ಕ್ರೀಸ್ತಾಂವ್

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ ’ದಾಯ್ಜ್’ ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ಸವಾಲಾಂಕ್ ಜಾಪಿ

ಹ್ಯಾ ಅಂಕಣಾಂತ್ ಇನಾಮಾಂಕ್ ಫಾವೊ ಜಾಲ್ಲ್ಯಾ ಸವಾಲಾಂಚೆಂ ಪೋಶಕ್ ಜಾವ್ನಾಸಾತ್ ಹಿಂ ಕೊಂಕ್ಣಿ ಪತ್ರಾಂ

Placeholder: the original page gave this picture no description, and none has been written yet. It came from daaiz\daaiz\column\sz\sz3.asp.

ದಿವೊ ಹಾಫ್ತ್ಯಾಳೆಂ

ಮಿತ್ರ್ ಹಾಫ್ತಾಳೆಂ

ಸೆವಕ್ ಮಯ್ನ್ಯಾಳೆಂ

ಅಂಕಣ್‌ಕಾರಾ ವಿಶ್ಯಾಂತ್

’ಮಿತ್ರ್’, ’ಝೆಲೊ’ ತಶೆಂಚ್ ’ಕಾಣಿಕ್’ ಪತ್ರಾಂಚೆಂ ಸಂಪಾದಕ್ಪಣ್ ಚಲಂವ್ಚೆ ಮಾರಿಫಾತ್, ಕೊಂಕ್ಣಿ ಪತ್ರಿಕೋಧ್ಯಮಾಂತ್ ಭರ್ಪೂರ್ ಅನ್ಭೋಗ್ ಆಸ್ಚೊ ದೊ|ಆಸ್ಟಿನ್ ಡಿ’ಸೋಜ್ ಪ್ರಭು ಪ್ರಸ್ತುತ್, ಅಮೆರಿಕಾಂತ್ ಅಪ್ಲ್ಯಾ ಕುಟ್ಮಾಸವೆಂ ವಸ್ತಿ ಕರುನ್ ಆಸಾ. ಕೊಂಕ್ಣಿ ಭಾಸ್/ಸಾಹಿತ್ಯಾಚಾ ವ್ಹಾಡಾವಳೆಕ್ ಖಾಂದ್ ದಿಲ್ಲೊ ಹೊ ಏಕ್ ಸಂಘಟಕ್/ಮುಖೆಲಿ ತಶೆಂಚ್ ಕೊಂಕ್ಣಿ ಕಾರ್ಭಾರಿ ಜಾವ್ನಾಸಾ.

ಹಾಚಾ ವೆಕ್ತಿತ್ವಾ/ವಿಚಾರಾಂವಿಶಿಂ ಚಡ್ ಜಾಣಾಂ ಜಾಂವ್ಕ್ ಕೊಂಕ್ಣಿ ಕಾರ್ಭಾರಿ ಅಂಕಣಾಕ್ ಭೆಟ್ ದೀ.

[ಹೆಂ ಮಯ್ನ್ಯಾಳೆಂ ಅಂಕಣ್ ಜಾವ್ನಾಸಾ, ತುಮ್ಚಿಂ ಸವಾಲಾಂ ವಿಚಾರಾ, ಇನಾಮಾಂ ಜೊಡಾ]

ಥೊಡೆ ಬರೆ ಕ್ರೀಸ್ತಾಂವ್ ಕರೆಜ್ಮಾಚ್ಯಾ ದಿಸಾಂನಿ ಬಿಡಿ ಸಿಗ್ರೆಟ್ ಸೊಡ್ತಾತ್ ಆನಿ ಖಾಡ್ ವಾಡಯ್ತಾತ್; ಪುಣ್ ಪಾಸ್ಖಾಂಚ್ಯಾ ರಾತಿಂ ಟೈಟ್ ಜಾವ್ನ್ ಖಣ್ಯೆಂತ್ ಪಡ್ತಾತ್‌ಮೂ ಆಸ್ಟಿನಾಮಾ? (ಡೆಲಿನಾ, ಬೆಂಗ್ಳುರ್)

