ಕವಿತಾकविताPoem
ಕಾಮಾಸಾಳ್:
This poem is available in its original Kannada only.
ಕಾಣ್ಯೊ
ಸಾಹಿತಿಕ್ ಸ್ಪರ್ಧೊ 2004
ಕಥಾಪಾಠ್
ಅಂಕಣಾಂ
ಸಾಹಿತಿಕ್ ಸ್ಪರ್ಧೊ 2005
ಕವಿತಾಂ
ಸಾಹಿತಿಕ್ ಸ್ಪರ್ಧೊ 2006
ದಾಯ್ಜ್ ಶಿಭಿರ್ 2006
ವಿಡಂಬನಾಂ
ದಾಯ್ಜ್ ಶಿಭಿರ್ 2007
ಕಥಾಮೃತ್
ವಿಮರ್ಶೆ
"ರಡುಂನಾಕಾ ಕೊಂಕ್ಣಿ ಬಾಳಾ ರಡುಂನಾಕಾ ವೊಗೊ, ದೊಳ್ಯಾಂಭಾಯ್ರ್ ಸೊಂರ್ಗೊ ದೆಕುನ್ ಸೊಡಿನಾಕಾ ದಾಗೊ" - ಮೆಲ್ವಿನ್ ರೊಡ್ರಿಗಸ್
ಕವಿತಾಪಾಠ್
ಕವಿತಾಪಾಠ್ ಮ್ಹಳ್ಯಾರ್ ಕಿತೆಂ?
ಕವಿತಾಪಾಠ್ ಮ್ಹಳ್ಯಾರ್ ಕೊಂಕ್ಣಿ ಕವಿಂಚಿ ವಳೊಕ್ ತಶೆಂಚ್ ಕೊಂಕ್ಣಿ ಕವಿತಾಚೆಂ ಅಧ್ಯಯನ್ ಕರ್ಚಾ ಇರಾದ್ಯಾನ್ ಆಸಾ ಕೆಲ್ಲಿ ಏಕ್ ವೆದಿ. ಹೆಂ ಕಸಲೆಂಯ್ ಏಕ್ ಸಂಚಾಲನ್ ಯಾ ಸಂಘ್ ನ್ಹಂಯ್. ಎಕಾ ಮನಾನ್ ಎಕಾಮೆಕಾಚೆ ವಿಚಾರ್ ಸಮ್ಜೊನ್, ಆಮ್ಚೆ ವಿಚಾರ್ ವಾಡಂವ್ಚೆಂ ಆನಿಂ ಅಶೆಂ ಕವಿತಾವಾಟೆರ್ ಚಮ್ಕತಾನಾ ಕವಿತಾಂಕ್ ಸಮ್ಜೊಂವ್ಚೆಂ, ಕವಿತಾಂಕ್ ವಾಸ್ಚೆಂ ಆನಿಂ ಬರಂವ್ಚೆ ಮೂಳ್ ಇರಾದೆಚ್ ಹ್ಯಾ ಕವಿತಾಪಾಠಾಚೊ ಪ್ರಮುಕ್ ಇರಾದೊ. ’ಕವಿತಾಪಾಠ್’ ಹಾಂತುಂ ವಿಂಚ್ಲ್ಲಿಂ ಕವಿತಾ ಅಧ್ಯಯನಾಕ್ ವಿಂಚ್ಲ್ಲಿಂ ಕಾರಾಣಾಂ ತಿಂ ಕವಿತಾ ಕೊಂಕ್ಣೆಂತ್ಲಿ ಶ್ರೇಷ್ಟ್ ಕವಿತಾ ಮ್ಹಣೊನ್ ನ್ಹಂಯ್. ತಶೆಂಚ್ ಜ್ಯಾ ಕವಿಂಚಿಂ ಕವಿತಾ ಹಾಂತುಂ ವಿಂಚ್ಲ್ಯಾತ್, ಜ್ಯೇ ತಾಂಚೆ ವಿಚಾರ್ ಆಮ್ಚೆಸವೆಂ ವಾಂಟುನ್ ಘೆಂವ್ಕ್ ಸಕ್ಚೆತಸಲೆ ಜಾವ್ನಾಸಾತ್ ಮ್ಹಳ್ಳೆ ಖಾತಿರ್ ಮಾತ್ರ್.
ಕವಿತಾ ಕಾಮಾಸಾಳ್ ಕಿತ್ಯಾಕ್?
ಲೌಕಿಕ್ ಸಂಗ್ತ್ಯಾಂನಿ ಮೆತೆರ್ ಜಾಲ್ಲ್ಯಾ ಆಮ್ಕಾಂ ಆಮಿಂ ಕರಿಜಾಯ್ ಆಸ್ಲ್ಲಿಂ ಜಾಯ್ತಿಂ ಕಾಮಾಂ ಆಮ್ಚಾನ್ ಕರುಂಕ್ ಜಾಯ್ನಾಂತ್. ಹಾಕಾ ಕಾರಾಣ್ ವೇಳ್ ನಾ ಯಾ ವೇಳ್ ಆಸ್ತಾನಾ ಮೂಡ್ ನಾ ಆನಿಂ ಮೂಡ್ ಆಸ್ತಾನಾ ಸಂದರ್ಬ್ ನಾಂತ್. ಅಶೆಂ ಸಭಾರ್ ಅಡ್ಕಳ್ಯೊ ಆಮ್ಚಾ ಚಿಂತ್ಪಾಚಾ ವಾಡಾವಾಳೆಕ್ ಉದೆತಾತ್. ಆಮ್ಚಾ ಮತಿಂತ್ಲೆ ವಿಚಾರ್ ರಾವ್ಲ್ಲ್ಯಾ ಉದ್ಕಾಪರಿಂ ಜಾಯ್ನಾಯೆ, ನವೆ ನವೆ ವಿಚಾರ್ ಆಮ್ಚಾ ಮತಿಚಾ ಪಡ್ದ್ಯಾರ್ ಪಾಶಾರ್ ಜಾಯ್ಜಾಯ್ ತರ್ ಆಮಿಂ ಮಯ್ನ್ಯಾಕ್ ಏಕ್ ಯಾ ದೋನ್ ವೊರಾಂ ತರ್ಯೀ ಅಸಲ್ಯಾ ಸಂಗ್ತ್ಯಾಂ ಥಂಯ್ ಗಮನ್ ದೀಜಯ್.
