ಕವಿತಾकविताPoem
ಮೊರಾಜಯ್ಚ್ಚ್
ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಕವಿತಾದಾಯ್ಜ್-27
ಜರ್ ಆಮಿಂ ಮೊರಾಜಯ್ಚ್ಚ್ ತರ್
ಜರ್ ಆಮಿಂ ಮೊರಾಜಯ್ಚ್ಚ್ ತರ್, ತೆಂ ದುಕ್ರಾಪರಿಂ ನ್ಹಯ್
ಆಮ್ಚೆರ್ ಕೊಣೆಂಯ್ ಮಾರ್ಚೆಂ ಎಕಾ ಮರ್ಯಾದ್ ನಾತ್ಲ್ಲ್ಯಾ ಜಾಗ್ಯಾರ್,
ಆಮ್ಚೆ ಭಂವ್ತೊಣಿಂ ಭುಕೆಲ್ಲೆ ಪಿಶೆ ಪಿಟೆ ಘೊಂಕುನ್,
ತಾಂಚೊ ಬಾಂಕ್ ಆಮ್ಕಾಂ ಶಿರಾಪ್ ಕರುನ್.
ಜರ್ ಆಮಿಂ ಮೊರಾಜಯ್ಚ್ಚ್ ತರ್, ಆಮಿಂ ಮರ್ಯಾದಿನ್ ಮೊರ್ಯಾಂ,
ಕಿತ್ಯಾಕ್, ಆಮ್ಚೆಂ ಮೊಲಾಧಿಕ್ ರಗಾತ್ ವ್ಹಾಳಾನಾ ಜಾಂವ್
ವ್ಯರ್ಥ್; ಆನಿ ಆಮಿ ವಿರೋಧ್ ಕೆಲ್ಲ್ಯಾ ರಾಕ್ಕೊಸ್ ಸಯ್ತ್
ಆಮ್ಕಾಂ ಮೆಲ್ಲ್ಯಾಂಕ್ ಉಪಾವ್ ನಾಸ್ತಾಂ ಮರ್ಯಾದ್ ದಿತೆಲೆಚ್ಚ್
ಏ ರಗ್ತಾಸಂಬಂಧಿ, ಆಮಿ ಭೆಟಾಜಯ್ ಎಕ್ಲ್ಯಾಚ್ ದುಸ್ಮಾನಾಕ್!
ಸಂಖ್ಯಾನ್ ಉಣೆ ತರ್ಯೀ ಆಮಿ ಆಮ್ಚೆಂ ಧಯ್ರ್ ಧಾಖವ್ಯಾಂ,
ಆನಿ ತಾಂಚ್ಯಾ ಹಜಾರ್ ಮಾರಾಂಕ್ ಏಕ್ ಜೀವ್ ಘೆವ್ಯಾಂ!
ಆಮ್ಚೆ ಸಮೊರ್ ಉಗ್ತೊ ಫೊಂಡ್ ಆಸ್ಲ್ಯಾರ್ ಕಿತೆಂ?
ಜಿವೆಶಿಂ ಮಾರ್ಚ್ಯಾ, ಪುಕ್ಕೆಲಾಂಚ್ಯಾ ಜಮ್ಯಾಸವೆಂ,
ವೊಣೊದಿಕ್ ಧಾಂಬುನ್, ಮೊರೊನ್, ಪುಣ್ ಪರತ್ ಝುಜೊನ್!
ಮೂಳ್ ಇಂಗ್ಲಿಶ್: ಕ್ಲೋಡ್ ಮ್ಯಾಕ್ಕೇ
(15 ಸಪ್ತೆಂಬರ್ 1889 - 22 ಮಾಯ್ 1948)
ಕೊಂಕ್ಣೆಕ್: ವಲ್ಲಿ ಕ್ವಾಡ್ರಸ್
ಜರ್ ಆಮಿ ಮೊರಾಜಯ್ಚ್ಚ್ ತರ್: [1919 ಇಸ್ವೆಂತ್ ಅಮೆರಿಕಾಂತ್ ಚಲ್ಲ್ಲ್ಯಾ ಕಾಳ್ಯಾ ಆನಿ ಧವ್ಯಾ ಕಾತಿಚ್ಯಾ ಲೊಕಾಂ ಮಧೆಂ ಉಭ್ಜಲ್ಲ್ಯಾ ಧೊಂಬಿಂತ್ ಹಜಾರಾಂನಿ ಲೋಕ್ ಮೊರೊನ್ ಪಡ್ಚ್ಯಾ ಸಂಧರ್ಭಾರ್, ಜಮೈಕಾಚ್ಯಾ ಕವಿ ಕ್ಲೋಡ್ ಮ್ಯಾಕ್ಕೇನ್ ಬರಯಿಲ್ಲ್ಯಾ ಹ್ಯಾ ಸೋನೆಟಾನ್ ಕಾಳ್ಯಾ ಲೊಕಾಂಚೆರ್ ಬರೊಚ್ಚ್ ಪ್ರಭಾವ್ ಘಾಲಾ.] ಹಾಣೆಂ 1919 ಇಸ್ವೆಂತ್ ಬರಯಿಲ್ಲ್ಯಾ ’If we must die' ಕವಿತೆಚೆಂ ತರ್ಜಣ್ ಹೆಂ ಜಾವ್ನಾಸಾ;
- ªÀ°è PÁéqÀæ¸ï.
1,2,3,4,5,6,7,8, 9,10,11,12,13,14,15,16,17,18,19,20,21,22,23,24,25,26
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
More in Daaiz
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.