’ಕಥಾಝರ್’

ಕಥಾಝರ್

ಕೊಂಕಣಿ ಥಂಯ್ ಮೊಗಾಳ್ ವಾಚ್ಪ್ಯಾ,

2004 ಇಸ್ವೆಂತ್ ಜೆದ್ನಾಂ ’ದಾಯ್ಜ್’ ಸುರು ಜಾಲೆಂ ತೆದ್ನಾಂ ತಾಂತುಂ ಆಸ್‌ಲ್ಲಿಂ ತೀನ್ ಅಂಕಣಾಂ ಜಾವ್ನಾಸಾತ್; ’ಸಂಪಾದಕೀಯ್’, ’ಕವಿತಾದಾಯ್ಜ್’ ಆನಿ ’ಕಥಾದಾಯ್ಜ್’. ತೀನ್‌ಯ್ ಅಂಕಣಾಂ ಅಂಕಣಾಂ ಕೊಂಕ್ಣೆಂತ್ ನವಿಂ ಆನಿ ಅಥ್ವಿಂಚ್. ಸಂಪಾದಕೀಯಾಂತ್ ಪ್ರಸ್ತುತ್ ಎಕಾ ಘಡಿತಾಕ್/ಘಟನಾಕ್ ವಿಂಚುನ್, ತಾಚೆಭಂವ್ತಿಂ ವಿಚಾರ್-ಸವಾಲಾಂ ಉಭಿಂ ಕರ್ಚೆಮುಖಾಂತ್ರ್ ವಾಚ್ಪ್ಯಾಕ್ ಏಕ್ ಸಂದೇಶ್ ದಿಂವ್ಚೆಂ ಪ್ರೇತನ್.

ಕವಿತಾದಾಯ್ಜಾಂತ್ ಆಮ್ಚಾ ದೇಶಾಚಾ ಹೆರ್ ಭಾಸಾಂನಿ ಫಾಮಾದ್ ಜಾಲ್ಲ್ಯಾ ಕವಿಂಚಾ ಕವಿತಾಂಚೆರ್, ವೆಕ್ತಿತ್ವಾಚೆರ್, ಚಿಂತ್ಪಾಚೆರ್ ಅಧ್ಯಯನ್ ಕರುನ್ ತಾಚೆಂ ಏಕ್-ದೋನ್ ಕವಿತಾಂಕ್ ಕೊಂಕ್ಣೆಕ್ ತರ್ಜಣ್ ಕರ್ಚೆಂ ಭೋವ್ ಕಸ್ಟಾಚೆಂ ತರ್‌ಯ್ ಆಮಿಂ ತೆಂ ಸಾಧನ್‌ಯ್ ಕೆಲಾಂ. ಕಥಾದಾಯ್ಜಾಚೆರ್ ಕೊಂಕ್ಣೆಂತ್ಲ್ಯಾ ಎಕೆಕಾಚ್ ಮಾಲ್ಘಡ್ಯಾ ಕಾಣ್ಯೆಗಾರಾಕ್ ವಿಂಚುನ್, ತಾಚಾ ಸಂಪೂರ್ಣ್ ವಾವ್ರಾಚೊ, ಚಿಂತ್ಪಾಚೊ ಉಲ್ಲೇಕ್ ಕರ್ಚೆಸವೆಂ ತಾಚಿ ಏಕ್ ಅಪುರ್ಭಾಯೆಚಿ ಕಾಣಿ ಪರ್ಗಟ್ ಕೆಲ್ಯಾ.