ಪಯ್ಲೆಂ ಕವಿತಾಚೆಂ ಕಾಮಾಸಾಳ್:
ಪೊಟಾಚಾ ಜೊಡಿಖಾತಿರ್ ಸಾತ್ ದರ್ಯೆ ಉತ್ರೊನ್ ಆಮಿಂ ಆಯ್ಲ್ಯಾಂವ್, ಎಕೆಕ್ಲ್ಯಾಕ್ ಎಕೆಕ್ ಅಡ್ಕಳ್ಯೊ ಆಸಾತ್, ಸಮಸ್ಸೆ ಆಸಾತ್, ಕಸ್ಟ್ ಆಸಾತ್. ಪುಣ್ ಹ್ಯಾ ಮಧೆಂ ಆಮ್ಚಾ ಮತಿಂತ್ ನವಿಂ ಚಿಂತ್ನಾಂ ಉದೆಂವ್ಕ್ ಆಮಿಂ ಪ್ರೇತನ್ ಕರಿಜಾಯ್ ಆನಿಂ ಹ್ಯೇ ದಿಶೆನ್ ಆಮಿಂ ಮಯ್ನ್ಯಾಕ್ ಏಕ್ ಪಾವ್ಟಿಂ ತರ್ಯೀ ಮೆಳೊನ್ ಸಾಹಿತಿಕ್/ಕವಿತಾಂಕ್ ವಾಸ್ಚೆಂ, ಆಯ್ಕೊಂವ್ಚೆಂ ಸಾಧನ್ ಕರ್ಚಿ ಅಲೊಚನ್ ಅಜಿಕ್ ತೀನ್ ವರ್ಸಾಧಿಂ, ಮ್ಹಜಾ ಮಿತ್ರಾನ್ ತೊ ಅಜಿಕ್ ಹೊ ಸಂಸಾರ್ ಸಾಂಡುನ್ ಗೆಲಾ ತೊ - ದೆ|ಜೊರ್ಜಿ ಪೀಂತ್ ಆಯ್ಕೊಳ್. ಹಾಣೆಂ ದಿಲ್ಲಿ ಸಲ್ಹಾ ಜ್ಯಾರಿ ಕರ್ಚಾಕ್ 2002 ಇಸ್ವೆಚಾ ನವೆಂಬ್ರಾಚಾ ಪಂದ್ರಾ ತಾರಿಕೆರ್ ಪಯ್ಲೆಂ ಕವಿತಾಚೆಂ ಕಾಮಾಸಾಳ್ ಆಮ್ಚಾಚ್ ಘರಾ ಆಪಯ್ಲೆಂ. ಇಕ್ರಾ ಬರವ್ಪಿ ಹ್ಯಾ ಜಮಾತೆಕ್ ಹಾಜರ್ ಜಾಲ್ಲ್ಯಾ ಹ್ಯಾ ಕಾಮಾಸಾಳಾಂತ್ ದೆ|ಚಾ.ಫ್ರಾ.ದೆ’ಕೋಸ್ತಾಚಾ ಕವಿತಾವಿಶಿಂ ಉಲವ್ಣೆಂ ಚಲ್ಲೆಂ. ಅಶೆಂ ಸುರ್ವಾತ್ ಜಾಲ್ಲ್ಯಾ ಹ್ಯಾ ಕಾಮಾಸಾಳಾ ಉಪ್ರಾಂತ್ ಸರಾಗ್ ನ್ಹಂಯ್ ತರ್ಯೀ ತವಳ್ತವಳ್ ಅಸಲಿಂ ಕಾಮಾಸಾಳಾಂ ಮುಖಾರುನ್ ಗೆಲಿಂ.
ಫುಡ್ಲೆಂ ಕಾಮಾಸಾಳ್ 2002 ದಸೆಂಬ್ರಾಚಾ ಬಾವೀಸ್ ತಾರಿಕೆರ್ ಚಲ್ಲೆಂ ಆನಿಂ ತ್ಯಾ ಕಾಮಾಸಾಳಾಂತ್ ದೆ|ಲುವಿಸ್ ಮಸ್ಕರೇನ್ಹಸಾಚಾ ಕವಿತಾಂವಿಶಿಂ ಸವಿಸ್ತಾರ್ ಸಂವಾದ್ ಚಲ್ಲೊ. ಉಪ್ರಾಂತ್ ಸಿಜ್ಯೆಸ್ ತಾಕೊಡೆಚಾ ಕವಿತಾಂವಿಶಿಂ ಕಾಮಾಸಾಳ್ ಚಲ್ಲೆಂ.