ತೆ ನಿಜಾಯ್ಕಿ ಕರೆಜ್ಮಾಚೊ ಉಗ್ಡಾಸ್ ಕಾಡುನ್ ಖಣ್ಯೆಂತ್ ಕಷ್ಟಾತಾತ್; ತುಂ ಊಡ್ ಪಳೆಯಾಂ ಪಿಯೆನಾಸ್ತಾಂ ಖಣ್ಯೆಂತ್! ತಾಂಚೆ ಕಷ್ಟ್ ತುಕಾ ಖಂಯ್ ಸಮ್ಜಾತಾತ್?

ಹಾಂವ್ ಸದ್ದಾಮಾಚ್ಯಾ ಧುವೆಚ್ಯಾ ಮೊಗಾರ್ ಪಡೊಂಕ್ ಚಿಂತುನ್ ಆಸಾಂ; ಕುಮಕ್ ಕರ್ಶಿಗಿ ಆಸ್ಟಿನಾಬಾ? (ವಿನ್ಸಿ, ಬೆಂಗ್ಳುರ್)

ತುಜಿ ತಕ್ಲಿ ಪಿರ್ವಾಲ್ಯಾ ಮ್ಹಣ್ಚ್ಯಾಕ್ ಆನ್ಯೇಕಾ ದೃಷ್ಟಾಂತಾಚಿ ಭಿಲ್ಕುಲ್ ಗರ್ಜ್ ದಿಸಾನಾ!

ಆಜ್‌ಕಾಲ್ ಪಾದ್ರ್ಯಾಬ್ ಸಯ್ತ್ ವರ್ಸಾಚ್ಯೆ ರಜೆರ್ ಭೊಂವ್ಡೆಕ್ ವೆತಾತ್ - ತರ್ ಪಾದ್ರಿಪಣ್ ಏಕ್ ವೃತ್ತಿ (ಪ್ರೊಫೆಶ್ಶನ್) ಮ್ಹಳ್ಳೊ ಅರ್ಥ್‌ಗೀ ಆಸ್ಟಿನ್? (ಸಹನಾ, ಕುವೇಯ್ಟ್)

ವ್ಹಯ್, ವ್ಯವಹಾರಿಕ್ ರೀತಿನ್ ಪಳೆಂವ್ಚೆಂ ತರ್ ಪಾದ್ರಿಪಣ್‌ಯೀ ಏಕ್ ವೃತ್ತಿ ಆನಿ ತಾಂಕಾಂಯೀ ಪಯ್ಶೆ, ರಜಾ, ಮಝಾ ಖಂಡಿತ್ ಜಾಯ್.

ಗಾಂವಾಂತ್ ಆಪ್ಟೊನ್ ಗೆಲ್ಯಾರೀ ಉಲಯ್ನಾಸ್‌ಲ್ಲೆಂ ಎಕ್ಲೆಂ ಪರ್ಗಾಂವಾಂತ್ ಮ್ಹಾಕಾ ಪಳೆತಚ್ಚ್ ಬತ್ತೀಸ್ ದಾಂತ್ ದಾಖಯ್ತಾಮೂ? (ಸನ್ನೇಶಿ, ಬೊಳಿಯೆ)

ಆನಿ ಕಿತೆಂ ದಾಖಯ್ತೆಲೆಂ ತುಕಾ? ತುಜೊ ಆಂಗ್ಗಾಲಾಪ್ ಆತಾಂ ತರೀ ಸುಟ್ಲೊಮೂ? ದೇವಾಕ್ ಅರ್ಗಾಂ ದೀ ಬಾಳಾ!