ಪುಣ್ ಹೆಂ ಅಂಕಣ್ ಹ್ಯಾಚ್ ಮಟ್ಟಾರ್ ಸಾಂಭಾಳುಂಕ್ ಸಭಾರ್ ಅಡ್ಕಳ್ಯೊ ಆಸಾತ್;

ಪಯ್ಲೆಂ - ಹಾಂವ್ ಪರ್ಗಾಂವಾಂತ್ ಆಸ್‌ಲ್ಲೆನಿಮ್ತಿಂ ಹೆರ್ ಬರವ್ಪ್ಯಾಂಚಾ ಸಾಹಿತ್ಯಾವಿಶಿಂ, ವಾವ್ರಾವಿಶಿಂ ಸಮ್ಜೊಂಕ್ ತಿತ್ಲೊಂ ಸಕಾನಾ ಜಿತ್ಲೊಂ ಹಾಂವ್ ಭೊವ್ಶಾ ಮಂಗ್ಳುರಾಂತ್ ಆಸ್‌ಲ್ಲೆ ತಿತ್ಲೊಂ. ಜಾಂವ್ ಲೈಬ್ರೆರಿಕ್ ವಚೊಂಕ್, ಹೆರಾಂಕ್ ಸಂಪರ್ಕ್ ಕರುಂಕ್ ವಾ ತಾಂಚ್ಯೊ ಕೃತಿಯೊ ಘೆಂವ್ಕ್.

ದುಸ್ರೆಂ - ಎಕ್ಲೊ ದೋಗ್ ಜೀವ್ ಗೆಲ್ಯಾರ್‌ಯ್ ಪೊಯ್ಶೆ ದಿಲ್ಲೆಶಿವಾಯ್ ಹಾಂವ್ ಮ್ಹಜಿಂ ಬರ್ಪಾಂ ದೀನಾ ಮ್ಹಳ್ಳ್ಯಾ ಅಂರ್ಗಾಂಟಾರ್ ಆಸ್ಚೆಂಯ್ ವಿಪರ್‍ಯಾಸ್. ’ಕಥಾದಾಯ್ಜ್’ ಚೊ ಇರಾದೊ ಬಿಲ್ಕುಲ್ ಕಸಲೊಚ್ ಫಾಯ್ದೊ ಕರ್ಚೊ ನ್ಹಂಯ್, ಕೊಂಕ್ಣೆಚಾ ವಿಂಚ್ಣಾರ್ ದಾಯ್ಜಾಕ್ ಸಾಂಭಾಳ್ಚೊ. ಇತ್ಲೆಂ ಚಿಂತಾಪ್ ಸಮ್ಜೊಂಕ್ ಸಕಾನಾಸ್ಚಾಂಚಾ ಚಿಂತ್ಪಾಚಿ ಗುಂಡಾಯ್ ಕಿತ್ಲಿ ಮ್ಹಳ್ಳೆಂ ತುಮಿಂಚ್ ಅಂದಾಜ್ ಘಾಲಾ. ಆನಿ ಹ್ಯಾ ಚಿಂತ್ಪಾಚಾಂಚೊ ಕಾಣ್ಯೊ ಕಿತ್ಲ್ಯೊ ವಿಸ್ತಾರ್ ಆಸ್ತಿತ್ - ತೆಂಯ್ ತುಮಿಂಚ್ ಚಿಂತಾ.

ತಿಸ್ರೆಂ - ಪುಣ್ ಭೋವ್ ಗರ್ಜೆಚೆಂ, ಆಮಿಂ ಸರ್ವಾಂ ಹಾಂಗಾ ಪರ್ದೆಶಾಂತ್ ಆಸಾಂತ್, ದೀಸ್ಪೊಡ್ತ್ಯಾ ಗ್ರಾಸಾಖಾತಿರ್. ಕೊಣಾಕ್‌ಚ್ ಫಾಲ್ಯಾಂಚೊ ಭರ್‍ವಸೊ ನಾಂ, ದೆಕುನ್ ಸಗ್ಳೊ ದೀಸ್, ದಿಸಾಚಿಂ ಚೊವೀಸ್ ವೊರಾಂ, ಹಾಫ್ತ್ಯಾಚೆ ಸಾತ್ ದೀಸ್ ಆಮ್ಕಾಂ ಕೊಂಕ್ಣಿ ವಾವ್ರ್ ಕರ್ಚೆಂಯ್ ಅಸಂಭವ್.

