ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಮೋಗ್ ಕರ್ಣಾರಾಂಚೊ ದೀಸ್
(ವೆಲೆಂಟೈನ್ ಡೇ) ಚರಿತ್ರಾ
ಮೋಗ್ ಕರ್ಣಾರಾಂಚಾ ದಿಸಾಚೆಂ ವಿಶೇಷ್ ಲೇಖನ್
ಮೂಳ್ - ವೆವೆಗ್ಳಿಂ ಮುಳಾಂ, ಕೊಂಕ್ಣೆಕ್: ಪ್ರಿಯಾ ಸಿಕ್ವೇರಾ, ಫೆರಾರ್
ಕು|ಪ್ರಿಯಾ, ಫೆರಾರ್
ಸಾಂ ವೆಲೆಂಟೈನಾಚ್ಯಾ ನಾಂವಾನ್ ಹರ್ಯೇಕಾ ಫೆಬ್ರವರಿಂತ್ ಕಾರ್ಡಾಂ, ಫುಲಾಂಚೆ ಬುಕ್ಕೆ, ಕಾಣಿಕೊ, ಮೊಗಾಚ್ಯಾ ಮನ್ಶಾಂ ಮಧೆಂ ಆಶಾರ್ ಪಾಶಾರ್ ಜಾತಾತ್. ಪುಣ್ ಹೊ ಮಿಸ್ತೆರಾಭರಿತ್ ಸಾಂತ್ ಕೋಣ್? - ಜಾಚ್ಯಾ ನಾಂವಾಂನ್ ಹೊ ದೀಸ್ ಆಚರಣ್ ಕರ್ತಾತ್? ಮೋಗ್ ಕರ್ಣಾರಾಂಚೊ ದೀಸ್ ಆನಿಂ ಹಾಚಾ ಪಾತ್ರೊನ್ ಸಾಂತಾಚಿ ಚರಿತ್ರಾ ನಿಜಾಯ್ಕ್ಯೀ ಮಿಸ್ತೆರ್ ಜಾವ್ನ್ಂಚ್ ಉರ್ಲಾ.
ಫೆಬ್ರವರಿ ಮಹಿನೊ ರೊಮ್ಯಾಂಟಿಕ್ ಮ್ಹಣ್ ಸರ್ವಾಂಕ್ ಕಳಿತ್ ಆಸಾ. ವೆಲೆಂಟೈನ್ ದಿಸಾಚಾ ಆಚರಣಾಂತ್ ರೊಮಾ ಶಹರಾಚಿ ಆನಿಂ ಕ್ರಿಸ್ತಾಂವ್ ಸಂಸ್ಕ್ರತಿ ಆಟಾಪುನ್ ಆಸಾ. ಕೋಣ್ ಹೊ ಸಾಂತ್ ವೆಲೆಂಟೈನ್? ಆಜ್ ಆಮ್ಚಿಂ ಇಗರ್ಜ್ ಮಾತಾ ವೆಲೆಂಟೈನ್, ವೆಲೆಂಟಿಯಸ್ ಆಸಲ್ಯಾ ವಿವಿಧ್ ನಾಂವಾಂನಿ ಮಾನ್ ದಿತಾ. ತರ್ ಹಾಕಾ ಆನಿಂ ಕ್ರಿಸ್ತ್ಂವ್ ಭಾವಾರ್ಥಾಕ್ ಕಸಲೊ ಸಂಬಂದ್?
