ಕವಿತಾकविताPoem
ಖೆಳ್ಳೊಂ
This poem is available in its original Kannada only.
ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಕವಿತಾಝರ್
ಖೆಳ್ಳೊಂ ಮಡ್ಕೊ ಜಾಲೊಂ ಖಡ್ಕೊ
ಸುಕ್ಣ್ಯಾಂ-ಸಾವ್ಜಾಂಚೊ ನಾದ್ ಶಾಂತ್ ಪಡ್ಲೊ
ರವಿ ಆಕಾಶಿಂ ಥಾವ್ನ್ ದೆಂವೊಂಕ್ ಲಾಗ್ಲೊ
ಥಕಾವ್ಣೆನ್ ತರಿ ಕಿರ್ಣಾಂ ಫಾಂಕಯ್ಲಾಗ್ಲೊ -
ದರ್ಯಾ-ಗರ್ಭಾಂತ್ ಮರ್ಜೆನ್ ಉಪ್ಯೆಂವ್ಕ್ ಲಾಗ್ಲೊ.
ವೆಳಾ-ರೋದ್ ಉಡೊನ್ ಧಾಂವೊಂಕ್ ಲಾಗ್ಲೆಂ.
ಕಾಳ್ಕ್ಯಾ ದೇವಿನ್ ಭುಮಿರ್ ರಾಜ್ ಚಲಯ್ಲೆಂ
ವಾವ್ರಾಡಿ ಘರಾ ಪರ್ತೊಂಕ್ ಲಾಗ್ಲೆ -
ರಚ್ಣಾರಾಕ್ ಪ್ರೇಮಾನ್ ಹರ್ಸುಂಕ್ ಲಾಗ್ಲೆ.
ಪುರಾಸಣೆನ್ ಆಯ್ಲೊಂ ಹಾಂವ್ ಕಾಮಾ ಥಾವ್ನ್.
ಪೆಂಕಾಟ್ ಗೆಲೆಂ ಮೊಡೊನ್ ವೊಳೊನ್
ವಾಟೆರ್ ಆಪಯ್ಲೆಂ ಸೊರ್ಯಾವಾಲಿ ಆಂಟಿನ್ -
’ಅಮೃತ್ತಾಂಜನಾ’ ಸವೆಂ ಸೆಂವ್ಲೆಂ ಎಕಾಚ್ ದಮ್ಮಾನ್!
ಘರಾ ಯೇವ್ನ್ ಖಟ್ಲ್ಯಾರ್ ಆಡ್ ಪಡ್ಲೊಂ
ನಿದ್ರಾದೇವಿಚ್ಯಾ ಮಾಂತಾಂತ್ ಲಿಪ್ಲೊಂ
ಸ್ವಪಾಣ್ ಲ್ಹಾನ್ ಏ’ಕಾಂವ್ ಸ್ವಪ್ಣೆಲೊಂ -
ಮಡ್ಕ್ಯಾನ್ ಸಾಯ್ಭಾ ಲಾಕ್ಪತಿ ಜಾಲೊಂ!
ಸ್ವಪಾಣ್ ದೆಖ್ತೆಲೆಂ ದುವಾ, ತಿಯಾ, ಎಕ್ಕಾ,
ಟೋಟಲ್ ಕರುನ್ ಖೆಳ್ಳೊಂ ಚಕ್ಕಾ!
ದುಸ್ರೆ ದಿಸಾ ಫುಟ್ಲೊ ತೊ ಮಡ್ಕಾ -
ಚಕ್ಕಾಚ್ಯಾ ಜಾಗ್ಯಾರ್ ಆಯ್ಲೊ ಎಕ್ಕಾ!
ಬೊಂಬೊಯಾಂತ್ ಥೊಡಿಂ ಬಾಯ್ಲ್ಯೊ-ದಾದ್ಲೆ
ಮಡ್ಕೊ ಖೆಳ್ಚಾಂತ್ ಭಾರಿಚ್ ಪಯ್ಲೆ!
ಪೊಟಾಕ್ ಲಾಗೊನ್ ಬೊಂಬೊಯ್ ಪಾವ್ಲೆ -
ಮಡ್ಕ್ಯಾ ಪಾಟ್ಲ್ಯಾನ್ ಗುಲಾಮ್ ಜಾಲೆ!
