ಕವಿತಾकविताPoem
ಕಾವ್ಯಾಕ್
This poem is available in its original Kannada only.
ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಕವಿತಾಪಾಠ್ ಮ್ಹಳ್ಯಾರ್ ಕಿತೆಂ ಮ್ಹಳ್ಳ್ಯಾಚಾ ಸವಿಸ್ತಾರ್ ವಿವರಾಂಕ್ ಹ್ಯಾ ಪಾನಾಕ್ ಭೆಟ್ ದಿಯಾ
ಕವಿತಾಪಾಠ್ - ಕೊಂಕ್ಣಿಂ ಕಾವ್ಯಾಕ್ ರಾಯ್ಪಾಟ್!
ಎಚ್ಚೆಮ್ ಯಾ ಹೆನ್ರಿ ಎಮ್ ಪೆರ್ನಾಲ್, ಕೊಂಕ್ಣಿ ಸಾಹಿತ್ಯಾಂತ್ ಚಿಂತ್ಪಾಚಾ ಕವಿತಾಂಕ್ ನಾಂವ್ ವೆಲ್ಲೊ ಕವಿ, ವಿಮರ್ಶಕ್, ಕಾಣ್ಯೆಗಾರ್, ಅಂಕಣ್ಕಾರ್ ತಶೆಂಚ್ ಏಕ್ ಪ್ರಭುದ್ದ್ ಚಿಂತ್ಪಿ. ಕುವೆಯ್ಟಾಂತ್ ’ದಾಯ್ಜ್’ ಪಂಗ್ಡಾನ್ ಚಲವ್ನ್ ವರ್ಚಾ ಕವಿತಾಪಾಠ್ ಕಾಮಾಸಾಳಾವಿಶಿಂ ಅಪ್ಲೆ ವಿಚಾರ್ ಅಶೆ ವೆಕ್ತ್ ಕರ್ತಾ. [ಹೆಂ ಕವಿತಾಪಾಠ್ ಹಾಚೊ ಪಯ್ಲೊ ಬೂಕ್ ಹಾಚೆಂ ಏಕ್ ಪ್ರಸ್ತಾವನ್]
ಎಚ್ಚೆಮ್, ಮುಂಬಯ್
ಆಧುನಿಕ್ ಕೊಂಕ್ಣಿಂ ಕಾವ್ಯಾಚೆಂ ಪಯ್ಲೆಂ ಸ್ವ-ಅಧ್ಯಯನ್ ಪುಸ್ತಕ್ ಛಾಪೊನ್ ಯೆಂವ್ಚೆ ಸಾಂಗಾತಾ ಕೊಂಕ್ಣಿಂ ಕಾವ್ಯಾಚಾ ರಸ್ಗ್ರಾಯ್ಕಾಂಚೆಂ ಬರೆ ದೀಸ್ ಆಯ್ಲ್ಯಾತ್ ಮ್ಹಣ್ಯೆತ್. ಕೊಂಕ್ಣಿಂ ಕಾವ್ಯೆಂ ಆನಿ ತಾಚಾ ಅಧ್ಯಯನಾಚೆರ್ ಹೆಂ ಕಾಂಯ್ ಪಯ್ಲೆಂ ಪುಸ್ತಕ್ ನ್ಹಯ್ ತರೀ, ನಿರಾಳೆಂ ವಯ್. ಕಾರಣ್ ಹಾಚೆ ಆಧಿಂ ಕಾಂಯ್ ಬರವ್ಪ್ಯಾಂನಿಂ ಕೊಂಕ್ಣಿಂ ಕಾವ್ಯಾಚೇರ್ ತಾಂಚಾ ರುಚಿ ಸವಡೆಚೆ ಬೂಕ್ ಬರವ್ನ್ ಫಾಯ್ಸ್ ಕೆಲ್ಲೆ ಆಸಾತ್. ತಸೆಂ ಕಾಂಯ್ ಬರವ್ಪ್ಯಾಂನಿಂ ಸಮಕಾಳೀನ್ ಕವಿಂಚ್ಯೊ ಕವಿತಾ ಸಂಪಾದುನ್ ಆಪ್ಲ್ಯಾ ಖೊಡ್ ವಿಚಾರಾಂ ಸಾಂಗಾತಾ ಫಾಯ್ಸ್ ಕೆಲ್ಲೇಯೀ ಆಸಾತ್.