ನವೆಸಾಂವ್:
ಮಯ್ನ್ಯಾಳಿಂ ಕಾಮಾಸಾಳಾಂನಿ ಯೆಂವ್ಚೆ ಉರ್ಭೆವಂತ್ ಉಣೆ ತರ್ಯೀ ಹ್ಯಾ ಕಾಮಾಸಾಳಾಂನಿ ಯೆತೆಲ್ಯಾಂನಿ ಜಾಯ್ತೊ ಅನ್ಭೋಗ್ ಜೊಡ್ಚಾ ಇರಾದ್ಯಾನ್ ಹಿಂ ಕಾಮಾಸಾಳಾಂ ಗೂಂಡ್ ರಿತಿನ್ ಅಧ್ಯಯನ್ ಕರ್ಚೆಂ ಕಾಮ್ ಚಲೊನ್ ಆಸಾಜಯ್ ಮ್ಹಳ್ಳ್ಯಾ ಇರಾದ್ಯಾನ್ ಅಧ್ಯಯನ್ ಪ್ರಭಂಧ್/ಲೇಖನ್ ಪ್ರಸ್ತುತ್ ಕರ್ಚಿ ರಿವಾಜ್ ಸುರು ಕೆಲಿ. ಆನಿಂ ಹಾಚಿ ಸುರ್ವಾತ್ ಮೆಲ್ವಿನ್ ರೊಡ್ರಿಗಸಾಚಾ ಕವಿತಾಚೆಂ ಅಧ್ಯಯನ್ ಕರುನ್ ತಾಚೆರ್ ಪ್ರಸ್ತುತ್ ಕೆಲ್ಲೆಂ ಲೇಖನ್ ’ಯೆಯಾ ಆಮಿಂ ಕುಪಾಂ ಝಡವ್ಯಾಂ’ ಸಾದರ್ ಜಾಲೆಂ.
ಪುಣ್ ತೆಚ್ಚ್ ಸಂಧರ್ಭಾರ್ ಹ್ಯಾ ಕಾಮಾಸಾಳಾಂಕ್ ಸುರ್ವಾತ್ ಕರುಂಕ್ ಕಾರಾಣ್ ಜಾಲ್ಲೊ ಅನ್ಯೇಕ್ ಪ್ರಮುಕ್ ವೆಕ್ತಿ, ಚಿಂತ್ಪಿ, ಕವಿ ಜೊರ್ಜಿ ಪೀಂತ್ ಆಯ್ಕೊಳ್ ಸಂಸಾರಾಕ್ ಅಧೇವ್ಸ್ ಮಾಗೊನ್ ಗೆಲೊ ದೆಕುನ್ ತಾಚಾ ವೆಕ್ತಿತ್ವಾವಿಶ್ಯಾಂತ್, ಚಿಂತ್ಪಾವಿಶ್ಯಾಂತ್, ಸಾಹಿತ್ಯಾವಿಶ್ಯಾಂತ್ ಸವಿಸ್ತಾರ್ ವಿವರ್ ಆಟಾಪ್ಚೆಂ ಲೇಖನ್ ’ಜಿವಿತಾ ಸೊಭಾಣ್ ಸದಾಂಚ್ ಸೊಭ್ತೆಲೆಂ’ ಪ್ರಸ್ತುತ್ ಜಾಲೆಂ.
ಅಶೆಂ ಥೊಡೊ ತೇಂಪ್ ಮಯ್ನ್ಯಾಳೆಂ ಕಾಮಾಸಾಳ್ ಚಲ್ಲೆಂನಾ. ಪುಣ್ ಹೆಂ ಕಾಮಾಸಾಳ್ ಚಾಲುಚ್ ದವ್ರಿಜಾಯ್ ಮ್ಹಳ್ಳ್ಯಾ ಇರಾದ್ಯಾನ್ ಫುಡ್ಲ್ಯಾ ದಿಸಾಂನಿ ’ಕೊಂಕ್ಣಿ ಪತ್ರಾಂನಿ ವಿಮರ್ಸೊ’ ಮ್ಹಳ್ಳ್ಯಾ ವಿಶ್ಯಾಚೆರ್ ಲೇಖನ್ ಪ್ರಸ್ತುತ್ ಜಾಲೆಂ. ಫುಡ್ಲ್ಯಾ ದಿಸಾಂನಿ ಕೊಂಕ್ಣಿ ವಾವ್ರಾಕ್ ನವಿಂ ರುಪಾಂ ದಿಂವ್ಚಾ ದಿಶೆನ್ ’ಕೊಂಕ್ಣಿ ಅಭಿಯಾನ್ ಸಮಿತಿ’ಚೆಂ ಉಗ್ತಾವಣ್ ಜಾತಾನಾ ’ಆಮ್ಚಿಂ ಕೊಂಕ್ಣಿ ಪತ್ರಾಂ ಆನಿಂ ಪರಿಗತ್’ ಮ್ಹಳ್ಳೆಂ ಲೇಖನ್ ಪ್ರಸ್ತುತ್ ಜಾಲೆಂ. ಕೊಂಕ್ಣಿ ಅಭಿಯಾನ್ ಸಮಿತಿಚಾ ದುಸ್ರ್ಯಾ ಜಮಾತೆಚೆರ್ ’ಸ್ಪಿರಿತಾಚೊ ವಾವ್ರ್ ಖಂಡಿತ್ ಫಳ್ ದಿತಾ’ ಮ್ಹಳ್ಳೆಂ ಲೇಖನ್ಯ್ ಪ್ರಸ್ತುತ್ ಜಾಲೆಂ.
ಪುಣ್ ಹ್ಯಾ ಉಪ್ರಾಂತ್ ಮ್ಹಜಾಚ್ ಸಾಹಿತಿಕ್ ಅಧ್ಯಯನಾ ಖಾತಿರ್ ಥೊಡೊ ತೇಂಪ್ ಹೆಂ ಕಾಮಾಸಾಳ್ ಚಲ್ಲೆಂನಾ. ಪುಣ್ ಕೊಂಕ್ಣಿ ಅಭಿಯಾನ್ ಸಮಿತಿಚೊ ವಾವ್ರ್ ಮಾತ್ರ್ ಮುಖಾರುನ್ ಗೆಲೊ ಆನಿಂ ದುಸ್ರಿ ಸಮಿತಿಚಾ ವೆಳಾರ್ ’ಪರತ್ ಏಕ್ ಖುರ್ಸಾವಾಟ್’ ಮ್ಹಳ್ಳೆಂ ಲೇಖನ್ ಪ್ರಸ್ತುತ್ ಜಾಲೆಂ.
