ಕಿತ್ಯಾಕ್?:

ಕೊಂಕ್ಣಿ ಫುಲಯ್, ಕೊಂಕ್ಣಿ ಪಾಲಯ್, ಕೊಂಕ್ಣಿ ಸದಾಂಚ್ ಬಾಳ್ವೊಂಕ್ ಜಾಯ್.

ಸಾಹಿತಿಲಾಗಿಂ ಸಂವಾದ್

ಹೆ ಸಂವಾದ್ ಕಿತ್ಯಾಕ್?: ಕೊಂಕ್ಣೆಂತ್ ವೆವೆಗ್ಳ್ಯಾ ರಿತಿರ್ ಸಾಹಿತಿಕ್ ವಾವ್ರ್ ಕೆಲ್ಲ್ಯಾ ಸಾಹಿತಿಂಚೆ ವಿಚಾರ್, ಪ್ರಸ್ತುತ್ ಕೊಂಕ್ಣಿ ಪರಿಗತೆಚೆರ್, ಕೊಂಕ್ಣಿ ಸಮಸ್ಸ್ಯಾಂಚೆರ್ ತಶೆಂಚ್ ಹೆರ್ ವಿಚಾರಾಂಚೆರ್ ಸಂವಾದ್ ಕರುನ್ ವಾಚ್ಪ್ಯಾಂಕ್ ದಿಂವ್ಚಾ ಇರಾದ್ಯಾನ್ ಹೆಂ ಅಂಕಣ್ ಆಸಾ ಕೆಲಾಂ ಶಿವಾಯ್ ಕೊಣಾಯ್ಕ್‌ಯೀ ಧುಂಪಂವ್ಕ್ ನ್ಹಂಯ್. ಕೊಂಕ್ಣೆಂತ್ ಸರ್ವ್ ಕಲಾಕಾರಾಂ ಪಯ್ಕಿಂತ್ ಗರೀಬ್ ಜಾವ್ನಾಸ್ಚೆ ಕಲಾಕಾರ್ ಜಾವ್ನಾಸಾತ್ ಸಾಹಿತಿ. ತೊ ಏಕ್ ನಟ್ ಜಾಲ್ಲೊ ತರ್ ತಾಕಾ ಎಕಾ ವೆದಿಚೆರ್ ನಟನ್ ಕರ್ನ್ ಲೊಕಾಂಕ್ ಧಾದೊಸ್ ಕರ್ನ್ ಕಾಂಯ್ ಇಲ್ಲೆಂ ಜೊಡುಂಕ್ ಆವ್ಕಾಸ್ ಮೆಳ್ತೊ, ಗಾವ್ಪಿ ಜಾಲ್ಲೊ ತರ್ ಕೊಣ್‌ಯೀ ಎಕ್ಲೊ ಚ್ಯಾರ್ ಜಣಾಂ ಮುಖಾರ್ ವೆದಿಚೆರ್ ಗಾಂವ್ಕ್ ಕರ್ತೊ ಆನಿ ಅಶೆಂ ಕಾಂಯ್ ಇಲ್ಲೆಂ ಜೊಡುಂಕ್ ಸಕ್ತೊ. ಪುಣ್ ಕೊಂಕ್ಣೆಂತ್ ಖಂಚ್ಯಾಯ್ ಎಕಾ ವೆದಿಚೆರ್ ಖಂಚ್ಯಾಯ್ ಎಕಾ ಸಾಹಿತಿಕ್ ಆಪವ್ನ್ ತುಜೆಂ ಸಾಹಿತ್ಯ್ ವಾಚುನ್ ಸಾಂಗ್ ಮ್ಹಣ್ ಸಾಂಗ್ಚೆಂ ಕೊಣೆಂಯ್ ಆಯ್ಕಲಾಂ? ಚಡ್ತಾವ್ ಸಾಹಿತಿನ್ ಬರವ್ನ್ ಪತ್ರಾಂಕ್ ಧಾಡ್ಲೆಂ ತರ್, ತಾಕಾ ಸಂಭಾವನ್ ಸೊಡ್, ತೆಂ ಪಾವ್‌ಲ್ಲ್ಯಾಕ್ ಏಕ್ ಸಬ್ಧ್ ಸಯ್ತ್ ಬರಂವ್ಕ್ ಚಡ್ತಾವ್ ಸಂಪಾದಕಾಂಕ್ ಫುಟ್ವನಾಂ. ಹ್ಯಾ ಪರಿಗತೆಂತ್ ಕಾಂಯ್ ಎಕಾ ದೊಗಾ ಪುನೆಗೆಲ್ಲ್ಯಾಂನಿ ಕೊಣಾ ಕೊಣಾಲಾಗಿಂ ಮಾಗೊನ್ ಬೂಕ್ ಪರ್ಗಟ್ಲೊ ತರ್‌ಯೀ ತೊ ವಿಖುನ್, ಬುಕಾಂಚೊ ಖರ್ಚ್ ಕಾಡ್ಚೆಂ ಫಕತ್ತ್ ಏಕ್ ಸ್ವಪಾಣ್ ಮಾತ್ರ್, ಅಸಲ್ಯಾಂಚೆ ಬೂಕ್ ವಿಖುನ್ ಕೊಣೆಂ ಕೊಣೆಂ ಖಾಂವ್ಚೆಂ ಆನಿ ಸಾಹಿತಿ ಉರ್ತಾ ರಿತೊಚ್ಚ್. ತರ್‌ಯೀ ಸಾಹಿತಿ ಅಪ್ಲೆಂ ಸಾಹಿತ್ ರಚುನ್ಂಚ್ ವೆತಾತ್ - ಹಿಚ್ಚ್ ಸಮಧಾನೆಚಿ ಗೋಶ್ಟಿ.

