ಕಾಣಿ’

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ -’ದಾಯ್ಜ್’ -ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ಮಯ್ನೊ: ಜನೆರ್ 2007 ವರಸ್: 3

ಸರ್‍ವ್ ದಾಯ್ಜ್ ವಾಚ್ಪ್ಯಾಂಕ್ ನವ್ಯಾ ವರ್ಸಾಚೆ ಉಲ್ಲಾಸ್

Placeholder: the original page gave this picture no description, and none has been written yet. It came from daaiz\daaiz\special\ny07.asp.

ಕಥಾಝರ್ 34: ಕೊಂಕ್ಣೆಂತ್ ಸಾಹಿತಿ ಆನಿ ಭಾಸೆಚೆ ಗಿನ್ಯಾನಿ ಆಸ್ಚೆ ಭೋವ್ ಥೊಡೆ, ತಾಂತ್ಲೊ ಎಕ್ಲೊ ಮಾ|ಬಾ|ರಿಚಾರ್ಡ್ ರೆಗೊ. ಪ್ರಸ್ತುತ್ ಸಾಂ|ಲುವಿಸ್ ಕೊಲೆಜಿಂತ್ ಪ್ರಾಧ್ಯಾಪಕ್ ಜಾವ್ನ್ ವಾವ್ರ್ ಕರ್ನ್ ಆಸ್ಚೊ ಹೊ ಏಕ್ ಪ್ರಭುದ್ದ್ ವಿಮರ್ಶಕ್, ಚಿಂತ್ಪಿ ತಶೆಂಚ್ ಅಪುರ್ಭಾಯೆಚೊ ಕಾಣ್ಯೆಗಾರ್. ಹಾಚ್ಯಾ ಕಾಣ್ಯಾಂನಿ ಆಸ್ಚಿ ಭಾಸ್ ಸಾದಿ ಆನಿ ಸಾಮಾಜಿಕ್ ಸಂಗ್ತ್ಯಾಂಕ್ ಅಪ್ಲ್ಯಾ ಕಾಣ್ಯಾಂನಿ ಗುಂತುನ್ ಕಾಣಿ ಬರಂವ್ಚಿ ಹಾಚಿ ತಾಂಕ್ ಕಿತ್ಲಿ ಮ್ಹಳ್ಳೆಂ ’ಎಕಾ ಬೊಕ್ಲಾಚಿ ಕಾಣಿ’ ವಾಚ್ತಾಂ ತುಮ್ಕಾಂ ಗೊಮ್ತೆಲೆಂ. $Placeholder: the original page gave this picture no description, and none has been written yet. It came from daaiz\daaiz\special\ny07.asp.$

ಕಥಾಝರ್ 35: ಕೊಂಕ್ಣಿ ಸಾಹಿತ್ಯಾಂತ್ ಹೊ ಕಾಂಯ್ ಹೆಳ್‌ಲ್ಲೊ ನ್ಹಂಯ್ ಜಾವ್ಯೆತ್, ಪುಣ್ ತೀಕ್ಷ್ಣ್ ಚಿಂತಾಪ್, ವಿಚಾರ್‌ಧಾರಾ ವೆಕ್ತ್ ಕರ್ಚಿ ಶ್ಯಾಥಿ ಹಾಚಾ ಬರ್ಪಾಂಕ್ ಆಸ್ಚಿ ಕೊಣೆಂಯ್ ನೆಗಾರ್ ಕರ್ಚೆಪರಿಂ ನಾ. ಹಾಣೆಂ ಚಡಾವತ್ ಜಾವ್ನ್ ಸಾಮಾಜಿಕ್ ಕಾಣ್ಯೊ ಬರಂವ್ಚ್ಯೊ ತರ್‌ಯ್ ಅಸಾಮಾನ್ಯ್ ಸಂಗ್ತ್ಯಾಂಕ್ ಅಪ್ಲ್ಯಾ ಕಾಣ್ಯಾಂನಿ ಗುಂತುನ್ ಸಮಾಜೆಚಾ ಅಸ್ಕತ್ ಕೊನ್ಶ್ಯಾಂಚೆರ್ ಆರ್ಸೊ ಧರ್ಚಿ ಶ್ಯಾಥಿ ’ಸನ್ನು ಮೊನಿಜ್’ ಬರ್ಪಾಂಕ್ ಆಸ್ಚಿ ರೀತ್ ತುಕಾ ಜರೂರ್ ಹಿ ಕಾಣಿ ವಾಚ್ತಾಂ ವಾಚ್ತಾಂ ಸುಸ್ತಾತೆಲಿ. $Placeholder: the original page gave this picture no description, and none has been written yet. It came from daaiz\daaiz\special\ny07.asp.$

