ಮೀರಾರೋಡಾಂತ್

ಮೀರಾರೋಡಾಂತ್ ಮೊಂತಿ ಸಾಯ್ಭಿಣೆಚೆಂ ಫೆಸ್ತ್

ಮೀರಾರೋಡ್ ಸಾಂ|ಜುಜೆ ಇಗರ್ಜೆಂತ್ ಮೋಂತಿ ಫೆಸ್ತ್; ಸಪ್ತೆಂಬರ್ ಆಟ್ ತಾರಿಕೆರ್ ಭೋವ್ ಗದ್ದಾಳಾಯೆನ್ ಆಚರಣ್ ಜಾಲೆಂ. ಸಕಾಳಿಂ ಸವಾಯ್ ಆಟ್ ವೊರಾರ್ ಬಾಪ್ ಐವನ್ ಡಿ’ಸೋಜಾ ಅನಿ ಬಾಪ್ ಡೊಮಿನಿಕ್ ವಾಸ್ ಹಾಣಿ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ.

$Placeholder: the original page gave this picture no description, and none has been written yet. It came from daaiz\daaiz\special\news\mrmf.asp.$ $Placeholder: the original page gave this picture no description, and none has been written yet. It came from daaiz\daaiz\special\news\mrmf.asp.$ $Placeholder: the original page gave this picture no description, and none has been written yet. It came from daaiz\daaiz\special\news\mrmf.asp.$ $Placeholder: the original page gave this picture no description, and none has been written yet. It came from daaiz\daaiz\special\news\mrmf.asp.$ $Placeholder: the original page gave this picture no description, and none has been written yet. It came from daaiz\daaiz\special\news\mrmf.asp.$

ನವೆಂ ಬೆಂಜಾರ್ ಕರುನ್ ಸಗ್ಳ್ಯಾ ಲೊಕಾಕ್ ವಾಂಟ್ಲೆಂ.

ಮರಿಯೆಚ್ಯಾ ಮಾನಾಕ್ ಕೊಂಕ್ಣಿ ಕಂತಾರಾಂ ಮ್ಹಣೊನ್ ಕೊಂಕ್ಣೆನ್ ತೇರ್ಸ್ ಮ್ಹಣೊನ್ ಬಾಳೊಕ್ ಮರಿಯೆಕ್ ಹಾತಾಂತ್ ಧರುನ್ ಹಜಾರಾಂನಿ ಲೋಕ್ ಮೀರಾರೋಡ್‌ಚ್ಯಾ ರಸ್ತ್ಯಾಂನಿ ಪುರ್ಶಾಂವಾರ್ ಗೆಲೊ. ಸಾಂ|ಜುಜೆ ಕೊಂಕ್ಣಿ ವೆಲ್‌ಫೇರ್ ಎಸೋಸಿಯೇಶನಾಚ್ಯಾ ಫುಡಾರ್ಪಣಾಖಾಲ್ ಸಂಸ್ಥ್ಯಾಚೊ ಅಧ್ಯಕ್ಷ್ ಜೋನ್ ಕ್ರಾಸ್ತಾ, ಕಾರ್ಯದರ್ಶಿ ಸೋಫಿಯಾ ಡೆ’ಸಾ, ಖಜಾನ್ದಾರ್ ಲಾರೆನ್ಸ್ ಮಥಾಯಸ್ ಆನಿ ಸಂಸ್ಥ್ಯಾಚ್ಯಾ ಸರ್ವ್ ಸಾಂದ್ಯಾಂನಿ ಪುರ್ಶಾಂವಾಚಿ ಆಪುರ್ಭಾಯೆಚಿ ಮಾಂಡಾವಳ್ ಕೆಲ್ಲಿ.

ಆಲ್ತಾರ್ ಭುರ್ಗೆ, ಧವೆಂ ನ್ಹೆಸ್‌ಲ್ಲಿಂ ಫುಲಾಂ ಘೆತ್‌ಲ್ಲಿಂ ಭುರ್ಗಿಂ, ವಿವಿಧ್ ಸಮುದಾಯಾಚಿಂ ಬ್ಯಾನರಾಂ ಘೆವ್ನ್ ಫಿರ್ಗಜೆಚ್ಯಾ ಸರ್ವ್ ಸಮುದಾಯಾಚೊ ಲೋಕ್ ಪುರ್ಶಾಂವಾರ್ ಚಮ್ಕಾಲೊ.

ಸಾಂಜೆರ್ ಫಿರ್ಗಜೆಚ್ಯಾ ಹೊಲಾಂತ್ ಕೊಂಕ್ಣಿ ಸಾಂಸ್ಕೃತಿಕ್ ಕಾರ್ಯವಳ್ ಆನಿ ನವೆಂ ಜೆಂವ್ಚೆಂ ಕಾರ್ಯಕ್ರಮ್ ಮಾಂಡುನ್ ಹಾಡ್‌ಲ್ಲೆಂ. ಮಾನೆಸ್ತ್ ಗಾಬ್ರಿಯೆಲ್ ಡಿ’ಮೆಲ್ಲೊನ್ ಪಾನ್-ಪೊಡ್ ದೀವ್ನ್ ಸರ್ವಾಂಕ್ ಸ್ವಾಗತ್ ಕೆಲೊ.