ಪುಣ್ ಆಶಾವಾದಿಚಾ ಮುಕೇಲ್ಪಣಾರ್ ಚಲ್ಚೊ "ಕವಿತಾಪಾಠ್" ಕೊಂಕ್ಣಿಂ ಕಾವ್ಯಾ ಚರಿತ್ರೆಂತ್ ನವೊ ಪ್ರಯೋಗ್. ಹಾಂಗಾಂ ಏಕ್ ಕವಿತಾ ಚಾರ್ ಚೋವ್ಗ್ ಪುರ್ಸತೇರ್ ಸಾಂಗಾತಾ ಬಸೊನ್ ಪಯ್ಲ್ಯಾನ್ ಪಯ್ಲೆಂ ಆಪುರ್ಬಾಯೇನ್ ವಾಚುನ್ ಕಾಡ್ಟಾತ್. ಉಪ್ರಾಂತ್ ಏಕ್ ದೀಸ್ ನಮಿಯಾರ್ನ್ ತಾಚೇರ್ ಆಪ್ಲೆ ವಿಚಾರ್ ಬರವ್ನ್ ಹಾಡ್ಟಾತ್. ಚಾರ್ ಚೊವ್ಗಾಂ ಮಧೆಂ ವಾಚ್ತಾತ್. ಭಾಸಾಭಾಸ್ ಚಲ್ತಾ. ಹಾಂಗಾ ಸಗ್ಳ್ಯಾಕೀ ಏಕ್ ಶಿಸ್ತ್ ಆಸಾ. ಅಶೆಂ ಕವಿ - ಕಾವ್ಯೆಂ - ರಸ್ಗ್ರಾಯ್ಕ್ - ಹೊ ಏಕ್ ಅಧ್ಬುತ್ ಸಾಂಖೊವ್ ತಯಾರ್ ಜಾತಾ.
ಕಾವ್ಯಾಚಾ ಅದ್ಯಯನಾ ಸಾಂಗಾತಾ ಹ್ಯಾ ಮಾಂತಾಖಾಲ್ - ಬೂಕ್ ಸಮೀಕ್ಶಾ, ಕವಿ ಗೊಶ್ಟಿಯೀ ಚಲ್ತಾತ್. ಕೊಂಕ್ಣಿ ಕಾವ್ಯಾಂತ್ ಹಿ ಏಕ್ ಮಹತ್ವಾಚಿ ವಾಡಾವಳ್. ಕಾರಣ್ ಕವೀನ್ ಬರಯಿಲ್ಲೆಂ ಬುಕಾರ್ ಛಾಪೊನ್ ಉರ್ಲ್ಯಾರ್, ಇಂಟರ್ನೆಟಾರ್ ಆಯ್ಲ್ಯಾರ್ ಮಾತ್ ಪಾವಾನಾ. ಕಾವ್ಯಾಚೊ "ಸಂವಹನ್" ಜಾಯ್ಜೆ. ಸಂತೊಸಾಚಿ ಗಜಾಲ್ ಮ್ಹಳ್ಯಾರ್, ಕೊಂಕ್ಣಿಂ ಕಾವ್ಯಾ ಚರಿತ್ರೆಂತ್ ಎದೊಳ್ ಬೋವ್ಚ್ಚ್ ಅಪ್ರೂಬ್ಶೆಂ ಚಲೊನ್ ಆಸ್ಚೆಂ ಕಾವ್ಯಾ ಸಂವಹನಾಚೆಂ ಕಾಮ್ ಕರ್ಚೆಂ ಮಿಸಾಂವ್ "ಕವಿತಾಪಾಠ್" ಸಾತ್ ದರ್ಯಾ ಭಾಯ್ರ್ ಚಲ್ತಾ!
