ಕವಿತಾकविताPoem
ಪಳಯ್ಜೆ
ಕವಿತಾವೋಳ್
ಪಳಯ್ಜೆ ಆಸ್ಲ್ಲೆಂ.
ಶೆರಾಂತ್ಲೊ ಪಿಲೊ ಗೊಡಾಚೊ ಪೆಳೊ
ಶೆರಾ ಭಾಯ್ರ್ ಭೊಂವ್ಚಾಕ್ ಗೆಲೊ
ಪಾಯ್ ವ್ಹರ್ತಾ ಥಂಯ್ ಚಲತ್ತ್ ರಾವ್ಲೊ
ಚಲ್ತಾಂ ಚಲ್ತಾಂ ದೆಕ್ಲೊ ತಾಣೆಂ
ಪಾಚ್ವೊ ಪಾಚ್ವೊ ಹಾಂಡೊ...
ಥಂಯ್ಚಾ ಥಂಯ್ ರೊಂಬೊನ್ ರಾವ್ಲೊ....
ಶೆರಾಂತ್ಲೊ ಪಿಲೊ ಗೊಡಾಚೊ ಪೆಳೊ,
ಮಾರುಂಕ್ಲಾಗ್ಲೊ ಗೊಡ್ ಗೊಡ್ ಮಿಟಿಯೊ
ಜಾಗೊಭರ್ ಕೆಂಳ್ಬೆ, ಅಣಸಾಂ, ಪೆರಾಂ
ಮಾಡ್-ಮಾಡಿಯೊ, ಫುಲಾಂ, ಫಳಾಂ
ಆಂಬೆ, ಪಣಸ್, ದಾಳ್ಮಾಂ ಸಸಿಯೊ
ಪಾಚ್ವ್ಯಾ ಬಣಾನ್ ಗಡದ್ದ್ ವಾಡ್ಲ್ಲ್ಯೊ
ಆಡ್ಕುಳ್ಯಾ ಪಿಲ್ಯಾನ್ ಶೆರಾಂತ್ಲ್ಯಾ ಪೊರಾನ್
ಪ್ರಕೃತಿಚೆಂ ಪಾಚ್ವೆಂ ದೊಳೆಭರ್ ಪಳವ್ನ್
ಶೆರಾಂತ್ಲೊ ಪಿಲೊ ಗೊಡಾಚೊ ಪೆಳೊ
ಮಾರುಂಕ್ ಲಾಗ್ಲೊ ಗೊಡ್ ಗೊಡ್ ಮಿಟಿಯೊ
ರೈತಾಕ್ ಮ್ಹಣಾಲೊ ಅರ್ಗಾಂ ದೀ ದೆವಾಕ್
ಸರ್ಗ್ ದೆಂವ್ಲಾ ತುಜಾ ಆಂಗ್ಣಾಂತ್
ಆಂಜಾಚೊ ನಾಚ್ ಮಾತಿಯೆಚಾ ಕಣಾ ಕಣಾಂತ್
ಭಾಂಗಾರ್ ಶಿಂಪ್ಲಾಂ, ಮೊತಿಯಾಂ ಪಿಕ್ಲ್ಯಾತ್
ನಶೀಬ್ ತುಜೆಂ, ನಶೀಬ್ ತುಜೆಂ
ಅರ್ಗಾಂ ದೀ ದೆವಾಬಾಪಾಕ್
ಶೆರಾಂತ್ಲೊ ಪಿಲೊ ಗೊಡಾ ಪೆಳೊ,
ಮಾರುನ್ ಆಸ್ಲ್ಲೊ ಗೊಡ್ ಗೊಡ್ ಮಿಟಿಯೊ
ನಶಿಬಾರ್ ಮ್ಹಜಾ ಆಸಾತ್ರೆ ಬೆಸಾಂವಾಂ
ತ್ಯಾ ಖಾತಿರ್ ಜಾತಾತ್ ಮಾಗ್ಣೆಂ ಒರೆಸಾಂವಾಂ
ಪುಣ್ ಶೆರಾಂತ್ಲ್ಯಾ ಪಿಲ್ಯಾ, ಗೊಡಾಚಾ ಪೆಳ್ಯಾ
ಪಳಯ್ಜೆ ಆಸ್ಲ್ಲೊ, ಪಳಯ್ಜೆ ಆಸ್ಲ್ಲೊ
ಹೊ ಜಾಗೊ ತುಂವೆಂ ಆಸ್ತಾನಾಂ ತೊ
ಆಸ್ತಾನಾಂ ತೊ ದೆವಾಬಾಪಾಚಾಚ್ ಹಾತಿಂ
ಶೆರಾಂತ್ಲೊ ಪಿಲೊ ಗೊಡಾಚೊ ಪೆಳೊ ಚಿಂತ್ಚಾಕ್ ಲಾಗ್ಲೊ
ಮಾರುನ್ ದೊಳೆ ಮಿಟಿ ಮಿಟಿ.
ಕವಿತಾವೋಳ್ ಅಂಕಣಾಚೆರ್ ತರ್ನ್ಯಾ ತಶೆಂಚ್ ಪರ್ನ್ಯಾ ಕವಿಂಚಾ ಕವಿತಾಂಕ್, ಅನುವಾದಿತ್ ಕವಿತಾಂಕ್ ಪರ್ಗಟ್ ಕರ್ತೆಲ್ಯಾಂವ್. ಹರ್ಯೆಕಾ ಹಫ್ತ್ಯಾಕ್ ಏಕ್ ಕವಿತಾ ಹ್ಯಾ ಅಂಕಣಾಚೆರ್ ಪರ್ಗಟ್ ಜಾತೆಲೆಂ. ತುಮ್ಚಿಂ ಕವಿತಾ ಧಾಡುಂಕ್ ವಿಳಾಸ್: info@daaiz.com
11. ಪಳಯ್ಜೆ ಆಸ್ಲ್ಲೆಂ
ನಂದಿನಿ
ಕವಯತ್ರಿವಿಶಿಂ: ಕೊಂಕ್ಣೆಂತ್ ಹಿಚಿ ಪಯ್ಲಿ ವಳೊಕ್ ಜಾಯ್ಜಾಯ್ ಆಸ್ಲಿ ಎಕಾ ಕಾಣ್ಯೆಗಾರ್ನಿಚಿ, ಕವಯತ್ರಿಚಿ ಪುಣ್ ಚಾ.ಫ್ರಾ.ದೆ’ಕೋಸ್ತಾಚಿ ಪತಿಣ್ ಜಾವ್ನ್ ಹಿಚಿ ವಳೊಕ್ ಪಯ್ಲಿ. ಪುಣ್ ಹಿಚಿ ಸಾಹಿತಿಕ್ ಪ್ರತಿಭಾ ಜಿತ್ಲಿ ಲೊಕಾಂಕ್ ಪಾವೊಂಕ್ ಜಾಯ್ ಆಸ್ಲಿ ತಿತ್ಲಿ ಪಾವೊಂಕ್ ಸಕ್ಲಿನಾ. ಕೊಂಕ್ಣೆಚೊ ವೆವೆಗ್ಳ್ಯಾ ರಿತಿಚೊ ವಾವ್ರ್ ಕರುನ್ ಆಸಾ.
ಕವಿತೆಂಚಿಂ ಹೆರ್ ಅಂಕಣಾಂ
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
More in Daaiz
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.