ಕಥಾಝರ್ 37: ಅಜೀಕ್ ಎಕುಣೀಸ್ ವರ್ಸಾಧಿಂ ಹೆಂ ನಾಂವ್ ವಳ್ಕಿಚೆಂ, ಮಟ್ವ್ಯೊ ಕಾಣ್ಯೊ, ಕವಿತಾಂ ತಶೆಂಚ್ ಕಾಣಿಕ್ ಪತ್ರಾಚೆರ್ ’ವಿಚಿತ್ರ್ ಸಂಸಾರ್’ ಮ್ಹಳ್ಳೆಂ ವೈಗ್ಯಾನಿಕ್ ಅಂಕಣ್ ಭೋವ್ ಫಾಮಾದ್ ಕೆಲ್ಲೊ ಕಾರ್ಕಳ್ಚೊ ಅನ್ಯೇಕ್ಲೊ ಕಾಣ್ಯೆಗಾರ್ ’ರುಡೋ-ದ-ಆಲ್ಫ್’ ಆಜ್‌ಕಾಲ್ ಬರಯ್ನಾಂ ತರ್‌ಯ್ ಹಾಣೆಂ ಥೊಡ್ಯೊ ಅಪುರ್ಭಾಯೆಚ್ಯೊ ಕಾಣ್ಯೊ ಬರಯ್ಲ್ಯಾತ್ ಆನಿ ಮನ್ ಕೆಲ್ಯಾರ್ ಫುಡೆಂಯೀ ಬರ್‍ಯೊ ಕಾಣ್ಯೊ ಬರಂವ್ಕ್ ಜರೂರ್ ಸಕ್ತಲೊ. $Placeholder: the original page gave this picture no description, and none has been written yet. It came from daaiz\daaiz\special\ny07.asp.$

ಕಥಾಝರ್ 36: ಪಳೆವ್ನ್, ಉಲವ್ನ್ ನೆಣಾಂ ತರ್‌ಯ್ ಕೊಂಕ್ಣೆಕ್ ಹಾಣೆ ದಿಲ್ಲ್ಯಾ ದೇಣ್ಗೆವಿಶಿಂ ಜಾಯ್ತೆಂ ಆಯ್ಕಲಾಂ ಆನಿ ತ್ಯಾ ಪ್ರಕಾರ್ ಹೊ ಏಕ್ ಫಾಮಾದ್ ನಾಟಕಿಸ್ತ್ ತರ್‌ಯಿ ಹಾಣೆಂ ಕವಿತಾಂ, ಮಟ್ವ್ಯೊ ಕಾಣ್ಯೊ ಬರಯ್ಲ್ಯಾತ್. ಮಟ್ವ್ಯಾ ಕಾಣ್ಯಾಂಚೆಂ ಅಧ್ಯಯನ್ ಕರ್ಚಾಂಕ್ ಬಾಮ್ಸ್ ಹಾಚ್ಯೊ ಕಾಣ್ಯೊ ಖಂಡಿತ್ ಜಾವ್ನ್ ಅಜೀಕ್ ತೀಸ್-ಚಾಳಿಸ್ ವರ್ಸಾಧ್ಲ್ಯಾ ಸಂಸಾರಾಕ್ ವರ್ಚಾಂತ್ ದುಭಾವ್ ನಾ. $Placeholder: the original page gave this picture no description, and none has been written yet. It came from daaiz\daaiz\special\ny07.asp.$

