ಪರ್ನ್ಯಾ

ಕವಿತಾಪಾಠ್ ಮ್ಹಳ್ಯಾರ್ ಕಿತೆಂ ಮ್ಹಳ್ಳ್ಯಾಚಾ ಸವಿಸ್ತಾರ್ ವಿವರಾಂಕ್ ಹ್ಯಾ ಪಾನಾಕ್ ಭೆಟ್ ದಿಯಾ

ಪ್ರವೀಣ್ ತೌರೊ ಕುಲ್ಶೇಕರ್: ಚಡ್ತಾವ್ ಮಂಗ್ಳುರ್‌ಗಾರಾಂಕ್ ಹೊ ವ್ಹಳ್ಕೆಚೊ. ಆಪ್ಲ್ಯಾ ಹಾಸ್ಕುರ್‍ಯಾ ತೊಂಡಾಂತ್ ಸರ್ವಾಂಲಾಗಿಂ ಮೊಗಾನ್ ಉಲಂವ್ಚೊ ಹೊ ಸಂಯ್ಭಾನ್ ಭೋವ್ ಖಾಲ್ತೊ. ತಶೆಂಚ್ ಕೊಂಕ್ಣಿ ಭಾಸೆಚೊ ವಿಶೇಸ್ ಮೋಗ್ ಕರ್ಚ್ಯಾಂತ್ಲೊ ಎಕ್ಲೊ. ಅಪುರ್ಭಾಯೆಚೆ ವಿಶಯ್ ವಿಂಚುನ್, ತಾಚೆರ್ ಬರೆಂ ಲೇಖನ್ ಬರಂವ್ಚಿ ಶ್ಯಾಥಿ ಆಸ್ಚ್ಯಾ ಪ್ರವೀಣಾಕ್ 2004 ಇಸ್ವೆಚ್ಯಾ ದಾಯ್ಜ್ ಸಾಹಿತಿಕ್ ಸ್ಪರ್ಧ್ಯಾಂತ್ ಲೇಖನಾಕ್ ಇನಾಮ್‌ಯೀ ಲಾಭ್ಲಾಂ.

ಆಯ್ಚೊ ಕೊಂಕ್ಣಿ ಲೋಕ್ ಅನಿ ಆಯ್ಚಿ ಕೊಂಕ್ಣಿ ಪರಿಗತ್

Placeholder: the original page gave this picture no description, and none has been written yet. It came from daaiz\daaiz\articles\pt.asp.

ಪ್ರವೀಣ್ ತೌರೊ, ಕುಲ್ಶೇಕರ್

ಪರ್ನ್ಯಾ ಆನಿ ನವ್ಯಾ ಮಧೆಂ ಸಂಬ೦ದ್ ರಸ್ಚೊ ಫೇಸ್ ಬೂಕ್ FACEBOOK

ಹ್ಯಾ ಆಧುನಿಕ್ ಕಂಪ್ಯುಟರ್ ಕಾಳಾರ್ ನವಿ ನವಿ ಜಾಗೃತಿ ಜಾಲಿ ಮ್ಹಣ್ಯೆತ್. ಎಕಾ ಮೆಕಾಕ್ ಸಂಪರ್ಕ್ ದವರ್ಚ್ಯಾಂತ್ ಹ್ಯಾ ಲ್ಹಾನ್ ಯಾಂತ್ರಿಕ್ ಬೊಕ್ಸಾನ್ ಆಜ್ಯಾಪಾಂ ಕೆಲ್ಯಾಂತ್ ಮ್ಹಳ್ಯಾರ್ ಚೂಕ್ ಜಾಂವ್ಚಿನಾ. ಹ್ಯಾ ಲ್ಹಾನ್ ಬೊಕ್ಸಾಕ್ ಇಂಟರ್ನೆಟ್ ಮ್ಹಳ್ಳ್ಯಾ ಸಾಂಗಾತಿಣೆನ್ ಸಾಂಗಾತ್ ದಿಲೊ ಅನಿ ಸಂಸಾರ್ ನವಲಾಂ ವಯ್ರ್ ನವಾಲಾಂ ಘಡ್ಲಿಂ, ಪಯ್ಲೆಂ MSN, ಉಪ್ರಾ೦ತ್ YAHOO, ORKUT, REDIFF, SKYPE ಅನಿ ಆತಾಂ FACEBOOK.

FACEBOOK ಏಕ್ ಸೊಶಿಯಲ್ ನೆಟ್‌ವರ್ಕ್ ಆನಿ ವೆಬ್‌ಸೈಟ್. ಫೆಬ್ರವರಿ 2004 ಂತ್ ಸುರು ಜಾಲ್ಲಿ ಆಜ್ ಮ್ಹಣಾಸಾರ್ (July 2011 ಮ್ಹಣಾಸರ್) 750 ಮಿಲಿಯಾನ್ ಲೊಕಾನ್ ಆಪ್ಲೊ ACCOUNT ಕೆಲಾ. ಹ್ಯಾ NETWORK ಂತ್ ಆಪ್ಲಿ ವ್ಹಳೊಕ್, ಮೆಸೇಜ್ ಧಾಡುಂಕ್, ಫೋಟೊ ಆಪ್‌ಲೊಡ್ ಕರುಂಕ್, ನವ್ಯಾ ಈಶ್ಟಾಂಕ್ ಆಪ್ಣಾಂವ್ಕ್ ಆನಿ ಇತರ್ ಸೆವೆಕ್ ಆವ್ಕಾಸ್ ಆಸಾತ್.

FACEBOOK ಸುರು ಕೆಲ್ಲೊ ಮಾರ್ಕ್ ಜುಕೆರ್ ಬರ್ಗಾನ್ ಆಪ್ಲ್ಯಾ ಸಾಂಗಾತಿ COMPUTER SCIENCE ವಿದ್ಯಾರ್ಥಿ ಎಡ್ವರ್ಡೊ ಸೆವೆರಿನ್, ದಸ್ಟಿನ್ ಮಸ್ಕೊವಿಟ್ಜ್ , ಆನಿ ಕ್ರಿಸ್ ಹ್ಯೂಗ್, ಸುರ್ವೆರ್ ಇಶ್ಟಾ ಖಾತಿರ್ ಸುರು ಜಾಲ್ಲೊ, ಹೊ ಫೇಸ್ ಬೂಕ್ ಆಮೆರಿಕಾಚಾ ಬೂಸ್ಟನ್ ಪ್ರದೆಶಾಂಚಾ ಇತರ್ ಯುನಿವರ್‍ಸಿಟಿ ಕ್ ವಿಸ್ತಾರ್ಲಿ. ಪುಣ್ ತೆರಾ ವರ್ಸಾ ಸಕಯ್ಲಾ ಭುರ್ಗ್ಯಾಂಕ್ ನಿರ್ಬಂಧ್ ಆಸ್ಲೊ, ತರಿ ಆಜ್ ಮ್ಹಣಾಸಾರ್ ತೆರಾ ವರ್ಸಾ ಸಕಯ್ಲೆ ೭.೫ ಮಿಲಿಯಾನ್ ಭುರ್ಗ್ಯಾಂನಿ ನಿಯಮ್ ಉಲ್ಲಂಗಣ್ ಕೆಲಾಂ.

