कथापाठ - शिंकळ I.  कोंकणी कथेंचेर राषट्र मट्टाची अध्ययन शिंकळ

A picture from the Poinnari archive that nobody has described yet.

अक्तोबर २५: कोंकणी कथेंचेर अध्ययन कर्च्या इराद्यान आशावादी प्रकान आनी उज्वाड पंद्राळें हाणीं डिजिटल माध्यमाचेर मांडून हाडलेल्या पांच वेबिनारांचें पयलें वेबिनार अक्तोबर २५ तारिकेर (आयतारा) सांजेर ४:३० थावन ६:०० पर‍्यांत चल्लें. साहित्य अकाडेमी पुरसकृत गोकूल‌दास प्रभू तशेंच पयणारी संपादक वल्ली क्वाड्रस हाणीं मटवी कतेच्या तांत्रिकतेचेर उपन्यास दिलें.

kp-I-i

स्मिता शेणय हिणें उपन्यासकांची मटवी वळोक करून दितच स्वागत उलवपांत वल्ली क्वाड्रसान २००६ इस्वेंत कुवेयटांत सुरू केल्ल्या ’कथापाठ’ विशीं उलवन, कोंकणी काणियांचें गूण‌मट्ट चडंवच्या दिशेन आमी आमचें वाचप चडयजय आनी हेरांच्यो काणियो वाचुंक जाय म्हणालो. कथापाठांत सह-भागित्व जाल्ल्या समेसत कोलेजिच्या मुखेसतांक तशेंच विध्यार्थिंक उल्लास पाटयले.

kp-I-i

कथापाठाचें उग्तावण केल्ल्या मा|चेतन लोबोन समाजेच्या मेळ्या चिंत्पाक नितळ कर्चें काम साहित्यान करुंक जाय आनी त्ये दिशेन मटवी काणी एक बळवंत माध्यम म्हणाले.

kp-I-i

गोकूल‌दास प्रभून मटवी कथा कशी आसुंक जाय, कथेचें उगम, घटकां, मांडावळ, कथापात्र, संवाद अशें सविसतार माहेत दिली. वल्ली क्वाड्रसान पुरातन काळाथावन कशें मवकीक (तोंडपाशीं), चित्र माध्यमांनी (स्केचांनी) मनीस अपली अभिव्यक्त करीत आयला आनी जागतीक साहित्यांत कथा; प्रत्येक जावन मटवी कथा केदनां सुरू जाल्ली, कोंकणिंत केदनां सुरू जाल्ली म्हळ्ळेविशीं सुर्वातून मटव्या कतेच्या लांबाय, सूर‍्वात, संपणी, तशेंच एका काणियेंत आसुंक जाय जाल्ले गूण तशेंच घटकां (Elements) विशीं गुंडायेची माहेत दिली.

kp-I-i

उज्वाड पत्राच्या संपादक मा|रोयसन फेर्नांडीस हाणीं धिन्वास पाटयले. स्मिता शेणय हिणें सोभीत रितीन कार‍्यें चलयलें.

मंगळूर, मुंबय, गोंय‌च्या कोजेलिच्या सुमार शेंभोर युवजणांनी ह्या कथापाठांत वांटो घेतलो.