ಅಮೆರಿಕಾಂತ್ ಮೊನಿಕಾ ಆತಾಂ ಕಿತೆಂ ಕರ್ತಾ; ಇಲ್ಲೆಂ ತೀಳ್ನ್ ಸಾಂಗ್ಶಿಗೀ ಆಸ್ಟಿನಾ? (ದುಕೊರ್ ಬೊಸ್ತ್ಯಾಂವ್, ದುಬಾಯ್)

ಆಸ್ಟಿನಾ, ಆಸ್ಟಿನಾ, ಪೆಂಕ್ಟಾರ್ ತಾಚ್ಯಾ ಕಾಶ್ಟಿ ನಾ ದುಕ್ರಾಮಾ! ತುಂವೆ ಮ್ಹಾಕಾ ತಿಳುಂಕ್ ಸಾಂಗೊನ್ ಹ್ಯಾ ಕರೆಜ್ಮಾಂತ್ ಪಾತ್ಕಾಂತ್ ಘಾಲೆಂಯ್! ಸೊಮಿಯಾ ಕಾಕುಳ್ತ್ ಕರ್!

ಕೊಂಕ್ಣೆಂತ್ ’ಬ್ರಾ’ಕ್ ಕಿತೆಂ ಮ್ಹಣ್ತಾತ್? (ಸೆವ್ರಿನ್, ಶಿರ್ವಾಂ)

ಆತಾಂ ಸದ್ದ್ಯಾಕ್ ತುಂ ’ಮೊಮ್ಯಾಂ ಪೊತಿ’ ಮ್ಹಣ್ ಆಪಯ್, ಜಾಯ್ನಾಯೆ?

ಗಂಗೂಲಿಕ್ ಕ್ರಿಕೆಟಾ ಥಾವ್ನ್ ರಿಟಾಯರ್ಡ್ ಜಾವ್ನ್ ’ಪಿಲಿಚಂಡಿ’ ವ ’ಕುಟ್ಟಿ ದೊಣ್ಣೆ’ ಖೆಳಾಕ್ ಭಾರತಾಚೊ ಕ್ಯಾಪ್ಟನ್ ಕರ್ಚಿ ಆಲೋಚನ್ ಕಶಿ ಮಾಮಾ? (ಬಾಲ್ಚಾಟ್, ಕಲ್ಕತ್ತಾ)

ಹಾಂವೆಂ ಚಿಂತ್‌ಲ್ಲೆಂ ತುಂ ಕುಡಿಂತ್ ಮಾತ್ರ್ ಬಾಲ್ಚಾಟ್ ಮ್ಹಣ್; ಆತಾಂ ಪಳೆಂವ್ಕ್ ಗೆಲ್ಯಾರ್ ತುಂ ತಕ್ಲೆಂತ್‌ಯೀ ಮಾತ್ಸೊ ಬಾಲ್ಚಾಟ್ ಜಾಲಾಯ್‌ಮೂ ಸಾಯ್ಬಾ!

ಆಸ್ಟಿನಾಚಿಂ ಕವಿತಾಂ ಆಬಾಚ್ಯಾ ಕಾಶ್ಟೆಪರಿಂ ಲಾಂಬ್ ಮ್ಹಣ್ತಾ ಹಾಂಗಾ ಎಕ್ಲೊ ಪಿಲೊ; ಆತಾಂ ಕಿತೆಂ ಮ್ಹಣ್ತಾಯ್ ಆಸ್ಟಿನಾ? (ದುಬಾಯ್ಚೊ ದೂಮ)

ತಥಾಸ್ತು, ತಸೆಂಚ್ ಜಾಂವ್! ಮಿನಿ ಸ್ಕರ್ಟಾ ಪರಿಂ ಕಾಶ್ಟಿಯೀ ಮಟ್ವಿ ಕೆಲಿ ತರ್ ಥೊಡ್ಯೊ ವಸ್ತು ಭಾಯ್ರ್ ಪಡೊಂಕ್ ಆಸಾತ್, ಜಾಗ್ರುತ್!

