ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ -’ದಾಯ್ಜ್ ’-ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ದಾಯ್ಜಿದುಭಾಯ್ ಸಾಹಿತಿಕ್ ಸ್ಪರ್ಧೆ
ಸಂಯುಕ್ತ್ ಆರಭ್ ಎಮಿರೆತಾಂತ್ಲ್ಯಾ ಖಾಡಿ ಗಾಂವಾಂತ್ ಧಾ ವರ್ಸಾಂ ಆದಿಂ ಥೊಡ್ಯಾ ಕೊಂಕ್ಣಿ ವಾವ್ರಾಡ್ಯಾನಿ ಸಾಂಗಾತಾ ಮೆಳೊನ್ ಘಡ್ಲ್ಲೊ “ ದಾಯ್ಜಿ ದುಬಾಯ್ - ’ಬರೊವ್ಪ್ಯಾಂಚೊ ಎಕ್ತಾರ್’ ಪಾಟ್ಲ್ಯಾ ಧಾ ವರ್ಸಾಂನಿ ಖಾಡಿ ಗಾಂವಾಂತ್, ಯುರೊಪಾಂತ್ ತಶೆಂಚ್ ಗಾಂವಾಂತ್ ಕೊಂಕ್ಣೆಂತ್ ಚಲ್ಲ್ಲ್ಯಾ ಸರ್ವ್ ಬದ್ಲಾವಣೆಕ್ ಯ್ಯಾ ಕ್ರಾಂತೆಕ್ ಶೀದಾ ಯ್ಯಾ ಪರೋಕ್ಷ್ ರೀತಿನ್ ಕಾರಣ್ ಜಾಲಾ.
ಹರ್ಯೇಕಾ ವರ್ಸಾ ಕೊಂಕ್ಣೆಂತ್ ಕಿತೆಂ ನಾ ಕಿತೆಂ ನವೆಸಾಂವ್ ಮಾಂಡುನ್ ಹಾಡ್ಚ್ಯಾ ದಾಯ್ಜಿ ದುಬಾಯ್ ಎಕ್ತಾರಾನ್ ಹ್ಯಾ ವರ್ಸಾ ತಾಣಿ ಆಪ್ಲ್ಯಾ ಆಸ್ಥಿತ್ವಾಚಿಂ ಧಾ ವರ್ಸಾಂ ಸಂಪೊಂವ್ಚ್ಯಾ ಸಂದರ್ಭಿಂ ಹೊ ಉಗ್ಡಾಸ್ ಕೊಂಕ್ಣಿ ಸಂಸಾರಾಂತ್ ಆಮರ್ ಜಾಯ್ಸೊ ಕರ್ಚ್ಯಾ ಉದ್ದೇಶಾನ್ ಆಸಾ ಕೆಲ್ಲ್ಯಾ ವಿವಿದ್ ಸಾಹಿತಿಕ್ ಸ್ಪರ್ದ್ಯಾಚಿಂ ಫಲಿತಾಂಶಾಂ ಜಾಹಿರ್ ಕೆಲ್ಯಾಂತ್.
ಎದೊಳ್ಚ್ ಆಪ್ಲ್ಯಾ ವಿಶಿಶ್ಟ್ ಕಾದಂಬರಿ ಅನಿ ಕಾಣಿಯೆ ಲಾಗೊನ್ ಕೊಂಕ್ಣೆಂತ್ ಫಾಮಾದ್ ಜಾಲ್ಲೊ ಆನಿ ಆತಾಂ ಕುವೆಯ್ಟಾಂತ್ ವಸ್ತಿ ಕರುನ್ ಆಸ್ಚೊ ಶಾನ್ ಬೊಂದೆಲ್ ಹಾಕಾ ಮಟ್ವ್ಯಾ ಕಾಣಿಯೆಚ್ಯಾ ವಿಭಾಗಾಂತ್ ತಶೆಂಚ್ ನಾಟಕ್ ಬೊರೊಂವ್ಚ್ಯಾ ವಿಭಾಗಾಂತ್ ಪಯ್ಲೆಂ ಸ್ಥಾನ್ ಫಾವೊ ಜಾಲಾಂ.
’ದಾಯ್ಜಿ ದುಬಾಯ್’ ಎಕ್ತಾರಾಚೊ ಸಹ-ಸಂಚಾಲಕ್ ಸ್ಟೇನ್ ಆಗೇರಾ ಹಾಣೆ ಹ್ಯಾ ಸ್ಪರ್ದ್ಯಾಂಚೆಂ ಫಲಿತಾಂಶ್ ಪ್ರಚಾರ್ ಮಾಧ್ಯಮಾಂಕ್ ಘೋಷಿತ್ ಕೆಲಾಂ.