ತಶೆಂ ಮ್ಹಣೊನ್ ಆಮ್ಕಾಂ ’ಗತಿಗಟ್ಟಾಚೆಂ’ ಕಾಮ್ ಕರುಂಕ್‌ಯ್ ನಾಕಾ. ಕೊಣೆಂಯ್ ಆಮ್ಕಾಂ ’ವಚಾರೆ, ಕರಾರೆ’ ಮ್ಹಣ್ ಲೊಟುನ್ ಘಾಲುಂಕ್ ನಾ. ಆಮಿಂ ಆಮ್ಚಾ ಕಾಳ್ಜಾಚಾ ಉಲ್ಯಾಕ್ ಪಾಳೊ ದಿವುನ್ ವ್ಹಡಾ ಮೊಗಾನ್, ಉಮೆದಿನ್, ಗೌರವಾನ್ ಆನಿ ಜವಾಬ್ದಾರೆನ್ ಹೆಂ ಕಾಮ್ ಕರುಂಕ್ ಮುಖಾರ್ ಆಯ್ಲ್ಯಾಂವ್ ಆಸ್ತಾಂ ಆಮ್ಕಾಂ ಕೆಲ್ಲೆಂ ಕಾಮ್ ಖಂಯ್ಚೇಂಯ್ ಜಾಂವ್ - ಜಾತಾತಿತ್ಲೆಂ ಬರೆಂ ಕರಿಜಾಯ್. (ತೆಂ ಹೆರಾಂಕ್ ಬರೆಂ ಲಾಗ್ತಾ ವಾ ನಾ ತೆಂ ತಾಂತಾಂಚೆರ್ ಹೊಂದ್ವೊನ್ ಆಸಾ).

ಪುಣ್ ಹಾಚೆಮಧೆಂ ಅನ್ಯೇಕ್ ಕಾಮ್‌ಯ್ ಆಮಿಂ ಸಾಂಭಾಳುಂಕ್ ಆಸಾ - ತರ್ನ್ಯಾ ಸಾಹಿತಿಂಕ್ ಪ್ರೋತ್ಸಾಹ್ ದಿಂವ್ಚೆಂ. ಪರ್ನೆ ಸಾಹಿತಿಕ್ ಮ್ಹಣೊನ್ ತರ್ನ್ಯಾ ಸಾಹಿತಿಂಚಾ ವಿಂಚ್ಣಾರ್ ಕಾಣ್ಯಾಂಕ್‌ಯ್ ಬಗ್ಲೆಕ್ ಲೊಟ್ಚೆಪರಿಂ ನಾ, ಕೊಂಕ್ಣೆಚೆಂ ಭವಿಶ್ಯ್ ತೆ ಜಾವ್ನಾಸ್ತಾನಾ ನವ್ಯಾ ತಶೆಂ ಪರ್ನ್ಯಾ ಕಾಣ್ಯೆಗಾರಾಂಕ್ ಜೊಕ್ತೊ ಆವ್ಕಾಸ್ ಕರುನ್ ದಿಂವ್ಚಾಕ್‌ಚ್ ಆಮಿಂ ಆತಾಂ ಹೆಂ ’ಕಥಾಝರ್’ ಅಂಕಣ್ ಆಸಾ ಕೆಲಾಂ.