ಕವಿತಾ: ಜೆದ್ನಾಂ ಮನಿಸ್ ಸಂಪೊನ್ ಗೆಲ್ಲ್ಯಾ ವರ್ಸಾಚಿಂ ಲಿಸಾಂವಾಂ ಘೆವ್ನ್ ಫುಡ್ಲ್ಯಾ ದಿಸಾಂನಿ ತಿಂ ಅಪ್ಲ್ಯಾ ಜಿಣ್ಯೆಕ್ ಲಾಗು ಕರ್ಚೆಂ ಪ್ರೇತನ್ ಕರ್ತಾ, ತೆದ್ನಾಂ ನವೆಂ ವರಸ್ ಖರೆಂಚ್ ಜಾವ್ನ್ ನವೊ ಭರ್ವಸೊ ಆನಿ ನವಿ ಆಶಾ ಘೆವ್ನ್ ಯೆತಾ. ಪುಣ್ ಫಕತ್ತ್ ಧಾಖವ್ಪಾಕ್ ಹೆಂ ಕರ್ಚೆಂ ಪ್ರೇತನ್ ಕೆಲೆಂ ತರ್ ಪರ್ನೆಂ ವರಸ್ ಜಾಂವ್ ನವೆಂ ವರಸ್ ಜಾಂವ್ - ಆಮ್ಕಾಂ ಕಿತೆಂಚ್ ಫರಕ್ ಪಡಾನಾ ಮ್ಹಳ್ಳೆಂ ಚಿಂತಾಪ್ ಹಾಸ್ಯ್ ರಿತಿನ್ ದಿತಾ ಕವಿ. $Placeholder: the original page gave this picture no description, and none has been written yet. It came from daaiz\daaiz\special\ny07.asp.$

ಕವಿತಾಝರ್ 146: ಮನ್ಶಾಜಿಣ್ಯೆಂತ್ ದೆವಾನ್ ದಿಲ್ಲೆಂ ಭೋವ್ ವ್ಹಡ್ ದೆಣೆಂ ಜಾವ್ನಾಸಾ ’ಭರ್ವಸೊ’ ಆನಿ ಹ್ಯಾ ಭರ್ವಶ್ಯಾರ್ ಮನಿಸ್ ಜಿಯೆತಾ ದೆಖುನ್ ದೀಸ್ಪಡ್ತಿ ಖಂತ್ ಮಾತ್ಸಿ ಪಯ್ಸ್ ಕರುನ್ ಜಿಯೆಂವ್ಕ್ ಸಕ್ತಾ. ಹೊ ಭರ್ವಸೊ ದಿಂವ್ಚಾಕ್ ನವೆಂ ವರಸ್ ಖಂಡಿತ್ ಜಾವ್ನ್ ಏಕ್ ಭಳಿಶ್ಟ್ ನೀಬ್ ಆನಿ ಕಾರಣ್ ಮ್ಹಣ್ತಾ ಕವಿ ಗೋಪಾಲ್‌ಕೃಷ್ಣ ಕಾಮತ್. $Placeholder: the original page gave this picture no description, and none has been written yet. It came from daaiz\daaiz\special\ny07.asp.$

ಉತ್ರಾಂತ್ ಸೂತ್ರಾಂ 1: ಮಯ್ನ್ಯಾಚೊ ಕವಿ ಜಾವ್ನ್ ವಿಂಚೊನ್ ಆಯಿಲ್ಲೊ ಮಾಲ್ಘಡೊ ಕವಿ ಕಾವ್ಯಾದಾಸ್ ಮುಳಾವಿಂ ಸವಾಲಾಂ ಆಟಾಪ್ಚೆಂ ಕವಿತಾ ಘೆವ್ನ್ ಆಯ್ಲಾ, ಮೊಳ್ಬಾಕ್ ನಿಸಣ್ ಭಾಂದ್ಚೊ, ಲಿಪ್ತಿಂ ತಾರಾಂ ಮೆಜ್ಚೊ ಮನಿಸ್ ಹ್ಯಾ ಸಂಸಾರಾಂತ್ ಕಿತೆಂಯ್ ಕರುಂಕ್ ಸಕ್ತಾ ಪುಣ್ ಅಜೂನ್ ’ಅಪ್ಲೊ ಪೆಲೊ ಕೊಣ್’ ಮ್ಹಳ್ಳೆಂ ಸಮ್ಜೊಂಕ್ ಸಕೊಂಕ್ ಪಾವೊಂಕ್ ನಾ. ಹ್ಯಾ ಸಂಸಾರಾಂತ್ ತೊ ರಾಯ್ ತರ್‌ಯ್ ಹ್ಯಾ ಸವಾಲಾಂಕ್ ಅಜೂನ್ ಸಮ್ಜೊಂಕ್ ಪಾವೊಂಕ್ ನಾಂ ಮ್ಹಣ್ತಾ. $Placeholder: the original page gave this picture no description, and none has been written yet. It came from daaiz\daaiz\special\ny07.asp.$