ಹ್ಯಾ ಫೇಸ್ ಬೂಕ್ ವರ್ವಿ ಥೊಡ್ಯಾಂಕ್ ಬರೆಂಪಣ್ ಲಾಭ್ಲ್ಯಾರ್ ಸಭಾರಾಂಕ್ ವಾಯ್ಟ್‌ಯೀ ಜಾಲಾಂ.

ಇಸ್ಕೊಲಾಕ್ ಗೆಲ್ಲೊ ಭುರ್ಗೊ ಘರಾ ದಾ೦ವೊನ್ ಯೆವ್ನ್ COMPUTER ರ್ ಬೊಸ್ತಾ ಆನಿ ಮೊಬೈಲಾಧ್ವಾರಿ ಆಪ್ಲ್ಯಾ ಇಸ್ಟಾಕ್ ಫೇಸ್ ಬೂಕಾರ್ ಚಾಟ್ ಕರುಂಕ್ ಆಪವ್ಣೆಂ ದಿತಾ, ಅನಿ ಮಧ್ಯಾನ್ ರಾತ್ ಪರ್ಯಾಂತ್ ಭುರ್ಗಿಂ ಚಾಟಿಂಗಾರ್ ಆಸ್ತಾತ್, ನಿದ್ಲ್ಯಾ ಮಾಗಿರ್ ಬೆಡ್ ಶಿಟಾ ಬಿತರ್ ಮೊಬೈಲಾರ್ ಇ- BUDDY DOWNLOAD ಕರ್ನ್ ಮಹಿನ್ಯಾಕ್ ಚಾಳಿಚ್ ಅನಿ ಪನ್ನಾಸ್ ರುಪ್ಯಾಂಚೆ Pಂಅಏ ಘಾಲ್ನ್ ದಿಸಾಕ್ ದೊನ್ಶಿಂ ಥಾವ್ನ್ ಪಾಂಯ್ಶಿ ಮೆಸೆಜ್ ಆಸ್ಚೆ ಮೊಬೈಲ್ ಕಂಪಿಣೆಚೆ SIM CARD ಕಾಣ್ಗೆವ್ನ್ DUAL CARD SIM ಆಸ್ಚೆಂ ಮೊಬೈಲ್ ಕಾಣ್ಘೆವ್ನ್ ಸಗ್ಳೊ ದೀಸ್ ಮೊಬೈಲಾರ್ ಉಮ್ಕಾಳೊನ್ ಆಸ್ತಾತ್, ಆವಯ್, ಕಾದಂಬರಿ, ಕಲ್ಯಾಣಿ, ಪುಣ್ಯಾ ಕೊಟಿ, ಪ್ರೇರಣಾ, ರಂಗೊಲಿ, ಪವಿತ್ರ್ ರಿಸ್ತಾ, ಕಬಿ ಸಾಸ್ ಕಿ ಕಬಿ ಬಹೂ ಕಿ, ತರ್ ಬಾಪಯ್ ಈ CHANEL, ZEE Cinema, TV9 ಮ್ಹಣ್ ಬಿಜಿ ಜಾಲೆ.

ಹ್ಯಾ ಪೇಸ್ ಬೂಕ್ ತಸಲ್ಯಾ ನೆಟ್ ವರ್ಕಾಂನಿ ಸಭಾರ್ ಕುಟ್ಮಾಚಿ ನೀದ್ ಪಾಡ್ ಜಾಲ್ಯಾ, ಕುಟ್ಮಾ ದೆಸ್ವಾಟ್ ಜಾಲ್ಯಾಂತ್, ಘೊವ್ ಬಾಯ್ಲಾ ಮ್ಹಧೆ ವೆಗ್ಳಾಚಾರ್ ಜಾಲಾ. ತರ್ನಾಟಿ ಘರ್ ಸೊಡ್ನ್ ದಾಂವ್ಲ್ಯಾತ್, ತರ್ ಸಭಾರ್ ವಾಯ್ಟ್ ಇಶ್ಟಾಗತಿಕ್ ವಳಗ್ ಜಾಲ್ಯಾಂತ್. ಸಕ್ಡಾಂಕ್ ವಾಯ್ಟ್ ಜಾಲಾಂ ಮ್ಹಣುಂಕ್ ಸಾಂಗುಂಕಿ ಜಾಯ್ನಾ, ಮೊಸ್ತ್ ಜಣಾಂಕ್ ಹಾಚೆ ವರ್ವಿ ಬರೆಂಪಣ್ ಜಾಲಾಂ, ಸಭಾರ್ ಜಣಾಂಕ್ ಆಪ್ಲೆ ಸಾಂಗಾತಿ ಅನಿ ಸಾಂಗಾತಿಣ್ ಮೆಳ್ಳ್ಯಾಂತ್, ಬರೊ ಸಂಬಂದ್ ರುತಾಂ ಜಾಲಾ, ತರ್ ಥೊಡ್ಯಾಂಕ್ ದುಡ್ವಾ ಕಮೊಕ್ ಲಾಗ್ಲ್ಯಾ. ಅನಿ ಸಭಾರ್ ಆದ್ಲಿ ಸಾಂಡುನ್ ಗೆಲ್ಲಿಂ ಕ್ಲಾಸ್ ಮೆಂಟಾಂ ಪರತ್ ಮೆಳ್ಳ್ಯಾಂತ್. ನವೊ ಸಂಬಂಧ್ ರುತಾಂ ಜಾಲಾ. ತರ್ ಥೊಡಿ ತೀಸ್ ಚಾಳಿಸ್ ವರ್ಸಾಂ ಕ್ಲಾಸಿಂತ್ ಥಾವ್ನ್ ಮೆಕ್ಳೆ ಜಾಲ್ಲೆ ಇಶ್ಟ್ ಇಶ್ಟಿಣ್ಯೊ ಪರತ್ ಸಾಂಗಾತಾ ಮೆಳ್ತಾತ್, ತ್ಯಾಚ್ ಕ್ಲಾಸಿಂತ್ ಪರತ್ ಸಾಂಗಾತಾ ಮೆಳ್ತಾತ್, ಐಸ್ ಕೆಂಡಿ, ಚಿಕ್ಕಿ ಖಾವ್ನ್ ಆಧ್ಲೊ ಮಧುರ್ ಘಡಿಯೊ ಉಗ್ದಾಸ್ ಕಾಡ್ತಾತ್, ಅನಿ OLD STUDENT RE-UNION ಸಂಘಟನ್ ಭಾಂಧುನ್ ಹಾಡ್ನ್ ಆಧ್ಲ್ಯಾ ಮಿತ್ರಾಂಕ್ ಸಾಂಗಾತಾ ಹಾಡುಂಕ್‌ಯೀ ಹೆಂ ಫೇಸ್ ಬೂಕ್ ಅನಿ ಸೊಶಿಯಲ್ ನೆಟ್‌ವರ್ಕ್ ಸಹಕಾರ್ ಜಾಲಾ ಮ್ಹಣ್ ಸಾಂಗುಂಕಿ ವರ್ತೊ ಅಬಿಮಾನ್ ಭಗ್ತಾ. ಇಜಿಪ್ತಾಚೊ ರಾಯ್ ಆಪ್ಲ್ಯಾ ಗಾದಿಯೆ ಥಾವ್ನ್ ದೆವೊಂಕೀ, ಆನಿ ಸರ್ವ್ ಲೊಕಾಕ್ ಎಕ್ಟಾಯ್ ಕರುಂಕ್ ಹೊ ಫೆಸ್ ಬೂಕ್ ಕಾರಣ್ ಜಾಲಾ ಮ್ಹಳ್ಯಾರ್ ಚೂಕ್ ಜಾಂವ್ಚಿನಾ.

