ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ರಾಂದ್ಪಾವೋಳ್
ದಾಯ್ಜ್ ಕುಜ್ನ್:ದಾಯ್ಜ್ಚೊ
ಪ್ರಮುಖ್ ಇರಾದೊ ಕೊಂಕ್ಣಿ ಸಾಹಿತ್ಯಾಚೊ ತರ್ಯ್ ವಾಚ್ಪ್ಯಾಂಚಾ ಪಸಂದೆಖಾತಿರ್ ಆಸಾ ಕೆಲ್ಲ್ಯಾ ದಾಯ್ಜ್ ಕುಜ್ನಾಂತ್ ಆಮ್ಚಾ ಮಾಂಯ್ಗಾಂವ್ಚಾ ಎಕೆಕಾಚ್ ಖಾಣಾ-ರಾಂದ್ಪಾಚೊ, ತಾಚಾ ತಯಾರಾಯೆಕ್ ಗರ್ಜೆಚ್ಯೊ ವಸ್ತು ತಶೆಂಚ್ ತೆಂ ಕಶೆಂ ರಾಂದ್ಚೆಂ ಮ್ಹಳ್ಳೆಂ ವಿವರ್ಚಾ ಇರಾದ್ಯಾನ್ ಹಿ ವೋಳ್ ಆಸಾ ಕೆಲ್ಯಾ,
ರಾಂದ್ಪಿಣ್: ಹರ್ಯೆಕಾ ಮಯ್ನ್ಯಾಂತ್, ತಿಚೆಂ ತಶೆಂಚ್ ಸಂಪಾದನ್ ಕೆಲ್ಲೆಂ ಹೆರಾಂಚೆಂ ಎಕೆಕ್ ನವೆಂ ರಾಂದಾಪ್ ತುಮ್ಚೆಮುಖಾರ್ ಹಾಡ್ನ್ ಯೆತೆಲೆಂ ಫೆರಾರ್ ಫಿರ್ಗಜೆಚೆಂ ಬಾಯ್ ಪ್ರಿಯಾ ಸಿಕ್ವೇರಾ. ತುಮ್ಕಾಂಯ್ ಹಾಂತುಂ ತುಮ್ಚಿಂ ರಾಂದ್ಪಾಂ ಧಾಡುಂಕ್ ಆಸಾತ್ ತರ್ ತಿಂ ತುಮಿಂ priya@daaiz.com ವಿಳಾಸಾಕ್ ಧಾಡ್ಯೆತಾ. ವಿಂಚ್ಣಾರ್ ಬರ್ಪಾಂಕ್ ಎಕ್ಟಾಂವ್ನ್ ಎಕಾ ಬುಕಾರುಪಾರ್ ಪರ್ಗಟ್ ಕರ್ಚೆಂ ಯೋಜನ್ಯ್ ಆಸ್ತೆಲೆಂ.
ರಾಂದ್ಪಾವೋಳ್ - 12. ಮೆತಿಚೆ ಪೊಳೆ [- ವಿಕ್ಟೋರಿಯಾ ಡಿ’ಸೋಜ್/ ಕುವೇಯ್ಟ್]
ಕುಂದಾಪುರ್ ವಾರಾಡ್ಯಾಂತ್ಲಿ ವಿಕ್ಟೋರಿಯಾ ಡಿ’ಸೋಜಾ ಪ್ರಸ್ತುತ್ ಅಪ್ಲ್ಯಾ ಕುಟ್ಮಾಸವೆಂ ಕುವೆಯ್ಟಾಂತ್ ವಸ್ತಿ ಕರುನ್ ಆಸಾ, ಹಿಕಾ ರಾಂದ್ಪಾಚಾ ಹವ್ಯಾಸಾಸವೆಂ ಫುಲಾಂ ಝಡಾಂ ಲಾಂವ್ಚಿಂ, ತಾಂಚೊ ಪೋಸ್ ಕರ್ಚೊ, ಕೊಂಕ್ಣಿ ಸಾಹಿತ್ಯ್ ವಾಸ್ಚಿ ಅಭಿರುಚ್ ಆಸಾ. ಹಿಚೊ ಪತಿ ಆಂಬ್ರೊಸ್ ಡಿ’ಸೋಜ್ ಏಕ್ ಬರೊ ರಾಂದ್ಪಿ ಆನಿ ಕುವೆಯ್ಟಾಂತ್ಲ್ಯಾ ಫರ್ವಾನಿಯಾಂತ್ ’ಚೈನೀಸ್ ಮೆಟ್ರೊ’ ಮ್ಹಳ್ಳೆಂ ಹೊಟೆಲ್ ಚಲವ್ನ್ ಆಸಾ.
- ಪ್ರಿಯಾ ಸಿಕ್ವೇರಾ, ಫೆರಾರ್
ವಿಕ್ಟೋರಿಯಾ ಡಿ’ಸೋಜಾ
ಗರ್ಜೆಚ್ಯೊ ವಸ್ತು:
1.kg ಸುರಯ್ ತಾಂದುಳ್
100-150 gm ಉಡ್ದಾಚಿ ದಾಳ್
50-75 gm ಮೆತಿ
200-250 gm ಗೋಡ್
1/2 ಮೆಜಾ ಕುಲೆರ್ಭರ್ ಖಮೀರ್
200 gm ವಾ ಅರ್ಧೆಂ ವೊಳೆಂ ನಾರ್ಲಾಚೊ ರೋಸ್
4-6 ಎಳ್ಯಾಚೊ ಪಿಟೊ
ಕರ್ಚಿ ರೀತ್:
* ತಾಂದುಳ್, ಉಡ್ದಾ ದಾಳ್, ಮೆತಿ ದೋನ್-ತೀನ್ ವೊರಾಂ ಬಿಜಾತ್ ಘಾಲ್.
* ಮಿಕ್ಸಿ ವಾ ವಾನಾಂತ್ ಗಂಧ್ ವಾಟ್ತಾನಾ ಗೋಡ್ ಘಾಲ್
* ಮಾಗಿರ್ ಖಮೀರ್ ಘಾಲ್
* ಉಪ್ರಾಂತ್ ನಾರ್ಲಾಚೊ ರೋಸ್ ಘಾಲ್ನ್ ಖಿರಯ್
* ಎಳ್ಯಾ ಪಿಟೊ ಘಾಲ್
* ರುಚಿ ತೆಕಿದ್ ಮೀಟ್ ಘಾಲ್ನ್, ಸ-ಆಟ್ ವೊರಾಂ ಪರ್ಯಾಂತ್ ಫುಗಾತ್ ದವರ್
* ಫುಗ್ ಆಯಿಲ್ಲ್ಯಾ ಉಪ್ರಾಂತ್ ಭಾರೀಕ್ ಉಜ್ಯಾಚೆರ್ ಕಾಯ್ಲ್ ದವರ್ನ್ ತೇಲ್ ವ ತುಪಾಸವೆಂ ಪೊಳೆ ಭಾಜ್
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
