ಕುರ್ಲ್ಯಾಂಚಿ

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

[2006 ಇಸ್ವೆಚಾ ಸಪ್ತೆಂಬರ್ 23 ತಾರಿಕೆರ್ ಅಪ್ಲೊ 41ವೊ ಜಲ್ಮಾದಿವಸ್ ಆಚರಣ್ ಕರ್ಚಾ ಆಂಡ್ರು ತುಕಾ ಹೆಂ ಅಂಕಣ್ ಅರ್ಪಣ್]

Placeholder: the original page gave this picture no description, and none has been written yet. It came from daaiz\daaiz\column\sk\sk7.asp.

ಸತಾಂ ಆನಿ ಖತಾಂ - 7. ಕುರ್ಲ್ಯಾಂಚಿ ಕಾಣಿ

ಹೆಂ ಅಂಕಣ್ ’ರಾಕ್ಣೊ’ ಚೆರ್ ತಶೆಂಚ್ ಆಶಾವಾದಿ ಪ್ರಕಾಶನಾಚಾ ಬುಕಾರುಪಾರ್ ಪರ್ಗಟ್ ಜಾಲಾಂ.

ಎಕಾ ತೆಂಪಾರ್ ಮಂಗ್ಳುರ್ಚಾ ಎಕಾ ದರ್‍ಯಾ ತಡಿರ್ ತೊಡೆ ಭಾಯ್ಲ್ಯಾ ಗಾಂವ್ಚೆ, ಕೊಡ್ಯಾಳಾಂತ್ ಮೆಳ್ಚೊ ಮಾಸ್ಳ್ಯೊ ದೆಖೊಂಕ್ ಆಯ್ಲೆ. ಆನಿಂ ತಾಂಚಾ ಯೆಣ್ಯಾಚಿ ಖಭಾರ್ ಎದೊಳ್‌ಚ್ಚ್ ಆಸ್ಲೆಲೆ ಮೊಗೊರ್ ಸರ್‍ವ್ ನವಾ ಹುರುಪಾಂತ್ ಭರೊನ್ ಆಪಾಪ್ಲಾಲಾಗಿಂ ಜಿವ್ಯೊ ಆಸ್ಚೊ ಮಾಸ್ಳ್ಯೊ ದಾಖಂವ್ಕ್ ಅತ್ರೆಗಾನ್ ರಾಕೊನ್ ಆಸ್‌ಲ್ಲೆ.

ತೊಡ್ಯಾಚ್ಚ್ ವೆಳಾರ್ ಭಾಯ್ಲ್ಯಾ ಗಾಂವ್ಚಿಂ ಥೊಡಿಂ ಮನ್ಶಾಂ, ಥೊಡಿಂ ಬಾಯ್ಲಾಂ ಆನಿಂ ದಾದ್ಲೆ ತಕ್ಲೆರ್ ವ್ಹಡ್ ತೊಪಿ ದವರ್‍ನ್ ಆಯ್ಲೆ, ತಾಂಕಾ ಎಕ್ಲೊ ಗಾಂವ್ಚೊ ಮಾನೆಸ್ತ್ ಬೊಟ್ಲೆರ್ ಇಂಗ್ಲಿಶಾನ್ ಕಿತೆಂಗೀ ಸಮ್ಜಾಯ್ತಾಲೊ. ಆನಿಂ ಆಬ್ಳೆ ಸರ್‍ವ್ ಮೊಗೊರ್ ಆಪಾಪ್ಲ್ಯಾ ಜಾಗ್ಯಾರ್ ತಯಾರ್ ರಾವ್ಲೆ. ಆನಿಂ ಭಾಯ್ಲ್ಯಾ ಗಾಂವ್ಚೆ ಲಾಗ್ಗಿಂ ಆಯಿಲ್ಲೆ ಪರಿಂಚ್ಚ್ ತಾಣಿಂ ಎಕೆಕ್ ಬಾಲ್ದೆಚೆಂ ದಾಂಪ್ಣೆ ಕಾಡ್ಲೆಂ ಆನಿಂ ಆಮ್ಚೊ ಮಾನೆಸ್ತ್ ತಾಂಕಾ ಸಮ್ಜಾಯ್ಲಾಗ್ಲೊ ’ದಿಸ್ ಈಸ್ ತಾರ್‍ಲೆ’ ಆನಿಂ ಭಾಯ್ಲ್ಯಾ ಗಾಂವ್ಚಾನಿ ನಾಕಾ ಫ಼ುಡಾಂ ರುಂದಾವ್ನ್, ದೊಳ್ಯಾಂಚೊ ಆಸ್ಡ್ಯೊ ಉಭಾರ್‍ನ್ ಬಾಲ್ದೆ ಭಿತರ್ ಆಸ್ಚ್ಯೆ ಜಿವೆ ತಾರ್‍ಲೆ ಪಳೆವ್ನ್ ಜಾತೆಚ್ಚ್ ಮೊಗೊರ್ಲ್ಯಾನ್ ಬಾಲ್ದೆಕ್ ದಾಂಪ್ಣೆ ಘಾಲೆಂ. ದುಸ್ರ್ಯಾ ಮೊಗೊರ್ಲ್ಯಾಲಾಗಿಂ ವೆತೆಚ್ಚ್ ತಾಣೆಂ ದಾಂಪ್ಣೆ ಕಾಡ್ಲೆಂ ಆನಿಂ ಮಾನೆಸ್ತಾನ್ ಪರಿಚಯ್ ದಿಲಿ ’ದಿಸ್ ಈಸ್ ಬಾಂಗ್ಡೆ’.