ಹೊ ಸೊಶಿಯಲ್ ನೆಟ್ ವರ್ಕ್ ವೆಬ್‌ಸೈಟ್ ಬರ್‍ಯಾಕ್ ಗಳ್ಸಿಲ್ಯಾರ್ ಬರೊ ಸಂಬಂಧ್ ರುತಾಂ ಜಾತಾ ಅನಿ ಥೊಡಿ ಜಾಣ್ವಾಯ್ ಆಶಾರ್ ಪಾಶಾರ್ ಕರುಂಕ್ ಜಾತಾ ತರ್, ಮೀತ್ ಮಿರ್ವೊನ್ ಉಪ್ಯೊಗ್ ಕೆಲ್ಯಾರ್ ವಾಯ್ಟ್ ಜಾಂವ್ಚೊ ಸಂಭವ್ ಚಡ್.

ನವಿ ಕಾಜಾರಿ ಜಾಲ್ಲಿ ಆಲ್ವಿನ್ ಅನಿ ಡಯಾನಾ ಲವ್ ಮ್ಯಾರೆಜ್ ಜಾವ್ನ್ ಕಾಜಾರ್ ಜಾಲ್ಲಿ ಕಾಜಾರ್ ಜಾವ್ನ್ ದೊನ್ ಮಹಿನೆ ಸಾತ್ವಾ ಸರ್ಗಾರ್ ಆಸ್‌ಲ್ಲಿ. ಹನಿಮೂನಾಕ್ ಊಟಿ, ಕೊಡೆಕನಾಲ್ ಪಾವನಾತ್ಲ್ಯಾಕ್ ದೇವಾಚಾ ಗಾಂವಾಕ್ ಕೇರಳಾ ಪಾವ್ಲಿ, ಮೊಗಾಳ್ ಕಿರಾ ಸಾಳೆರಿಚೆ ಜೋಡೆ ಮ್ಹಣ್ಯೆತ್, ಆನಿ ಥೊಡ್ಯಾ ದಿಸಾನಿ ತುಕಾ ಹಾಂವ್ ಗಲ್ಪಾಕ್ ಆಪವ್ನ್ ವರ್ತಾಂ ಮ್ಹಣ್ ಬಾಸವ್ನ್ ಆಲ್ವಿನಾನ್ ಹೊಕ್ಲೆಕ್ ಸಮಾಧಾನ್ ಕರುಂಕ್ ಲಾಪ್ ಟ್ಯಾಪ್ ಕಾಣ್ಗೆವ್ನ್ ದಿಲೆಂ. ಆನಿ ವಯರ್ ಲೆಸ್ ಇಂಟರ್ನೆಟ್ ಕಾಣ್ಗೆವ್ನ್ ದಿಲೆ. ಸದಾಯಿ ಎಕಾಮೆಕಾ ಉಲ೦ವ್ಕ್ ಅನಿ ಪಳೆಂವ್ಕ್ ಸುರ್ವೆರ್ ದಿಸಾಕ್ ತೀನ್ ಚಾರ್ ಪಾವ್ಟಿ ಎಕಾಮೆಕಾ ಉಲಯ್ತಾಲಿ. ಉಪ್ರಾಂತ್ ತೊ ಕಾಮಾಂತ್ ಮಗ್ನ್ ಜಾಲಿ, ಹೊಕಾಲ್ ಡಯಾನಾ ಕಂಪ್ಯುಟರ್ ಕ್ಲಾಸಿಕ್ ಭರ್ತಿ ಜಾಲೆ ಥಂಯ್ ಫೆಸ್ ಬೂಕಾರ್ ಆಪ್ಲೊ ಖಾತೊ ಉಗ್ತೊ ಕೆಲೊ. ಕ್ರಮೆಣ್ ಇಲ್ಲೆ ಇಲ್ಲೆಶೆ ಮ್ಹಣ್ ಫೊಟೊ ಅಪ್ ಲೊಡ್ ಜಾಲ್ಯೊ ಹನಿಮೂನ್ ಅನಿ ಕಾಜಾರಾಚ್ಯೊ ತೆವಿಶಿನ್ ಥಾವ್ನ್ ಎಕ್ ಪ್ರೆಂಡಾನ್ ಲೈಕ್ ಕೆಲೆಂ. ತು ಸೊಬಿತ್ ದಿಸ್ತಾಯ್, ಹ್ಯಾ ಡ್ರೆಸ್ ಬರೆಂ ಸೊಭ್ತಾ ಮ್ಹಣ್ ಹೊಗೊಳ್ಸಿಲೆಂ. ಅನಿ ಡಯಾನಾನ್ ಥಾ೦ಕ್ಸ್ ಮ್ಹಣ್ ಪಾಟಿ ಎಕ್ ಕಮೆಂಟ್ಸ್ ಸೊಡ್ಲೆ, ಡೇವಿಡ್ ಅಬ್ರಹಾಮ್ ತಾಚೆಂ ನಾಂವ್ ಪಳೆಂವ್ಕ್ ಪಿಲ್ಮಿ ಹೀರೋ ಕಿ ಸೊಡ್ನ್ ದಿನಾ, ಆಕರ್ಶಿತ್ ಮುಕಾಮಳ್ ಉಪ್ರಾಂತ್ ಸದಾಂಯ್ ಡಯಾನಾಕ್ ಸದಾಂಯ್ ರಾಕೊನ್ ರಾವ್ತಲೊ ಫೇಸ್ ಬುಕಾರ್, ಕಾಂಯ್ ಡಯಾನಾನ್ ಅಜ್ ಮೂಡ್ ನಾ ಮ್ಹಣ್ ’ವಾಲ್’ ರ್ ಬರಯ್ಲಾರ್ ಸಬಾರ್ ಕಮೆಂಟ್ಸ್ ಆಯ್ಲೆ, ಕಿತೆಂ ಜಾಲೆಂ, ಭಲಾಯ್ಕಿ ಬರಿ ನಾಂಗಿ ಅನಿ ಅಬ್ರಾಹಾಮಾಚಿ ಇಲ್ಲೆ ಚಡ್‌ಚ್ ತಾಂಕಾನಾ ಜಾಲ್ಯಾರ್ ಇಲ್ಲೆ ರೆಸ್ಟ್ ಕಾಣ್ಗೆಮಾ ಇಲ್ಲೆ ಚಡ್ ಹಾಚೆಂಚ್ ಕೆರಿಂಗ್, ಡಯಾನಾಕ್ ಭುಜೊಂವ್ಚೊ ಕೊಣಿ ತರಿ ಮೆಳ್ಳೊ ಮ್ಹಣ್ ಖುಶಿ ಜಾಲಿ.