ರಿಯೊಲಾ ಮಥಾಯಸ್, ಆಸ್ಟಿನ್, ಜೇನ್ ಕ್ರಾಸ್ತಾ, ರೊಸೆಲ್ ಕಾರ್ಡೊಜಾ, ಡೆಲ್ಸಿ ಡಿ’ಸೋಜಾ ಆನಿ ಮೀವಲಾನ್ ಸ್ವಾಗತ್ ನಾಚ್ ಪ್ರಸ್ತುತ್ ಕೆಲೊ.

ರಿಯೊಲಾ ಮಥಾಯಸ್, ಆಸ್ಟಿನ್, ಜೇನ್, ಎಡ್ವರ್ಡ್, ವಾಲೆಂಟಿನೊ ಆನಿ ಸುಜೆಲ್ಲಾನ್ ಮೊಗ್ರಾ ನಾಚ್ ಪ್ರದರ್ಶಿತ್ ಕೆಲೊ, ಲೋರಿನ್ ಡಿ’ಮೆಲ್ಲೊ, ನಿಕೊಲ್ ಡಿ’ಮೆಲ್ಲೊ, ಬೆನ್ಸನ್ ಡಿ’ಮೆಲ್ಲೊ, ಜೊವಿಟಾ ಮಥಾಯಸ್, ಟ್ರೆಸ್ಸಿ ಡಿ’ಸೋಜಾ ಆನಿ ಆಲೆನ್ ಡಿ’ಕೋಸ್ತಾನ್ ’ಆಡ್ಕುಲೊಗೊ ಬುಡ್ಕುಲೊ’ ನಾಚ್ ಪ್ರದರ್ಶಿತ್ ಕೆಲೊ.

ಭಾವ್|ಜೋನ್ ಆನಿ ಭಾವ್|ಸಂದೀಪಾನ್ ಹಾಸ್ಯ್ ನಾಟ್ಕುಳೊ ಖೆಳವ್ನ್ ದಾಖಯ್ಲೊ. ಬಾಪ್ ಡೊಮಿನಿಕ್ ವಾಸ್, ಬಾಪ್ ಐವನ್ ಡಿ’ಸೋಜಾ, ಮಿಶೆಲ್ ಡಿ’ಸೋಜಾ, ಡಾಯ್ಗೊ ರೊಡ್ರಿಗಸ್, ರಿಯೊಲಾ ಮಥಾಯಸ್, ಮೊನಿಕಾ ಡಿ’ಮೆಲ್ಲೊ, ಆಶ್ಲಿ ಡಿ’ಮೆಲ್ಲೊ ಆನಿ ಜೋನ್ ಕೊರೆಯಾ ಹಾಣಿ ವಿವಿಧ್ ಕೊಂಕ್ಣಿ ಪದಾಂ ಗಾವ್ನ್ ಲೋಕಾಚಿಂ ಕಾಳ್ಜಾಂ ಮನಾಂ ಜಿಕ್ಲಿಂ.

ಕಾರ್ಯದರ್ಶಿ ಸೊಫಿಯಾ ಡೆ’ಸಾನ್ ಧನ್ಯವಾದ್ ಪಾಟಯ್ಲೆಂ. ಅಧ್ಯಕ್ಷ್ ಜೋನ್ ಕ್ರಾಸ್ತಾನ್ ಜೆವ್ಣಾಕ್ ಉದಾಕ್ ದಿಲೆಂ. ’ಪ್ರಸನ್ನಾ ನಿಡ್ಡೋಡಿ’ ಖ್ಯಾತಿಚ್ಯಾ ಹಿಲರಿ ಡಿ’ಸಿಲ್ವಾನ್ ಆಪುರ್ಭಾಯೆನ್ ಕಾರ್ಯೆಂ ಚಲವ್ನ್ ವ್ಹೆಲೆಂ. ಕೆಂಳ್ಬ್ಯಾಚ್ಯಾ ಖೊಲ್ಯಾಂನಿ ಸಗ್ಳೊ ಲೋಕ್ ರುಚಿಕ್ ನವೆಂ ಜೆವ್ಲೊ.

- ಭಾತ್ಮಿ: ಆನ್ಸಿ ಪಾಲಡ್ಕಾ

ಮೊಂತಿ ಫೆಸ್ತ್

ಲೇಖನಾಂ

ದಾಯ್ಜ್ ಪಾನಾಕ್

ಮೀರಾರೋಡಾಂತ್

ಸಮನ್ವಯಾಂಚೆಂ

ವಸಯಾಂತ್

ಟೊಮಸ್