ಪುಣ್ ಹ್ಯಾ ಉಪ್ರಾಂತ್ ಕಾಮಾಚಾ ರಾಟಾವಳೆ ಮಧೆಂ ಥೊಡೊ ವೇಳ್ ಹಾಂವೆಂ ಮ್ಹಜೆಂ ಅಧ್ಯಯನ್ ಚಾಲು ದವರ್ಲೆಂ ತರ್ಯೀ ಕಸಲಿಂಚ್ ಕಾಮಾಸಾಳಾಂ ದವ್ರುಂಕ್ ಸಾಧ್ಯ್ ಜಾಲೆಂನಾ. ಹೆಚ್ಚ್ ವೆಳಾರ್ ಮ್ಹಜೊ ವೇಳ್ ದಾಯ್ಜ್ ಅಂತರ್ಜಾಳಿಚೆರ್ ಗೆಲೊ ಆನಿಂ ಹೆರ್ ಭಾಸಾಂಚಾ ಕವಿತಾಂಕ್ ಅಧ್ಯಯನ್ ಕರ್ಚೆಂ ಕಾಮ್ ಹಾತಿಂ ಧರ್ಲೆಂ. ಹೆರಾಂಚೆಂ ವಿಚಾರ್ ಸಮ್ಜತಾನಾ ಅಪ್ಲ್ಯಾ ಮತಿಂತ್ ಆಸ್ಚೊ ಕಾಳೊಕ್ ಇಲ್ಲೊ ಇಲ್ಲೊಸೊ ಪಯ್ಸ್ ಗೆಲೊ. ಪುಣ್ ಹಿ ಏಕ್ ಪ್ರಕ್ರಿಯಾ ಆನಿಂ ಹಿ ಪ್ರಕ್ರಿಯಾ ಚಲುಚ್ ಆಸಾಜಯ್ ಆನಿಂ ಹೊಚ್ಚ್ ಫಾಯ್ದೊ ಹೆರಾಂನಿ ಜೊಡಿಜಾಯ್ ಮ್ಹಳ್ಳೆಂ ಮ್ಹಜೆಂ ಚಿಂತಾಪ್.
ಕವಿತಾಪಾಠ್:
ಅಶೆಂ ಚಲೊನ್ ಆಯಿಲ್ಲ್ಯೊ ಹ್ಯೊ ಮಯ್ನ್ಯಾಳ್ಯೊ ಮಾಂಚಿ, ಕೊಂಕ್ಣಿ ಕವಿತಾಂಕ್ ನವೆಂ ರೂಪ್/ಅರ್ಥ್ ದಿಂವ್ಚಾ ದಿಶೆನ್ ’ಕವಿತಾಪಾಠ್’ 2005 ಇಸ್ವೆಚಾ ಫೆಬ್ರೆರ್ 11 ತಾರಿಕೆರ್ ಸುರ್ವಾತ್ ಜಾವುನ್ ಆತಾಂ ಅರ್ಥಾಭರಿತ್ ರಿತಿನ್ ಚಲೊನ್ಂಚ್ ಆಸಾ. ಹ್ಯಾ ಕವಿತಾಪಾಟಾಚೆರ್ ಸಕಯ್ಲೆ ತೀನ್ ಭಾಗ್ ಆಸಾತ್;
ಪಯ್ಲೊ ಭಾಗ್:- ಕವಿತಾಪಾಠ್ ಅಧ್ಯಯನ್: ಹರ್ಯೆಕಾ ಅಧ್ಯಯನಾಕ್ ಏಕ್ ಕವಿತಾ ವಿಂಚುನ್ ಸರ್ವ್ ಸಾಂದ್ಯಾಂಕ್ ದಿತಾಂವ್. ಎಕೆಕ್ಲೆ ಸಾಂದೆ ಅಪಾಪ್ಲೆಂ ಅಧ್ಯಯನ್ ಲೇಖನ್/ಪ್ರಭಂಧ್ ಕವಿತಾಪಾಠಾಚೆರ್ ಪ್ರಸ್ತುತ್ ಕರ್ತಾತ್, ಉಪ್ರಾಂತ್ ಹಾಂಚೆಂ ಜೊಕ್ತೆಂ ಸಂಪಾದನ್ ಕರ್ನ್ ಪರ್ಗಟ್ ಕರ್ತಾಂವ್.
ದುಸ್ರೊ ಭಾಗ್:- ಬೂಕ್ ಸಮೀಕ್ಶಾ: ಆಯ್ಲೆವಾರ್ ಕೊಂಕ್ಣೆಂತ್ ಪರ್ಗಟೊನ್ ಆಯಿಲ್ಲ್ಯಾ ಜೊಕ್ತ್ಯಾ ಕವಿತಾಜಮ್ಯಾಚೆರ್, ನಮ್ಯಾರ್ಲ್ಲೊ ಎಕ್ಲೊ ಅಧ್ಯಯನ್ ಕರುನ್ ಏಕ್ ಸಮೀಕ್ಶಾ ಲೇಖನ್ ತಯಾರ್ ಕರ್ನ್ ಪ್ರಸ್ತುತ್ ಕರ್ತಾ. ತಶೆಂಚ್ ಸರ್ವ್ ಸಾಂದೆ ಎಕಾಮೆಕಾ ಸಂವಾದ್ ಚಲಯ್ತಾತ್.
