ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ರಾಂದ್ಪಾವೋಳ್
ದಾಯ್ಜ್ ಕುಜ್ನ್:ದಾಯ್ಜ್ಚೊ
ಪ್ರಮುಖ್ ಇರಾದೊ ಕೊಂಕ್ಣಿ ಸಾಹಿತ್ಯಾಚೊ ತರ್ಯ್ ವಾಚ್ಪ್ಯಾಂಚಾ ಪಸಂದೆಖಾತಿರ್ ಆಸಾ ಕೆಲ್ಲ್ಯಾ ದಾಯ್ಜ್ ಕುಜ್ನಾಂತ್ ಆಮ್ಚಾ ಮಾಂಯ್ಗಾಂವ್ಚಾ ಎಕೆಕಾಚ್ ಖಾಣಾ-ರಾಂದ್ಪಾಚೊ, ತಾಚಾ ತಯಾರಾಯೆಕ್ ಗರ್ಜೆಚ್ಯೊ ವಸ್ತು ತಶೆಂಚ್ ತೆಂ ಕಶೆಂ ರಾಂದ್ಚೆಂ ಮ್ಹಳ್ಳೆಂ ವಿವರ್ಚಾ ಇರಾದ್ಯಾನ್ ಹಿ ವೋಳ್ ಆಸಾ ಕೆಲ್ಯಾ,
ರಾಂದ್ಪಿಣ್: ಹರ್ಯೆಕಾ ಮಯ್ನ್ಯಾಂತ್, ತಿಚೆಂ ತಶೆಂಚ್ ಸಂಪಾದನ್ ಕೆಲ್ಲೆಂ ಹೆರಾಂಚೆಂ ಎಕೆಕ್ ನವೆಂ ರಾಂದಾಪ್ ತುಮ್ಚೆಮುಖಾರ್ ಹಾಡ್ನ್ ಯೆತೆಲೆಂ ಫೆರಾರ್ ಫಿರ್ಗಜೆಚೆಂ ಬಾಯ್ ಪ್ರಿಯಾ ಸಿಕ್ವೇರಾ. ತುಮ್ಕಾಂಯ್ ಹಾಂತುಂ ತುಮ್ಚಿಂ ರಾಂದ್ಪಾಂ ಧಾಡುಂಕ್ ಆಸಾತ್ ತರ್ ತಿಂ ತುಮಿಂ priya@daaiz.com ವಿಳಾಸಾಕ್ ಧಾಡ್ಯೆತಾ. ವಿಂಚ್ಣಾರ್ ಬರ್ಪಾಂಕ್ ಎಕ್ಟಾಂವ್ನ್ ಎಕಾ ಬುಕಾರುಪಾರ್ ಪರ್ಗಟ್ ಕರ್ಚೆಂ ಯೋಜನ್ಯ್ ಆಸ್ತೆಲೆಂ.
ರಾಂದ್ಪಾವೋಳ್ - 11. ಕುಂಕ್ಡಾ ಮಾಸಾಚಿ ರುಚಿಕ್ ಕಡಿ [- ಜೆಸ್ಸಿ ಪಿಂಟೊ ಕಣಜಾರ್/ ಕುವೇಯ್ಟ್]
ಜೆಸಿಂತಾ ಪಿಂಟೊ, ಕಣಜಾರ್(ಆತಾಂ ಶಿರ್ತಾಡಿ) ಕುವೇಯ್ಟಾಂತ್ ವಾವ್ರ್ ಕರುನ್ ಆಸಾ. ಕೊಂಕ್ಣಿ/ಕನ್ನಡ ಹಾಫ್ತ್ಯಾಳಿಂ ವಾಚ್ಚೆಂ ಹಿಚೆಂ ಹವ್ಯಾಸ್. ಕೊಮಿಡಿ ಪಿಕ್ಚರಾಂ, ಸೀರಿಯಲಾಂ, ಡ್ರಾಮಾ ಪಳೆಂವ್ಚೆಂ ಹಿಚಿ ಆಸಕ್ತ್. ಸಮಾಜ್ ಸೆವಾ ಕರ್ಚಾಂತ್ ಬಾಯ್ ಜೆಸ್ಸಿ ಕಾಂಯ್ ಪಾಟಿಂ ನಾಂ. ಕಣಜಾರ್ ಅಸೊಶಿಯೇಶನಾಂತ್ ದೋನ್ ವರ್ಸಾಂ ಸೆಕ್ರೆಟರಿ ಆನಿಂ ದೋನ್ ವರ್ಸಾಂ ಸಹ - ಅದ್ಯಕ್ಷಿಣ್ ಜಾವ್ನ್ ಹಿಣೆಂ ವಾವ್ರ್ ಕೆಲಾ ತಶೆಂಚ್ ಕೊಂಕ್ಣಿ ವಾವ್ರಾಕ್ಯ್ ಜಾಯ್ತೊ ಪಾಟಿಂಬೊ ಹಿಣೆ ದಿಲಾ. ಕೊಂಕ್ಣಿ ಭಾಸೆಚೊ ಹುಸ್ಕೊ ಆನಿ ಮೋಗ್ ಆಸ್ಚಾಂತ್ಲಿ ಹಿ ಎಕ್ಲಿ.