ಮಟ್ವ್ಯಾ ಕಾಣಿಯಾಂಚೊ ಸ್ಪರ್ದೊ :
ಪಯ್ಲೆಂ ಸ್ಥಾನ್ : ಶಾನ್ ಬೊಂದೆಲ್ (ಲುಸಿ ಬಾಯೆಚೆಂ ಇಂಗ್ಲಿಷ್ ಸುಣೆಂ) –ರುಪಯ್ 6000/=
ದುಸ್ರೆಂ ಸ್ಥಾನ್ : ಹೆರೊಲ್ಫಿಯುಸ್ (ವೊತಾಕ್ ಪೆಟ್ಚೊ ದಿವೊ) ರುಪಯ್ 4000/=
ತಿಸ್ರೆಂ ಸ್ಥಾನ್ : ರೋನ್ ರೊಚ್, ಕಾಸ್ಸಿಯಾ (ಕಾಲ್, ಆತಾಂ ಆನಿ ಆಜ್) ರುಪಯ್ 3000/=
ಪ್ರೊತ್ಸಾಹಿತ್ ಬಹುಮಾನಾಂ ( ರುಪಯ್ 1000/= ) :
1. ಮೆಲ್ವಿನ್ ಪಿಂಟೊ (ಮಿಸಾಂವ್)
2. ಐರಿನ್ ರೆಬೆಲ್ಲೊ, ಬೆಂದೂರ್ (ಧೊಣು ಉದೆಲ್ಲೊ)
3. ಕ್ಯಾಥರಿನ್ ರೊಡ್ರಿಗಸ್, ಕಟ್ಪಾಡಿ (ಸಾತೆಂ)
ನಾಟಕ್ ಬೊರೊಂವ್ಚೊ ಸ್ಪರ್ದೊ :
ಪಯ್ಲೆಂ ಸ್ಥಾನ್ : ಶಾನ್ ಬೊಂದೆಲ್ (ನಿಮಾಣ್ಯೊ ಚಾರ್ ವಸ್ತು) – ರುಪಯ್ 10,000/=
ದುಸ್ರೆಂ ಸ್ಥಾನ್ : ಕ್ಯಾಥರಿನ್ ರೊಡ್ರಿಗಸ್, ಕಟ್ಪಾಡಿ (ವ್ಹಾಳೊ) - ರುಪಯ್ 6,000/=
ಕೊಂಕ್ಣೆಂತ್ಲೆ ನಾಂವಾಡ್ದಿಕ್ ಬರೊವ್ಪಿ ಶ್ರೀ ಎಮ್.ಪಿ.ರೋಡ್ರಿಗಸ್ ,ಸ್ಟ್ಯಾನಿ ಪಿಂಟೊ ನಿರುಡೆ ಅನಿ ಸ್ಟೇನ್ ಆಗೇರಾ ಮಟ್ವ್ಯಾ ಕಾಣಿಯೆಚ್ಯಾ ಸ್ಪರ್ದ್ಯಾಚೆ ವರಯ್ಣಾರ್ ಜಾವ್ನಾಸ್ಲ್ಲೆ ತರ್ ಶ್ರೀ ಪ್ರದೀಪ್ ಬರ್ಬೋಜಾ, ಡಯಾನ್ ಡಿ’ಸೋಜಾ ಆನಿ ಲಿನಸ್ ಮೊರಾಸ್, ಕದ್ರಿ ನಾಟಕ್ ಕಾಣಿಯಾಂಚೆ ವೊರಯ್ಣಾರ್ ಜಾವ್ನಾಸ್ಲ್ಲೆ.
ಮಂಗ್ಳೂರ್ಚ್ಯಾ ಡೊನ್ ಬೊಸ್ಕೊ ಹೊಲಾಂತ್ ಪೆಭ್ರೆರ್ 22 ವೆರ್ ಆಯ್ತಾರಾ ಜುಸ್ತ್ 6 ವೊರಾರ್, ಆತಾಂ ಚಲೊವ್ನ್ ಆಸ್ಚ್ಯಾ ನಾಟಕ್ ಸ್ಪರ್ದ್ಯಾಚ್ಯಾ ಸಮರೋಪ್ ಕಾರ್ಯಾ ಸಂದರ್ಭಿಂ ವಯ್ಲ್ಯಾ ವಿಜೆತಾಂಕ್ ಬಹುಮಾನಾಂ ವಿತರಣ್ ಜಾತೆಲಿಂ.
- ಭಾತ್ಮಿ: ದಾಯ್ಜಿದುಭಾಯ್.