ಆಮ್ಚಾ ವೆಳಾ-ಸಂದರ್ಭಾ ಪ್ರಕಾರ್ ಆಮಿ ಬರ್‍ಯಾಂತ್ಲ್ಯಾ ಬರ್‍ಯಾ ಕಾಣ್ಯೆಗಾರಾಂಚಾ ಕಾಣ್ಯಾಂಕ್ ಹಾಂಗಾಸರ್ ಪರ್ಗಟ್ತೆಲ್ಯಾಂವ್. ಕೊಂಕ್ಣಿ ಮಟ್ವ್ಯಾ ಕಾಣ್ಯಾಂಕ್ ಉಂಚ್ಲ್ಯಾ ಮಟ್ಟಾಕ್ ಪಾವಂವ್ಚೆದಿಶಿನ್ ಆಮಿ ಸರ್ವಾಂನಿ ಮಿನತ್ ಕರುಂಕ್ ಜಾಯ್, ಆಮ್ಚಾ ಕೊಂಕ್ಣೆಂತ್ಲ್ಯೊ ಬರ್‍ಯಾಂತ್ಲ್ಯೊ ಬರ್‍ಯೊ ಕಾಣ್ಯೊ ಹೆರ್ ಭಾಸಾಂನಿ ಅಣ್ಕಾರ್ ಜಾಂವ್ಕ್ ಜಾಯ್ - ಹೆಂ ಯೋಜನ್ ಫುಡೆಂ ಜ್ಯಾರಿ ಕರ್ಚೆಂ ಸ್ವಪಾಣ್ ಆಮ್ಚೆಂ ತರ್‌ಯ್ ತಾಚಾಧಿಂ ಹ್ಯೊ ವಿಂಚ್ಣಾರ್ ಕಾಣ್ಯೊ ಕೊಂಕ್ಣೆಂತ್ ಎಕಾ ಬುಕಾರುಪಾರ್ ದವ್ರುಂಕ್ ಆಮಿ ಜರೂರ್ ಮೆಟಾಂ ಕಾಡ್ತೆಲ್ಯಾಂವ್. ತುಮ್ಚಾ ಕಾಣ್ಯಾಂಕ್ ಉಗ್ತೊ ಸ್ವಾಗತ್ ಆಸಾ.

[ವಿಂಚ್ಣಾರ್ ಮಟ್ವ್ಯಾ ಕಾಣ್ಯಾಂಕ್ ಎಕ್ಟಾಂವ್ನ್ ಫುಡೆಂ ಎಕಾ ಬುಕಾರುಪಾರ್ ಪರ್ಗಟ್ಚೆಂ ಯೋಜನ್‌ಯ್ ಆಮಿಂ ಕರುನ್ ಆಸಾಂವ್]

- ವಲ್ಲಿ ಕ್ವಾಡ್ರಸ್

ಕಥಾಝರ್‌ಚೆರ್ ಆಸ್ಚಿಂ ವಿಂಚ್ಣಾರ್ ಕಾಣ್ಯೆಗಾರಾಂ ಆನಿ ತಾಂಚೊ ಕಾಣ್ಯೊ

77. ಲ್ಹಾರಾಂ [ಪ್ರಸನ್ನ್, ನಿಡ್ಡೋಡಿ]

75. ಆಗ್ಟೆಂ [ಬರ್ನಾಡ್ ಜೆ.ಕೋಸ್ತಾ, ಕುಂದಾಪುರ್]

76. ಜುದಾಸಾಚೆಂ ರುದಾನ್ [ಆಂಟನಿ ಬಾರ್ಕುರ್]

73. ಅಶಿ ಏಕ್ ಮೊಗಾಚಿ ಕಾಣಿ [ಕಿಶೂ ಬಾರ್ಕುರ್]

74. ಮೊಡ್ಕೊರ್ ಜನೆಲ್ [ರೋನ್‌ರೊಚ್ ಕಾಸ್ಸಿಯಾ]

71. ಘುಂವ್ಡಿ [ಇ.ಎಸ್.ಮೂಡ್‌ಬಿದ್ರಿ]

72. ಆಪ್ಲೆಂ [ಸೋನಿಯಾ ದೆ’ಕೋಸ್ತಾ]

69. ಕೊಂಕ್ಣೆ ಖಾತಿರ್ [ನವೀಲ್ ಕುಲ್ಶೇಕರ್]

70. ಬಿಡಾರ್ [ಅರುಣಾ ತಲಪಾಡಿ]