ಕೆರಿಂಗ್ ಮೊಗಾನ್ ಬದಲ್ಲೆಂ, ಡಯಾನಾಕ್ ಕಳ್ಳೆಂಚ್ ನಾ, ದಿಸಾಕ್ ತಿತಿನ್ ಚಾಚಾರ್ ಘಂಟೆ ಡಯಾನಾ ಚಾಟಿಂಗಾರ್ ಅಸ್ತಲೆಂ, ಕ್ರಮೆಣ್ SಏಙPಇ ಮುಕಾಂತ್ರ್ ಮುಕಾರ್ ಮುಕಾರ್ ಒನ್ ಲೈನ್ ಕೆಮೆರಾ ಮುಕಾಂತ್ರ್ ಪಳೆಂವ್ಕ್ ಕಬ್ಲಾತ್ ದಿತಾ. ಇತ್ಲೆ ಆತಿರೆಕ್ ಜಾತಾಕಿ ಡಯಾನಾಕ್ ವಿಣ್ಗೆ ಪಳೆಂವ್ಕ್ ಮನ್ ಕರ್ತಾ. ಆನಿ ಮೊಗಾನ್ ಸಗ್ಳೆ ಘಡ್ತಾ ಮ್ಹಳ್ಳೆಪರಿ ಹಾಂಗಾಯಿ ತೆಂಚ್ ಘಡ್ತಾ ಡಯಾನಾ ಫಸ್ವೊನ್ ಪಡ್ತಾ, ಅನಿ ಆಬ್ರಾಹಾಮ್ ಕೆಮೆರಾ ಮೊಬೈಲಾ ಮುಕಾಂತ್ರ್ ಉಲೈಯಿಲ್ಲೆ ಪರಿ ನಟನ್ ಕರ್ನ್ ತಾಚೆ ಚಿತ್ರಾಣ್ ಕರ್‍ತಾ. ಸದಾಂಯ್ ಏಕಾ ಮೆಕಾ ಮೆಳ್ಚಿ ಆಶಾ ಪಾಟಿಂ ಘಾಲಿತ್ ಆಸ್ಲೊ. ಎಕ್ ದೀಸ್ ದೊಗಾಂಯ್ ಸಾಂಗಾತಾ ಮೆಳೊಂಕ್ ನಿರ್ಧಾರ್ ಕರ್ತಾತ್, ಚೆಡ್ಯಾಂಕ್ ಪಳೆವ್ನ್ ಡಯಾನಾಕ್ ಮೊಳಾಬ್ ಕೊಸಾಳ್‌ಲ್ಲೊ ಆನ್ಬೊಗ್, ಡೇವಿಡ್ ಆಬ್ರಾಹಾಮ್ ಆಸ್ಲೊ, ಆತಾ ದಾವೂದ್ ಇಬ್ರಾಹಿಮ್ ಜಾಲ್ಲೊ, ಎದೊಳ್‌ಚ್ ತ್ಯಾ ಮಾಪ್ಳ್ಯಾಕ್ ಕಾಜಾರ್ ಜಾವ್ನ್ ತೀನ್ ಭುರ್ಗಿಂ ಸಯ್ತ್ ಜಾಲ್ಲಿಂ, ಮೊಬೈಲಾರ್ ವಾಲ್ ಪೇಪಾರಾರ್ ತಾಂಚಿ ಫೆಮಿಲಿ ಫೊಟೊ ಪಳೆವ್ನ್ ಚೆಡ್ವಾಕ್ ಉಜ್ಯಾಂತ್ ಪಡ್ಲೊ ಆನ್ಬೊಗ್ ಜಾಲೊ. ಪುಣ್ ಚೆಡ್ಯಾನ್ ರೂಮಾಂತ್ ತಾಚಿ ಗರ್ಜ್ ತಿರ್ಸಿನಾಸ್ತಾನಾ ತಾಕಾ ವಚೊಂಕ್ ಸೊಡ್ಲೆನಾ, ಮೊಬೈಲಾರ್ ಕಾಡ್ಲೊ ಡಯಾನಾಚೊ ವಿಣ್ಗಿ ವಿಡಿಯೊ ಪಳೆವ್ನ್ ಆವಾಜ್ ಉಣೊ ಜಾಲೊ. ಮರ್ಯಾದೆಕ್ ಲಾಗೊನ್ ಡಯಾನಾಕ್ ಆಪ್ಲಿ ಕೂಡ್ ಇಬ್ರಾಹಿಮಾಕ್ ಒಪ್ಸಿಜಾಯ್ ಪಡ್ಲಿ.

ಆತಾಂ ಸದಾಂಯ್ ಮಳ್ಳೆಪರಿ ತೊ ವಿಡಿಯೊ ದಾಖವ್ನ್ ಫಾಯ್ದೊ ಉಟಂವ್ಕ್ ಲಾಗ್ಲೊ. ಅನಿ ಆಲ್ವಿನಾಕ್ ತಾಚೊ ವಿಡಿಯೊ FORWARD ಕರ್ತಾ. ಆನಿ ಗಜಾಲ್ ವೆಗ್ಳಾಚಾರಾನ್ ಸಂಪ್ತಾ. ಏಕ್ ದೀಸ್ ಮಾನಸಿಕ್ ಅಸ್ವಸ್ತ್ ಜಾವ್ನ್ ಡಯಾನಾ ಹೊಸ್ಪಿಟಾಲಾಕ್ ಭರ್ತಿ ಜಾತಾ, ಆನಿ ತೊ ಮಾಪ್ಳಿ ಆತಾ ನವ್ಯಾ ಶಿಕಾರಿಚಾ ಬೊಂಟೆಕ್ ಲಾಗ್ಲಾ, ಅಶೆಂಯ್ ಘಡ್ತಾ ಆಮ್ಚ್ಯಾ ಸಮಾಜೆಂತ್, ಮರ್‍ಯಾದೆಕ್ ಲಾಗೊನ್ ವಿಷಯ್ ಭಾಯ್ರ್ ಪಡಾನಾ.

ಫೇಸ್ ಬೂಕಾರ್ ಸೈರಿಕೊ ಜಾತಾತ್, ಉಲವ್ಣೆಂ ಚಲ್ತಾ, ಪ್ರಾಯ್ ಲಿಪಯ್ತಾತ್, ಕಾಜಾರ್ ಜಾಲ್ಲೊ ಸಾಟ್ ವರ್ಸಾಚೊ ಮಾತಾರೊ ತೀಸ್ ವರ್ಸಾಚೊ ತರ್ನಾಟೊ ಜಾತಾ.