ವೆಲೆಂಟೈನಾನ್ ಏಕ್ ’ಧಾರ್ಮಿಕ್ ಭಾವ್’ ಜಾವ್ನ್ ತಿಸ್ರ್ಯಾ ಶೆಕ್ಡ್ಯಾಂತ್ ರೊಮಾಂತ್ ವಾವ್ರ್ ಕೆಲಾ ಮ್ಹಣ್ ಚರಿತ್ರೆಂತ್ ಆಯ್ಕೊಂಕ್ ಮೆಳ್ತಾ. ರೊಮಾಚೊ ರಾಯ್ ಕ್ಲೊಡಿಯಸ್ ದುಸ್ರೊ ಹಾಣೆಂ ಕಾಜಾರಿಂ ದಾದ್ಲ್ಯಾಂಪ್ರಾಸ್ ಅಂಕ್ವಾರ್ ದಾದ್ಲೆ ಸೈನ್ಯಾಂತ್ ಬರಿ ಸೆವಾ ದೀಂವ್ಕ್ ಸಕ್ತಾತ್ ಮ್ಹಣ್ ಚಿಂತುನ್ ತರ್ನಟ್ಯಾಂಕ್ ಕಾಜಾರ್ ಜಾಂವ್ಕ್ ಬಂದಡ್ ಘಾಲಿ. ಹೊ ಅನ್ನ್ಯಾಯ್ ಪಳೆಂವ್ಕ್ ಜಾಯ್ನಾಸ್ತಾನಾ ವೆಲೆಂಟೈನ್ ಕ್ಲೊಡಿಯಸ್ ವಿರೋದ್ ರಾವೊನ್ ಘುಟಾನ್ ತರ್ನಟ್ಯಾ ಮೋಗ್ ಕರ್ಣರಾಂಕ್ ಲಗ್ನಾ ಭಾಂದಾಂತ್ ಎಕ್ಟಾಂವ್ಕ್ ಸುರು ಕೆಲೆಂ. ಪುಣ್ ಹೊ ವಿಶಯ್ ಕ್ಲೊಡಿಯಸ್ ರಾಯಾಚಾ ಕಾನಾಕ್ ಪಡ್ಲೊ ಆನಿ ವೆಲೆಂಟೈನಾಕ್ ಮೊರ್ನಾಚೆ ಫರ್ಮಾಣ್ ಮೆಳ್ಳೆಂ.
ರೊಮಾಂತ್, ಜೈಲಾಂತ್ ಕಠೀಣ್ ಶಿಕ್ಶಾ ಬೊಗುನ್ ಆಸ್ಲ್ಲ್ಯಾ ಕೈದ್ಯಾಂಕ್ ವೆಲೆಂಟೈನಾನ್ ಜೈಲಾಂತ್ ಥಾವ್ನ್ ಫರಾರ್ ಜಾಂವ್ಕ್ ಆವ್ಕಾಸ್ ಕರ್ನ್ ದಿಲ್ಲ್ಯಾ ವರ್ವಿಂ ತಾಕಾ ಜಿವೆಶಿಂ ಮಾರ್ಲೆಂ ಮ್ಹಣ್ ಚರಿತ್ರಾಂತ್ಲಿ ಆನ್ಯೇಕ್ ಕಾಣಿ ಸಾಂಗ್ತಾ.
ವೆಲೆಂಟೈನಾನ್ ತಾಚೆ ಪಯ್ಲೆಂ ’ವೆಲೆಂಟೈನ್’ ಕಾರ್ಡ್ ತಾಕಾಚ್ ತಾಣೆಂ ದಾಡ್ಲೆಂ ಮ್ಹಣ್ ಚರಿತ್ರಾಂತ್ ಆಯ್ಕೊಂಕ್ ಮೆಳ್ತಾ. ತೊ ಜೈಲಾಂತ್ ಆಸ್ತಾನಾ ಕೈದಿಂಕ್ ಭೆಟ್ ದೀಂವ್ಕ್ ಯೆವ್ನ್ ಆಸ್ಲ್ಲ್ಯಾ ಜೈಲಾರಾಚ್ಯಾ ಧುವೆಚಾ ಮೊಗಾರ್ ಪಡ್ಲೊ ಆನಿಂ ತೊ ಮೊರ್ಚಾಪಯ್ಲೆಂ ವೆಲೆಂಟೈನಾನ್ ಹಿಕಾ ಕಾಗಾತ್ ಬರವ್ನ್ ’ತುಜೊ ವೆಲೆಂಟೈನ್’ ಮ್ಹಣ್ ದಸ್ಕತ್ ಕೆಲಿ ಮ್ಹಣ್ ಆನ್ಯೇಕ್ ಕಾಣಿ ಸಾಂಗ್ತಾ. ಹ್ಯೊ ಸರ್ವ್ ಕಾಣಿಯೊ ಭೋವ್ಶಾ ಕಾಲ್ಪನಿಕ್ ತರ್ಯೀ ವೆಲೆಂಟೈನ್ ಏಕ್ ಧೈರಾಧಿಕ್, ದಯಾಳ್, ಆನಿ ರೊಮಾಂಟಿಕ್ ಜಾವ್ನಾಸ್ಲ್ಲೊ ಮ್ಹಣ್ ಜಾಯ್ತಿ ರುಜ್ವಾತ್ ಚರಿತ್ರೆಂತ್ ಆಸಾ. ಆನಿಂ ಎಕಾ ಕಾಳಾರ್ ಇಂಗ್ಲೆಡ್ ಆನಿಂ ಫ್ರಾನ್ಸಾಂತ್ ವೆಲೆಂಟೈನ್ ಏಕ್ ಫಾಮಾದ್ ಸಾಂತ್ ಜಾವ್ನಾಸ್ಲ್ಲೊ ಮ್ಹಣ್ಚಾಕ್ ದುಭಾವ್ ನಾ.