ಉತ್ರಾಂತ್ ಸೂತ್ರಾಂ 1: ಕವಯತ್ರಿ ನಂದಿನಿಕ್ ದೆವಾಳಾಂತ್ ದಿಸ್ಚಾ ಹಜಾರ್ ಗಳ್ಯಾಂಚಾ ಹಜಾರ್ ತಾಳ್ಯಾಂಚಾ ಮನ್ಶಾಂನಿ ಎಕ್ವಟಿತ್ ರಿತಿನ್ ದೈವಿಕ್ ಭಕ್ತ್ ಗಾಯ್ತಾಸ್ತಾನಾ ಸಯ್ತ್ ತಾಂಚೆಮಧೆಂ ಕೊಣ್ ಕೊಣಾಚೊ ಪೆಲೊ ಮ್ಹಳ್ಳೆಂ ಸವಾಲ್ ಗೊಮ್ತಾ. ಮನಿಸ್ ಭಾಯ್ಲ್ಯಾ ದೆಖಿಕ್ ಕಿತ್ಲೊ ಡೋಂಗ್ ಕರಿತ್ ತರ್‌ಯೀ ಭಿತರ್ಲೆ ಭಿತರ್ ಹರ್ಯೆಕ್ಲೊ ಮನಿಸ್ ಎಕ್ಸುರೊಚ್ಚ್ ಮ್ಹಳ್ಳೆಂ ಅಪುರ್ಭಾಯೆಚೆಂ ಚಿಂತಾಪ್ ವ್ಹಾಳಯ್ತಾ. $Placeholder: the original page gave this picture no description, and none has been written yet. It came from daaiz\daaiz\special\ny07.asp.$

ಉತ್ರಾಂತ್ ಸೂತ್ರಾಂ 1: ಆಮಿಂ ಅಸಾಮಾನ್ಯ್ ಸಂಗ್ತೆಕ್ ಹಕೀಗತ್ ದೀಂವ್ಕ್ ಸಕ್ತಾಂವ್ ತರ್‌ಯ್, ವಾಸ್ತವಾರ್ ಆಮಿ ಭೋವ್ ಸಾಮಾನ್ಯ್ ಆನಿ ಸಂಪಿಂ ಸಂಗತ್ ಕರುಂಕ್ ಬಿಕ್ಕಾತಾಂವ್ ಮ್ಹಳ್ಳೆಂ ಚಿಂತಾಪ್ ’ವಾಸ್ತವ್’ ಕವಿತೆಂಚ್ ಭೋವ್ ಅಪುರ್ಭಾಯೆನ್ ವ್ಹಾಳಯ್ತಾ ಕವಿ ಮೆಲ್ವಿನ್ ಜೆ. ವಾಸ್, ಕೆಲರಾಯ್. $Placeholder: the original page gave this picture no description, and none has been written yet. It came from daaiz\daaiz\special\ny07.asp.$

ಉತ್ರಾಂತ್ ಸೂತ್ರಾಂ 1: ಅಪ್ರೂಪ್ ಕವಿ ಜೆರಿ ಡಿ’ಮೆಲ್ಲೊ ವಾಸ್ತವಾಕ್ ಧಾಖಂವ್ಕ್ ಏಕ್ ಆರ್ಸೊ ಹಾಡ್ನ್ ಆಯ್ಲಾ, ಆನಿ ತ್ಯಾ ಆರ್ಶ್ಯಾಂತ್ ದೆಖ್ತಾನಾ ಆಮ್ಕಾಂ ದಿಸ್ತಾ ಸಗ್ಳೆಂ ವಿಚಿತ್ರ್ ಆನಿ ಅಸ್ತ್‌ವೆಸ್ತ್. ಇತ್ಲೊ ಸೊಭಿತ್ ಆನಿ ಮಹಾನ್ ಮನಿಸ್ ಆರ್‍ಶ್ಯಾಂತ್ ದಿಸ್ತಾ ’ಏಕ್ ಕಿಡೊ’. ದೆಖುನ್ ವ್ಹಡ್ಲ್ಯಾ ದೆವಾಚೆಂ ಬೆಸಾಂವ್ ಆಮ್ಚೆರ್ ಆಸ್ತಾನಾ ಧಾಕ್ಟ್ಯಾ ದೆವಾಚಾಂಕ್ ಕಿತ್ಯಾಕ್ ಗುಮಾನ್? ಜೆದ್ನಾಂ ಆಮ್ಚಿಂ ನಾಂವಾಂ ದುದಾ ಫಾತ್ರಾಂನಿ ಝಿಳ್ಮಿಳ್ತಾನಾ ಹೆರಾಂಚೆ ಕಷ್ಟ್ ಪಳೆಂವ್ಚಿ ಆಮ್ಚಿ ನದರ್ ಕುಡ್ಡಿ ಜಾಲ್ಲಿ ಹ್ಯಾ ಆರ್‍ಶ್ಯಾಂತ್ ಪಳೆವ್ಯೆತಾ. $Placeholder: the original page gave this picture no description, and none has been written yet. It came from daaiz\daaiz\special\ny07.asp.$