ಆಶೆಂ ಘಡ್ಲೆಂ ಬೆಂಗ್ಳುರಾ೦ತ್ ಚೆಡ್ವಾಂಕ್ ಒನ್ ಲೈನಿರ್ ಮೋಗ್ ಜಾಲ್ಲೊ. ಪಕತ್ ಆಟ್ರಾ ವರ್ಸಾ ಜಾಂವ್ಕ್ ರಾಕ್ತಾಲೆಂ, ಕಾಜಾರ್ ಜಾವ್ನ್ ಆಪ್ಲ್ಯಾ ಮೊಗ್ ಕೆಲ್ಲ್ಯಾ ವ್ಯಕ್ತಿ ಸಂಗಿ ಜೀವನ್ ಸಾರುಂಕ್ ರಾಕ್ತಾಲೆಂ. ಆಟ್ರಾ ವರ್ಸಾ ಜಾಲ್ಲ್ಯಾ ದುಸ್ರಾ ದಿಸಾ ಚೆಡುಂ ದುಸ್ರಾ ದಿಸಾ ಬರೋಡಾಚೆ ರೈಲ್ ಚಡ್ತಾ ಫುಡಾರಾಚಿ ಸಪ್ಣಾ ಸಪ್ಣೆವ್ನ್, ಪುಣ್ ಬರೊಡಾ ರೈಲ್ ಸ್ಟೆಶಾನಾಂತ್ ಎಕ್ಲೊ ಸತ್ತರ್ ವರ್ಸಾಚೊ ಮಾತಾರೊ ರಾಕೊನ್ ಸ್ವಾಗತ್ ಕರುಂಕ್ ಆಯಿಲ್ಲೊ, ಚೆಡುಂ ಭಿಂಯಾನ್ ಗೆಲ್ಲೆಂ, ನವೊ ಗಾಂವ್, ವ್ಹಳೊಕ್ ನಾತ್‌ಲ್ಲೊ ಮ್ಹನಿಸ್, ಮಾಗಿರ್ ಚೆಡ್ಯಾಂಚೊ ಬಾಪಯ್ ಜಾಯ್ತ್ ಮ್ಹಣ್ ಆಪ್ಣಾಕ್ ಸಮಾಧಾನ್ ಕೆಲೆ. ಮಾಗಿರ್ ಘರಾ ವಚೊನ್ ಪಳೆತಾನಾ ಆಪ್ಣಾಣ್ ಆಪ್ಲಿ ಭಗ್ಣಾಂ ವಾಂಟ್‌ಲ್ಲೊ ಎಕ್ಲೊ, ಮ್ಹಾತಾರೊ ಮ್ಹಣ್ ಕಳ್‌ಲ್ಲೆಂಚ್ ಚೆಡುಂ ಫಸ್ವೊನ್ ಪಡ್‌ಲ್ಲೊ ಅನ್ಬೊಗ್ ಜಾಲೊ. ಚೆಡುಂ ಆಸ್ಪತ್ರೆಕ್ ಎಡ್ಮಿಟ್ ಜಾಲ್ಯಾ ಮಾಗಿರ್ ಘರ್ಚ್ಯಾಂಕ್ ನೀಜ್ ಖಭಾರ್ ಕಳಿತ್ ಜಾಲಿ. ಆತಾಂ ಆವಯ್ ಬಾಪಯ್ಕ್ ತಾಕಾ ನೀಜ್ ಸ್ಥಿತಿಕ್ ಪಾಟಿ ಹಾಡ್ಚೆ ಕಶ್ಟ್ ತಾಂಚಾ ಕುಟ್ಮಾಚೆ ಕಶ್ಟ್ ತುಮಿಂಚ್ ಪಳೆಯಾ... ತ್ಯಾಂಚಾ ಜಾಗ್ಯಾರ್ ರಾವೊನ್.

ಆವಯ್ ಬಾಪಯ್ ಭುರ್ಗ್ಯಾಂಕ್ ವ್ಹಡ್ ಕರುಂಕ್ ಕಿತ್ಲೆ ಕಶ್ಟ್ ಕಾಡ್ತಾತ್, ತಾಂಚೆ ಖಾತಿರ್ ಖಂಚೊಯ್ ಸಾಕ್ರಿಫಿಸ್ ಕರುಂಕ್ ತಿಂ ತಯಾರ್, ತಿಂಚ್ ಭುರ್ಗಿಂ ತಾಂಚೆಂ ಮನ್ ದುಖಯ್ತಾನಾ, ಕಶೆಂ ಜಾಯ್ತ್ ಆಮ್ಕಾಂ ಭಗುಂಕ್ ಜಾಯ್ನಾ ಆಮ್ಕಾಂ ಕಳಾಜೆ ತರ್ ಆಮಿಂಯ್ ಆವಯ್ ಬಾಪಯ್ ಜಾಯ್ಜಾಯ್.