ತಿಸ್ರೊ ಭಾಗ್:- ಕವಿತಾಗೋಷ್ಟಿ: ಸಾಂದ್ಯಾಂನಿ ಆಯ್ಲೆವಾರ್ ಬರಯಿಲ್ಲಿಂ ಕವಿತಾ ಎಕಾಮೆಕಾ ವಾಚುನ್ ಸಾಂಗೊನ್ ತಾಂಚೆರ್ ಸವಾಲ್-ಸಂವಾದ್ ಚಲಂವ್ಚೊ.
ಕಾಮಾಸಾಳಾಂತ್ ಫಾಯ್ದೊ ಕಸಲೊ?
ಹೆಂ ಸವಾಲ್ ಆಪಾಪ್ಲ್ಯಾ ಚಿಂತ್ಪಾಪ್ರಕಾರ್ ಆಸಾ, ಸಾಹಿತಿಕ್ ವಿಶ್ಯಾಂಚೆರ್ ವಿಶ್ಲೇಷಣ್ ಕೆಲ್ಲಿಂ ಲೇಕನಾಂ ಖಂಡಿತ್ ಜಾವ್ನ್ ನವೆಂ ಚಿಂತಾಪ್ ಉದೆಶೆಂ ಕರ್ತಾತ್. ಬರೆಂ-ವಾಯ್ಟ್ ಸಮ್ಜೊಂಕ್ ಕುಮೊಕ್ ಕರ್ತಾತ್. ಪುಣ್ ಹ್ಯಾ ಖಾತಿರ್ ಎಕ್ಲ್ಯಾ ದೊಗಾಂನಿ ಜಾಯ್ತಿ ಮಿನತ್ ಕರ್ಚಿ ಗರ್ಜ್ ಆಸಾ, ಅಪ್ಲೊ ವೇಳ್ ಖರ್ಚುನ್, ಜಾಯ್ತಿಂ ಲೇಕನಾಂ ವಾಚುನ್ ವಿಶ್ಲೇಷಣ್ ಲೇಕನ್ ತಯಾರ್ ಕರುಂಕ್ ಆಸಾ ಆನಿಂ ತೆಂ ಕಾಮ್ ವ್ಹಡಾ ಹುಮೆದಿನ್ ಕೆಲ್ಲ್ಯಾ ಮ್ಹಜ್ಯಾ ಸಾಹಿತ್ಯಾಚೆರ್ ಜಾಯ್ತೊ ಸುಧ್ರಾಪ್ ಆಯ್ಲಾ ಮ್ಹಳ್ಳೆಂ ಪರ್ಗಟ್ ರಿತಿನ್ ಒಪುನ್ ಘೆಂವ್ಕ್ ಮ್ಹಾಕಾ ಕಾಂಯ್ ಕಸಲಿಚ್ ದಾಕ್ಷೆಣ್ ನಾ.
ಹಾಚೊ ಆದಾಯ್-ಖರ್ಚ್ ಕೊಣಾಚೊ?
ಹ್ಯಾ ಮಯ್ನ್ಯಾಳ್ಯಾ ಕಾಮಾಸಾಳಾಕ್ ಅರ್ಥಾಭರಿತ್ ಜಾಂವ್ಚಾಕ್ ಮಿನತ್ ಮಾತ್ರ್ ನ್ಹಂಯ್, ಹ್ಯಾ ಕಾಮಾಸಾಳಾಚಿ ಖಬಾರ್ ಹೆರಾಂಸವೆಂ ವಾಂಟುನ್ ಘೆಂವ್ಚಾಕ್ ತಸ್ವೀರ್ಯೊ ಕಾಡ್ಚೊ, ಉಪ್ರಾಂತ್ ವರ್ದಿ ತಯಾರ್ ಕರ್ಚಿ, ವರ್ದಿ ಧಾಡ್ಚಿ ಹೆಂ ಸಗ್ಳೆಂ ಕಾಮ್ ಆನಿಂ ಮಿನತ್ ಹಾಂವ್ಂಚ್ ಎಕ್ಲೊಂ ಕರ್ತಾಲೊಂ ಮ್ಹಜಾಚ್ಚ್ ಬೊಲ್ಸಾಂತ್ಲೆ ಪೊಯ್ಶೆ ಘಾಲುನ್. ಹ್ಯಾ ಕಾಮಾಸಾಳಾಂನಿ ಯೆತೆಲ್ಯಾಂನಿ ಕಸಲೆಂಚ್ ದೆವೆಂ ದೀಂವ್ಕ್ ನಾ.
ಥೊಡ್ಯಾಂಕ್ ಅಪ್ಲ್ಯಾಚ್ ಖರ್ಚಾರ್ ಹ್ಯಾ ಕಾಮಾಸಾಳಾಕ್ ಯೇಂವ್ಕ್ ಸಾಧ್ಯ್ ಜಾತಾ ತರ್ಯೀ ಥೊಡ್ಯಾಂಕ್ ಮನ್ ಆಸ್ಲ್ಯಾರ್ಯೀ ಸಾಧ್ಯ್ ಜಾಯ್ನಾ ದೆಕುನ್ ತಾಂಕಾಂ ಆಪವ್ನ್ ಹಾಡ್ಚೆಂ - ಪಾಂವ್ಚೆಂ ಕಾಮ್ಯೀ ಹಾಂವೆಂಚ್ ಕೆಲಾಂ/ಕರುನ್ ಆಸಾಂ. ಹ್ಯಾ ಕಾಮಾಸಾಳಾಂತ್ ವಾಂಟೊ ಘೆತೆಲ್ಯಾಂಕ್ ಫಕತ್ತ್ ಸಾಹಿತ್ಯಾಚಿ ವ್ಹೋಡ್/ಆಸಕ್ತ್ ಆಸ್ಲ್ಯಾರ್ ಪುರೊ. ಹೆಂ ಕಾಮಾಸಾಳ್ ವೇಳ್ ಪಾಶಾರ್ ಕರ್ಚಾಕ್ ಆಸಾ ಕೆಲ್ಲೊ ಬಿಲ್ಕುಲ್ ನ್ಹಂಯ್ ದೆಕುನ್ ಹ್ಯಾ ಕಾಮಾಸಾಳಾಂತ್ ಖರ್ಚುಂಚೊ ವೇಳ್ ಅಪ್ಲ್ಯಾ ಸಾಹಿತಿಕ್ ಸುಧ್ರಾಪಾಕ್ ಉಪ್ಕಾರಾಕ್ ಪಡಾಜಯ್ ಮ್ಹಳ್ಳೆಂ ಆಮ್ಚೆಂ ಚಿಂತಾಪ್.