ಹ್ಯಾ ಪಯ್ಲ್ಯಾ ಬೂಕಾಂತ್ ನಿವಡ್ಲೆಲ್ಯಾ ತರ್ನ್ಯಾ ತಶೆಂ ಮಾಲ್ಘಡ್ಯಾ ಕವಿಂಚ್ಯೊ ಕವಿತಾ, ಅಬಿಪ್ರಾಯೊ ಆನಿ ಕವಿಚಿಂ ಭಗ್ಣಾಂ ಆಸಾತ್. ಥಂಯ್ ಹಾಂಗಾ ಥೊಡ್ಯೊ ವಾಚ್ಪಾಚೊ ಚೂಕಿ ಆನಿ ಪ್ರಸ್ತುತೆಂತ್ಲಿ ಘುಸ್ಪಡ್ ಸೊಡ್ಲ್ಯಾರ್, ಹೆ ಕವಿತಾ ವರ್ಗ್ ಆಪ್ಲೇಸ್ತಕಿಂ ಪರಿಪೂರ್ಣ್ ಆಸ್ತಾನಾ, ಪರ್ತ್ಯಾನ್ ತಾಚೆರ್ ಖೊಡ್ ಕಾವ್ಯಾಚಾ ರಸ್ಗ್ರಾಯ್ಕಾಚಾ ರುಚಿಪಾನಾಕ್ ಅಡ್ಕಳ್ ಜಾಯ್ತ್. ದೇಕುನ್ ಹೆ "ಪಾಠ್" ಆಸ್ಚೆ ಆಸಾ ತಸೆ ರಸ್ಗ್ರಾಯ್ಕಾಂಚಾ ತಾಬ್ಯಾಂತ್ ದಿಂವ್ಚೆ ಬರೆ. ಹೆ "ಪಾಠ್" ಸದ್ದ್ಯಾಕ್ ಚಲ್ಚೊ ಖಾಡಿಯೆಚೊ ಗಾಂವ್ ಆನಿ ಸಂಸಾರ್ಭರ್ ಶಿಂಪಡ್ಲ್ಯೆಲ್ಯಾ ಕೊಂಕ್ಣಿಂ ಕಾವ್ಯಾಚಾ ರಸ್ಗ್ರಾಯ್ಕಾಂಕ್ ಸಾಂಗಾತಾ ಯೇಂವ್ಕ್ ಆಸ್ಚೆ ಅಡ್ಕಳಿ ಮನಿಂ ಘೆತ್ಲ್ಯಾರ್, ಹಾಂತ್ಲ್ಯೊ ಕಾಂಯ್ ಚೂಕಿ ಸುಲಬಾಯೇನ್ ಕುಶಿಕ್ ದವರ್ಯೆತ್ ತಸಲೆ. ಕವಿತಾ ವಾಚುಂಕ್ ಆನಿ ತಾಚೆ ಅಲವ್ಕಿಕ್ ಸುಖ್ ಭೊಗುಂಕ್ ವಿದ್ವಾನ್ಚ್ಚ್ ಜಾಯ್ಜೆ ಮ್ಹಣ್ ನಾ. ಕವಿತಾಯೀ ಜೆನ್ನಾ ಚಾರ್ ಚೊವ್ಗಾಂ ಮಧೆಂ ಪಾವ್ತಾ ಆನಿ ರಸ್ಗ್ರಾಯ್ಕ್ ತಿಕಾ ಭೊಗ್ತಾ - ತೀ ಕವೀಕ್ ಸರ್ಗಿಂಚೆಂ ದಾರ್ ದಾಕಯ್ತಾ.