ಸಾಹಿತಿಲಾಗಿಂ ಸಂವಾದ್ - ಅಸಲ್ಯಾಚ್ ಇರಾದ್ಯಾಚೆಂ ಅಂಕಣ್. ಜೀವ್ ಆಸ್ತಾನಾ ಲೆಖಿನಾಸ್ತಾಂ, ಮೊರ್ತಚ್ಚ್ ಸಿಸ್ರಿಚಿಂ ದುಖಾಂ ಗಳಂವ್ಚೆ ಬದ್ಲಾಕ್, ವಾ ತಾಚ್ಯಾ ನಾಂವಾರ್ ಪುರಸ್ಕಾರ್ ದೀವ್ನ್ ತಾಚೆಂ ನಾಂವ್ ಅಮರ್ ಕರ್ಚ್ಯಾ ಬದ್ಲಾಕ್, ತೊ ಜೀವ್ ಆಸ್ತಾಂ, ತಾಕಾ ಮೆಳೊನ್, ತಾಚೆಂ ಸುಖ್-ದುಖ್ ಆಯ್ಕೊಂವ್ಚ್ಯಾ ಇರಾದ್ಯಾನ್ ಹೆಂ ಅಂಕಣ್ ಆಸಾ ಕೆಲಾಂ. ಕೊಣೆಂಯ್ ಆಮ್ಕಾಂ ಜರ್ ’ದಾಯ್ಜಾಂತ್ಲೆಂ ದಾಯ್ಜ್ ಕಸಲೆಂ?’ ಮ್ಹಳ್ಳೆಂ ಸವಾಲ್ ಕೆಲೆಂ ತರ್, ತಸಲ್ಯಾಂಕ್ ಆಮ್ಚಿ ಜಾಪ್ ಹಿಚ್ಚ್ ’ಕೊಂಕ್ಣೆಚೆ ಸಾಹಿತಿ ಆನಿ ಸಾಹಿತ್ಯ್‌ಚ್ ಜಾವ್ನಾಸಾ ದಾಯ್ಜಾಚೆಂ ದಾಯ್ಜ್’.

- ವಲ್ಲಿ ಕ್ವಾಡ್ರಸ್

ಹ್ಯಾ ಅಂಕಣಾಂತ್ ಪರ್ಗಟ್ ಜಾಲ್ಲಿಂ ಸಂದರ್ಶನಾಂ

ರೇಗಾಮ್, ತಾಕೊಡೆ. [- ವಲ್ಲಿ ಕ್ವಾಡ್ರಸ್]

ಎಚ್ಚೆಮ್. [- ವಲ್ಲಿ ಕ್ವಾಡ್ರಸ್]

ಡಾ|ಜೆರಿ ನಿಡ್ಡೋಡಿ. [- ವಲ್ಲಿ ಕ್ವಾಡ್ರಸ್]

ಜೆ.ಬಿ.ಸಿಕ್ವೇರಾ. [- ವಲ್ಲಿ ಕ್ವಾಡ್ರಸ್]

ಜೆ.ಬಿ.ಮೊರಾಯಸ್. [- ವಲ್ಲಿ ಕ್ವಾಡ್ರಸ್]

ಮನು ಬಾಹ್ರೇಯ್ನ್. [- ವಲ್ಲಿ ಕ್ವಾಡ್ರಸ್]

ಎಡ್ವಿನ್ ಜೆ. ಎಫ್. ಡಿ’ಸೋಜ್. [- ವಲ್ಲಿ ಕ್ವಾಡ್ರಸ್]

ಜೆಮ್ಮಾ ಪಡೀಲ್. [- ವಾಯ್ಲೆಟ್ ಪಿರೇರಾ]

ಸ್ಟೇನ್ ಅಗೇರಾ, ಮುಲ್ಕಿ. [- ವಲ್ಲಿ ಕ್ವಾಡ್ರಸ್]

ಡಾ|ಎಡ್ವರ್ಡ್ ನಜ್ರೆತ್. [- ವಾಯ್ಲೆಟ್ ಪಿರೇರಾ]