ಕವಿತಾಪಾಠ್ ಕಿತ್ಯಾಕ್ ಜಾಯ್?
ಕವಿತಾಪಾಠ್ ಮುಖಾಂತ್ರ್ ಕವಿತಾಂಚೆಂ ಚಡ್ ಅಧ್ಯಯನ್ ಕರುಂಕ್, ಬರೆ ವಿಚಾರ್ ಆಸ್ಚಿಂ ಕವಿತಾ/ಸಾಹಿತ್ಯ್ ರಾಚುಂಕ್ ಸಾಧ್ಯ್ ಜಾಲೆಂ ತರ್ ಆಮ್ಚೆಂ ಮಿಸಾಂವ್ ಸುಫಳ್ ಜಾಲೆಂ ಮ್ಹಣ್ ಲೆಖ್ತಾಂವ್.
ಕವಿತಾಚೆಂ ಅಧ್ಯಯನ್ ಕರ್ತಾನಾ ನವೆ ನವೆ ವಿಚಾರ್ ಉಭ್ಜಾಜಯ್, ಕೊಂಕ್ಣೆಂತ್ಲ್ಯಾ ಕವಿಂಕ್, ತಾಂಚ್ಯಾ ಚಿಂತ್ಪಾಕ್ ವಳ್ಕೊಂಕ್, ತಾಂಚೆ ವಿಚಾರ್ ಸಮ್ಜೊಂಕ್ ಅಶೆಂ ಆಮ್ಚಾ ಚಿಂತ್ಪಾಚಿ ವ್ಹಾಡಾವಳ್ ಕರ್ಚಾ ಇರಾದ್ಯಾನ್ ಅಸಲಿಂ ಅಧ್ಯಯನಾಂ ಭೋವ್ ಗರ್ಜೆಚಿಂ. ತೆದ್ನಾಂ ಮಾತ್ರ್ ಆಮಿಂ ಸೃಜನಾತ್ಮಕ್ ಸಾಹಿತ್ಯ್ ರಚುಂಕ್ ಸಕ್ತಾಂವ್ ಮ್ಹಳ್ಳೆಂ ಮ್ಹಜೆಂ ಚಿಂತಾಪ್ ಮಾತ್ರ್ ನ್ಹಂಯ್ ಖರಿ ಪಾತ್ಯೆಣಿ ಜಾವ್ನಾಸಾ.
ಎದೊಳ್ ಪರ್ಯಾಂತ್ ಚಲಯಿಲ್ಲಿಂ ಮಯ್ನ್ಯಾಳಿಂ ಕಾಮಾಸಾಳಾಂ:
15 ನವೆಂಬರ್ 2002 - ದೆ|ಚಾ.ಫ್ರಾ.ದೆ’ಕೋಸ್ತಾಚಾ ಕವಿತಾಂಚೆರ್ ಸಂವಾದ್ ಆನಿ ಕವಿತಾಗೋಶ್ಟಿ. [ಜಾಗೊ: ಸಾಲ್ಮಿಯಾ, ಕುವೇಯ್ಟ್, ಚಲವ್ಪಿ: ವಲ್ಲಿ ಕ್ವಾಡ್ರಸ್]
22 ದಸೆಂಬರ್ 2002 - ದೆ|ಲುವಿಸ್ ಮಸ್ಕರೇನ್ಹಸಾಚಾ ಕವಿತಾಂಚೆರ್ ಸಂವಾದ್ ಆನಿ ಕವಿತಾಗೋಶ್ಟಿ.
25 ಎಪ್ರಿಲ್ 2003 - ಮೆಲ್ವಿನ್ ರೊಡ್ರಿಗಸಾಚಾ ಕವಿತಾಂಚೆರ್ ಪ್ರಭಂಧ್ ’ಯೆಯಾ ಕುಪಾಂ ಝಡವ್ಯಾಂ’
27 ಜೂನ್ 2003 - ಕೊಂಕ್ಣಿ ಪತ್ರಾಂನಿ ವಿಮರ್ಸೊ - ಏಕ್ ಆಟೊವ್ - ಸಂವಾದ್ ಆನಿ ಕವಿತಾಗೋಶ್ಟಿ.
04 ಜುಲಾಯ್ 2003 - ದೆ|ಎ.ಟಿ.ಲೊಬೊಚಾ ಸಾಹಿತ್ಯಾಚೆಂ ಅಧ್ಯಯನ್ ಲೇಖನ್ - ಸಂವಾದ್ ಆನಿ ಕವಿತಾಗೋಶ್ಟಿ.
08 ಅಗೋಸ್ತ್ 2003 - ಕೊಂಕ್ಣಿ ಅಭಿಯಾನ್ ಸಮಿತಿಚೆಂ ಉಗ್ತಾವಣ್ ಲೇಖನ್.
