"tujea toklek ani tujea kallzak sar‍kea dixent dourxi tor, tuka tuza pamyanchi khont korchi gorz na"

Kallzamni Namvam Khonchlim

Placeholder: the original page gave this picture no description, and none has been written yet. It came from daaiz\daaiz\column\editorial\editorial17.asp.

Voros : 2005

Moino : Novembor

Monxajinnyent sobhar hontam (Stages) asat, zo konn ekeka hontamni mukar cholonk sokana to ekachch hontar jinn‌bhor asta, zo konn hea hontamni mukar paulam kaddcha bodlak pattim paulam kaddtam to disan‌dis soklach demvta ani zo vekti pattim mukar pollenastam oplem misamv dhorun cholta, to matr zoitacho mukutt zoddunk pauta.

Somsarant jiemvcho konn‌y vekti opnnan khotteo korneo korun khotto monis zaun jiezai mhonn axena. Bogar opnnan bor‍yo korneo korn boro monis zaun jiezai mhonn axeta. Tor tuza motint ek soval yeunko puro, zor‌tor somsarant jiemvcho sogllo lok bor‍yo korneo adharcho boro monis tor hea somsarant patkam kiteak? kiteak dusmankai? kiteak rag-dhvex, farikponnacho uzo? kiteak zhogddim-zhuzam? kiteak on'nyai onit?

sovalam zaitim asat, punn tanchi zap‌y bhovo sompi; somsarant sogllim borim kamanch kortat. Punn tim ’borim’ kamam tea tea vekticha chintpacher hondvon asa. Zoxem amim chintamv ’tuka guneamv kel'leak bhogxi’, techch porim heram chintunk sokanant, dolleak dollo, dantak dant mholl'llim totvam dourn jiemvcha tankam tancher on'nyai kel'leank jivexim marchench nit. Ani somsarant oxanti asa tor‌y hechch karannank lagon.

Amim boroupi, amchem hater borap. Punn hea haterak gheun somajent fokot't boromvn oplem kam' sompomvchench tor hachaki mukhlim paulam kaddchim konnem? somajent fokot't boroupi jienant ya jietelim soglle boroupi nhoi. Tor amcha somajent kosttamni, piddent vollvollon jieteleank adhar konne dimvcho?

prayest auy-bapaik jednam tanchim burgim sanddtana konnem tanka asro dimvcho? onat ballxim khochrea ddobbeamni, anat burgim rosteamni got adhar nastana poddon astana konnem tanchi zoton ghemvchi?

dhorm'‌dhutancha kriteant ascha vachpaprokar ’ami fokot't rostear himvan ankuddn ascha bhikar‍yak tum borem nes ani boro za hamv tujepasot magtam’ mhollem tor hi hipokresi nastana ani kitem? ho niz husko nhoi.

Niz husko ho zaunasa opunn tea himvant ankuddchak pangrunk kitem-i diunko soktam tor. Tea khatir opnnan opnnachi ast-bodik vikizai mhonn na. Fokot oplea tanki bhitorlem borem mon dhakhoilear matr puro.

Punn konnak amkam vell asa? konnak hi tokli foddafodd zai? ani konnak‌y osolim kamam korunk vechem polletana kitlea sorv ritimni tacha vatter khantte uddounko dhorinamv? kurleanchi somaz amchi - ami zaun korinamv, heramni korchem-i polleunko sokanamv. Hechch somajen jezuk khursayil'lo tor, sam|tomosak fatrailo tor, modor teresak okman kelo tor heram konn ani kitem?

tor‌y jinnyecha hontamni amchim paulam dhridd‌ch dekun osolea khonchai ovmanank aikon roddon boschem hont kednangi utron ayil'lea amkam osolea songteamni kosoloch forok poddana, fokot amchem chintap itlench;

’mitt khel'leak udak pieunko astelench!’. Hostin cholon vetana vatter pette ghonktat dekun ti host rautave? va host tea petteank lekhtave?

kitlexe somsthe amcha somajent asat, kitlexea firgojecha bhandpamni tannim hozar/lakhamni duddu dan dila, kitlexea duda-fatramni tanchim namvam khochleant, kitlexea soviniyoramni tancheo tosvir‍yo sobhleat, tor‌y osolem kam' korchancha kamank pollemvchi dixtt kitlexeank asa mholl'llem vhodd soval ubhem zata. Bore irade aslear te jeari korunk kosolech somsthe gorjeche nhoi mholl'lleak bhouxa ho vixex onko ek rujvat.

Tor‌y amcha misamvant amim amchesovem cholcha hor‌yekleak mayamogan, khalteponnan svagot kela anim tacho porinnam' zaun az ho poilo daiz vixex onko ami divo potrasovem kaddunk mukhar sorleamv. Daiz khonchai vektichi, pranteachi vo somstheachi ast-vost nhoi astam hantum kosoley ’gar’ promuk aschenant, bogar sogllim amim ekvottit zaun ho vaur kortana amcha misamvant, zaiteamni kallzathaun sohokar-pattimbo-adhar dila anim tankam hamv daiz pongddacha namvim upkar bauddunk favo, moskotantlea borpi mitrank, dubhayantlea daijink, bahreynantlea konknni kuttmak, kuveyttantlea, khotarantlea, omerikantlea toxench somsarantlea hor‌yeka prantyntlea konknni mha-zonnank tannim dil'lea pattimbeacho foll zaunasa ho fuddlod daiz vixex onko 2005.

Hea vixex onkeak borpam divun, poxok zavun, istiharam divun pattimbo dil'lea sorvank hamv devachim vinchnnar axirvadam magtam. Devo tankam borench korum.

Hea vixex onkhea mukhantr ek vixex irado ami asa kel'lo ani to irado bhovo sufoll zalo mhonn kollounko mhaka bhiman bhogta. Divo potracha sompadokak manest larens kuvelhok toxench potracha monddollik ho aukas favo korun dil'leak hamv orgam diunko favo.

Hea amcha misamvacha zoitant vantteli zal'lea sorvanchim namvam khonddit zaun edoll‌ch khonchleant. Nhoi duda fatramni, bogar sion axreant piddent vollvollcha ekeka piddestancha kallzamni. Hench amchem misamv.

Devo borem korum,

bhovo khalteponnim,
Valley Quadros, Ajekar
(daiz-divo vixes onkeant boroyil'lem sompadoki-i)