ಹಜಾರ್ ಪಾವ್ಟಿಂ ಹಾವೆಂ ಚೊಯ್ಲಾಂ
ಭರ್ತಾತ್ ಮಡ್ಕ್ಯಾಂತ್ ದುಡು ಚೆಡೆ-ಚೆಡ್ವಾಂ
ಸಾಂಗ್ಲ್ಯಾರ್ ಕಿತ್ಲೆಂ ಆಯ್ಕಾನಾಂತ್ ಹಿಂ ಗಾಡ್ವಾಂ?
ಕಿತ್ಯಾಕ್ ಹಾಂಚ್ಯಾ ಕಟ್ಟ್ಯಾಕ್ ನಾಟ್ವಾನಾ?
ಬಾಯ್ಲಾಂಕ್ ಲಾಗಾನಾ ಜಾಯ್ತ್ ತರ್ ಮಡ್ಕೊ
ಕಾಳ್ಜಾಕ್ ಲಾಗ್ತಾ ತಾಂಚ್ಯಾ ಝಟ್ಕೊ!
ಘೊವ್ ಭಿರ್ಮತ್ ಸದಾಂಚ್ ಖಡ್ಕೊ -
ಮಡ್ಕ್ಯಾಕ್ ಲಾಗೊನ್ ಪಾಗ್ ಕಾಬಾರ್ ಅಖ್ಖೊ!
ಸರ್ಕಾರ್ ಸಾಂಗ್ತಾ ಕರ್ಯಾ ಮ್ಹಣ್ ’ಜನನ್ ನಿರ್ಭಂಧ್’
ಕಿತ್ಯಾಕ್ ಸರ್ಕಾರಾ, ಕರಿನಾಂಯ್ ಪಯ್ಲೊ ಮಡ್ಕೊ ಬಂಧ್?
ಜಾಯ್ತ್ ತರ್ ಹೊ ಮಡ್ಕೊ ಥಂಡ್ -
ಪಯ್ಸ್ ಸರಾತ್ ನ್ಹಯ್ಗಿ ಜಾಯ್ತ್ಯಾಂಚಿ ಖಂತ್?
ಮಡ್ಕ್ಯಾನ್ ಕೆಲ್ಯಾಂತ್-ರೆ ಭಾವಾ, ಕಾರ್ಭಾರಾಂ
ಭರ್ಲ್ಯಾಂತ್ ಭಿತರ್ ಸಭಾರಾಂಚಿಂ ಘರ್-ದಾರಾಂ!
ಹಾಂವ್ ಆನಿ ತುಂ ಮೆಳೊನ್-ರೆ ಕ್ರಿಸ್ತಾಚಿಂ ಬಾಳಾಂ -
ಹುಮ್ಟುನ್ ಕಾಡ್ಯಾಂ ಮಡ್ಕ್ಯಾಚಿಂ ಪಾಳಾಂ!
ಕವಿತಾಝರ್ - 54
- ಟೋನಿ ನಿಡ್ಡೋಡಿ, ದುಭಾಯ್
ಕವಿಜಾ ಜೆದ್ನಾಂ ಜಿಣ್ಯೆಲಿಸಾಂವ್ ಜಾತಾ, ತೆದ್ನಾಂ ತೆಂ ಕವಿತಾ ಹೆರಾಂಕ್ ಬರೆಂ-ವಾಯ್ಟ್ ಧಾಖವ್ನ್ ದಿತಾ. ಆಮ್ಚಾ ಸಮಾಜೆಂತ್ ಆಸ್ಚಾ ಅನ್ವಾರಾಂ ಪಯ್ಕಿ ಏಕ್ ಅನ್ವಾರ್ ಜಾವ್ನಾಸಾ ಮಟ್ಕಾ, ಆನಿ ಅಸಲ್ಯಾ ಸವಯೆಚೆ ಗುಲಾಮ್ ಜಾಲ್ಲ್ಯಾಂಕ್ ಕಿತೆಂ ಜಾಂವ್ಕ್ ಸಕ್ತಾ ಮ್ಹಳ್ಳ್ಯಾಚೆರ್ ಆರ್ಸೊ ಧರ್ಚಿ ಹಿ ಕವಿತಾ ಜಾವ್ನಾಸಾ.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
More in Daaiz
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.