ತಶೆಂಚ್ಚ್ ತಿಸ್ರಿ, ಚೊವ್ತಿ, ಪಾಂಚ್ವಿ ಬಾಲ್ದಿ ಆನಿಂ ತಾಂತು ಆಸ್ಲ್‌ಲ್ಲ್ಯೊ ಮಾಸ್ಳ್ಯೊ, ಜಾಂವ್ ದೆಂಕ್ಳೆ, ಕಾಸೊವ್... ಅಶೆಂ ಸರ್‍ವಾಂಚಿ ಪರಿಚಯ್ ದೀವ್ನ್ ಅಖ್ರೇಕ್ ನಿಮಾಣ್ಯಾ ಬಾಲ್ದೆಲಾಗಿಂ ಆಯ್ಲೆ ಆನಿಂ ಮಾನೆಸ್ತಾನ್ ದಾಂಪ್ಣೆ ಉಗ್ತೆಂ ಕರ್ಚಿ ಗರ್ಜ್ ನಾತ್ಲೆಲಿ. ತ್ಯಾ ಬಾಲ್ದೆಂತ್ ಜಿವೊ ಕುರ್‍ಲ್ಯೊ ಉಗ್ತ್ಯೊಚ್ಚ್ ಆಸ್ಲೆಲ್ಯೊ.

ತಿತ್ಲ್ಯಾರ್ ಭಾಯ್ಲ್ಯಾ ಗಾಂವ್ಚಾನಿಂ ಸವಾಲ್ ಕೆಲೆಂ ’ವಾಯ್ ದಿಸ್ ಬಕೆಟ್ ಇಸ್ ನೋಟ್ ಕವರ್ಡ್?’ (ಕಿತ್ಯಾಕ್ ಹ್ಯಾ ಬಾಲ್ದೆಕ್ ದಾಂಪ್ಣೆಂ ನಾ?)
ತೆನ್ನಾ ಆಮ್ಚಾ ಮಾನೆಸ್ತಾನ್ ಜಾಪ್ ದೀವ್ನ್ ಮ್ಹಳೆಂ ’ದೀಸ್ ಆರ್ ಲಾಯ್ಕ್ ಅವರ್ ಮ್ಯಾಂಗ್ಲೋರಿಯನ್ ಕ್ರಿಶ್ಚಿಯನ್ಸ್’ (ಹ್ಯೊ ಕುರ್‍ಲ್ಯೊ ಆಮ್ಚಾ ಮಂಗ್ಳುರ್ಚಾ ಕ್ರಿಸ್ತಾಂವಾಪರಿಂ) - ಎಕ್ಲೊ ಜಾವ್ನ್ ವಯ್ರ್ ಯೇನಾ ಆನಿಂ ಕೊಣೀ ಎಕ್ಲೊ ವಯ್ರ್ ಆಯ್ಲ್ಯಾರ್ ಹೆರ್ ಸಗ್ಳಿಂ ಮೆಳೊನ್ ತಾಕಾ ಸಕ್ಲಾ ವೋಡ್ನ್ ಘಾಲ್ತಾತ್.

ಸಂದೇಶ್: ಹಿ ಕಾಣಿ ಆಮ್ಚಾ ಪ್ರಸ್ತುತ್ ಜಿಣ್ಯೆಕ್ ತಾಳ್ ಪಡಾನಾಂಗೀ? ತ್ಯಾ ಮಾನೆಸ್ತಾಚಿಂ ಉತ್ರಾಂ ಸತ್ ಮ್ಹಣ್ ಭಗಾನಾಂತ್‌ಗೀ? ಎಕಾಮೆಕಾ ಮೊಸೊರ್, ಹಗೆಂ, ಧ್ವೇಷ್ ಆಮ್ಚೆ ಥಂಯ್ ಉಣೊಂಗೀ?. ಏಕ್ ಘಡಿ ಹೆಂ ಒಪುನ್ ಘೆಂವ್ಕ್ ಆಮ್ಕಾಂ ದುಖ್ತೆಲೆಂ ತರ್‌ಯಿ ಹಾಂತ್ಲೆಂ ಸತ್ ತೆಂ ಸತ್ ಮ್ಹಳ್ಳೆಂ ಆಮ್ಕಾಂ ಭಗಾನಾಂಗೀ?.

ಆಧ್ಲ್ಯೊ ನೈತಿಕ್ ಕಾಣ್ಯೊ

ದಾಯ್ಜ್ ಪಾನಾಕ್

ಕುರ್ಲ್ಯಾಂಚಿ

ಹಾಸೊ

ಮೊಗ್ರಿಂ

ಸೈಂಟ್