ಉತ್ರಾಂತ್ ಸೂತ್ರಾಂ 1: ಕವಿ ರೋಶನ್ ರೊಡ್ರಿಗಸಾಕ್ ದೇವ್-ಧರ್ಮಾ ಮಧೆಂ ಅಡ್ಚೊನ್ ಗೆಲ್ಲ್ಯಾ ಮನ್ಶಾಚಾ ವೆವೆಗ್ಳ್ಯಾ ರುಪಾಂ ಮಧೆಂಯೀ ಹಿ ಘುಸ್ಪಡಾಯ್ ಉದೆತಾ, ಆನಿ ಖರೆಂಪಣಿ ಅಪ್ಲೊ ಪೆಲೊ ಮ್ಹಳ್ಯಾರ್ ಕೊಣ್ ಮ್ಹಳ್ಳೆಂ ಸಮ್ಜೊಂಕ್ ಖರೆಂಚ್ ಧರ್ಮಾಚೊ ಆಸೊರ್ ಘೆಂವ್ಚಿ ಗರ್ಜ್ ಸುಸ್ತಾತಾ. $Placeholder: the original page gave this picture no description, and none has been written yet. It came from daaiz\daaiz\special\ny07.asp.$

ಉತ್ರಾಂತ್ ಸೂತ್ರಾಂ 1: ಕವಿ ಅನಿಲ್ ಪೆರ್ನಾಲ್ ಏಕ್ ಅಪುರ್ಭಾಯೆಚೆಂ ಕವಿತಾ ಘೆವ್ನ್ ಆಯ್ಲಾ. ಹಾಂಗಾಸರ್ ಮನ್ಶಾಕ್ ಮನಿಸ್‌ಚ್ ಅಂತ್ಯ್ ಜಾವ್ನಾಸ್ಚೆಂ ಚಿಂತಾಪ್ ವ್ಹಾಳಯ್ತಾ, ನೆಣಾರಿ ಜಾವ್ನ್ ಗರ್ಭಾಂತ್ ಆಸ್ತಾಂ ಸಯ್ತ್ ಮನಿಸ್‌ಚ್ ಮನ್ಶಾಚೆಂ ನಾಸ್ ಕರ್ತಾ, ಜಿಯೆತಾನಾ ಸಯ್ತ್ ಕೊಣಾಚಾ ಹಾತಾಚಿ ಬಾವ್ಲಿ ಜಾಂವ್ಕ್ ಪಡ್ತಾ, ಆನಿ ಮೊರ್ತಾನಾ ಹಾರಿಂ ಹಾರಿಂನಿ ಜಮೊ ಜಾತಾ. ಹ್ಯಾ ಸರ್ವ್ ಲೊಕಾಂಪಯ್ಕಿ ’ಅಪ್ಲೊ ಪೆಲೊ’ ಮ್ಹಳ್ಳೊ ಕೊಣ್? ಮ್ಹಳ್ಳೆಂ ಸವಾಲ್ ಅಧುರೆಂಚ್ ಉಭೆಂ ರಾವ್ತಾ. $Placeholder: the original page gave this picture no description, and none has been written yet. It came from daaiz\daaiz\special\ny07.asp.$