ದಾಯ್ಜಿ ಸಾಹಿತಿಕ್ ಪುರಸ್ಕಾರ್ - 2009
ದಾಯ್ಜಿ ಸಾಹಿತಿಕ್ ಪುರಸ್ಕಾರ್ - 2009 : ಡೊಲ್ಫಿ ಕಾಸ್ಸಿಯಾ (ಡೊಲ್ಫಿ ಲೋಬೊ)
2009 ಇಸ್ವೆಚೊ ಪ್ರತಿಷ್ಟಿತ್ ದಾಯ್ಜಿ ಸಾಹಿತಿಕ್ ಪುರಸ್ಕಾರ್, ಕೊಂಕ್ಣೆಂತ್ಲ್ಯಾ ಫಾಮಾದ್ ಪತ್ರಿಕೋಧ್ಯಮಿ, ಕಾಣ್ಯೆಗಾರ್, ನಾಟಕಿಸ್ತ್ ಮಾನೆಸ್ತ್ ಡೊಲ್ಫಿ ಕಾಸ್ಸಿಯಾ ಹಾಕಾ ಫಾವೊ ಜಾಲಾ ಮ್ಹಣ್ ದಾಯ್ಜಿದುಭಾಯ್ ಎಕ್ತಾರಾನ್ ಕಳಯ್ಲಾಂ. ಹ್ಯಾ ಪುರಸ್ಕಾರಾಸವೆಂ 50,000 ರುಪಯ್ ನಗ್ದೆನ್ ತಶೆಂಚ್ ಯಾದಿಸ್ತಿಕಾ ಲಾಭ್ತೆಲಿ. ವರ್ಸಾನ್ ವರಸ್, ಕೊಂಕ್ಣಿ ಸಾಹಿತ್ಯಾಂತ್ ಅಮೊಲಿಕ್ ದೇಣ್ಗಿ ದಿಲ್ಲ್ಯಾಂಕ್ ವಿಂಚುನ್ ಪುರಸ್ಕಾರ್ ದಿಂವ್ಚಿ ರಿವಾಜ್ ಪಾಟ್ಲ್ಯಾ ಧಾ ವರ್ಸಾಂ ಥಾವ್ನ್ ಕರುನ್ ಆಯಿಲ್ಲೆಂ ದಾಯ್ಜಿ ದುಭಾಯ್ ಬರವ್ಪ್ಯಾಂಚೆಂ ಎಕ್ತಾರ್ ಕೊಂಕ್ಣಿ ಲೊಕಾಂಕ್ ವ್ಹಳ್ಕೆಚೆಂ. ಚಡ್ತಿಕ್ ವಿವರ್ ವೆಗಿಂಚ್ ವಾಚುಂಕ್ ಮೆಳ್ತಲೊ.
ದಾಯ್ಜಿ ಯುವ ಪುರಸ್ಕಾರ್ - 2009 : ನೆಲ್ಲು ಪೆರ್ಮನ್ನೂರ್ (ನೆವಿಲ್ ವೇಗಸ್)
2009 ಇಸ್ವೆಚೊ ಪ್ರತಿಷ್ಟಿತ್ ದಾಯ್ಜಿ ಯುವ ಪುರಸ್ಕಾರ್, ಕೊಂಕ್ಣೆಂತ್ಲ್ಯಾ ಉದೆವ್ನ್ ಯೆಂವ್ಚ್ಯಾ, ಕವಿ, ನಾಟಕಿಸ್ತ್ ಮಾನೆಸ್ತ್ ನೆಲ್ಲು ಪೆರ್ಮನ್ನೂರ್ ಹಾಕಾ ಫಾವೊ ಜಾಲಾ ಮ್ಹಣ್ ದಾಯ್ಜಿದುಭಾಯ್ ಎಕ್ತಾರಾನ್ ಕಳಯ್ಲಾಂ. ಹ್ಯಾ ಪುರಸ್ಕಾರಾಸವೆಂ 15,000 ರುಪಯ್ ನಗ್ದೆನ್ ತಶೆಂಚ್ ಯಾದಿಸ್ತಿಕಾ ಲಾಭ್ತೆಲಿ. ಚಡ್ತಿಕ್ ವಿವರ್ ವೆಗಿಂಚ್ ವಾಚುಂಕ್ ಮೆಳ್ತಲೊ.
- ಭಾತ್ಮಿ: ದಾಯ್ಜಿದುಭಾಯ್.
ದಾಯ್ಜ್ ವರ್ಸಾಚೊ ಕಾಣ್ಯೆಗಾರ್ 2007
ದಾಯ್ಜ್ ವರ್ಸಾಚೊ ಕಾಣ್ಯೆಗಾರ್ 2008
About us | Feedback | Contact us
Copyright ©
2005 DAAIZ.COM All rights reserved.
Page concept, designed, hosted and maintained by Ashawadi Publications