SSLC ಂತ್ ಶಿಕ್ಚಾ ರೆಶ್ಮಾಕ್ ಚಾಟಿಂಗಾರ್ ಅಶೊಕಾಚಿ ವಳಕ್ ಜಾತಾ. ಎಕಾಮೆಕಾಕ್ ಫೊಟೊ ಅನಿ ವಿಶಯ್ ಆದ್ಲಿ ಬದ್ಲಿ ಕರ್ತಾತ್, ಗ್ರೆಸ್ತ್ ಘರಾಣ್ಯಾಂತ್ಲೆ ಎಕ್ಲೆಂಚ್ ಚೆಡುಂ ಆವಯ್ ಬಾಪಾಯ್ ಗಲ್ಫಾಂತ್ ಆಸ್ಲಿಂ, ಪೊಯ್ಶ್ಯಾಂಕ್ ಅನಿ ವಸ್ತುಂಕ್ ಕಾಂಯ್ ಉಣೆಂ ನಾತ್‌ಲ್ಲೆಂ, ಬಾಂವ್ಡಾಚೊ ಮೋಗ್ ನಾತ್‌ಲ್ಲೊ. ಆಜಿಯೆ ಸಂಗಿ ಎಕ್ಲೆಂಚ್ ರಾಂವ್ಚ್ಯಾ ತಾಕಾ ಬಾಪಯ್ನ್ ಲ್ಯಾಪ್ ಟೊಪ್ ಆನಿ ಇಂಟರ್‍ನೆಟಾಚಿ ವೆವಸ್ತಾ ಕರ್ನ್ ದಿಲ್ಲಿ. ಎಕಾಮೆಕಾ ಥಂಯ್ ಮೋಗ್ ವ್ಹಾಡ್ಲೊ ಎಕಾ ಪಾವ್ಟಿಂ ಪುಣಿಂ ಮುಕಾರ್ ಮುಕಾರ್ ಪಳೆನಾತ್ಲ್ಯಾ ಚೆಡ್ಯಾಂಕ್ ಪಳೆಂವ್ಕ್ ಪಯ್ಶೆ, ಭಾಂಗಾರ್, ವಸ್ತುರ್ ಘೆವ್ನ್ ಬೆಂಗ್ಳುರ್ ಬಾಯ್ರ್ ಸರ್‍ನ್ ಗೆಲೆಂ, ಆಪ್ಲ್ಯಾ ಪ್ರೇಮಿಕ್ ಮೆಳೊಂಕ್, ಬಸ್ ಸ್ಟೇಶಾನಾಂತ್ ಚೆಡ್ಯಾಂಕ್ ಪಳೆವ್ನ್ ರೆಶ್ಮಾನ್ ಉಮ್ಯಾ ಸವೆಂ ಭಳಾದಿಕ್ ವೇಂಗ್ ಮಾರ್ಲಿ. ಚೆಡ್ವಾಕ್ ಖಂಯ್ ನಾತ್‌ಲ್ಲೊ. ಆಪ್ಣೆ ಮೋಗ್ ಕೆಲ್ಲೊ ಪ್ರೇಮಿ ಆಪ್ಲೆ ಬಗ್ಲೆನ್, ಫುಡಾರಾಚಿ ಸಪ್ಣಾ ದೊಡ್ತಿ ಜಾಲಿಂ. ಆನಿ ಅಪ್ಲಿ ಲಗೇಜ್ ಘೆವ್ನ್ ಆಪವ್ನ್ ವರ್ನ್ ರಿಕ್ಶಾರ್ ಬಸಯ್ಲೆಂ, ಆಪ್ಲೊ ಪ್ರೇಮಿ ರಿಕ್ಶಾರ್ ಡ್ರೈವಿಂಗ್ ಸಿಟಿರ್ ಬಸ್ತಾನಾ ಕಳ್ಳೆ ಹೊ ರಿಕ್ಶಾ ಡ್ರೈವರ್ ಮ್ಹಣ್, ಜಾಲ್ಯಾರಿ ಮೋಗ್ ಕೆಲಾ ನೆಂ ಮ್ಹಣ್ ಘಡ್ಯೆನ್ ವಿಸ್ರೊನ್ ಸೊಡ್ಲೆ. ರಿಕ್ಶಾ ಏಕಾಂತ್ ಜಾಗ್ಯಾ ಪಾವ್ಲ್ಯಾ ಮಾಗಿರ್ ತ್ಯಾ ಪ್ರೆಮಿ ಮ್ಹಳ್ಳ್ಯಾ ಕಾಮುಕ್ ರಿಕ್ಶಾ ಡ್ರೈವರಾನ್ ಆಪ್ಲ್ಯಾ ಕಾಮುಕಿ ಇಶ್ಟಾ ಸಾಂಗಾತಾ ತಾಂಚಿ ಕೂಡ್ ವಾಂಟುನ್ ಜಾಲ್ಲಿ. ವ್ಹಯ್ ತಾಚೆರ್ ಸಾಮೂಹಿಕ್ ಆತ್ಯಾಚಾರ್ ಜಾಲ್ಲೊ. ಎಕ್‌ಚ್ ಧು ರೆಶ್ಮಾಚಿ ಆವಯ್ ಬಾಪಯ್ಚೆ ಹಾಲ್, ಕಶೆಂ ವಿಶ್ಲೆಶಣ್ ಕರುಂಕ್ ಕರ್ಯೆತಾ. ಹಾಂಗಾಸರ್ ಚೂಕ್ ಕೊಣಾಚಿ, ಆವಯ್ ಬಾಪಯ್ ಸೊಡ್ನ್ ಗೆಲ್ಲ್ಯಾ ರೆಶ್ಮಾಚಿ, ಯಾ ಸರ್ವ್ ವಸ್ತು ಸವೆಂ ಭುರ್ಗ್ಯಾಂಚೊ ಬರೊ ಫುಡಾರ್ ಆಶೆಂವ್ಚೊ ತಾಂಚಾ ಆವಯ್ ಬಾಪಯ್ಚೊ. ಆಮ್ಚಾ ಘರಾ ಅಶೆಂ ಘಡ್ತಾ ತರ್ ಚತ್ರಾಯ್ ಘೆಯಾ, ವೇಳ್ ಉತಾರ್ಲ್ಯಾ ಉಪ್ರಾಂತ್ ಪಶ್ಚಾತಾಪ್ ಪಾವಾನಾಕಾತ್.