ಉತ್ರಾಂತ್ ಸೂತ್ರಾಂ 1: ಕವಿ ವಲ್ಲಿ ಕ್ವಾಡ್ರಸಾಕ್ ಕಿತ್ಯಾಕ್‌ಗೀ ಪಾರಂಪರಿಕ್ ರಿತಿನ್ ಚಲ್ಚೆಪರಿಂಚ್ ಆಜ್ ಪರ್‍ಯಾಂತ್ ಚಲೊನ್ ಆಸಾ - ವಾಗ್ ಗಾಯೆಕ್ ಧರ್ತಾ, ಮಾಜಾರ್ ಉಂದಿರ್ ಧರ್ತಾ ಆನಿ ದಿವೊಡ್ ಮಾಣ್ಕ್ಯಾಕ್ ಗಿಳ್ತಾ - ಪುಣ್ ಮನಿಸ್ ಮಾತ್ರ್ ಬದಲ್ಲಾ ಆನಿ ಮನ್ಶಾಕ್‌ಚ್ ಖಾತಾ ಆನಿ ಸವಾಲ್ ಕರ್ತಾ ’ಮ್ಹಜೊ ಪೆಲೊ ಕೊಣ್?’ ಮ್ಹಳ್ಳೆಂ ಸವಾಲ್ ಕರ್ಚೆಂ ದಿಸೊನ್ ಯೆತಾ. $Placeholder: the original page gave this picture no description, and none has been written yet. It came from daaiz\daaiz\special\ny07.asp.$

ಉತ್ರಾಂತ್ ಸೂತ್ರಾಂ 1: ಕವಿ ವಿನ್ಸಿ ಮೆಲ್ಕಾರ್‌ಚ್ಯಾ ಕವಿತೆಂತ್ ಕವಿತಾ ನಾಯಕ್ ಖುದ್ದ್ ಅಪುಣ್ ಕಂಗಾಲ್ ರಿತಿನ್ ಜಿಯೆವ್ನ್ ಆಸಾಂ, ದೆಖುನ್ ಕೊಣ್‌ಯ್ ಅಪ್ಲ್ಯಾ ಸೊಧ್ನೆರ್ ಯೆತಿತ್‌ಗಾಯ್ ಮ್ಹಳ್ಳೆಂ ಚಿಂತಾಪ್ ದವರುನ್ ಆಸ್ಚೆಂ ಆಪ್ಲ್ಯಾ ಕವಿತೆಂತ್ ದಿಸೊನ್ ಯೆತಾ. $Placeholder: the original page gave this picture no description, and none has been written yet. It came from daaiz\daaiz\special\ny07.asp.$

ಉತ್ರಾಂತ್ ಸೂತ್ರಾಂ 1: ಕವಯತ್ರಿ ಬಾಯ್ ವಾಯ್ಲೆಟ್ ಪಿರೇರಾ ಭಳಿಶ್ಟ್ ಹಾತೆರ್ ಘೆವ್ನ್ ಆಯ್ಲ್ಯಾ, ಜೆದ್ನಾಂ ಹ್ಯಾ ಸಂಸಾರಾಂತ್ ಚುರಿ-ತಾಲ್ವಾರ್ ಜಾಂವ್ ಬಂದೂಕ್-ಬೊಂಬ್ ಜಾಂವ್ ಕಿತೆಂಚ್ ಕರುಂಕ್ ಸಕಾನಾಂತ್, ತೆದ್ನಾಂ ಹೆಂ ಹಾತೆರ್ ಜರೂರ್ ಕಿತೆಂಯ್ ಕರುಂಕ್ ಸಕ್ತಾ. ಪುಣ್ ಹೆಂ ಹಾತೆರ್ ಧರುಂಕ್ ಕಾಳ್ಜಾಂತ್ ಊಬ್ ಆಸ್ಚಿ ಗರ್ಜ್, ಭಿವ್ಕುರ್‍ಯಾಂಕ್ ವಾ ಲಜ್ಮಾಂಡ್ಯಾಂಕ್ ಹೆಂ ಹಾತೆರ್ ಧರುಂಕ್ ಸಾಧ್ಯ್ ನಾ, ಕಿತ್ಯಾಕ್ ಆಪ್ಣಾಕ್ ಹಲ್ಕ್ ಕರ್ಚಾಂಕ್ ಅಪುಣ್ ಬರೆಂಚ್ ಕರ್ತೆಲಿಂ ಮ್ಹಳ್ಳೆಂ ಕರ್ನ್ ಧಾಖಂವ್ಚೆಂ ಹಾತೆರ್ ಚಿಲ್ಲರ್ ನ್ಹಂಯ್. $Placeholder: the original page gave this picture no description, and none has been written yet. It came from daaiz\daaiz\special\ny07.asp.$