ವೆಲೆಂಟೈನ್
ದಿಸಾಚಿ ಚರಿತ್ರಾ:
ವೆಲೆಂಟೈನಾಚಾ ಉಗ್ಡಾಸ್ ಖಾತಿರ್ ಫೆಬ್ರವರಿಂತ್ ’ವೆಲೆಂಟೈನ್
ದೀಸ್’ ಆಚರಣ್ ಕರ್ತಾತ್ ಮ್ಹಣ್ ಥೊಡ್ಯಾಂಚಿ
ಪಾತ್ಯೆಣಿ. (ವೆಲೆಂಟೈನಾಚೆ ಮೋರ್ನ್ ಭೋವ್ಶಾ 270
ಇಸ್ವೆಂತ್ ಜಾಲ್ಲೆಂ ಜಾಂವ್ಕ್ ಪುರೊ). ಆದ್ಲ್ಯಾ ಕಾಳಾರ್ ರೊಮಾಂತ್ ಫೆಬ್ರವರಿ
ಮಹಿನೊ ವಸಂತ್ ಋತುಚೊ ಸುರ್ವಾತ್ ಆನಿ ಶುದ್ದೀಕರಣಾಚೊ
ಸಂಕೇತ್ ಮ್ಹಣ್ ಚಿಂತಾಲೆ. ಆನಿಂ ತಾಂಚಿ ಘರಾಂ ಬರಿಂ ಕರ್ನ್ ನಿತಳ್ ಕರ್ನ್
ಮೀಟ್ ಆನಿ ಸ್ಪೆಲ್ಟ್ spelt -ಎಕಾ ಥರಾಚೊ ಗೋಂವ್) ಸಗ್ಳ್ಯಾ ಘರಾಂನಿ
ಶಿಂಪ್ಡಯ್ತಾಲಿ. ಫೆಬ್ರವರಿಂತ್ ಸುರು ಜಾಂವ್ಚೆಂ ಪಿಕಾಳೆಚೆಂ
(’ಲುಪರ್ಕಾಲಿಯ’, fertility)
ಪೆಸ್ತ್, ಕೃಷೆಚೊ ದೇವ್ Faunu ಆನಿಂ ರೊಮಾಚೆ ಘಡ್ಣಾರ್ ’ರೊಮುಲಸ್’ ಆನಿಂ
’ರೆಮುಸ್’ ಹಾಂಕಾ ಸಮರ್ಪಿಲ್ಲೆಂ ಜಾವ್ನಾಸಾ. ಹ್ಯಾ ಪೆಸ್ತಾಚಿ
ಸುರ್ವಾತ್ ಆಶಿ ಜಾತಾಲಿ. ಲುಪ್ರೆಸಿ ಚೆ ಸಾಂದೆ (ರೊಮಾಚಾ ಧಾರ್ಮಿಕ್
ಬಾವಾಂಚೊ ಏಕ್ ಮೇಳ್) ರೊಮಾಚೆ ಘಡ್ಣಾರ್ ರೊಮುಲಸ್ ಆನಿಂ ರೆಮುಸ್ ಬಾಳ್ಶಾಂಚಿ ಜತನ್ ಘೆತ್ಲ್ಲ್ಯಾ
ಪವಿತ್ರ್ ಮಾಟ್ಯಾ (Cave)
ಸಮೊರ್ ಸಾಂಗಾಂತಾ ಮೆಳ್ತಾಲೆ. (ಹ್ಯಾ ಮಾಟ್ಯಾಂತ್ ರೊಮುಲಸ್ ಆನಿಂ ರೆಮುಸ್ ಬಾಳ್ಶ್ಯಾಂಚಿ ಎಕಾ
ಮನ್ಜಾತೆನ್ ಜತನ್ ಘೆತಲ್ಲಿ ಮ್ಹಳ್ಳಿ ಪಾತ್ಯೆಣಿ ಆಸಾ). ಉಪ್ರಾಂತ್ ಧಾರ್ಮಿಕ್
ಬಾವ್ ಪಿಕಾಳೆಚೊ ಸಂಕೇತ್ ಜಾವ್ನ್ ಶೆಳಿಯೆಕ್, ಶುದ್ದೀಕರಣಾಚೊ
ಸಂಕೇತ್ ಜಾವ್ನ್ ಪೆಟ್ಯಾಕ್ ಕಾಣಿಕ್ ಜಾವ್ನ್ ಭೆಟಯ್ತಾಲೆ.