- ಪ್ರಿಯಾ ಸಿಕ್ವೇರಾ, ಫೆರಾರ್
ಜೆಸ್ಸಿ ಪಿಂಟೊ
ಗರ್ಜೆಚ್ಯೊ ವಸ್ತು:
1-1.2
ಕಿಲೊ ಕುಂಕಾಡ್
1
ನಾರ್ಲ್
4
ವ್ಹಡ್ಲೆ ಪಿಯಾವ್
1
ಲೊಸುಣ್ಯೊಚ್ಯೊ ಬಿಯೊ
3
ಹಳ್ತಾಚೆ ಟೊಮೆಟೊ
1
ಆವಾಳ್ಯಾ ತೆದಿ ಅಮ್ಸಾಣ್
1 ಚಾಯೆ ಕುಲೆರ್ ಜಿರೆಂ
1
ಮೆಜಾ ಕುಲೆರ್ ಕನ್ಪಿರ್
1
ಮೊವ್ಳಿ ಕನ್ಪಿರ್ ಬಾಜಿ
8
ಸುಕ್ಯೊ ಕಾಶ್ಮೀರಿ ಮಿರ್ಸಾಂಗ್
1/2 ಚಾಯೆ ಕುಲೆರ್ ಹಳ್ದಿ ಪಿಟೊ
1/2 ಇಂಚ್ ಆಲೆಂ
8
ಮಿರಿಯಾಂ
5-6 ಲವಂಗಾಂ
2
ಇಂಚ್ ತಿಕೆ ಸಾಲ್
3
ಎಳೊ
3
ತಿಕೆ ಪಾಲೊ
10
ಬೆವಾಚೊ ಪಾಲೊ
ಕರ್ಚಿ ರೀತ್:
ದೋನ್ ಪಿಯಾಂವ್ ಆನಿಂ ಲೊಸುಣ್ಯೊ ಇಲ್ಲೆಶ್ಯಾ ತೆಲಾಂತ್ ಬಾಜುನ್ ಕಾಡ್. ಕನ್ಪಿರ್, ಜಿರೆಂ, ಮಿರಿಯಾಂ, ಲವಂಗಾ, ತಿಕೆಸಾಲ್, ಸುಕ್ಯೊ ಮಿರ್ಸಾಂಗ್ಯೊ ಹಳ್ತ್ ಉಜ್ಯಾರ್ ತೊವ್ಯಾರ್ ಬಾಜುನ್ ಕಾಡ್. ಆಮ್ಸಾಣ್, ಹಳದಿಚೊ ಪಿಟೊ, ಕನ್ಪಿರ್ ಬಾಜಿ, ಎಳೊ ಘಾಲ್ನ್ ಆಳೆನ್ ವಾಟುನ್ ಕಾಡ್. ಆಳೆನ್ ದಾಟ್ಚ್ ಆಸೊಂದಿ.
ಕುಂಕಾಡ್ ಹಳ್ತಾಚೆ ಕುಡ್ಕೆ ಕರ್. ದೋನ್ ವ್ಹಡ್ಲೆ ಪಿಯಾಂವ್ ಬಾರೀಕ್ ಶಿಂದುನ್ ದವರ್. ತೀನ್ ಹಳ್ತಾಚೆ ಟೊಮೆಟೊ ಬಾರೀಕ್ ಶಿಂದುನ್ ದವರ್. ನಾರ್ಲಾಚೊ ರೋಸ್ ಕಾಡ್ನ್ ದವರ್.
ತೊಪ್ಲ್ಯಾಂತ್ ದೋನ್ ಮೆಜಾ ಕುಲೆರಾಂ ತೇಲ್ ದೋನ್ ಮೆಜಾ ಕುಲೆರಾಂ ತೂಪ್ ಹುನ್ ಕರ್. ತಾಕಾ ಬೆವಾಚೊ ಪಾಲೊ ಘಾಲ್. ಶಿಂದ್ಲ್ಲೊ ಪಿಯಾವ್ ಘಾಲ್ನ್ ಹಳ್ತ್ ತಾಂಬ್ಡೊ ಜಾತಾ ಮ್ಹಣಾಸರ್ ಬಾಜ್ ಆನಿಂ ಕುಂಕ್ಡಾಚೆ ಕುಡ್ಕೆ ಘಾಲ್. ಪಾಂಚ್ ಮಿನುಟಾಂ ಬರೆಂ ಬಾಜ್. ಟೊಮೆಟೊ ಘಾಲ್ನ್ ಬಾರಿಕ್ ಉಜ್ಯಾರ್ ಪಂದ್ರಾ ಮಿನುಟಾಂ ಉಕಡ್. ರುಚಿಕ್ ತೆಕಿದ್ ಮೀಟ್ ಘಾಲ್. ಮಾಸ್ ಉಕಡ್ಲ್ಯಾ ಉಪ್ರಾಂತ್ ಆಳೆನ್ ಘಾಲ್, ಖತ್ಕತೊ ಆಯಿಲ್ಲ್ಯಾ ಉಪ್ರಾಂತ್ ನಾರ್ಲಾ ರೋಸ್ ಘಾಲ್. ಕಡಿ ದಾಟ್ ಜಾಲಿ ತರ್ ಇಲ್ಲೆಂ ಹುನ್ ಉದಾಕ್ ಘಾಲ್. ಏಕ್
chicken maggi cube ಘಾಲ್ಯೆತ್. ತಿಕೆಪಾಲೊ ಭರ್ಶಿ.
ಇಡ್ಲ್ಯೊ, ಭಾಕ್ರ್ಯೊ, ಪಾನ್ಪಾಳೆ ಹ್ಯಾ ಕಡಿಯೆ ಸಾಂಗಾಂತಾ ಖಾಂವ್ಕ್ ರುಚಿತ್ ಜಾತಾ.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