ಚಡ್ ಆಶೆಕ್ ಲಾಗೊನ್ ಪಸ್ವೊನ್ ಪಡ್ಚೆ ಚಡ್, ಆಪ್ಣಾಕ್ ಆಮೆರಿಕಾಚೊ, ಕೆನಾಡಾಚೊ ನವ್ರೊ ಜಾಯ್ ಮ್ಹಣ್, ಪುರಾ ವಿಶಯ್ ಆಶಾರ್ ಪಾಶಾರ್ ಕರ್‍ತಾತ್, ಆಶೆಂ ಜಾಲೆಂ ಕೀ ಚೆಡುಂ ಗಾಂವಾಂತ್ ಕಾರ್‍ಕೊಳ್ಚೆ ಆಮೇರಿಕಾ ನರ್ಸ್ ಜಾವ್ನ್ ಕಾಮ್ ಕರ್ತಾ, ಏಕ್ ದೀಸ್ ಚಾಟಿಂಗಾರ್ ಘಟಾಚೊ ಮಂಗ್ಳುರ್‌ಗಾರ್ ಚೆಡ್ಯಾಚಿ ವಳೊಕ್ ಜಾತಾ, ಚೆಡೊ ಕುವೈಟ್ ಕಂಪೆನಿಂತ್ ವಾವ್ರ್ ಕರ್ನ್ ಆಸ್ತಾ, ಎಕ್‌ಚ್ ಪಾವ್ಟಿ ಕಂಪೆನಿಚಾ ಕಾಮಾಂತ್ ತಾಕಾ ಆಮೆರಿಕಾ ಧಾಡ್ತಾತ್, ಆನಿ ತೊ ಆಮೆರಿಕಾಚಾ ಜಾಗ್ಯಾಂಚಿ ವಳೊಕ್ ಜಾತಾ, ಗಾಂವಾಚಿ ನಾಂವಾಚಿ ಪರಿಚಯ್ ಜಾತಾ. ಆನಿ ತುಮಿ ಜಾಣಾಂತ್ ಆಮೆರಿಕಾ ಆಮ್ಚ್ಯಾ ಭಾರತ್ ದೇಶಾ ಬರಿ ವ್ಹಡ್ಲೊ ಗಾಂವ್ ಎಕಾ ಕಡೆ ಥಾವ್ನ್ ಅನ್ಯೇಕ್ ಕಡೆ ವಚೊಂಕ್ ವಿಮಾನಾರ್ ವಚಾಜಾಯ್, ತಸೆ ಹೊ ಚಲೊ ತ್ಯಾ ನರ್ಸಾಕ್ ಸುಲಾಬಾಯೆನ್ ಆಮೆರಿಕಾಚ್ಯಾ ಜಾಗ್ಯಾಚಿ ನಾಂವಾಂ ಸಾಂಗೊನ್ ಚೆಡ್ವಾಚಿ ಇಸ್ಟಾಗತ್ ಆಪ್ಣ್ಯಾತಾ. ಅನಿ ಕೇಮರಾ ಮುಕಾಂತ್ರ್ ಒನ್ ಲೈನ್ ಪಳೆಯ್ತಾಲಿ. ಆನಿಂ ಚೆಡುಂ ತುಕಾ ಮೆಳೊಂಕ್ ಯೆತಾ ಮ್ಹಣ್ ಸಾಂಗ್ತಾನಾ, ಮ್ಹಾಕಾ ರಜಾ ನಾ ಓವೆರ್ ಟೈಮ್ ಮ್ಹಣ್ ಚುಕಾರಿ ಮಾರ್ತಾ. ತಾಂಚೊ ಮೋಗ್ ಮೊಸ್ತ್ ಮುಕಾರ್ ಪಾವ್ತಾ. ಘರಾ ಚೆಡ್ವಾಕ್ ಕಾಜಾರ್ ಜಾಂವ್ಕ್ ಒತ್ತಾಯ್ ಕರ್‍ತಾತ್, ಚೆಡುಂ ಘಟ್ ಮ್ಹಣ್ ಕರ್‍ತಾ ಆಜ್ ತುಕಾ ಮೆಳೊಂಕ್ ಯೆತಾ ಮ್ಹಣ್ತಾ. ಅನಿಂ ಚೆಡೊ ಮ್ಹಣಾಲೊ ಮ್ಹಜಿ ಆವಯ್ ಸರ್‍ಲ್ಯಾ ಹಾಂವ್ ಆಜ್ ರಾತಿಕ್ ಗಾವಾಂಕ್ ಭಾಯ್ರ್ ಸರ್‍ತಾ ಮ್ಹಣ್ತಾ. ತಶೆಂ ಚೆಡ್ವಾನ್ ಸೊಧ್ನಾಂ ಕೆಲಿಂ. ಚಿಕ್ಕ್‌ಮಂಗ್ಳುರ್ ದಿಯೆಸಿಜಿಂತ್ ಕೋಣ್ ಸರ್‍ಲ್ಯಾ ಮ್ಹಣ್ ಖಬರ್ ಕಾಡ್ಲಿ. ಆನಿ ಪುಣ್ ಗಜಾಲ್ ವೆಗ್ಳಿಚ್ ಆಸ್‌ಲ್ಲಿ ತ್ಯಾ ದೀಸ್ ಖಂಚೆಯ್ ಮರಣ್ ನಾತ್‌ಲ್ಲೆ. ಚೆಡೊ ಇಂಟರ್ನೆಟ್ ಮುಕಾಂತ್ರ್ ಉಲಯ್ತಾ ಜಾಲ್ಲ್ಯಾನ್ ತಾಕಾ ಖಂಯ್ ಥಾವ್ನ್ ಕೊಲ್ ಆಯ್ಲೆ ಕಳ್ಳೆನಾಂ, ಆಕ್ರೇಕ್ ಚೆಡ್ವಾಕ್ ತಾಚ್ಯಾ ಜಲ್ಮ ದಿವಸಾಕ್ ವೆಬ್ ಸೈಟಿ ಚೆರ್ ಉಲ್ಲಾಸ್ ಪಾಟಯಿಲ್ಲೆ ಉಗ್ದಾಸ್ ಆಯ್ಲೊ. ಅನಿ ತೆಂ WISHES ಖಂಯ್ ಥಾವ್ನ್ ಆಯಿಲ್ಲೆ ಮ್ಹಣ್ ತಾಚೊ ಕಂಪ್ಯುಟರ್ IP ADDRESS ಸೊದ್ನಾ ಕರ್‍ತಾನಾ, ಕುವೈಟ್ ಥಾವ್ನ್ ಆಯಿಲ್ಲೆ ಮ್ಹಣ್ ಸಮ್ಜಲೆ ಆನಿ ತ್ಯಾ IP ADDRESS ಪರ್ಮಾಣೆ, ಕುವೈಟಾಕ್ CID ಧಾಡ್ನ್ ತಾಚೆಂ COMPUTER CRASH ಕೆಲೆ.