ಉಪ್ರಾಂತ್ ಶೆಳಿಯೆಚೆಂ ಚಾಮ್ಡೆ
ಲಾಂಬ್ ಕಾತರ್ನ್, ಶೆಳಿಯೆಚಾ ರಗ್ತಾಂತ್ ಬುಡೊವ್ನ್, ಸ್ತ್ರೀಯಾಂಕ್
ಆನಿ ಬೆಳ್ಯಾಂಕ್ ಲಾಗ್ಚಾಬರಿಂ ಮಾರ್ನ್ ವಾಟೆರ್ ವೆತಾಲೆ. ಉಪ್ರಾಂತ್ ತ್ಯಾ ಗಾಂವ್ಚ್ಯೊ
ಸರ್ವ್ ಸ್ತ್ರಿಯೊ ಸಾಂಗಾಂತಾ ಮೆಳೊನ್ ತಾಂಚಿ ನಾಂವಾಂ ಚಿಟಿರ್ ಬರವ್ನ್
ವ್ಹಡ್ಲ್ಯಾ ಆಯ್ದಾನಾಂತ್ ಘಾಲ್ತಾಲಿಂ. ತ್ಯಾ ಗಾಂವ್ಚೆ ಚೆಡೆ ತ್ಯಾ
ಆಯ್ದಾನಾಂತ್ಲೆ ಏಕ್ ನಾಂವ್ ವಿಂಚುನ್, ವಿಂಚುನ್ ಆಯಿಲ್ಲ್ಯಾ
ನಾಂವಾಂ ಪರ್ಮಾಣೆಂ ತ್ಯಾ ವರ್ಸಾಚಿ ಜೊಡಿಂ ಜಾತಾಲಿಂ. ಹಿ ಜೊಡಿಂ ಚಡಾವತ್ ಜಾವ್ನ್ ಕಾಜಾರಾಂತ್ ಆಖೇರ್ ಜಾತಾಲಿಂ.
ಲಗ್ಬಗ್ 498 ಇಸ್ವೆಂತ್
ಮಾನಾದಿಕ್ ಪಾಪಾ ಸಾಯ್ಬ್ ಗೆಲಸಿಯಸನ್ ಫೆಬ್ರವರಿ
14
ಸಾಂತ್ ವೆಲೆಂಟೈನಾಚೊ ದೀಸ್ ಮ್ಹಣ್ ಪರ್ಗಟ್ ಕೆಲೆಂ.
ಪುಣ್ ಹೊ ಎಕಾ ಥರಾಚೊ ಲೊಟ್ರಿ ಖೆಳ್ ಜಾಲ್ಲ್ಯಾ ವರ್ವಿಂ ರೋಮನ್ ಕ್ರಿಸ್ತಾಂವಾಂಕ್ ಕಾನೂನ್
ಬಾಹಿರ್ ಆನಿಂ ಇಗರ್ಜ್ ಮಾತೆಕ್ ವಿರೋಧ್ ಜಾವ್ನಾಸ್ಲ್ಲೆ.
ಆದ್ಲ್ಯಾ ಕಾಳಾರ್ ಫ್ರಾನ್ಸಾಂತ್ ಆನಿಂ ಇಂಗ್ಲೆಡಾಂತ್ ಫೆಬ್ರವರಿ ಚೊವ್ದಾ ತಾರಿಕೆಚಾ ಸುರ್ವೆರ್ ಸುಕ್ಣ್ಯಾಂಕ್ ಜೊಡಿ ಜಾಂವ್ಚೊ ಕಾಳ್ ಜಾಲ್ಲ್ಯಾನ್ ವೆಲೆಂಟೈನ್ ದಿಸಾಚೊ ಉದ್ದೇಶ್ ರೊಮಾನ್ಸಾಖಾತಿರ್ ಮ್ಹಳ್ಳಿ ಸಮ್ಜಣಿಂ ಉದೆಲಿ. ಆಗಿನ್ಕೋರ್ಟ್ ಮ್ಹಳ್ಳ್ಯಾ ಝಗ್ಡ್ಯಾಂತ್ ಕೈದ್ ಜಾಲ್ಲ್ಯಾ ಚಾರ್ಲ್ಸ್ (ಒರ್ಲೀನಾಚೊ ಅಧಿಕಾರಿ) ಪಯ್ಲೆಂ ವೆಲೆಂಟೈನ್ ಕವಿತಾ ಆಪ್ಲ್ಯಾ ಬಾಯ್ಲೆಕ್ ಬರಯಿಲ್ಲೆಂ ಮ್ಹಳ್ಳಿ ಪಾತ್ಯೆಣಿ ಆಸಾ. ಆನಿ ಹೆಂ ಅತೀ ಪುರಾಣ್ ವೆಲೆಂಟೈನ್ ಕವಿತಾ ಜಾವ್ನಾಸಾ.