ಹಾಂಗಾ ಎಕ್ಲೆಂ ಮ್ಹಣ್ತಾ ಧೊಂಪ್ರಾಕ್ ಫಾತ್ರಾನ್ ಮಾರ್ಲ್ಯಾರ್ ಧಾಂವ್ಚೊ ಸೊಂಸೊ ರಾವ್ತಾ ಖಂಯ್; ವ್ಹಯ್‌ವೆ ಆಸ್ಟಿನಾ? (ಕಾರ್ಕೊಳ್ಚೆಂ ಪೀಲ್, ಅಬುಧಾಬಿ)

ಕಾರ್ಕೊಳ್ಚ್ಯಾ ಪಿಲಾ, ಹೆಂ ಸರ್ವ್ ಫಕತ್ ಪಿತಿಸ್ಪಣ್. ದೊಂಪ್ರಾಕ್ ತುಜ್ಯಾ ಫಾತ್ರಾನ್ ಮಾರುನ್ ರಗತ್ ವ್ಹಾಳಯ್ನಾಕಾ.

ಗೊಡ್ಡು ಗಾಯ್ ಮೊರ್ತಚ್ ಬಾರಾ ಕುಟ್ಟಿಂ ದೂಧ್ ಕಶೆಂ ಜಾತಾಗಾ? (ರೊಜಿಟಾ ನಜ್ರೆತ್, ಮಿರಾ ರೋಡ್)(ಎಕಾ ವರ್ಸಾಚಿ ಮಿತ್ರ್ ಪತ್ರಾಚಿ ದೇಶಿ ವರ್ಗಣೆಚೆಂ ಇನಾಮ್ ಫಾವೊ ಜಾಲ್ಲೆಂ ಸವಾಲ್)

ಹೇಯ್, ತುಂ ಮ್ಹಜ್ಯಾ ಕಡೆನ್ ಝಗ್ಡೊನ್ ಮೆಲ್ಲ್ಯಾ ಗಾಯ್ಚೆ ಬೋಂಬ್ ಪಿಳುಂಕ್ ಪುಣೀಂ ವಚಾನಾಕಾ ರೊಜಿಟಾ!

ಕೊಂಕ್ಣೆಕ್ ಮಲ್ಯಾಳಿ ಲಿಪಿ ಹಾಡ್ಲಿ ತರ್ ಮಂಗಳಾಪುರಾಂತ್ ಚಡೊನ್ ಯೆಂವ್ಚ್ಯಾ ಮಲ್ಬಾರಿಂಚ್ಯಾ ಮಜತೆನ್ ಕೊಂಕ್ಣೆಕ್ ಕಾಂಯ್ ಫಾಯ್ದೊ ಜಾಯ್ತ್‌ಗಿ ಕುಂಪಾರೆ? (ಕುಮಾದ್ರ್, ಮಂಗ್ಳುರ್)(ಎಕಾ ವರ್ಸಾಚಿ ದಿವೊ ಪತ್ರಾಚಿ ದೇಶಿ ವರ್ಗಣೆಚೆಂ ಇನಾಮ್ ಫಾವೊ ಜಾಲ್ಲೆಂ ಸವಾಲ್)

ಖಂಡಿತ್ ಜಾವ್ನ್ ಜಾಂವ್ಕ್ ಆಸಾ ಕುಮಾದ್ರೆ! ಮಲಯಾಳಿಂಕ್ ಸಂಗಿಂ ಹಾಡ್ ಆನಿ ವ್ಹಾಜಯ್ ತುಜೆಂ ಕೊಂಕಣಿ ಪೆಂಪಾರೆಂ.

ವರ್ಸಾನ್ ವರಸ್ ದಸೆಂಬ್ರಾಂತ್ ಜಲ್ಮಾಲ್ಲ್ಯಾ ಜೆಜುಕ್ ಎಪ್ರಿಲಾಂತ್‌ಚ್ ಕಿತ್ಯಾಕ್ ಜಿವ್ಶಿಂ ಮಾರ್ಚೆಂ ಆಸ್ಟಿನಾ? (ಗಂಗು ಗಂಗೊಳ್ಳಿ, ಆತಾಂ ವಾರಣಾಸಿ) (ಎಕಾ ವರ್ಸಾಚಿ ಸೆವಕ್ ಪತ್ರಾಚಿ ದೇಶಿ ವರ್ಗಣೆಚೆಂ ಇನಾಮ್ ಫಾವೊ ಜಾಲ್ಲೆಂ ಸವಾಲ್)

ಯೇಂವ್ದಿ ಪರತ್ ತೊ ಹ್ಯಾ ಸಂಸಾರಾಕ್; ಆಮಿಂ ತಾಕಾ ಜೂನಾಂತ್ ಲಗಾಡ್ ಕಾಡ್ಯಾಂ, ಕಿತೆಂ ಮ್ಹಣ್ತಾಯ್?