ಹ್ಯಾ ಬೂಕಾಂತ್ ವರ್ಗಾಂತ್ ಘೆತ್ಲ್ಲೆ, ಬಾಬ್ ಮೆಲ್ವಿನಾಚಿ "ವಾಟ್" ಬಾಬ್ ಆಂಡ್ರ್ಯೂಚಿ "ಬಾಂಯ್" ಅನಿ ಬಾಬ್ ವಲ್ಲಿ ಕ್ವಾಡ್ರಾಸಾಚಿ "ಆಜ್" - ಮ್ಹಾಕಾ ಖಾಸ್ಗೆನ್ ಕಾಳ್ಜಾ ಲಾಗ್ಶಿಲೆ ಕವಿತಾ. ಎಕಾ ಕವಿತಾ ಪಾಠಾಕ್ ವಾ ವರ್ಗಾಕ್ ಆಟಾಪ್ಚೆ ವಾ ಸೀಮಿತ್ ಉರ್ಚೆ ತಸಲೆ ಕವಿತಾ ಬಿಲ್ಕುಲ್ ನ್ಹಯ್. ವರ್ಸ್ ಸ ಮಯ್ನ್ಯಾಂನಿಂ ಪರ್ತ್ಯಾನ್ ವಾಚ್ಪಾಕ್ ಘೆತ್ಲ್ಯಾರ್ ನವ್ಯಾಚ್ಚ್ ಇಮಾಜಿಂನಿಂ ಮುಕಾರ್ ರಾವೊನ್ ಆಣ್ಕುಂಚಿ ತಾಂಕ್ ಹ್ಯಾ ಕವಿತೆಂನಿಂ ಆಸಾ.
ಅಸಲ್ಯಾ ಆಧುನಿಕ್ ಕವಿತಾಂಚೆಂ ವಾಚಾಪ್ ಆನಿ ಅನುಸಂದಾನ್ - ಮಾಂಡುನ್ ಹಾಡ್ನ್ "ಕವಿತಾಪಾಠ್" ಶಿಲ್ಪಿ, "ಆಶಾವಾದಿ" ವಲ್ಲಿ ಕ್ವಾಡ್ರಸ್, ಆಜೆಕಾರ್ ಹಾಣೆಂ ಮ್ಹಜೆ ತಸಲ್ಯಾ ಕವಿತಾ ಮೋಗಿಂಕ್ ಉಪ್ಕಾರ್ ಕೆಲಾ. ಅನಿ ಆತಾಂ ಕೊಂಕ್ಣಿ ಕವಿ, ಕವಿತಾ ವಿಶ್ಯಾಂತ್ ಅಪ್ರೂಬ್ ಮಾಹೆತ್ ಆಟಾಪ್ಚೊ ಹೊ ಬೂಕ್ (ಗ್ರಂಥ್) ಛಾಪುನ್, ಉಜ್ವಾಡಾವ್ನ್ ಕೊಂಕ್ಣಿಂ ಕಾವ್ಯಾಧ್ಯಯನಾಕ್ ಲಾಗ್ಚಾ ಮುಕ್ಲ್ಯಾ ಪಿಳ್ಗೆಚೆಂ ಕಾಮ್ ಸಲೀಸ್ ಕೆಲಾಂ. ಕೊಂಕ್ಣಿ ಕಾವ್ಯಾಚಾ ಮೊಗಾರ್ ಪಡೊನ್ ತಿಕಾ "ರಾಯ್ಪಾಟ್" ಭಾಂದ್ಲ್ಲ್ಯಾ, ತಾಚೇರ್ ಅನಿ ತಾಚಾ ಕುಟ್ಮಾಚೆರ್ ಕೊಂಕ್ಣಿಂ ಮಾಯೆಚಿಂ ಬೆಸಾಂವಾಂ ಮಾಗಾನಾತ್ಲ್ಯಾರ್ ಹಾಂವ್ ತರೀ ಆನುಪ್ಕಾರಿ ಜಾಯ್ನ್.
- ಎಚ್ಚೆಮ್, ಮುಂಬಯ್.
ಕಲ್ಯಾಣ್, ಮಹಾರಾಷ್ಟ್ರ
15 ಜೂನ್ 2005
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
More in Daaiz
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.