಚೆಂನಾ. ಸಭಾರ್ ಪಾವ್ಟಿಂ ತುಜೆಲಾಗಿಂ ಆಸ್ಚೊ ಅಸ್ಕತ್ಕಾಯೊ ಸಯ್ತ್ ಹೆರಾಂಚಾ ಬರ್ಯಾಕ್ ಉಪ್ಕಾರ್ತಾತ್ ತರ್ ತಸಲ್ಯೊ ಅಸ್ಕತ್ಕಾಯೊಚ್ ಬರ್ಯೊ ನ್ಹಯ್ಗೀ?
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