1415 ಇಸ್ವೆಂತ್ ಬರಯಿಲ್ಲೆಂ
ವೆಲೆಂಟೈನ್ ಸಂದೇಶ್ ಕಾರ್ಡ್ ಬ್ರಿಟಿಷ್ ಲೈಬ್ರೆರಿ, ಲಂಡನ್, ಇಂಗ್ಲೆಡ್
ಹಾಂಗಾ ಥಾವ್ನ್ ಸಂಗ್ರಹ್ ಕೆಲ್ಲೆಂ ಜಾವ್ನಾಸಾ. ಸುಮಾರ್
ವರ್ಸಾಂ ಉಪ್ರಾಂತ್ ಹೆನ್ರಿ ಮ್ಹಳ್ಳ್ಯಾ ರಾಯಾನ್ ಲೇಖಕ್ ಜೊನ್ ಲಿಡ್ಗೆಟ್
ಹಾಕಾ ವಲೊಯಿಸ್ಚಾ ಕಾತ್ರಿನಾಕ್ ವೆಲೆಂಟೈನ್ ಸಂದೇಶ್ ಬರಂವ್ಕ್
ನಮ್ಯಾರ್ಲೊ ಮ್ಹಳ್ಳಿ ಪಾತ್ಯೆಣಿ ಆಸಾ.
ವೆಲೆಂಟೈನ್ ದೀಸ್ ಚಲೊನ್ ಆಯಿಲ್ಲಿ ಚರಿತ್ರಾ:
ಗ್ರೇಟ್ ಬ್ರಿಟನಾಂತ್ ವೆಲೆಂಟೈನ್ ಡೇ ಫಾಮಾದ್ ಜಾಂವ್ಕ್
ಸುರು ಜಾಲ್ಲೊ ಸಾತ್ರಾವ್ಯಾ ಶೆಕ್ಡ್ಯಾಂತ್. ಆಟ್ರಾವ್ಯಾ ಶೆಕ್ಡ್ಯಾಚಾ
ಮಧೆಂ, ಇಷ್ಟಾಂಮಧೆಂ, ಮೋಗ್ ಕರ್ಣರಾಂ, ಕುಟ್ಮಾಂಮಧೆಂ
ಮೊಗಾಚೊ ಸಂದೇಶ್ ಪಾಶಾರ್ ಕರ್ಚೆಂ ಸಾಮಾನ್ಯ್ ಜಾಲೆಂ. ಆಟ್ವ್ಯಾ
ಶೆಕ್ಡ್ಯಾಚ್ಯಾ ಆಖ್ರೇಕ್ ಪ್ರಿಂಟಿಂಗ್ ಶೆತಾಂತ್ ಆಭಿವೃದ್ಧಿ ಜಾಲ್ಲೆವರ್ವಿಂ
ಹಾತಾಂತ್ ಬರಂವ್ಚಾ ಸಂದೇಶಾಚಾಕಿ ರೆಡಿಮೇಡ್ ಕಾರ್ಡಾಂ ತಯಾರ್ ಜಾಂವ್ಕ್
ಸುರು ಜಾಲಿಂ.