ಉತ್ರಾಂತ್ ಸೂತ್ರಾಂ 1: ಕವಿ ಆಸ್ಟಿನ್ ಪ್ರಭುಕ್ ಮ್ಹಜಾ ಭಂವಾರಿಂ ಜಿಯೆಂವ್ಚೊ ಹರ್‍ಯೆಕ್ ಮನಿಸ್ ಮ್ಹಜೊ ಪೆಲೊ, ದೆಖುನ್ ತಾಚಿ ತಾನ್ ಮ್ಹಜಿ ತಾನ್, ತಾಚಿ ಭುಕ್ ಮ್ಹಜಿ ಭುಕ್ ಮ್ಹಣ್ಚೆಂ ಸೊಭಿತ್ ಚಿಂತಾಪ್ ವ್ಹಾಳಯ್ತಾ. $Placeholder: the original page gave this picture no description, and none has been written yet. It came from daaiz\daaiz\special\ny07.asp.$

ಉತ್ರಾಂತ್ ಸೂತ್ರಾಂ 1: ಕವಿ, ಕಾಣ್ಯೆಗಾರ್, ನಾಟಕಿಸ್ತ್, ಚಿಂತ್ಪಿ ಬಾಬ್ ಲ್ಯಾನ್ಸಿ ಪಿಂಟೊಚಿ ನದರ್ ಮಾತ್ಶಿ ಗುಂಡಾಯೆಕ್ ಗೆಲ್ಯಾ ಮ್ಹಳ್ಳೆಂ ಹೆಂ ಕವಿತಾ ವಚ್ತಾನಾಂಚ್ ಗೊಮ್ತಾ. ’ಪೆಲೊ ಕೊಣ್’ ಮ್ಹಣ್ ಸಮ್ಜೊಂವ್ಚಾಧಿಂ ’ಅಪ್ಲೊ ಕೊಣ್’ ಮ್ಹಳ್ಳೆಂ ಸಮ್ಜಲ್ಯಾರ್ ’ಪೆಲೊ’ ಸ್ವಶ್ಟ್ ದಿಸ್ತಾ ಮ್ಹಳ್ಳೆಂ ಚಿಂತಾಪ್ ಆಪ್ಲ್ಯಾ ಕವಿತೆಂತ್ ವ್ಹಾಳಯ್ತಾ. ಹಾಂಗಾಸರ್ ’ನಾಟಕಿಸ್ತ್’ ಮ್ಹಳ್ಳೊ ಸಬ್ಧ್ ಹೆಚ್ಚ್‌ಖಾತಿರ್ ವಾಪರ್ಲಾ - ಕಿತ್ಯಾಕ್ ಮ್ಹಳ್ಯಾರ್ ಹಿ ಎಕಾ ಬರ್‍ಯಾ ನಾಟಕಿಸ್ತಾಚಿ ನದರ್. $Placeholder: the original page gave this picture no description, and none has been written yet. It came from daaiz\daaiz\special\ny07.asp.$

ಉತ್ರಾಂತ್ ಸೂತ್ರಾಂ 1: ಕವಿ ಪ್ರಸನ್ನ್ ನಿಡ್ಡೋಡಿ ಮಾತ್ಸೊ ವಿಡಂಬನ್‌ಕಾರ್ ಜಾಲಾ ಹ್ಯಾ ಕವಿತೆಂತ್, ಅಪ್ಣಾನ್ ’ಅಪ್ಲೊ ಪೆಲೊ ಕೊಣ್’ ಮ್ಹಣ್ ಸೊಧ್ಚಾ ಬದ್ಲಾಕ್, ಹೆರಾಂನಿ ಮ್ಹಾಕಾ ತಾಂಚೊ ಪೆಲೊ ಕರ್ನ್ ಘೆತ್‌ಲ್ಲೆಂ ತರ್ ಕಿತ್ಲೆಂ ಬರೆಂ ಆಸ್‌ಲ್ಲೆಂ ಮ್ಹಣ್ ವಿಚಾರ್ತಾ. $Placeholder: the original page gave this picture no description, and none has been written yet. It came from daaiz\daaiz\special\ny07.asp.$

ನವೆಂ ವರಸ್ 2006

ದಾಯ್ಜ್ ನತಾಲಾಂಚೆಂ ವಿಶೇಷ್ ಪಾನಾಕ್ ಭೆಟ್ ದಿಯಾ

ದಾಯ್ಜ್ ಪಾನಾಕ್

ಸಜ್ಜಿಗೆ

ವಿಚಾರ್-ಉಚಾರ್

ಫ್ಲಾಯ್ಟ್!?