05 ಸಪ್ತೆಂಬರ್ 2003 - ಕೊಂಕ್ಣಿ ವಾವ್ರಾಚೆರ್ ಲೇಖನ್.
12 ನವೆಂಬರ್ 2004 - ಕೊಂಕ್ಣಿ ಅಭಿಯಾನ್ ಸಮಿತಿಚೆಂ ಉಗ್ತಾವಣ್ ಲೇಖನ್.
11 ಫೆಬ್ರೆರ್ 2005 - ಕವಿತಾಪಾಠ್ - 1 [ಕವಿತಾ: ವಾಟ್, (ಮೆಲ್ವಿನ್ ರೊಡ್ರಿಗಸ್, ವಾಟ್, 2003, ಕವಿತಾ ಪಬ್ಲಿಕೇಶನ್ಸ್)].
11 ಮಾರ್ಚ್ 2005 - ಕವಿತಾಪಾಠ್ - 2 [ಕವಿತಾ: ಕಯ್ದ್ಯಾಚಿ ಕವಿತಾ, (ಎಚ್ಚೆಮ್, ಕಯ್ದ್ಯಾಚ್ಯೊ ಕವಿತಾ, 2004, ಆಶಾವಾದಿ ಪ್ರಕಾಶನ್)].
15 ಎಪ್ರಿಲ್ 2005 - ಕವಿತಾಪಾಠ್ - 3 [ಕವಿತಾ: ಸಲ್ವಣ್, (ಫ್ರೆಡ್ ಕುಮಾರ್, ವೊವ್ಳಾಂ, 1990, ಪ್ರಕೃತಿ ಪ್ರೀತ್ ಪ್ರಕಾಶನ್)].
13 ಮಾಯ್ 2005 - ಕವಿತಾಪಾಠ್ - 4 [ಕವಿತಾ: ಆಜ್, (ವಲ್ಲಿ ಕ್ವಾಡ್ರಸ್, ಕಟ್ಪುತ್ಳಿ, 2004, ಆಶಾವಾದಿ ಪ್ರಕಾಶನ್)].
10 ಜೂನ್ 2005 - ಕವಿತಾಪಾಠ್ - 5 [ಕವಿತಾ: ಬಾಂಯ್, (ಆಂಡ್ರು ಡಿ’ಕುನ್ಹಾ, ವ್ಹಾಳೂ ವ್ಹಳೂ ವ್ಹಾಳ್ ವ್ಹಾಳ್ಯಾ, 2004, ಆಶಾವಾದಿ ಪ್ರಕಾಶನ್)].
08 ಜುಲಾಯ್ 2005 - ಕವಿತಾಪಾಠ್ - 6 [ಕವಿತಾ: ಮ್ಹಜೊ ದಿವೊ, (ಮೌರಿಸ್ ಶಾಂತಿಪುರ, ಕಿರಾ ಬೋಂಚ್, 1991, ಪ್ರಿಯಾ ಪ್ರಕಾಶನ್)].
12 ಅಗೋಸ್ತ್ 2005 - ಕವಿತಾಪಾಠ್ - 7 [ಕವಿತಾ: ಮನಿಸ್ ಮ್ಹಣ್ಜೆ ಕಿತೆಂ, (ಲುವಿಸ್ ಮಸ್ಕರೇಞ್, ಅಬ್ರಾಂವ್ಚೆಂ ಯಜ್ನ್ದಾನ್, 1987, ಪ್ರಗತಿ ಪ್ರಕಾಶನ್)].
09 ಸಪ್ತೆಂಬರ್ 2005 - ಕವಿತಾಪಾಠ್ - 8 [ಕವಿತಾ: ದರ್ಯಾಕ್ ಉಜೊ ಪೆಟ್ಲಾ, (ಚಾ.ಫ್ರಾ.ದೆ’ಕೋಸ್ತಾ, ಸೊಂಶ್ಯಾಚೆ ಕಾನ್, 1990 ಪ್ರಗತಿ ಪ್ರಕಾಶನ್)].
14 ಅಕ್ತೋಬರ್ 2005 - ಕವಿತಾಪಾಠ್ - 9 [ಕವಿತಾ: ಭಿತರ್ಲೆಂ ತುಫಾನ್, (ಜೆ.ಬಿ.ಮೊರಾಯಸ್, ಭಿತರ್ಲೆಂ ತೂಫಾನ್, 1984, ಪುನವ್ ಪ್ರಕಾಶನ್)].
09 ದಸೆಂಬರ್ 2005 - ಕವಿತಾಪಾಠ್ - 10 [ಕವಿತಾ: ದೇವ್ ಎಕ್ಸುರೊ, ಕವಿ: ವಲ್ಲಿ ವಗ್ಗ, ಬೂಕ್: ಮೊತಿಯಾಂ ಆನಿ ತಾರಾಂ (2005, ಆಶಾವಾದಿ ಪ್ರಕಾಶನ್)].
13 ಜನೆರ್ 2006 - ಕವಿತಾಪಾಠ್ - 11 [ಕವಿತಾ: ಬಾಪಾಚೆಂ ಘರ್, ಕವಿ: ರೋಬರ್ಟ್ ಫೆರ್ನಾಂಡಿಸ್, ಬೂಕ್: ಮೊತಿಯಾಂ ಆನಿ ತಾರಾಂ (2005, ಆಶಾವಾದಿ ಪ್ರಕಾಶನ್)].
10 ಫೆಬ್ರೆರ್ 2006 - ಕವಿತಾಪಾಠ್ - 12 [ಕವಿತಾ: ಏಕ್ ಉಲೊ, ಕವಿ: ಎ.ಟಿ.ಲೊಬೊ].