ಬಾಳೊಕ್ ಜೆಜು ಮ್ಹಳ್ಳೊ ಆಸಾಗಿ ಆಸ್ಟಿನಾ, ಸತ್ತ್ ಸಾಂಗ್. (ಪ್ರವೀಣ್ ಸಿಕೇರ್)

ಬಾಳೊಕ್ ಜೆಜು ಏಕಾ ಕಾಳಾರ್ - ದೋನ್ ಹಜಾರ್ ವರ್ಸಾಂ’ದಿಂ ಆಸ್‌ಲ್ಲೊ. ಉಪ್ರಾಂತ್ ತೊ ವ್ಹಡ್ ಜಾಲೊ ಆನಿ ತೆತ್ತೀಸ್ ವರ್ಸಾಂ ಪ್ರಾಯೆರ್ ಜುದೆವಾಂನಿ ತಾಕಾ ಲಗಾಡ್ ಕಾಡ್ಲೊ. ತೊ ಆತಾಂ ಆಸ್ಚೊ ಕಸೊ? ತುಂಚ್ ಸಾಂಗ್.

ಮಂಗ್ಳುರಾಂತ್ ಫಾದರ್ ಮುಲ್ಲರ್ ಆಸ್ಪತ್ರೆಚೆಂ ನಳಾ ಉದಾಕ್ ಬಂಧ್ ಕೆಲೆಂ ಖಂಯ್‌ಮೂ ಆಸ್ಟಿನಾ, ಹೆಂ ಸಾರ್ಕೆಂಗಿ? (ಮಾ.ನು, ಚಿಕ್‌ಮಗ್ಳುರ್)

ಅಸೆಂ ಕೆಲ್ಲ್ಯಾಂಚೆ ನಳ್‌ಚ್ಚ್ ಕಾತ್ರುನ್ ಉಡಂವ್ಕ್ ಜಾಯ್!

ಎಕಾ ವರ್ಸಾಚಿ ದೇಶಿ ವರ್ಗಣಿ ಹ್ಯಾ ಸಕಯ್ಲ್ಯಾಂಕ್ ಫಾವೊ ಜಾತಾ

’ಮಿತ್ ಹಾಪ್ತ್ಯಾಳೆಂ’

ರೊಜಿಟಾ ನಜ್ರೆತ್, ಮಿರಾ ರೋಡ್

’ದಿವೊ ಹಾಪ್ತ್ಯಾಳೆಂ’

ಕುಮಾದ್ರ್ ಮಂಗ್ಳುರ್

’ಸೆವಕ್ ಮಯ್ನ್ಯಾಳೆಂ’

ಗಂಗು, ಗಂಗೊಳ್ಳಿ (ಆತಾಂ ವಾರಣಾಸಿ)

(ಇನಾಮಾಂ ಜಿಕ್ಪ್ಯಾಂಕ್ ತಾಂಚಿಂ ಇನಾಮಾಂ ತಾಣಿಂ ದಿಲ್ಲ್ಯಾ ವಿಳಾಸಾಕ್ ಪಾವ್ತೆಲಿಂ, ಚೂಕ್ ವಿಳಾಸಾಕ್ ಆಮಿ ಜವಾಬ್ಧಾರ್ ನಾಂವ್) - ಸಂ.

ತುಮ್ಚಿಂ ಸವಾಲಾಂ ಧಾಡುಂಕ್ ವಿಳಾಸ್: austinporob@gmail.com ವಾ editor@daaiz.com

ಹ್ಯಾ ಅಧ್ಲಿಂ ಸವಾಲಾಂ-ಜಾಪಿ: 1 , 2