ಫೇಸ್ ಬೂಕ್ ಆನಿಂ ಧಾರ್ಮಿಕ್ ಭಾವ್ ಭಯ್ಣಿ

ಹ್ಯಾ ದಿಸಾನಿಂ ಚಡ್ ಅನಿ ಚಡ್ ಧಾರ್ಮಿಕ್ ಫೆಸ್ ಬೂಕಾಚೆರ್ ಮೆಂಬರ್ ಜಾಲ್ಯಾತ್. ತಶೆ ಮ್ಹಣ್ ಹಾಂವ್ ಧಾರ್ಮಿಕ್ ವಿರೋದ್ ಮ್ಹಣ್ ನ್ಹಯ್, ಮ್ಹಜೆ ಸಬಾರ್ ಇಶ್ಟ್ ದಾರ್ಮಿಕ್ ಆಸಾತ್, ಅನಿಂ ತಾಣಿ ಕಾಂಯ್ ಪೆಸ್ ಬೂಕಾರ್ ಖಾತೊ ಉಗ್ತೊ ಕರುಂಕ್ ನುಜೊ ಮ್ಹಣ್ ಕಾಂಯ್ ನಿಯಮ್ ನಾಂ, ಪುಣ್ ನಾಂವಾ ಮುಕಾರ್ Fr. ಯಾ Sr. ಆಸ್ಲ್ಯಾರ್ ತಾಂಚಿ ವ್ಹಳೊಕ್ ಧರುಂಕ್ ಜಾತಾ, ಚಡವತ್ ದಾರ್‍ಮಿಕಾಂನಿ ಬರಯ್ಲ್ಯಾಂತ್, ಪೂಣ್ ಥೊಡೆ ಯಾ ಥೊಡಿ ನಾಂವಾಂನಿ ಝಳ್ಕಾತಾತ್, ಆಯ್ಲೆವಾರ್ ಮೊಸ್ತ್ ಗ್ರೂಪ್ ಉದೆಲ್ಯಾತ್, ಕೊಂಕ್ಣಿ ಮೋಗ್ ಕೊಂಕ್ಣಿ ಎಕ್ವಟ್, ಕೊಂಕ್ಣಿ ಖಬ್ರೊ, ಡಿವೊಶನಲ್, ಕುಡ್ಲದ ಬೊಲ್ಲಿಳು, ಆಶೆ ಸಬಾರ್ ಗ್ರೂಪ್ ಆಲ್ಮಾಬರಿ ಉದೆಲ್ಯಾತ್, ಹಾಂತುನ್ ಮೆಸೆಜ್ ಚಾಟ್ ಕೆಲ್ಯಾರ್ ಕೊಣ್ ಕೊಣಾಕಡೆ ಚಾಟ್ ಕರ್‍ತಾ ಮ್ಹಣ್ ಘಡ್ಯೆನ್ ಕಳ್ತಾ, ಆಯ್ಲೆವಾರ್ ಏಕ್ ಘಡಿತ್ ಘಡ್ಲೆ ರಾತಿಚಿ ಸಾಡೆ ಇಕ್ರಾ ಗಲ್ಪಾಂತ್ಲೆ ಚಡಾವಾತ್ ಯಾ ವೆಳಾರ್ ಚಾಟಾರ್ ಆಸ್ತಾತ್, ಹ್ಯಾ ಗ್ರೂಪ್ ಚಾಟಾಂತ್ ದಿಯೆಸಿಜೆಚೊ ಎಕ್ ತರ್ನೊ ಯಾಜಕ್ ಚಾಟ್ ಕರ್ನ್ ಆಸ್ಲೊ, ಯಾಜಕಾಚೆ ಆನಿಂ ಚೆಡ್ವಾಚೆ ಚಾಟ್ ಜಾವ್ನ್ ಆಸ್‌ಲ್ಲೆ ಮಧೆಂ ಎಕ್ಲೊ ಯೇವ್ನ್ ಮ್ಹಣಾಲೊ ಗುಡ್ ಇವ್ನಿಂಗ್ ಫಾದರ್ ಆಮ್ಚೆಕಡೆ ಚಾಟಾಕ್ ಜಾಪ್ ದಿನಾಂತ್ ಚೆಡ್ವಾಕಡೆ ಪುರಾ ಹಾಲ್ ಚಾಲ್ ವಿಸಾರ್‍ತಾತ್, ಆನೆಕ್ಲ್ಯಾ ಚೆಡ್ವಾನ್ ಜಾಪ್ ದಿಲಿ ಆಳೆಯಾ ಹೊ ಫಾದ್ರಿ ಯಾ ರಾತಿಕ್ ಭಾರಾ ಜಾವ್ನ್ ಆಯ್ಲಿ, ಶೆರ್ಮಾಂವಾರ್ ಫೆಸ್‌ಬೂಕ್ ಮ್ಹಳ್ಯಾರ್ ದೆಂವ್ಚಾರ್, ಕುಟಾಮ್ ಪಾಡ್ ಕರ್‍ತಾ. ಬುರ್ಗಿಂ ವಾಯ್ಟ್ ವಾಟೆಕ್ ಬಲಿ ಜಾತಾತ್, ಮಾಗಿರ್ ಯಾಜಕ್ ಮ್ಹಣಾಲೊ ಹಾಂವ್ ಯೂಥ್ ಮಿನಿಸ್ಟ್ರಿಂತ್ ಆಸಾಂ. ಪೊರ್ವಾಂ ಪ್ರೋಗ್ರಾಮ್ ಆಸಾ. ಮ್ಹಣ್ ತಿಳ್ಸುಂಕ್ ಚಾಟ್ ಕೆಲೆಂ. ಪುಣ್ ಆಮಿಂ ಹಾಂಗಾ ಥಾವ್ನ್ ಥಂಯ್ ಕಶೆಂ ಯೆಂವ್ಚೆ ಚೆಡ್ವಾಚಿ ಜಾಪ್. ಮಾಗಿರ್ ತ್ಯಾ ಚೆಡ್ವಾ ತರ್ಫೆನ್ ಉರ್‌ಲ್ಲ್ಯಾ ಚೆಡ್ಯಾಂನಿ ಮಾಫ್ ಮಾಗ್ಲೆಂ, ಕಿತ್ಲೆ ಸಸಾರಾಯೆನ್ ದುರ್ಸಾಲೆಂ ತೆಂ ಚೆಡುಂ, ಯಾಜಾಕಾಕ್ ಬೆಜಾರ್ ಜಾಲೆಂ ಕಿತೆಂ ಬರಯ್ಲ್ಯಾರ್ ತುಮಿಂ ಪಾದ್ರಿ ತಶೆಂ ಆಶೆಂ ಮ್ಹಣ್ ದುರ್ಸಾತಾತ್. ದಾರ್ಮಿಕಾಂಕಿ ಭಗ್ಣಾಂ ಆಸಾತ್ ತಾಂಚೆ ಇಶ್ಟ್ ಸಂಸಾರ್ ಭರ್ ಶಿಂಪಡ್ಲ್ಯಾತ್, ತಾಂಚ್ಯಾ ಕ್ಲಾಸ್ ಮೆಟಾಕ್ ಎಕಾಮೆಕಾ ಸಂಪರ್ಕ್ ಆವ್ಕಾಸ್ ಒನ್ ಲೈನಾ ಮುಕಾಂತ್ರ್ ಸಂಪರ್ಕ್ ಕರ್ಚೊ ಸುಲಭ್ ಮಾಧ್ಯಮ್ ಫುಣ್ Fr ಅನಿ Sr. ಘಾಲ್ಯಾರ್ ಗೌರಾವಾನ್ ತಾಂಕಾ ಜಾಪ್ ದಿಂವ್ಕ್ ಆವ್ಕಾಸ್ ಆಸ್ತಾತ್. ಚಾರ್ ಜಣಾ ಮುಕಾರ್ ಮಾನ್ ಕಾಡ್ತಾನಾ ಬೆಜಾರಾಯ್ ಭಗ್ತಾ. ಅನಿ ಗ್ರೂಪ್ ಚಾಟ್ ಕರ್‍ತಾನಾ ಜಾಗ್ರುತ್ ಆಸ್ಚೆ ಬರೆಂ.

ಆಕೇರ್ ಕರ್ಚ ಪುಡೆಂ ಹರ್ಯೆಕ್ ವಿಶಯ್ ಮಿತಿನ್ ಅನಿ ಬರ್‍ಯಾಕ್ ಗಳ್ಸಿಲ್ಯಾರ್ ಬರೆಂ ಜಾತಾ. ಚಡ್ ಜಾಲ್ಯಾರಿ ಆಮೃತ್‌ಯಿ ವೀಕ್ ಜಾತಾ ಮಾಲ್ಘಾಡ್ಯಾಂನಿ ಸಾಂಗ್ಲಾಂ, ಹ್ಯಾ ನೆಟ್‌ವರ್ಕ್ ಸೈಟಿಂನಿ ಕಿತ್ಲ್ಯಾ ಜಣಾಚೊ ಮಾನ್ ಉಬ್ಲಾ, ಕಿತ್ಲ್ಯೊ ಖುನಿಯೊ ಜಾಲ್ಯಾತ್, ಕಿತ್ಲೆ ಆತ್ಯಾಚಾರ್ ಜಾಲ್ಯಾತ್, ಭುರ್ಗಿಂ ವಾಯ್ಟ್ ಸಂಗ್ತಿಕ್ ಒಳಗ್ ಜಾಲ್ಯಾಂತ್, ಕಿತ್ಲೆ ಜಣಾ ಚಲಿಯೊ ಲೈಂಗಿಕ್ ಶೊಷಾಣಾಕ್ ಸಾಂಪಡ್ಲ್ಯಾಂತ್, ಅನಿಂ ಮುಕಾರಿ ಖಂಚಾಯ್ ವಾಯ್ಟಾಕ್ ಸಾಂಪಾಡ್ನಾಶೆಂ ಚತ್ರಾಯ್ ಘೆಯಾ, ಪೆಲ್ಯಾ ಥಂಯ್ ಬರೆಂ ಆಪೆಕ್ಶಿಯಾ, ಪೆಲ್ಯಾಂಚಾ ಹರ್ ಗರ್‍ಜಾಂಕ್ ಪಾಂವ್ಚೆಂ ಹೆ ಫೇಸ್ ಬುಕ್ ಅನಿ ಇತರ್ ಸೊಶಿಯಲ್ ನೆಟ್ ವರ್ಕ್ ಹಾತೆರ್ ಜಾಂವ್ದಿ, ತುಮ್ಚೆಂ ಹರ್ಯೆಕ್ ಸ್ವಪಣ್ ಜಾರಿ ಜಾಂವ್, ಅನಿ ಬರ್‍ಯಾಂತ್ಲೆ ಬರೆಂ ಜಾಂವ್.

ಸಂಪಾದಕೀಯ್

ಲೇಖನಾಂಚಾ ಪಾನಾಕ್

ದಾಯ್ಜ್ ಪಾನಾಕ್

ಸಜ್ಜಿಗೆ

ವಿಚಾರ್-ಉಚಾರ್

ಫ್ಲಾಯ್ಟ್!?