24 ಮಾರ್ಚ್ 2006 - ಕವಿತಾಪಾಠ್ - 13 [ಕವಿತಾ: ದೋನ್ ದಿವೆ, (ಜೊಮೆಲ್ ಬೊಂದೆಲ್, ಮೊತಿಯಾಂ ಆನಿ ತಾರಾಂ, 2005, ಆಶಾವಾದಿ ಪ್ರಕಾಶನ್)].
21 ಎಪ್ರಿಲ್ 2006 - ಕವಿತಾಪಾಠ್ - 14 [ಕವಿತಾ: ಸೊಧ್ನಾಂ, (ಮೆಲ್ವಿನ್ ಜೆ. ವಾಸ್, ಮೊತಿಯಾಂ ಆನಿ ತಾರಾಂ, 2005, ಆಶಾವಾದಿ ಪ್ರಕಾಶನ್)].
18 ಆಗಸ್ಟ್ 2006 - ಕವಿತಾಪಾಠ್ - 15 [ಕೊಂಕ್ಣೆಂತ್ ಗಜ಼ಲಾಂ - ಗಜ಼ಲಾಂಚೆರ್ ಏಕ್ ಆಧ್ಯಯನ್].
15 ಸಪ್ತೆಂಬರ್ 2006 - ಕವಿತಾಪಾಠ್ - 16 [ಕೊಂಕ್ಣಿ ಬುಕಾಂಚೆರ್ ಏಕ್ ನದರ್ - ಸಂವಾದ್, ಆನಿ ಬೂಕ್ ಸಮೀಕ್ಶಾ].
03 ನವೆಂಬರ್ 2006 - ಕವಿತಾಪಾಠ್ - 17 [ಕವಿತಾ: ಹಾಂವ್ ಯೆತಾಂಗೊ ಘಾಟಿ ದೆಂವೊನ್, (ವಿಲ್ಫಿ ರೆಬಿಂಬಸ್)].
24 ನವೆಂಬರ್ 2006 - ಕವಿತಾಗೋಷ್ಟಿ ಆನಿ ಮೆಲ್ಕಿ ಹೊಸ್ಪೇಟಾಕ್ ಮಾನ್ [ಅಧ್ಯಕ್ಶ್ಪಣ್: ಮೆಲ್ವಿನ್ ಜೆ. ವಾಸ್ ಕೆಲರಾಯ್].
19 ಜನೆರ್ 2007 - ಕವಿತಾಪಾಠ್ - 18 [ಕವಿತಾ: ಎಕಾ ಕಾಳಾರ್ ಮ್ಹಜೆಂ ಮಂಗ್ಳುರ್, (ಸಿಜ್ಯೆಸ್ ತಾಕೊಡೆ, ಮೊತಿಯಾಂ ಆನಿ ತಾರಾಂ, 2005, ಆಶಾವಾದಿ ಪ್ರಕಾಶನ್)].
16 ಫೆಬ್ರೆರ್ 2007 - ಕವಿತಾಪಾಠ್ - 19 [ಕವಿತಾ: ವಾಸ್ತವ್, (ಆನ್ಸಿ ಪಾಲಡ್ಕಾ, ಯೇಗೋ ಬಾಯೆ, 1995, ರಾಕ್ಣೊ ಪ್ರಕಾಶನ್)].
16 ಮಾರ್ಚ್ 2007 - ಕವಿತಾಪಾಠ್ - 20 [ಕವಿತಾ: ಕಾಳಿಜ್, (ಎಡ್ವಿನ್ ಜೆ. ಎಫ್, ಶಿಂಪಡ್ಲೆಲಿಂ ಮೊತಿಯಾಂ, 2007, ಆಶಾವಾದಿ ಪ್ರಕಾಶನ್)].
20 ಎಪ್ರಿಲ್ 2007 - ಕವಿತಾಪಾಠ್ - 21 [ಕವಿತಾ: ಚಾಮ್ಡ್ಯಾ ವ್ಹಾಣೊ, (ಸನ್ನು ಮೊನಿಜ್, ಶಿಂಪಡ್ಲೆಲಿಂ ಮೊತಿಯಾಂ, 2007, ಆಶಾವಾದಿ ಪ್ರಕಾಶನ್)].
25 ಮಾಯ್ 2007 - ಕವಿತಾಪಾಠ್ - 22 [ಕವಿತಾ: ನವಾಲ್, (ಮೆಲ್ವಿನ್ ಪಿಂಟೊ ನೀರುಡೆ, ಶಿಂಪಡ್ಲೆಲಿಂ ಮೊತಿಯಾಂ, 2007, ಆಶಾವಾದಿ ಪ್ರಕಾಶನ್)].
15 ಜೂನ್ 2007 - ಕವಿತಾಪಾಠ್ - 23 [ಕವಿತಾ: ದೇವ್ ಉಲಯ್ಲೊ, (ವಿಲ್ಸನ್ ಕಟೀಲ್, ಶಿಂಪಡ್ಲೆಲಿಂ ಮೊತಿಯಾಂ, 2007, ಆಶಾವಾದಿ ಪ್ರಕಾಶನ್)].
20 ಜುಲಾಯ್ 2007 - ಕವಿತಾಪಾಠ್ - 24 [ಕವಿತಾ: ಕವಿತಾ, (ಅವಿನಾ ಮಿಯಾರ್, ಶಿಂಪಡ್ಲೆಲಿಂ ಮೊತಿಯಾಂ, 2007, ಆಶಾವಾದಿ ಪ್ರಕಾಶನ್)].
17 ಅಗೋಸ್ತ್ 2007 - ಕವಿತಾಪಾಠ್ - 25 [ಕವಿತಾ: ಸ್ವಾದಿಕ್ ಸಾಕ್ರಾಮೆಂತ್, (ಲೋಯ್ಡ್ ರೇಗೊ, 2007)].
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
More in Daaiz
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.