ಕಾರ್ಡಾಂಧ್ವಾರಿಂ ಆಪ್ಲಿಂ ಭಗ್ಣಾಂ ಉಚಾರ್ಚೆಂ ಸುಲಾಭಾಯೆಚೆಂ ಸಾಧನ್ ಜಾಲ್ಲೆವರ್ವಿಂ ವೆಲೆಂಟೈನ್ ದಿಸಾಕ್ ಕಾರ್ಡಾ ದಾಡ್ಚಾಂಚೊ ಸಂಖೊ ಚಡಾತ್ತ್ ಗೆಲೊ. ಆಮೆರಿಕಾಂತ್ ಹಾತಾಂತ್ ತಯಾರ್ ಕೆಲ್ಲೆಂ ವೆಲೆಂಟೈನ್ ಸಂದೇಶ್ ಪಾಠಂವ್ಕ್ ಸುರು ಜಾಲ್ಲೆಂ 1700 ಸುರ್ವೆರ್. 1840 ಇಸ್ವೆಂತ್ ಅಧಿಕ್ ಸಂಖ್ಯಾನ್ ವೆಲೆಂಟೈನ್ ದಿಸಾಚಿಂ ಕಾರ್ಡಾಂ ವಿಖುಂಕ್ ಸುರು ಕೆಲ್ಲೆಂ ಎ. ಹೊಲಾಂಡಾ ಮ್ಹಳ್ಳ್ಯಾನ್.
ಸಂದೇಶ್ ಕಾರ್ಡಾಂ ಸಂಸ್ಥ್ಯಾಂಚ್ಯಾ ಸಮ್ಜಣೆಂ ಫರ್ಮಾಣೆಂ ಎಕಾ ಬಿಲಿಯನಾಚಾಕಿ ವಯ್ರ್ ವೆಲೆಂಟೈನ್ ದಿಸಾಕ್ ಕಾರ್ಡಾಂ ಧಾಡ್ತಾತ್. ಆನಿಂ ಆಶೆಂ ಕ್ರಿಸ್ಮಸ್ ಕಾರ್ಡಾಂ ಉಪ್ರಾಂತ್ ಚಡ್ ವಿಕುನ್ ವೆಚಾ ಕಾರ್ಡಾ ಪಯ್ಕಿ ವೆಲೆಂಟೈನ್ ಡೇ ಕಾರ್ಡಾಂ ದುಸ್ರ್ಯಾ ಸ್ಥಾನಾರ್ ಆಸಾತ್. ( ಲಗ್ಬಗ್ ಸುಮಾರ್ 2.6 ಬಿಲಿಯನ್ ಕಾರ್ಡಾಂ ಕ್ರಿಸ್ಮಸಾ ವೆಳಾರ್ ವಿಖೊನ್ ವೆತಾತ್.)
ಲಗ್ಬಗ್ 85%
ವೆಲೆಂಟೈನ್ ಕಾರ್ಡಾಂ ಸ್ತ್ರೀಯೊ ಕಾಣ್ಘೆತಾತ್.
ಹೊ ದೀಸ್ ಆಮೆರಿಕಾ ಮಾತ್ರ್ ನ್ಹಯ್ ಆಸ್ತಾಂ ಕೆನಡಾ,
ಮೆಕ್ಸಿಕೊ, ಯುನೈಟಡ್ ಕಿಂಗಡಮ್, ಫ್ರಾನ್ಸ್ ಆನಿಂ ಆಸ್ಟ್ರೇಲಿಯಾಂತ್ ಆಚರಣ್ ಕರ್ತಾತ್.
ಅತೀ ಪುರಾಣ್ ವೆಲೆಂಟೈನ್ ಸಂದೇಶ್ ಕಾರ್ಡ್ ಬ್ರಿಟಿಶ್ ಮ್ಯೂಸಿಯಾಮಾಂತ್ ಪ್ರದರ್ಶನಾಕ್ ಆಸಾ. ವ್ಯಾಪಾರಾಖಾತಿರ್ ಪಯ್ಲೆಂಚೆಂ ವೆಲೆಂಟೈನ್ ಕಾರ್ಡ್ ಆಮೆರಿಕಾಂತ್ 1840 ಇಸ್ವೆಂತ್ ಎಸ್ತೆರ್ ಎ. ಹೊಲಾಂಡ್ ಹಾಣೆಂ ತಯಾರ್ ಕೆಲೆಂ. ಹೊಲಾಂಡ್ ಹಾಕಾ ವೆಲೆಂಟೈನಾಚಿ ಆವಯ್ ಮ್ಹಣ್ ವಳ್ಕತಾತ್. ಲೇಸ್, ಪಿಂತಾ, ರಂಗ್-ರಂಗಾಳ್ ಪಿಂತುರಾಂ ವಾಪಾರುನ್ ಹೊ ಕಾರ್ಡಾಂ ತಯಾರ್ ಕರ್ತಾಲೊ.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications